加點茶 (已結業)

今日去左西九龍中心行下， 重拾返少年輕時嘅回憶，去到5樓格仔舖有間賣野飲吾錯！大杯好飲又平！2杯都只係41元！因為第2杯半價！平時出面1杯都3尾4字元一杯！特別想支持一下小店！呢間叫加點茶！話雖細細間咁，不過佢都好多野飲選擇架！有沙冰，果汁，益力多，芝士奶蓋， 純茶，珍珠，鮮奶，黑塘等各款！我咁多揀左黑塘珍珠oreo奶茶, 好味！！飲落係珍珠奶茶，再加oreo味同埋個味道都好出！飲到d碎碎口感豐富！另外喜歡佢珍珠好食！吾會硬！ 軟熟得嚟有咬口 ！整杯味道吾會太甜，好好飲，平時我吾會飲得晒都飲晒！幾正！呢杯推介比大家！

係西九龍5樓買完野順便想tea下，經過間茶舖覺得佢都幾多款式，眼花撩亂😂比我spot到有芝士奶蓋好吸引！芋頭鮮奶芝士奶蓋（$32）首先緊係飲左奶蓋先！佢打得好厚而且芝士味好濃，其實佢唔算少，不過好似飲幾啖就飲曬好想再飲多d 因為太好飲🤣佢係用新鮮奶唔係UTH奶打～所以飲完d奶蓋之後再飲奶都仲飲到好Rich既感覺！而且佢有粒粒芋頭唔係用粉溝d芋頭味出黎，芋頭都好淋，咬落去好有口感，我叫左少糖覺得岩岩好，因為本身芋頭有甜味～呢個價錢我覺得好合理，足料而且味道不錯！不過佢唔算係D當眼地方，值得推薦，希望有更多人搵到佢！唔想飲奶茶仲有其他甜品小食同冷泡茶選擇～

手搖店已經遍布全港九新界，確係春夏秋冬嘅最佳飲品，而且夠晒多變化，單單係茶都已經可以有唔同嘅口味同埋配搭。 通常手搖茶店都係喺地舖為主，不過今次居然係一個極度人細嘅地方搵到有一間手搖店。🤭🤭🤭相信西九龍中心大家都去過，而且裏面都充滿咗好多食肆，不過如果喺5樓蘋果商場入面發現到手搖店又真係幾罕見，一個咁特別嘅位開咗間手搖店都幾令人好奇究竟味道係點樣呢🤔🤔🤔珍珠奶茶癮最近又發作所以直接叫杯奶蓋珍珠奶茶。 顏色上絕對夠晒啡，就同台灣奶茶好唔一樣，味道上呢就介乎台灣同港式奶茶嘅中間，係一個幾好嘅平衡點。 不過未插飲館之前就一定要品嚐一下上面嗰層芝士奶蓋，少少鹹而且有少少甜，清清地嘅感覺實在係神來之筆。 啲珍珠除咗夠晒亂之外亦都保持軟黏又夠晒韌勁，大小而且都算係適中，總括而言三樣元素加埋簡簡單單但又帶出同任何一間手搖質素差唔多嘅味道。 行過路過咁多間格仔鋪不妨抽下時間來感受一下人細神秘手搖店😈😈😙

好少去西九龍中心原來依邊有咁多親民小店經過見到依間加點茶 餐牌好清晰同吸引列曬所有飲品連圖片我叫咗杯奶蓋炭燒烏龍試吓奶蓋超厚 比一般手搖飲品店嘅份量多質地都幾濃厚creamy 咸味適中而炭燒茶底就有少少淡口 正常嘅烏龍茶味同期望中嘅炭燒感覺有少少出入不過整體味道係收貨嘅特別係佢嘅奶蓋好夠厚 攪勻飲時奶味好出岩曬我依啲鐘意奶滑口味嘅人另外見到依到仲有五穀米做嘅壽司小卷幾特別 感覺上好健康有機會要再黎試下仲有冷泡茶 預先製作好放入雪櫃

今日行開深水埗諗起好耐都冇去過深水埗地標既西九龍廣場，你到西九龍廣場梗係要行下呢度我最鍾意行嘅蘋果商場裏面有各式各樣嘅小店，咁蘋果商場有兩part一係5樓一part喺7樓，原來連六樓都開埋，行到五樓有啲口渴諗住上去美食廣場，睇下有咩嘢飲有咩嘢食，點知就畀我見到呢一間加點茶，佢租咗兩個舖位，有一啲小食同埋主力做茶飲，茶飲嘅選擇一啲都唔少一望一望嚇張圖就嚇死你，咁多種類。小食有一啲健康嘅小卷物，咁我最尾嗌咗杯oreo紅茶拿鐵，但係想加珍珠嘅時候原來珍珠已經賣曬，omg,,,講返杯茶，佢將oreo打碎咗再放喺個拿鐵入面，，，oreo味濃，但茶味不算出眾，，，但混合埋之後味道不錯，，如果有埋珍珠就更好，，呢個價錢同味道已經好難搵到甘高性價比，下次要再返黎試下個珍珠先

