勁餃笑

營業中

休息中

今日嚟到黃埔呢邊覓食，行過見到呢間裝潢好日式嘅餃子專門店，見佢哋都幾多客，等我又試吓先🤓今次試咗佢哋三種餃子，兩款湯餃一款煎餃，整體感覺都好足料，湯底無味精，而且都幾濃。大葱牛肉湯餃呢款湯餃啱哂中意大葱嘅人，濃郁大葱香氣咬一口已經聞到，係爆發出嚟啊！牛肉同大蔥嘅比例啱啱好，湯餃建議一上枱即刻食，以免層外皮浸得耐會穿。大葉雞肉湯餃 呢款我個人極力推介大家要揀，佢哋用咗紫蘇葉包住雞肉製成餃子，一口咬落充滿着紫蘇葉嘅香氣，而且雞肉餃子相對豬肉或其他肉類少脂肪，適合比較注重健康，想要優質蛋白質飲食嘅人。鮮蝦帶子豬肉煎餃呢款餃子用料十足，咬落去見到包裹住原粒帶子同鮮蝦，估唔到食落都幾夾喎，充滿着海鮮嘅風味。而且煎餃外皮非常焦脆，放多一陣食都OK，一向鍾意食煎餃嘅朋友唔可以錯過！皮蛋醬拌麵出面較少見到呢款皮蛋醬拌麵，所以朋友點嚟試吓，嗰醬係佢哋自家調配，幾惹味，而且冇乜味精，食完都唔會口渴。醉雞翼用花雕酒醃製而成嘅醉雞翼，食落相當有酒香，除咗外皮，入面肉質都充滿着香氣，估計已經醃咗一整晚，作為小食幾唔錯。醉蝦醉蝦味道都相對濃味，可能一樣醃製咗整晚，呢個建議配埋麵食。鮮味花甲粉呢款花甲粉係期間限定，

喺紅磡要搵間小店食Dinner好輕鬆~但搵間 又好食+又有heart+價錢親民+ 環境舒服既小店 真係唔易嫁!今次就係搵倒勁餃笑喇🙌🏻玩食字 勁搞笑😂本身諗住而家香港嘢繽紛~ 諗住8:30後應該好多位可以堂食…點知勁餃笑得返兩個位😂啱啱好平時坐吧枱位🥲最怕就係冇位擺袋而呢間舖頭好貼心!吧枱位枱底下面會有個鉤俾你掛袋~餐牌上面都好多選擇, 餃子為主另外有幾款麵食同甜品~好多都好吸引! 好想試多幾款~所以每人都叫咗個雙拼🙌🏻一份煎餃+一份湯餃In general~ 無論煎餃定湯餃, size都好大隻~ 成個散子包咁大🤡餃子皮唔會薄到一夾就穿, 但咬落又唔覺得厚皮~餡料非常之多, 而且唔會散晒出嚟!辣菜脯可以免費加~連埋餃子一齊食, 口感好加分 & 香味亦都好突出🥟煎: 黑松露粟米豬肉餃+芝士辣雞餃松露餃勁香黑松露味🤡啖啖肉辣雞餃好香口可能因為揀咗煎餃, 食起上嚟多咗一份焦香🫶🏻🥟湯: 大蔥牛肉餃鮮蝦帶子豬肉餃湯底比較清香. 飲落唔會有味精味, 真係飲得㗎!豬肉餃入面, 真係會見到有粒帶子! 真材實料啊~唔係帶子碎!如果怕唔飽🤡可以加多個麻辣雞絲拌麵/花甲粉我地兩個都叫哂😂麻辣雞絲拌麵麻辣醬

