劉興記生煎包專門店

營業中

休息中

元朗朗屏俊賢坊新開咗間劉興記生煎包，見到menu 都幾抵食，咁岩有位就入去試下。生煎包可以跟套餐或者散叫，套餐會免費送一杯豆漿。另外，餐廳仲有多款上海小食。😋📌皇牌套餐2: 麻醬手撕雞絲粉皮+ 生煎包2隻 $54 📌皇牌套餐3: 鮮雞湯小雲吞12粒 + 生煎包2隻 $54生煎包係即叫即整，店員上菜時都十分貼心提醒小心熱同爆汁😆 生煎包面煎得金黃香脆，個底灑滿黑芝麻，賣相已經十分靚仔，一咬開入面果然皮薄餡靚，爆多肉汁！🤩麻醬手撕雞絲粉皮配有大量青瓜絲，麻醬好香花生味，粉皮十分掛汁，食落好爽口清新，啱晒夏天咁熱嘅天氣食😋鮮雞湯小雲吞細細粒，一啖一粒易入口😆📌手工豆沙鍋餅 $28外皮金黃香脆，加上滿滿嘅豆沙餡，甜度適中，飯後甜點一流😍

有好多嘢試過就返唔到轉頭，😃我都係，如果要數到CP值高，又爆汁嘅生煎包，我會揀呢間。一人套餐：我揀咗🐔雞絲粉皮配兩隻🥟鍋貼。雞絲粉皮個麻醬鹹鹹甜甜，味道濃郁，好香芝麻味，而個😋粉皮又軟又滑，口感煙靭，唔係爽口嘅質感，而啱啱好我就係鍾意呢種滑滑地嘅質感。雞絲同🥒青瓜份量都啱啱好。唔多唔少，但佢個份量其實都幾多，以我嘅食量我要同我個仔share😃。另外我揀多咗四隻🥟生煎包，即係前後一共六隻，底皮係脆，面頭有d🖤黑芝麻，咬開個面，啲湯汁多到爆曬出嚟！💦啜晒啲湯汁之後，加啲醋去解油膩，好食好食🤤🤤🤤其實我仲有好多嘢想食㗎，不過我食量太少，仲有小籠包同鹹肉菜飯我係想食，唯有留返下次啦！呢間嘢我已經唔係第一次幫襯，以前喺舊舖嘅時候剩係得🥡外賣，而家有得堂食，真係方便好多！🤤

今日食既呢間位於元朗既生煎包店, 位置都幾方便就係街市入面入面既位唔多, 但係到6點幾已經坐左好多人有不同既食物可以選擇, 包括菜飯, 湯面, 生煎包等等我點左既係排骨蔥油拌麵排骨同我想像中既好不一樣排骨係炸既, 而且冇骨薄薄的一片, 但係勁香口拌麵濃濃的醬汁, 加上Q彈既麵質地撈埋一齊食超香口, 而且價錢都唔貴, 可以ENCORE重點生煎包超超超熱, 即點即煎的所以都差不多食哂個麵先上菜底係煎到勁香脆, 而入面真係爆汁的!!汁好香同鮮味, 連埋包肉食有少少似食緊小籠包但係煎到勁香的

爆汁生煎小籠, 正宗上海點心『上海排骨湯麵、生煎包(1隻)配凍豆漿』HK$54酥炸排骨壓成超薄狀態, 口感酥脆✨湯充滿炸蔥油味, 配白身麵食剛好!『麻醬手撕雞粉皮、生煎包(2隻)配凍豆漿』HK$54雞絲係手撕, 口感不一樣📣麻醬夠濃郁, 仲可以多醬😍粉皮用左卷曲形, 更加掛醬🫂生煎包底部煎得香脆, 裡面多汁!!『原味小籠包(4隻)』HK$40小籠一樣多湯汁, 皮都薄身, 剛蒸起上枱, 好夠熱🔥📍元朗俊賢坊18號權益大樓地下15號舖

