勝八鉄板串料理 (已結業)

種種原因這一篇食評拖了幾個月才上臷，連餐廳都結業了！只不過，當晚幫襯已經知道在同一棟大廈的樓上有另一間同名餐廳，所供應的食物款式分別不大，都是走日式居酒屋路線，而這另一間同名餐廳仍在運作中。室內氣氛異常熱鬧，燈光昏黄，裝修風格有點不拘束的隨意及混亂。牆壁上貼滿了日本燒酎招紙、甚至一些真真正正日本當地居酒屋的餐牌，雖然有點古怪，但又充滿日本風情。再加上是晚全間餐廳滿座、座無虛席、人聲沸騰 ⋯⋯ 整體感覺與日本當地的小型庶民居酒屋沒有分別。餐牌有點奇怪，除了標準居酒屋出品，又加添了一些老闆自創的港式元素，變奏出鐵板串燒、串燒、鐵板燒三大主打類別。根據筆者對日本料理的粗淺認識，串燒是傳統日式料理之一，食材切成細細件、用竹籤串起，並利用炭火明火燒烤。至於鐵板燒，其實屬於西洋風料理，只不過這一種變奏版西洋料理發源於日本，已經被當成日式料理。至於鐵板串燒，可能筆者孤陋寡聞，應該是老闆自創的港式日本料理。居酒屋盡頭是一個細細的開放式廚房，刺身、揚物、串燒及鐵板全部都在這個廚房處理。如果有幸坐在這個小吧枱前，就可以看見廚師一方面在旁邊的串燒電烤爐炮製串燒，同一時間又在這一塊小小的鐵板上面炮製鐵板燒及鐵

近來當有空檔，便查看一下手機，看看有什麼吸引的訂坐優惠，除了優惠的因素外，還需考慮時間和地點。 今次趁著星期六這天的假期， 便到港島走走， 試試。這店位於離地鐵站不遠的位置，裝潢就如一般的居酒屋，不是走高檔路線，但也尚算舒適。當侍應送上餐牌，往餐牌一看， 便被午市套餐的內容吸引了，一份set lunch，可點兩個迷你丼，一次過可嚐到兩個口味，相當吸引， 而且能享有八五折， 就算用不到訂坐優惠也決定點一份來試試。日式套餐， 總少不了的前菜與沙律套餐除了享有八五折外， 還可以加$48 加添加拿大海膽刺身，(還以為海膽會很大件， 原來會錯意 😂😂😂)， 但勝在鮮甜， 味道不錯。 當然，配以現磨wasabi （沒那麼辛辣、攻鼻，還多添一點點甜）更令這刺身加了點分數。而那兩款迷你丼，我選了帆立貝海膽丼及蟹肉蟹膏丼，迷你丼內的米飯份量就像一件大壽司般， 但放在上面的材料卻是相對豐足，而且味道與新鮮度也不俗。的確，一次過可嚐兩個口味， 是一種吸引的招徠，可是，原本正常一碗的份量， 分成兩小碗。看似化算， 但想深一層， 其實有點取巧 😅 不過， 對女性而言份量可能剛好， 但對男性呢， 可能會略嫌不足。

其實我好少會寫負評但呢間野既價錢同質素真係太唔成正比1. 吞拿魚腩卷 HKD100竟然係平時最平價青瓜小卷size 6件其實再好既刺身用小卷卷住 咁小一塊真係食唔出味2. 刺身一般$25-30一片🤦🏻‍♀️係一片片計叫左$340刺身拼盤 ...得12 件其實食落同殿大喜屋差唔多但一盤價錢已經可以食到高質放題3. 串燒係okay geeee $100 2 串牛舌蔥雞串係好食既 但都係overpriced 4. 鵝肝炒飯除左飯面一塊鵝肝之外飯一啲鵝肝味都冇5. 牛肉炒麵Okay. 好既地方係店員nice 會幫你加水但唔係茶（or 淡到似水）最後有85折（冇既話呢間既比價性係0）如果唔介意食貴啲其實都ok gee🤓