紅磡｜勁餃笑 -▪️湯餃🥟 (鮮蝦帶子豬肉餃🦐🐷 拼椰菜豬肉餃🥬🐷)餃子大大隻，個皮厚薄適中，包住滿滿嘅餡料。鮮蝦帶子豬肉餃內餡有鮮蝦、珍珠帶子，爽口彈牙，仲加咗啲粟米粒，更有口感。椰菜豬肉餃個菜同肉比例啱啱好，椰菜仲保持到爽脆口感。而個湯底就用咗雞殼🐔、雞腳🐔、蔬菜🥬等熬煮5小時以上，飲得出係冇落味精▪️煎餃🥟 (黑松露粟米豬肉餃🌽🐷 拼白菜豬肉餃🥬🐷)煎餃外皮煎得好脆口，又唔會太油。黑松露粟米餃一入口個黑松露味出晒嚟，好香濃。白菜豬肉餃味道就相對清甜▪️花膠雞絲湯麵🐔🍜揀咗米線，份量都唔少，花膠口感軟腍。不過整體味道偏淡少少，可以加啲自家製菜脯一齊食▪️雞絲胡麻醬拌麵🐔🍜拌麵係熱嘅，揀咗扁麵，有咬口，而且幾掛到個胡麻醬▪️煮蜆蜆肉鮮甜，個底仲有大量金菇同粉絲，好入味，仲帶少少辣，幾惹味▪️麻甩餃🥟外皮香脆，中間包住麻糬，煙煙韌韌，沾啲花生芝麻粉🥜，真係好似食緊糖不甩咁▪️煎紅豆麻糬餃🫘🥟中間同樣包住麻糬，再配上紅豆，口感綿密，甜甜哋，好夾▪️自家製金羅漢果白茶🥤▪️自家製蘋果雪梨水🍎🥤飲品都係自家製，唔會太甜，好滋潤健康嘅感覺勁餃笑📍紅磡德民街36號地下5L號舖

紅磡呢條街好多嘢食，雖然流動比較大，次次過嚟都有新發現。我以為台灣人好食字，估唔到香港都有代表作🤣中英都食埋，有創意！餐廳細細但好有驚喜，勁多模型同公仔🥹醬料區design勁特別，對於我呢啲半個動漫迷aka貓奴嚟講，入到嚟都已經覺得好興奮！我地叫咗兩個餃子set，一湯一煎。餃子嘅款式除咗傳統既雲耳椰菜白菜果啲之外，大葉呀香蔥款的確比較少見老公10隻大蔥牛肉拚椰菜豬肉，餃子都好大隻，唔係薄皮果款餃子嚟，係我鍾意個皮煙韌果隻餃子足料，食到好香大蔥味，老公話個湯超好飲！有啲味噌湯kix老火湯既感覺眨下眼就比佢飲曬😳我既大葉雞肉拼香蔥豬肉煎餃煎得超香脆，熱到擺咗陣先食到🤣佢地仲有自家製辣菜脯，超辣超惹味，夾煎餃一流！大葉雞肉口感較實，大葉味唔算濃郁但每一啖都好有存在感，整體幾light香蔥豬肉超like！超多蔥同豬肉好夾，忍唔住一下清曬！麵食我地叫咗個皮蛋醬拌拉麵，雖然係賣餃子但呢個麵係全場冠軍🥹真係好好食，啲芫荽同皮蛋醬加埋辣，真係好夾！老公爭住食下食下食鬼曬🤢忍唔住為咗呢個麵過咗幾日再返去食🤣小食我地再加咗個味噌大根，大根煮透心好鮮甜，如果可以切細啲就好啦😛涼拌菠菜非常特別，一般都係韓式做

同媽媽係附近買完嘢，見到呢間勁餃笑 ，俾店名吸引於是決定入嚟試試。一入到店內，就見到好多貓貓擺設，好得意呀！ 吧枱中間位置仲有自助調味料區，客人可以按照自己口味挑選醬汁，醬料上都有中英對照，好細心呢。坐定定之後店員就送上 qrcode 俾我哋點餐，原來呢度嘅煎餃、湯餃嘅種類有九款可以選擇，點餐個陣我哋都三心兩意，不過如果諗唔到食咩嘅仲可以叫 唔知食咩好 等店員幫手😝我哋想試多幾款，所以分別叫咗兩set 雙拼湯餃同雙拼煎餃，一次過試試四款餃子，下次過嚟就可以試埋另外幾款！✨湯餃套餐🥟 - 香蔥豬肉餃 ＋ 韭菜豬肉餃呢度嘅餃子隻隻都好飽滿，真喺真材實料呀😍而 加咗香蔥同韭菜嘅豬肉餃，同樣出色，鮮美多汁之餘，咬落充滿唔同嘅口感。✨煎餃套餐 - 黑白松露豬肉餃 🌽＋ 鮮蝦帶子餃煎餃嘅黑松露粟米豬肉餃同 鮮蝦帶子餃，前者黑松露味超香濃，加埋粟米餡料，食落香甜有咬口，後者用咗珍珠帶子同爽彈嘅蝦肉，一樣好食，真係忍唔住食完一隻又一隻。✨花膠雞絲湯麵雞絲湯麵嘅份量都幾多，而且夠晒足料無味精，見到隔離枱都有叫到🤭✨紅豆麻薯餃餐牌上最特別嘅係有三款甜品餃子，今日就叫咗紅荳麻薯餃，香脆嘅餃子皮同入口煙煙韌韌