一下子被掃版嘅生煎包專門店😳 睇住佢裝修，既然咁紅，緊係要試試😆S2 麻醬手撕雞絲粉皮＋生煎包2隻 $54天口熱真係無乜胃口，我會食涼拌，份量唔少，有好多青瓜絲，清爽開胃。生煎包有原味及蟹黃，套餐就跟原味，2隻點夠喉，所以單點多隻蟹黃味$18/隻。原味已經爆哂汁，其實佢係屁股向上再灑上芝麻，所以面簿，而底做返厚底少少等佢無咁易穿，煎到個底脆增加口感。蟹黃就更加濃郁，$18/粒唔平，但真材實料，蟹黃蟹肉真係填滿內餡，湯水同樣咁多，食落滿滿口感！

途經朗屏去買野，一落天橋，見到有間舖賣生煎包，又有豆漿，小籠包個d,賣，入去試下無壞。我地一行四個人，叫左三個套餐，再散叫d,野。1號餐：上海排骨湯麵+1隻生煎包上海麵正常貨色，唔會太淋，有d口感。炸豬扒唔厚粉，炸得幾好，又唔柴。3號餐： 鮮雞湯小雲吞（12粒）1隻生煎包小雲吞細細粒，易入口，個雞湯幾好飲，唔會係味精湯。4 號餐迷你雞絲酸辣湯+生煎包6隻 酸辣湯，唔會太酸，用料充足，較濃，帶小小辣，都唔錯。三個餐夾埋有有九隻原味生煎包。生煎包確係出色，首先新鮮整起，夠晒熱，個底煎過下，小脆，陷料充足，入面仲要帶肉汁，包面有芝麻。真心食落都似九龍城名物牛肉餅。4隻蟹黃生煎包：同樣新鮮整起，夠熱，入面陷多左蟹肉，個包即刻升降，可以一試。4杯豆漿：豆味十足唔太甜小籠包：相對咁出色既生煎包情況下，叫作正常，有湯汁夠熱。

劉興記之前响電視睇到介紹，話佢用新鮮豬肉，以為灣仔果間嚟咗元朗，完全錯哂，人地米之蓮，無得比。都去試吓啦，雞絲粉皮好大碟，可以食得飽，但係啲醬太多，槳住個口；個小雲吞就真係好細粒，只係食粉皮無咩肉，粗制無口感唔滑，有2粿菜好食既；豬扒就可以唔食，個人最憎人豬扒粉皮多過豬扒，個人只係鍾情煎豬扒，豬扒唔合格；主角生煎飽都好食，無臭豬味，多汁好夠熱，食埋蟹粉生煎飽都夠味，唯獨係飽低食落太硬。至於食店環境就一般啦，充滿油煙味，店員仲更加唔得，收銀個女人就不知所謂，強調幾次你落單無按確定制所以未落單，我地轉咗位都唔查下啲單，只不斷責怪我地未按確定呀，佢入去整蟹粉，攞出嚟就同個食客講：拿！好低食架咁大碟，真心尼間店我係無下次囉，完全唔合格。

要數近期人氣爆燈嘅生煎包店 一定非劉興記莫屬😆 開業短時間內開左6間分店 今日我哋一於去元朗分店試吓😚 lunch hour去食 果然已經座無虛席🙌🏻 而且仲有唔少人買外賣除咗單點食物 另外仲有套餐 包埋飲品價錢都幾抵食👏🏻 我哋叫左2個套餐同2款單點食品：📌Set S2 麻醬手撕雞絲粉皮＋生煎包2隻真係要講咗生煎包先🤣 食嘅時候真係要好小心 一咬噴晒啲肉汁出嚟👅 生煎包底脆脆的 值得一試👏🏻 另外都要讚吓佢嘅麻醬 同平時食到嘅唔同 帶少少鹹味 非常惹味🤩 粉皮係細細卷嗰一款 可以沾到更加多麻醬 好正😋📌Set S3鮮雞湯小雲吞12粒＋生煎包2隻小雲吞size真係好小 一口一粒😚 湯底唔會好鹹 清清地唔錯👍🏻套餐仲可以配豆漿📌酥炸小雲吞12粒炸小雲吞又係另一種食法 相比之下我覺得炸小雲吞比較出色 炸得酥脆好味😋📌手工豆沙鍋餅好香口 豆沙餡料唔會太甜 兩個人share就啱晒🌟

