勇記海南雞 (隆基大樓)

營業中

休息中

I was a bit skeptical venturing into an alleyway on a rainy day but since many people have been raving about this establishment, I decided to give it a try. Normally, I prefer to sit down and taste the chicken fresh out of the chopping board, however, they currently only do takeaways. My expectations are high given that the restaurant is run by a former chef from the Grand Hyatt hotel and they also use the notoriously famous three yellow chicken, which the freshness of the meat should be guarant

I heard of this restaurant several times when I had lunch in the pantry last week. So I was brainwashed and bought one to share with my family.We got six people and we could get like 4-5 pieces per person, so you can guess the amount should be far from enough. There is only one spicy sauce, but the chicken itself was already juicy and tasted good.But for $166, I would rather to buy the individual set ($55, with rice and soup).

慕五星酒店主廚既名氣而來，知道排隊既人太多，店家都好有心地安排員工維持秩序，唔影響其他店既門面，而又保持有禮，實在難得。等左大約45分鐘，同店家所講既相若，餐牌主打都係海南雞，差在係要例牌配飯、半隻還是一隻，當然仲有名物椰子雞湯。因為疫情關係勇記暫停左堂食，咁一場黎到當然買盡啲，就帶左全隻雞番屋企，油飯都配左一碗，只可惜係未有椰子雞湯！全隻雞配有兩小盒特色醬汁，感覺係甜、酸、辣融於一身既味道，雞肉本身十分鮮嫩，係連雞胸位都保持滑溜，的確係坊間中好少見，大廚多年功力唔係吹噓出黎。油飯都有陣陣香氣，飯筒表示仲想再食多幾轉！😝而為左椰子雞湯點都要再去拜會下。

🇭🇰 < < 勇記海南雞 > > 名不虛傳海南雞💰 [ ~$50］👯 [ ~30mins ]📍 ______________________________1️⃣[ 招牌泰式海南雞飯 🍛］ʜᴋᴅ55✍🏻 呢間海南雞一直以嚟一到飯鐘都大排長龍今次特登5點就嚟 都要等一陣位 超級受歡迎嚟到當然係食海南雞飯啦🥰落單無幾耐就上左海南雞飯色澤光滑金黃 好誘人😍雞皮油亮 雞肉嫩滑食落無過份油膩嘅感覺😋如果你好似我咁平時唔食雞皮都食到~~ 隨餐附送嘅椰子湯都係靈魂所在鮮甜得嚟同油飯嘅味道幾夾😝食幾啖飯可以飲啖湯清清口再食又有一番滋味🥳 食完之後 就知道果然係名不虛傳最後仲額外訂多左隻海南雞返屋企再嘆😜😋好味指數：9/10🏃回頭指數：9/10🔎🏷️ #letus九龍 #我要吃掉全世界 #letus地道菜系列 🔍

每日限售180隻雞，趕得切近4pm去到，仲買到！🤭🐔J妹呢日去暫仍是外賣供應，堂食開放詳情請向店家查詢招牌去骨泰式海南雞飯 (油飯) $55外賣 +$1跟餐送熱飲 / 玫瑰茉莉茶 / 椰子雞湯雞件靚仔！有5-6件，嫩滑，有雞髀同雞翼部位。無血水、而且唔似一般坊間店咁雞皮下面只有肥膏或者只有好薄身的雞肉，呢2點真心做得好！👍🏻雞髀位乾淨，不過雞翼位有3條幼雞毛未清好…...(無影相)油飯上的炸蒜皮乾硬。醬料 ：薑蓉味重的微酸辣醬排隊指引清晰～_______________勇記海南雞 (紅磡) (紅磡)紅磡馬頭圍道23-35H號隆基大樓地下29L號舖_______________

食物質素係好，特別「海南雞」，叻沙麵，蝦餅也好。所以由外區專誠去光顧，但每次都受氣，職員態度，尤其是收銀員，差到不得了，唔優做咁，食物再好也冇用。人多排隊預咗，要分開一截截，明白當受限聚令影響啦，阿姐又唔會提早有通知只做外賣，不設堂食，排咗咁耐隊，唯有照買外賣啦。有試過專誠去買外賣，又話2:00開始賣外係，日日4:00幾就售罄；星期日、公眾假期又唔開，問句收幾點，阿姐一句「賣晒就冇」，我都唔知幾點收！服務態度愈做愈寸，再好都唔幫襯喇。