喺黃埔附近食飯，呢間充滿日本簡約裝修風嘅店舖細細平時都要等位，今日難得過咗午市冇乜人就入去食。自助配料區可以自己調製醬料，同埋一定要拎菜輔！湯餃套餐（6隻）韭菜豬肉餃+併鮮蝦帶子餃：湯底好甜好濃！冇味精，飲落唔會覺得鹹之餘，有屋企煲嘅咁重料，湯底帶少少白蘿蔔嘅甜，超級好飲。湯較方面大大隻包到滿一滿！餃子外皮適中好滑韭菜好香而且好爽脆咬落去好清新，同豬肉嘅甜味混合。鮮蝦帶子餃入邊有一粒小帶子、蝦、粟米同豬肉一齊包，粟米甜味好突出。皮蛋醬拌麵：皮蛋醬幾有特色同創意，真係有好濃嘅皮蛋味，而且食得辣嘅朋友岩哂！記得一定要趁熱食！醉蝦：有4隻，唔小心食左2隻😝 超級入味啊，仲要幫你剝晒蝦殼蝦頭直接擺入口就得。煎餃套餐（6隻）鮮蝦帶子餃+併煎黑松露豬肉餃：煎餃新鮮煎起煎到燶燶地放入口，仲好juicy。鮮蝦帶子餃同我叫嘅湯餃一樣，而黑松露豬肉餃個黑松露味好香好足料！亦都加咗粟米粒，口感都好豐富。花膠雞絲湯麵（拉麵）湯底好濃稠feel到起晒膠，一樣冇味精！仲有兩片煮到好腍嘅花膠。拉麵好索汁，亦都麵質較滑，完全係誠意之作。「期間限定」香辣花甲粉：花甲好多，入邊仲有金菇墊底，鍾意更重味嘅，都係辣嘅，我鍾意

🍲紅勘餃子小店勁餃笑🍲紅勘德民街36號地下5L號鋪這家小店，經過總覺得她散發著家的溫馨氣息。各式各樣的餃子，從經典的湯餃到香脆的鍋貼，每種口味都讓人嚐了還想再來。餃子皮薄而軟，餡料鮮美多汁，每一口都是對味覺的極致挑逗。最特別免費前菜，醃蘿蔔，鮮爽脆辣，吃得胃口大開。皮蛋涼拌面，超創意，最高人氣。韭菜豬肉水餃最經典。大蔥牛肉煎餃餡鮮多汁，好吃。涼拌山藥，脆口清香。醉雞翼酒香入味。甜品花生麻甩餃夠新意。店雖小，但那份熱情讓人感動。小店裡的環境簡樸卻溫馨，小小裝飾品非常可愛，每一個角落都透著老闆的細心與熱愛。來這裡，不僅是為了吃一鍋好餃子，更是為了那份讓人心安的熟悉感。讓勁餃笑餃子小店成為你生活裡的一縷溫暖陽光吧！🌞

呢度既老闆係貓貓同Figure既愛好者, 餐廳既擺設都充滿住呢兩個元素🐈 餃子方面以豬肉餃子為主, 另外仲會有啲期間限定既餃子款式🤩湯餃套餐🥟(湯餃/煎餃)揀左兩款豬肉餃子做湯餃, 湯底係清甜冇品精既紅蘿蔔湯, 餃子夠大隻, 個皮薄薄地帶啲口感, 餡料塞滿曬啲餃子, 牛肉同海鮮就做煎餃🤤 跟餐可以揀唔同既麵食, 花膠雞絲湯麵既湯底都係紅蘿蔔湯, 皮蛋醬都幾濃郁, 撈拉麵都幾夾🤗 重點既菜脯超爽脆, 辣得好惹味仲有啲瑤柱更加香😍✨黑松露豬肉餃✨白菜豬肉餃✨鮮蝦帶子餃✨大蔥牛肉餃✨花膠雞絲湯麵✨皮蛋醬拌麵✨菜脯煎紅豆麻糬餃🫘外脆內煙韌既甜味餃子紅豆味都幾濃郁, 甜度剛剛好😚呢度既餃子高質得黎價錢又親民, 仲有其他小食可以選擇添😋