「吉祥冰室」已經變身為全新的「上海菜劉興記」,雖然店面陳設差不多，但餐牌全面改變,給食客帶來了一番全新的美食體驗。首先,S1的「上海排骨湯麵 + 生煎包(1隻)配(凍)豆漿」以54港元的價格提供了一份可口而又飽腹的午餐選擇。排骨脆、大大份，生煎包爆汁，湯麵正常發揮。其次,S2的「麻醬手撕雞粉皮 + 生煎包(2隻)配(凍)豆漿」以同樣的54港元價格提供了一個清涼夏日的好選擇。揀左多醬,麻醬好香,粉皮彈彈，這無疑是一個開胃可口的搭配。生煎包仲要有兩隻，抵！最後,單點的「糖醋炸排骨菜飯」以46港元提供了一份家常美味的選擇。抵食,菜飯大大碗,糖醋炸排骨香酥,排骨半肥瘦。如果配餐的豆漿能夠較大杯,會更加完美。

之前食過荃灣店覺得個擔擔麵好食，成日想過去食，原來宜家愈開愈多分店，連元朗都有！有時夜晚想食平啲都可以去呢度！招牌生煎包 4隻 $30岩岩煎起，新鮮出爐熱辣辣！生煎包入面有好多湯汁，而且湯汁幾有肉味，建議趁熱食，因為個包比較厚身，凍左食會比較硬。蟹黃生煎包 2隻 $36蟹黃滿滿，同樣好多湯汁，湯汁仲有啲蟹既味，不過呢個可能放凍左，個包比較硬。小籠包 4隻 $40小籠包原來系早幾日先新出，可以話系生煎包蒸既版本，想無咁熱氣，可以揀小籠包，小籠包入面同樣都有湯汁，但因為size細啲，無生煎包咁多湯。擔擔麵 $42上次食完好味道，今次再encore！湯底同樣好濃，仲幾香蝦味，元朗店既味道都無變！上海排骨蔥油拌麵 $42蔥油拌麵夠乾身，吾會油淋淋，微微醬油同麻油香，不過有蔥加上去就更好。

呢排成日都聽到呢間劉興記生煎包 但係未食過 最近佢喺元朗開咗新店 今日夜晚我就去咗食❤️我哋叫咗兩個正常生煎包、兩個蟹粉生煎包、一個排骨蔥油撈麵、一個擔擔麵🔥🔥🔥首先講吓啲生煎包先 啲生煎包勁誇張，真係每個都爆汁 係爆得好勁下嗰隻😂😂😂🔥🔥🔥而且熱辣辣 我本人比較推介蟹粉生煎包 因為蟹粉味真係好濃😍又多汁😙😙😙超級正 排骨蔥油撈麵 蔥油好香😳😳😳排骨炸到好香口👍🏻👍🏻👍🏻 擔擔面好濃花生香 加埋面頭嘅肉碎 非常惹味🥳🥳最後加埋兩罐可樂埋單只係150幾蚊 非常抵食😊我覺得以呢個價錢嚟講 CP值勁高💕