勇記海南雞❤️《古滑的雞，絕不滑稽》❣️睇完好多人介紹勇記海南雞係由前君悅酒店廚師主理，仲響海南雞飯關注組爆紅，嗰個大讚粉嫩滑雞好睇又好食，生日大曬😂梗係又要試吓😋🖍每日下午營業6小時，紅磡店限售180隻雞，賣完即止，通常6點前已經沽清，好誇張，三點前去到最穩陣🥰🖍價錢合理，又真係皮爽肉嫩又無骨，去骨啱曬懶人，最緊要冇雪味，唔使用甜醬油辟雪味，外賣返屋企一家人一齊食，一食有回頭👍（路途遙遠隻雞暈車浪少少亂，下次要揸穏啲😂）❣️唔使去君悅都可以食到好味嘅泰式無骨海南雞，只要保持水準，點都會支持小店經營。上環分店剛開業，不過價錢比紅磡貴啲，住九龍梗係去返紅磡買抵食啲👍😊😉❣️Hainanese Chicken (Boneless)~Yummy❤️❤️📌📌📌📌📌📌📌📍📍📍📍📍📮勇記海南雞（紅磡店）📍地址：紅磡馬頭圍道23-35H號隆基大樓地下29L號舖☎️電話：5500 4522*2:00pm-8:00pm 逢星期日休息📮勇記海南雞（新開📌上環店）📍地址：上環蘇杭街102號江寧大厦地下☎️電話：5500 4556逢星期日休息🌟🌟🌟🌟🌟🌟🌟🌟🌟🌟🌟🌟Thank you follow and ❤️my post

終於試到呢間喺紅磡嘅人氣海南雞飯店喇～ 📣📣之前試過weekend ~4:30pm 嚟，不過搵到龍尾時發現已經截咗龍，呢日weekday 放假特登於3:45pm 再訪，成功order 到隻招牌去骨泰式海南雞、油飯、椰子雞湯同泰式香辣鳳爪 😋🔸招牌去骨泰式海南雞🌊🐔🍚各部份嘅雞肉都好嫩滑，少油脂雞翼同雞翼尖醃得特別入味 🤩🤩雞皮好薄，質地爽滑，屋企人原本決意要戒雞皮，今次都把持唔住喇～ 🤪一隻雞可配兩款汁醬，可選擇泰式汁、秘制麻辣汁、沙薑汁或蔥油汁， 我揀咗泰式汁同麻辣汁，再加兩蚊配多個沙薑汁 😬3款汁都好香，我最鍾意泰式汁，非常惹味，最能帶出泰式海南雞嘅風味😋唔怪得店員話泰式汁係佢地嘅招牌推介🔸油飯💛🍚食海南雞又點少得油飯呢?!呢到嘅油飯算味淡，加咗少少炸蔥喺飯面，香口啲～🔸椰子雞湯🥥🐓🍲$8 細細碗，不過一人份量啱啱好仲有2小件紅蘿蔔🥕標榜冇落味精，飲落清甜！🔸泰式香辣鳳爪🐔🖖🏼用咗生蒜，生紅洋蔥，香菜醃製唔會太辣，連埋生蒜，生洋蔥一齊食，泰式風味爆燈 💡💡排隊期間，同職員傾偈，佢哋推介喇沙都好好味，下次encore隻雞嘅時候一於試埋～

話說紅磡最近岀現一條人龍，食過既人人讚好。呢間餐廳本身有做午市，後尾因為太多客做唔切，唯有下午2點先開始賣。今日3點幾黎到，都要排20人，但聽講係排得比較短既時間點。買左半隻翻去，份量都幾大，證明隻雞幾大隻！真係煮得幾好，雞肉好滑身，而且煮得岩岩好，唔會老！ 另外雞皮都幾滑，同時唔會好油膩，亦幾香雞味！唔怪得呢間咁多人去，相信我都會繼續推薦多啲人去，因為真係好好食！屋企人仲話，佢既水準稱得上為酒店岀品！

呢間勇記海南雞相信住喺紅磡附近嘅朋友一定聽過啦！作為海南雞Fans嘅小編決定今要試吓🤩佢哋因為疫情關係所以不設堂食，2:00會開始接受外賣，我地1:30過到嚟嘅時候已經見到排晒長龍🤣不過佢哋效率都非常之高，到兩點正式開賣嘅時候其實都只係等多咗15分鐘左右就已經排到我哋👍🏻非常值得一讚今次我哋嗌咗個二人餐 (堂食$150 / 外賣$155)- 招牌泰式去骨海南雞 (半隻)- 蝦飯 / 墨魚餅 / 香辣魚餅 (三選一) (兩件)- 麻辣手拍青瓜 (小辣)- 油飯 / 白飯 (兩碗)- 玫瑰茉莉花茶 / 椰子雞湯 (兩碗)份量方面真係唔係hea你😱又有小食又有湯飲又有海南雞又有大大碗飯，兩個人食真係好夠！首先佢地嘅椰子雞湯真係好正😍一打開已經聞到好香嘅椰子味，飲落好鮮甜，唔係出面嘅味精湯，真係無諗過跟餐嘅湯都整到咁出色👍🏻另外就係佢地嘅油飯，每粒油飯都好香雞油味同埋香茅味，食落唔會好濟，不過個人黎講就覺得軟綿咗少少，如果可以再粒粒分明啲就緊加好😍跟住就係佢地嘅主角海南雞啦！雖然話半隻，但都有好多舊🤣兩個人食一定好夠！每舊都大大嚿，滑嫩得黎又結實😋每嚿雞皮同埋肉中間都會有層啫喱，食落一啲都唔油