係近期食過最高質、最有誠意既餃子店🥰🥰佢地以匠人精神堅持每日為客人帶來新鮮食材、新鮮現絞、新鮮現包、新鮮現煮的傳統及創意手工餃子，不加味精，健康之選👍🏻👍🏻唔只餃子，佢地既麵食、小食、甜品，都一樣好好味，好驚喜😍😍推介❤️湯餃雙併10隻🍲一定必自家熬製嘅雞湯，以雞殼，雞腳，蔬菜等熬最少五小時而成，為了增添甜度，還加了原個蜜瓜放進湯中，熬出來的雞湯味濃而不濁，不死鹹，好好飲🥲🐷黑松露粟米豬肉餃豬肉每朝由最近的紅磡街市訂貨直送，有鮮肉的鬆口感覺，夠新鮮👍🏻👍🏻 黑松露味濃郁🌿大葉雞肉餃 係第一次食到用日本紫蘇葉整嘅餃子🥹🥹超級香，味道好清新 ，配埋雞肉好正煎餃雙併10隻煎餃一大排上台好靚，煎香左既🐮大蔥牛肉餃 及🦐鮮蝦帶子豬肉餃，鮮蝦配帶子粒為餃子餡，好食到停唔到口🍜胡麻醬拌麵拌麵可選 拉麵/扁麵/冷麵，拉麵面質彈牙有口感，胡麻醬香濃又唔會油膩另外推介💕🌶️自家製辣菜脯🫚涼拌日本山藥🥟麻甩餃 🦐醉蝦🥬涼拌菠菜🦪花甲粉絲➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋環境指數：🪴🪴🪴🪴🪴回頭指數：💖💖💖💖💖🔖 勁餃笑 (紅磡)紅磡德民街36號地

俾個店名吸引咗入去。店內裝修用上淺木色調，有很公仔和餃子造型裝飾，環境很整齊清潔。唔知食咩好水餃套餐很適合第一次去，未知邊一隻餃子最啱口味的人，呢個套餐入面就會有隨機的餃子口味。我點了10隻的，餃子上枱有五款口味，每款兩隻，我當天有韭菜豬肉餃/芝士辣雞餃/鮮蝦帶子豬肉餃等…推介芝士辣雞餃，芝士是可以拉絲的，又夠辣。麻辣雞絲拌麵和醉雞翼很好吃，雞翼很入味，一份有四隻，加配價$23很抵食。我自己更加喜歡煎餃，煎餃煎得很脆很香口，煎大蔥牛肉餃和煎鮮蝦帶子餃，兩款都唔錯。店內有個位可以自己去拎調味料，煎餃可配檸檬汁或者醋中和一下熱氣嘅感覺。自家製辣菜圃就配湯餃同麵一流。

煎餃套餐 $112煎大蔥牛肉餃同煎香蔥豬肉餃各有8隻, 都煎得好香口, 2者要揀1款我會鍾意大蔥牛肉多啲, 香氣每隻既餡都多無偷工減料…真材實料 😛花膠雞絲湯麵 $35我叫左轉扁麵同少麵驚食唔哂🤣雞湯比較黏口充滿骨膠原, 但絕對唔係味精黎因為食完唔口渴✌🏻醉雞翼、月見雞肉串醉雞翼酒味唔會太濃烈，如果驚酒味既你相對容易接受, 雞翼都偏向大隻月見雞肉串雞肉鮮嫩, 沾埋生雞蛋醬好惹味, 絕對可以encore多一串麻辣雞絲拌麵轉左做拉麵, 拉麵軟嫩彈牙, 雖然正常辣但都比想像中仲辣啲, 但又辣得過癮既🤣而且份量黎講都唔少