最近發現俊賢坊多左間食生煎包既餐廳，就決定去試下✌🏻我地叫左個招牌生煎包、蟹皇生煎包、上海排骨菜飯、招牌擔擔麵同手工豆沙窩餅😛兩款生煎包都係一咬落去就會爆汁，個皮煎得啱啱好，夠脆✨蟹皇個款都好值得試，佢比起原味更加鮮美，個調味都啱啱好😗然後就係主食😗先講個排骨，佢係即刻炸起，口感外脆肉嫩，鍾意佢個肉質唔會炸到好乾身好鞋😬而個擔擔麵都幾特別，佢用左大量櫻花蝦黎做配料，所以食落會更加香口🙌🏻最後個豆沙窩餅都好好食，甜甜地，唔會好油膩😎整體黎講呢間餐廳性價比好高，一個飯都係四十蚊左右，仲要大份又好食，推介大家去食😬

食完Brunch 再會合兩位男士～去元朗食爆汁生煎包皆因要等呀肥收工～老豆同佢食high tea完唔夠飽咁我同媽咪當然奉陪啦！首先叫3個人氣熱賣皇牌套餐先S1 上海排骨湯麵+1隻生煎包 $54排骨皮脆肉juicy~麵條幾煙韌～S3 鮮雞湯小雲吞（12粒）+生煎包2隻 $54小雲吞一口一粒～雖然係迷你版但餡都幾多，唔錯S4 迷你雞絲酸辣湯+生煎包6隻 $59酸辣湯酸度適中～雞絲份量十足3個餐都配凍低糖豆漿～再另加一杯～因為兩位男士一啖就飲晒😆加上生煎包需要等20分鐘～我地再叫左原味小籠包$40/4隻＆4杯豆漿🙈小籠包皮唔算厚，亦唔會薄到一拎起就漏汁，剛好兜得住d湯汁，唔錯。4隻蟹黃生煎包 $72 同埋前面套餐9隻生煎包一齊嚟即叫即整所以大家食要小心，唔好太大啖真係辣咀🙈一咬開會見到好多汁浪下浪下，多汁過小籠包，肉餡都好多～蟹黃生煎包相對湯汁比原味少d，但鮮味搭夠，蟹黃亦好足料，我好鍾意😆食左咁多野都係3百幾蚊，平靚正之選，怪不得咁爆場店員好忙一腳踢～不過好有禮貌，亦都會推介下邊d多人食～見我地有兩個身型強壯～問我地卡位迫唔迫，使唔使調位，蛋糕亦比我地放住隔離位先，好有人情味🩷🩵

本身諗住叫散叫，但發覺佢地既皇牌套餐價更加便宜，即刻喊左一個麻醬手撕雞粉皮+生煎包套餐，仲送一杯豆漿（$54）招牌生煎包外型精緻，上面有少少芝麻同香蔥作點綴，未食已經聞到好香！本身我預左會爆汁，食得好小心，但都係爆汁爆左出黎🙈 皮薄肉滑，生煎包一面煎到香脆，連埋肉汁一齊食，簡直更上一層樓麻醬手撕雞粉皮夏日炎炎，最適合食涼爽既食品。麻醬濃郁順滑，好似有少少花生醬味道，配上青瓜絲，味道清新開胃。百步香蔥油餅（$28）香脆有層次，唔知係咪咁啱我食果件係邊角位，所以餡料相對較少，反而似食皮多過餡。但大體都唔錯！可能去既時候尚早未到晚市，所以顧客未算好多，價格相宜，值得一試。

速食好味之選👍🏻招牌生煎包(4粒） ＄30新鮮煎好，熱辣辣爆汁生煎包相當多肉汁，個外皮脆卜卜，入面豬肉調味相對較甜。蟹黃生煎包 ＄18 1粒蟹黃足料香氣撲鼻，內有好多黃油，好邪惡，好出色！一叫要叫兩粒先夠喉😉上海排骨湯麵 $42 炸排骨切好上碟，分成幾件，方便食用，外皮脆口，正常發揮👍🏻；湯麵清清淡淡，選用清湯，小朋友食都適合。*****No special discount offered by the resto*****ℳℯ𝓃𝓊