同朋友食lunch, 今次去到有驚喜，set lunch menu多左好多選擇，但今次特別想食薄燒牛肉，所以就叫左B餐🙈刺身有三文魚同甜蝦，分量少少，但都好新鮮👍🏻鵝肝多士都幾好味，鵝肝肥美，煎得又香❤️淋上面既汁係甜既，好特別！配埋香脆既多士，口感好豐富👍🏻依個餐可以選擇炒飯或烏冬，我就揀左牛肉烏冬！個烏冬就不過不失啦，湯比較清，不過牛肉都幾嫩既！輪到我最愛既薄燒牛肉啦❤️入面包住香蔥，牛肉岩岩熟，點埋佢地特製既醬汁，非常好味😊而帶子方面，餐廳好貼心咁切晒粒，啲汁就頗重牛油味，反而我就覺得蓋過左帶子本身既鮮味☹️最後仲送左cookies and cream雪糕😍好圓滿啊😍

記得以前睇過openrice，經過呢一間日式餐廳，係零負評... 當時我真係好驚訝，覺得冇可能。然後就去食一次睇下係唔係真係咁好食，冇野挑剔。當時食過，覺得食物水準真係唔錯，以香港既日式餐廳來講算係高水準。然後，最近再來食返，都係keep到個水準青魚： 6個字，冇骨多肉唔腥。海鮮鳥冬：加左d雜菜一齊煮 健康之餘，d菜本身既甜味帶到落去鳥冬到，令鳥冬索曬d味更加香甜。加埋鮮甜既蜆，令個鳥冬冇咁dry～炸天婦羅，d南瓜好甜

同事選擇的午餐餐廳❣️❣️見openrice 評語不錯，裝修特別，環境還可以所以可以嘗試❣️❣️我們訂了位，所以不用等就可以內進❣️午餐選擇很多，價錢還可以，有88到128也有。在銅鑼灣午餐來說也不是很貴❣️❣️我們興奮地點餐 歺前有沙律及湯同事叫了一份美國煎牛肉定食牛肉幾乎是三成熟，叫服務員再煎也得五成熟沒關係吧 因為太肚餓了飯好像不是日本米蝦也沒有鮮味😔😔😔飯後有甜品（綠茶雪糕及豆腐味雪糕）雪糕非常好味

My Order:Lunch Set - 刺身定食 ($128)Lunch Set - 碎沖吞拿魚腩海膽飯 + 鐵板牛肉厚燒飯跟泡菜 ($118)每個午市套餐都包了芝麻醬沙拉和味噌湯!Lunch Set - 刺身定食刺身定食有三文魚/油甘魚/吞拿魚/甜蝦/帆立貝/海膽三文魚/油甘魚/吞拿魚口感中等，更肥美會更好!刺身頗為厚身，帆立貝清甜又大顆!Lunch Set - 碎沖吞拿魚腩海膽飯 + 鐵板牛肉厚燒飯跟泡菜這個套餐是包兩個飯，碎沖吞拿魚腩海膽用料很夠，魚腩和海膽的份量足夠拌一整碗飯，很美味!鐵板牛肉厚燒飯跟泡菜很不錯，鐵板牛肉厚燒味道很香，肉質也夠"淋"。

之前我曾推介過盛八串燒，因為第一次去實在太好味。過去一年，到盛八嚐餐超過五次，但感覺好吾同！去年第一及第二次品嚐時，味道新鮮，水準甚高，尤其是海膽及串燒，但剛剛去的体驗完全失望！水準下降六七成，是否人多光顧就會品質差左呢？真係好想知...地雞窩的雞吾新鮮，串燒的火喉失準，但其實味道尚可的，可能初初去的水準實在太高，而家食吾番果種味道~