作為紅磡之友，今日去咗紅磡新開嘅海南雞飯。真係唔講得笑，真係好多人買外賣。差唔多要排隊半個鐘。佢嘅位置有啲隱蔽。喺馬頭圍道，東亞銀行隔離嘅一條小巷。《海南雞一隻》$166 《泰式拼盤- 大》有6件，即係蝦餅，魚餅，墨魚餅。$41 《網紋泰式拼盤》有4件，即係泰式網紋蝦春卷同泰式網紋蟹春卷。$37《油飯》$16佢嘅海南雞賣相真係好靚，首先去骨。即刻加分。👍🏻佢個雞同醬汁有一種好特別嘅味道。應該係香茅味。呢個味道平時外邊好少。雞好滑。價錢相當親民。$166一隻海南雞去骨。值得一讚。另外我會推介，網紋泰式春卷，佢有兩種口味。蝦同蟹春卷。炸到好鬆脆，裏面嘅🦐好彈牙。一啲都唔油膩。排隊排咁耐一定要試埋。

-{紅磡高質海南雞飯🍚}依間係超級出名嘅海南雞 平時排晒隊 今次四點幾嚟到就冇乜人等咗5分鐘就有得得拎外賣😎🤤去骨海南雞飯🤤 ($55)啲雞的確好嫩滑🥰好彩食到雞脾位仲滑😙真係連個皮都彈牙嘅🥳份量就唔會好多 醬汁就食得出係自家製 酸酸辣辣好惹味😚飯粒粒分明好香唔會好油🤩🤩個飯仲有驚喜過個雞😆☺️👖褲評: 8.5/10個湯勁香椰子味😋😋係好清甜🥰不過依度冇得預先嗌外賣 一定要去店度落單！下次會試埋個喇沙湯性價比: 10/10服務: 7/10環境: 7.8/10🚩 勇記海南雞🚩地址: 紅磡馬頭圍道23-35H號隆基大樓地下29L號舖 #fuudjai #fuudjai土瓜灣 #fuudjai東南亞菜 #fuudjai黃埔

之前見咁多雜誌介紹過，講咗成個月，男朋友終於有時間買比我食啦！男朋友今日大概3:30去到，排到佢嘅時候已經4:15，排咗45分鐘先買到，傳媒嘅威力果然厲害👍🏻點解咁多人排，我諗主因係前君悅酒店廚師主理有關，能夠係平民嘅地方，食到酒店嘅味道的確好吸引👍🏻大部分人會買餐，但見有人話份量比較少，因為屋企多人食，所以索性買一隻雞加兩個油飯🐓🐔海南雞一隻 $166雞皮油亮滑潤，雞肉滑嫩結實，除咗雞髀雞翼外其他位置都已經去骨，啖啖肉好滿足，配埋附送嘅酸辣醬就令到海南雞口感更有層次🐔油飯 $16油飯粉粉被雞油包住，而且唔會太油膩，不過就我個人而言我就嫌唔夠香🥲不過面頭鋪咗啲脆脆食落都幾有口感總括嚟講係好食同埋啲雞的確好滑，而且外賣拎到返屋企都冇影響質素，但如果要排咁耐隊嘅話我覺得可以有其他選擇🤓或者等第二時小人啲都不妨再去食嘅😌

古滑的雞 絕不滑稽人氣海南雞，紅磡 勇記海南雞 ，每日限量，開門前就已經要排隊，今日13:15去到排頭位，跟住到一點半已經超過20人排，繼生日群組後會唔會出現海南雞群組，由於武漢肺炎疫情關係，暫時停左堂食只做外賣，外賣由每日兩點開始，賣晒就無，一般6點前就無，試過未到5點已經賣晒。今日買左一隻海南雞分兩盒裝，淨睇顏色已經吸引，雞肉的確做得好滑好嫩有雞味，雞味唔算好重，雞胸位置都做得好滑唔會鞋，雞皮爽口，皮肉間仲有一層薄薄啫喱增強口感，層啫喱要做得好係好考功夫，另外一讚係佢哋個泰式醬，微微酸辣又夠香，濃度適中，完全唔會蓋過主角雞嘅味道，今日排左45分鐘係值得嘅。疫情下好多食店都停堂食甚至暫停營業，情況許可下大家不防外出支持一下小店，多一份支持，佢哋生存空間就大一點。

呢間人氣小店大有來頭，大廚係由君悅酒店出身，去骨海南雞飯超級正😋真正皮爽肉滑😍我平時一定唔食皮都食，皮同肉中間仲有啫喱狀肉汁。唔怪得之經常大排長龍，下午兩點開門， 四五點鐘就沽清，真係好食👍🏻椰子雞湯好鮮甜，油飯香得來又唔算好油，正😋不過個炸蝦餅就普通，細細件，冇咩特別。下次去淨係食海南雞飯加飲湯就夠喇😌