咁岩今日行左成日紅磡，順便係度等朋友過黎，晚飯都打算係紅磡食埋先反屋企，所以行經過揀左間餃子店黎食。我叫左個鮮蝦帶子煎餃套餐加配生菜，雞肉串同自家制金羅漢果白茶🩷🩷🩷🩷🩷呢個餃子個餡好足料，見到有粒小柱帶子同蝦粒再配搭埋香甜既粟米粒同豬肉餡口感十分豐富。同埋食左個日式雞肉串甜甜地帶點燒汁味，同埋蠔油生菜都非常新鮮清甜。最估唔到個自家金羅漢果白茶又幾好飲喎，因為平時一聽到羅漢果肯定有啲苦澀味，不過我見到個名咁特別，所以叫黎飲下。點知又幾好飲，佢係幾清甜帶小小回甘味，可能係用左金羅漢果原因，所以佢冇黑色嗰隻羅漢果咁重苦澀味。我地一人再叫左一個花甲粉🩷🩷🩷🩷唔知係咪食咗餃子先個原因，所以食花甲粉無咁濃味。佢係比較偏清既雞湯味再加啲蔥花辣椒調味，中意無咁濃味既人一定中意食，同埋佢啲花甲多鮮甜無沙，而且下面墊住金菇同粉絲吸曬啲花甲鮮味，好正。再加埋佢自家製既辣菜甫十分惹味。又發掘左間好食小店，呢間餃子店啲餃子真係好好食。同埋啲醬料又可以自己按照個人口味去調製，個裝修風格勁可愛，好多最當紅既公仔😍

今日去朋友屋企開party，落車之後就喺附近買外賣上去食。見到呢間餃子店好多人出入，加上個名叫勁餃笑，買嚟試下。佢呢度嘅餃子有分湯餃或者煎餃，我地2款都想試下，所以就揀咗十隻白菜豬肉餃同埋六隻韭菜豬肉煎餃。佢餃子即點即製所以都要一段時間去等。我哋仲加咗個花膠雞絲湯麵同埋皮蛋醬拌麵。小食就揀咗醉雞翼。平時食嗰啲醉雞翼通常都係得個表皮有味或者味道好淡佢呢度嘅反而係非常之濃郁嘅酒香味，雞皮QQ，肉又夠嫩。餃子好足料，而且餡料好新鮮，韮菜香特別香濃，係新鮮韮菜先有咁嘅效果。煎餃外皮煎得香脆。湯餃煮嘅時間岩岩好，肉餡料食起嚟仲係好嫩有肉汁。另外都要一讚佢嘅麵食都好唔錯，花膠雞絲湯麵真係有大大片花膠，而且湯底好味，冬天食夠滋潤。個皮蛋醬撈麵食落係濃郁嘅皮蛋壓成醬，鍾意食皮蛋嘅人一定好滿足。呢間小店真係用心製作，推介!

間店門面及店內都乾淨企理，一入去店員面無表情的放下一張QR code，掃碼點餐點了餃子+雞湯麵，等了約十多分鐘先上了一個麵，店員沒有講餃子分開上，我翻了一翻啲麵，冇餃子，原來係淨麵，咁我估係分開上啦，就等下，再過了差唔多10分鐘，餃子來了，開餐，面質一般可以接受，我點的是雞湯麵，味偏淡但我個人覺得幾好味，似係自己屋企煮嘅湯，主角餃子就一般水平以下，或者咁講，對比我在其他連鎖非連鎖店食過嘅，質量低小小，而且其中有一隻有一塊不細的尖骨，咬到隻牙痛咗一陣，同店員反映有呢個問題，個店員完全沒有回應，到最後埋單走人，同個收銀員講有件咁嘅事，佢話會係肉嘅問題，咁我都明嘅，吾會係有人刻意放啲碎骨入去餡料到，但係店家接到客人反映問題，係咪應該主動回應一下會好啲呢，吾好完全吾理當冇事發生，希望你哋越做越好啦，香港需要呢啲地方小店，加油！

今天我去紅磡開會，順便來到「勁餃笑」享用美食。這家餐廳的環境相當精心設計，每項裝飾都別具心思，讓人感到舒適愉悅。我點了湯餃套餐，共有10隻餃子，味道非常不錯。 **鮮蝦帶子餃**：這款餃子濃郁鮮香，搭配韭菜和豬肉餃，口感清新，讓人一口接一口。 **雞湯麵**：拉麵的湯底非常清甜，但我發現麵量有點多，對我來說稍微多了些，建議可以少點麵，這樣更能享受湯頭的滋味。最後，我還點了一杯**蘋果雪梨水**，清潤解渴，非常適合搭配餃子。整體來說，「勁餃笑」不僅食物美味，環境也很舒適，是個適合聚會和會議後放鬆的好地方。