周末早上，一起身突然覺得好想食日本嘢，於是老公就响網上揾，睇到登龍街有多間日式食肆，所以他便帶我去樓上，靜靜地食番個日式午餐~職員帶我們到一個較靜的地方坐下，四周佈置得很有古代日本的風情。設計簡約，但坐得舒適。職員向我們展示兩張菜單，原本食店最近做緊呢兩款 LUNCH SET。兩款都有我們喜歡的食物，所以我們決定每邊點一款 SHARE 來食。食 LUNCH SET 之前，先來個沙律和麵豉湯開吓胃。刺身兩點先來這碟 刺身兩點，左起有 温室野菜、美國牛肉薄燒、帶子 和 鵝肝。我比較喜歡食 牛肉薄燒和鵝肝，因為牛肉真係切得好薄，又保留到一些肉汁，然而鵝肝入口即溶，真係齒頰留香。另外我選了炒飯配這個刺身 SET，炒飯暖暖的，面頭的蒜片幫助吊起成個飯的香味。特選午市套餐先來呢個 SET 的前菜，就係三文魚甜蝦刺身，食落好鮮甜，但份量真係少咗 D。因為呢個 SET 可以點兩個迷你丼，所以老公見到海膽已經流哂口水，就讓他決定去點  帆立貝海膽飯 和 牡丹蝦海膽飯。呢兩 PAT 海膽滑滑的帶著鮮味，好似 SIN 入個喉嚨 DING 咁~而帆立貝真係好厚身，很有咬口而且啖啖肉。然而呢隻牡丹蝦剝咗殼開咗邊

好久沒有吃日本菜了，所以今日我跟朋友相約到銅鑼灣勝八吃日本菜。兩時到達，剛巧趕上午餐尾班車。電梯門一打開，以為自己去了日本居酒屋。店以黃燈營造溫暖的感覺，又在牆壁及玻璃窗上貼滿日文海報，並掛上日式燈籠作裝飾，充滿日本風情。午餐全部Set Lunch，選擇超多 ， 主要分為三大類型，分別是：刺身飯、鐵板定食、普通定食。前菜：麻醬沙津，涼拌海蜇沙律菜色澤鮮翠，質地爽嫩，拌以香濃日式胡麻醬，口感香脆，味道惹味，非常醒胃。涼拌海蜇，口感爽脆，酸甜開胃的汁醬一吃就能喚起舌尖味蕾，讓人食欲大增。味噌湯即是麵豉湯，是日本具代表性的傳統食品， 每次去日本餐廳都會喝到。這裡的麵豉湯對我來說濃淡剛好，口感厚實，非常暖胃。牡丹蝦海膽飯最喜歡吃海膽，這款海膽瓣塊厚度中等、顆粒尚算明顯，色澤呈泥黃色，質感較實淨爽身。 牡丹蝦蝦肉呈淡粉紅色，Size大，肉身黏口帶輕微海水的鮮甜，不用蘸醬油也足夠鮮美。蟹肉蟹膏飯蟹肉Mix蟹膏視覺效果澎湃，吃起來超級鮮 ... 軟滑甘香的綠色蟹膏混合口感嫩滑的蟹肉，感覺像汁又像醬，混合飯一起吃，口感黏糯，使人吃過之後就沒齒難忘。鵝肝飯鵝肝經過香煎，味道甘香， 皮脆肉嫩。佐以蘿蔔絲、

今天要幫好姊妹慶祝生日~大家緊係要出黎賀一賀佢啦！！知佢平時鐘意食日本野~就選擇黎呢間日本野過生日~鵝肝炒飯：炒飯炒得粒粒分明~加上鵝肝味又好香~每人一碗好快就分曬海鮮炒烏冬：呢個味道不過不失~唯獨係烏冬炒得比較碎~蟹膏帶子：推薦！帶子肉好嫩滑~加上啲蟹膏~味道好夾宮崎和牛陶板燒：板燒牛肉嘅做法~直接放係上面燒~好快熟~肉質好嫩~唔洗點任何醬都已經好好食加州卷：飯粒唔會好鬆~裡面嘅蔬菜都幾清甜~甲羅燒：呢個一定要食~係出面都好少見咁嘅食飯~蟹殼裡面裝住慢慢嘅蟹膏，仲有個鵪鶉蛋~兩個Mix埋一齊~味道好鮮美！再用麵包點黎食~簡直係絕配~呢餐生日餐都食得好滿足~