西九龍最近新開左一間主打台式飲品嘅小店喺蘋果商場入邊地方用咗兩個鋪位所以望落去感覺都幾大幾整齊飲品嘅種類選擇好多配搭亦都十分之多元化價錢方面亦都比較平民從喺圖片得知配料喺飲品上嘅比例都幾多落單嘅時候店員亦都非常之有禮貌亦都主動建議飲品同埋建議適當嘅甜度及冰道比例落咗單之後我哋留意到原來佢仲會有一啲卷物同埋冷泡茶可以買，望落去個樣都十分之唔錯原本我諗住試吓佢舖頭嘅招牌黑糖珍珠點知8:00去到已經賣晒😫最後我叫咗杯芝士奶蓋烏龍茶加寒天晶球奶蓋同晶球嘅比例非常之多，基本上係各三份一比例芝士奶蓋非常之鹹香，配上烏龍茶嘅配搭非常之夾，茶底底唔會過於苦澀另外寒天晶球非常之有咬口如果需要熱量控制嘅人可以用晶球取替珍珠，咁同樣都可以淺嘗台式飲品🤣🤣而朋友另外叫咗個Oreo奶茶沙冰佢話味道都唔錯

喺西九龍中心食完飯，有啲口渴，想買杯嘢飲。喺 5 樓蘋果商場見到有間叫「加點茶」嘅茶飲店，上 社交平台睇下，原來只係開左幾個月，網評都唔錯，一於試下。飲品選擇好豐富，共有 8 個系列， 除了招牌沙冰、珍珠外，還有精選純茶、鮮牛奶、黑糖、果汁、益力多同芝士奶蓋，定價由 $16-$33 不等，另外仲有仙草、椰果、蘆薈、寒天晶球等可供加配。店員服務態度非常之好，很樂意向客人詳細介紹各款飲品。據說店裡的飲料係採用原蔗糖同鮮牛奶製作，成份天然無添加，令人飲得更放心。點左杯黑糖珍珠奶茶沙冰 ($33)，呢杯飲品的冰度係固定嘅，冇得自選，不過味道真係唔錯。琥珀色的老虎紋，賣相超吸引。茶底甘香醇厚，珍珠 Q 彈順滑，嚼感十足，沙冰幼細綿密，唔會咬到一粒粒碎冰，加上焦香馥郁嘅黑糖，一杯帶來多重滋味，夠晒冰涼解渴。其實店舖仲有飯糰同韓式小卷供應，可惜啱啱食完飯，下次經過會買嚟試下。

好耐無去深水埗，約咗朋友喺黃金行咗一陣睇下啲電腦嘢，之後就去咗“西九龍中心”逛逛。行到上五樓，發現有一間新嘅珍珠奶茶舖，叫“加點茶”，作為奶茶控，就緊係要即刻買番杯試下啦！我試咗杯“紫薯鮮奶加珍珠”少甜少冰，竟然有驚喜，味道十分之唔錯，紫薯有紫薯味，鮮奶有鮮奶味，少甜又係真少甜嘅，唔會好似其他台灣加盟鋪咁少甜都太甜，個人十分喜歡！結論：支持本地良心小店，味道唔錯，可以返飲！廿幾蚊大大杯，一個字“抵”，有下次！

今日同女朋友行西九，突然心血來潮想飲肥仔水，然後係五樓豐澤隔離見到一間隱世小店，當我同我女朋友商量緊試唔試下嘅時候，見到都唔少人買，所以就決定一人買一杯！因為肥仔水真係抗拒唔到然後我哋買咗杯芋頭鮮奶加椰果同埋一杯巨峰葡萄綠茶加椰果，好驚喜，估唔到西九龍會出現咁高質嘅奶茶小店！首先講吓杯芋頭鮮奶，女朋友話杯芋頭鮮奶裏面真係有芋頭粒，軟綿綿超好食，唔會太甜，加埋椰果真係Perfect match。 然後我飲過杯巨峰葡萄綠茶加椰果，真係超級超級好飲，非常驚喜。佢唔似出邊啲舖頭咁冇咩味，反而佢個巨峰葡萄味好出，價錢有好平，性價比真係超高！非常推介比深水埗人 另外值得一讚嘅係，佢哋嘅店員好有禮貌，態度好好！！不過好可惜嘅係，佢哋舖頭嘅位置真係比較偏僻，超級隱世… 好難先發現到…