勝八鐵板串料理傳統居酒屋風格 香港少見的日本燒物款式睇頭盤就知點解形容做：香港少見的日本燒物款式［ 頭盤燒物：羊架 $68＋蟹膏帶子 $58＋梅味燒喜魚 $48＋黑豚大腸 $28 ］比較少見用羊唔用雞做燒物的頭盤蟹膏帶子好食，值得翻啅梅味燒喜魚，個人略嫌梅醬的味道有少少奇怪，和魚不夾黑豚大腸：真係少食到，當然冇出面啲鹵腸咁惹味，但入口幾好，送酒一流。［ 宮崎和牛燒 ］$498好食！加酒正！燒牛加有酒飲永遠係無敵！［ 甲羅燒 ］$98潮食嚟講，超鐘意，厚厚的蟹膏加蒜蓉包，可以食十個覺得呢到食海鮮反而扺食過牛〜

今日同屋企人去銅鑼灣買衫過春天，經過登龍街發現太多野食，屋企人話想食日本菜，又見到有間餐廳中午有85折好抵食，就去食個午餐。鐵板燒餐廳，主打鐵板午餐，套餐包沙律/小食/麵豉湯和甜品，而且選擇仲好多。我就食鐵板B餐。先來沙律。沙律用上芝麻醬，味道香口清甜，最鐘意又大又多汁既蕃茄。刺身兩點，入口新鮮清甜，三文魚厚切肥美。再來我最愛的鵝肝多士，鵝肝燒得香口入口油香重而不膩，醬汁濃厚，伴上多士味道剛好。燒大蝦和銀鱈魚。大蝦大大隻加上黑椒燒香，肉質鮮甜爽彈，肉感非常重。魚肉滑溜清甜，伴他他醬味道香甜惹味。牛肉薄燒。牛肉片肥美肉味濃，加上蔥和蒜片，味道香口濃郁，入口即溶旁邊是燒野菜。炒飯：有牛肉粒、煙肉片、蒜片、蔥粒、洋蔥，炒飯乾身滋味，咸香重又不會太濟，牛肉粒最驚喜，軟腍完全不鞋口。最後有芝麻雪糕。

岩岩去完日本番黎，對日本念念不忘，最掛住就喺日本菜，今日同女朋友黎到銅鑼灣，特登搵間日本餐廳食個午餐。午餐時間有85折，咁抵食當然要去食下啦。門口貼左餐牌，好多款都岩心水我叫左個雙拼飯。先來一個沙律和小食。沙律有滿滿的芝麻醬，味道清甜又香口，最鐘意入面加左粟米粒，粒粒清甜多汁。小食是醃茄子，茄粒多汁醃得剛好，清清的唔會太膩。蟹肉蟹膏飯。蟹肉鮮甜絲絲蟹肉份量多，蟹膏唔腥味道香口甜美，飯粒有咬口，最鐘意旁邊有酸薑。另一個喺鵝肝飯。飯粒加左醬汁，鵝肝先煎香味道香口滋味，入口不會太油膩。最後有芝麻雪糕。

今天於銅鑼灣午膳， 和朋友走上了樓上的日本菜。餐廳的座位寬闊， 食物種類也很多, 午膳的二食嗰一次過享用兩款不同的飯。沙律上有芝麻醬，非常開胃， 還有麵豉湯及茶漬。照燒黑豚飯, 杜丹蝦海膽飯 118黑豚肉外表香脆味道不錯， 杜丹蝦大大隻，配以海膽， 味道極鮮。刺身定食 三文魚，油甘魚，銀雪魚，甜蝦，海膽凡立貝 128 刺身定食很有驚喜， 有多款的刺身而且大大件，看起來非常新鮮。 帆立貝和三文魚很厚， 肉質鮮 ，讓我想起了在日本吃漁市場的刺身。 銀鱈魚和油甘魚 完全不覺醒未， 魚鮮味重。海膽質素也極佳， 鮮鹹的海膽讓人很有滿足感。 吃畢了餐還有綠茶味雪糕球， 綠茶味濃。結帳才知道有85折，都幾抵食~