有一段時間冇嚟西九龍，估唔到開咗間性價比極高的奶茶舖。Menu上有好多選擇，想飲嘅都有，而且價錢亦出奇地親民咁我就嗌左杯芒果奶蓋，啲奶蓋飲洛口好滑好重奶蓋味，芝士味都好重 奶蓋黎講做得真係十分之出色而且甜度亦適中 芒果亦好鮮甜 份量亦都好足料 非常之推介另外個朋友就嗌左杯抹茶牛奶珍珠，抹茶味唔似其他店舖太淡，飲落口味道好濃郁 珍珠咬落口都好有口感 總括嚟講，以小店嘅水平來講呢間係做得十分之出色 下次有機會一定會再嚟試吓

前排行開蘋果商場，見到間新開嘅手搖飲品舖，就入咗去試吓，好有驚喜。飲品Menu選擇都好多！仲有啲好特別嘅飲品，例如Oreo奶茶沙冰，雲石芒果鮮奶沙冰。上次試過黑糖珍珠奶茶同仙草奶茶飲得出用料都係實在👍🏻👍🏻，茶底夠香～簡簡單單飲杯冷泡茶都好正！今次就飲雲石草莓鮮奶沙冰，杯野真係勁少女心，雲石紋好吸睛！鮮奶同草莓醬溝埋左之後又唔會太甜～仲好貪心加咗個奶蓋～鍾意打卡嘅你真係可以試下～🥳偷偷地望到店主係用靚鮮奶👍🏻👍🏻

食完野就緊係要叫番杯野飲下先完滿㗎啦！咁岩經過5樓豐澤隔離條行仔見到有間小店做緊9折😆、c9仔性格既我緊係即刻走去買番杯飲下啦、就叫左杯招牌芝士奶蓋草莓雲石！奶蓋就咁飲都唔會好咸、味道岩岩好、溝好哂又唔會太甜、仲要有啲草莓粒粒咬下、唔夠咬口仲可以加啲配料咬下、大部分配料都只係$3咋😋、唔係唔加呀！直得一試呀！！

一間座落係西九龍5樓角落既小店。嗰日無意行過見到新開既就試下，第一次去叫左杯黑糖珍珠鮮奶，平身自己飲開少甜但嗰下禁岩有電話入講漏左，拎到手既時重係到諗無叫少甜，一定甜到爆。飲落去竟然唔係甜到流，而只係少少既黑糖甜味，珍珠比起外面既連鎖店更有嚼頭，黑糖既甜味同牛奶既甜味混合得岩岩好。建議可以一試

之前路過西九龍中心，發現新開既珍珠奶茶店！作為珍珠奶茶達人，緊係要飲返杯！我同朋友試左百香果益力多綠茶加寒天晶球，同埋一杯黑糖鮮奶！首先講下個百香果益力多綠茶～佢個比例好好，好match! 又唔會太甜！個綠茶底幾清香！而且個晶球好彈，好好咬！另外個黑糖鮮奶都有驚喜！個黑糖珍珠偏林，但係係好食既，同埋好咬！而且整體嚟講唔會好似出面咁好好好甜，同埋佢個牛奶飲得出係真牛奶，唔係奶粉！開心西九龍中心又有新既珍珠奶茶店，值得再去！仲要Cp值好高，一d都唔貴！😍😍

今日同屋企人去西九龍吃飯，跟著行行下5樓發現係行仔入面多左間新開o既珍珠奶茶店！見到佢地痴住張 ，望見門口好多飲品相都幾吸引，店員都好熱心，同我地介紹。超中意飲黑糖珍珠奶茶o既我，就買左杯試下~ 結果發現幾好飲，黑糖味好出，之前飲過有D 無咩黑糖味 ... 店員同我地講，原來佢地D 黑糖係用台灣黑糖粉 同D 珍珠 一齊煲，吾係用黑糖漿，所以無另外加糖落去，甜係固定o既~見到佢地有隻Oreo奶茶，粒粒芋頭奶同埋D 沙冰都好吸引 ~ 我D小朋友應該會超中意，下次一定再來買。店員好好，超nice~~ 佢地話聼日正式開業啦~~ 有做買一送一優惠，不過得一日！大推~~