勝香園

營業中

休息中

早就聽過勝香園嘅名氣，所以特意去試下。去到時都未到1點但已經坐無虛席，仲已經有幾枱有人等緊…等左30分鐘到，終於有得坐低，不過系6個人坐一張4人枱，但已經叫做系鬆動XD叫左出名嘅茄牛通同脆脆，牛通內嘅牛肉都算嫩，而且份量亦不少，不過鮮番茄就唔多。湯通粉最緊要嘅當然系個湯，飲落冇乜鮮茄嘅蔬果味，反而似系用茄膏煲出來嘅。而且個湯底真系好咸…食完勁口渴!另外出名嘅奶油脆脆同檸蜜脆脆當然亦不可錯失啦~ 奶油脆脆算系不過不失，本人並唔覺得有咩咁特別，但檸蜜脆脆真系有驚喜，入口有檸檬香味，食落更有蜂蜜嘅香甜，系是日最好食嘅一味!

比茶仔更茶仔？？唔明呢哈哈哈 對我呢個90後黎講對好多香港人黎講 茶餐廳已經係香港舊式的風味好似荃灣的蘭香 嘉樂冰室當然都可能係好多年青人覺得既野哈哈宜家仲有間戶外的茶仔 仲唔係比茶仔更茶仔比舊式更舊式 哈哈哈因為自己少出中環 中環既野始終唔多識其實中環係香港存有古老特色的地方好似條古董街啦 行緊周圍有好多唔同塗鴉又有古老建築 真係多樣化的地方藝術 古式 現代 中環都俾到我好多感覺勝香園第一眼的感覺港式電視劇成日都會去的地方哈哈兩個人食碗麵 飲杯奶茶仔勝香已經唔係第一次食 當然呢間都一定要俾正評啦中環商業用地中留有的戶外茶仔難得而且希望大家要多多支持下雨都無阻個日同友人去食叫左茄牛麵 同埋奶油脆脆 加埋杯凍奶茶基本上係呢個plan 唔講以為常餐黎哈哈茄牛麵 麵係一丁 好食不話下重點又你個湯底 好多蕃茄 好足料唔會太酸 加埋一丁的味精 意外的配搭都最後我連湯都飲哂的另外個奶油脆脆應該係即叫即做 因為送到上黎都仲熱而且脆卜卜奶油唔會太多 份量岩岩好加埋杯凍奶茶 為自己的午餐畫上完美的句號友人都大讚叫好啦即使落雨都完全無阻我地心情仲可以同果到既「婆婆」職員大聲叫吹下水好鬼正次次去都要等位不過

5月13日，我們剛好經過中環，和女友便去一試很出名的勝香園，去到等左一陣就有位，雖然環境一般，(因為係大排檔麻~ 如食環境的話，可以唔使嚟)因為我們係拿著蛋糕的，姐姐也很友善地說是否開Party~ 需要切蛋糕嗎？ XD之後，我們點了碎牛炒蛋蕃茄通、牛肉蕃茄通和檸密脆脆豬~5分鐘左右，已經有得食~ $ 埋單3樣野 $85，抵食~ P.S. 姐姐最後比埋碟我地食蛋糕 XD ~!!

是日出中環，諗住順便上嚟勝香園嘆個茄牛通早餐，結果就食到一肚氣。先係被「勒令」坐一個好逼嘅位（不過呢度環境本身就好逼夾，算，唔怪你），跟住個姐姐就黑口黑面咁同你落單，我講咗一次「鮮茄鮮牛肉蛋」，佢無反應，再講，佢竟然好唔耐煩好大聲咁同我講「我知呀！要乜嘢先得㗎？！」我答「通」，佢仲要再鬧「通你就要講個通字嘛！你唔講個通字我點知你要通㗎？！」算，我都忍，心諗快快脆脆食完走！碗通粉上到檯，一向的杰塔塔，無乜唔妥，亦無咩特別。心情真係好影響胃口。好在有杯酸甜凍檸茶撐住下。到埋單，諗住避開個黑面神，ya咗兩次手無人理，個黑面神唔知從邊度殺出嚟好惡死咁大聲講「43蚊呀！」我終於忍無可忍，喺佢找完錢之後贈咗佢一句「笑下唔使死㗎」。講真，茄牛通度度都有，嚟呢度食都係想感受下舊茶檔風味，而你就當啲客乞丐咁呼呼喝喝，無論你幾出名幾好味，sorry，無下次。

Ahhh Sing Heung Yuen. It's so iconic it doesn't really need its own introduction. Heck, even Anthony Bourdain came here with "China Matt" and Craig Auyeung 歐陽應霽. But we are left with the impression that Tony didn't quite get this food or appreciate it, even as a megastar international traveler and eater of massive cholestrol, guts, glory, uni, and sushi.Let's put it this way, unless you have Hong Kong blood and polluted air flowing through your veins for years and years, it is very very hard to

好多人以為我是中環地膽，其實在區內工作經多年，還是較少光顧區內的食肆，尤其是那數間人氣的老字號，原因不是地方較為隔涉，就是午飯時間有限，不便前往。到了放工之後，已經是筋疲力竭，甚至其店已是關門，種種因素之下，最後還是擱了下來。總算上兩個週末，要幫家人在中區辦點事，滕出來的時間，反而造就了光顧一間「鐵皮老檔」的機會.......個人所屬意揀選的，正是區內馳名的勝香園，就從半山的自動行人電梯開始，再途經美侖街，一直步入至毗鄰的歌賦街，卻是到達目的地之後，見到的卻是一條長長的人龍。自從經各大旅遊指標推介之後，這裡已成為外地旅客慕名的熱店，眼下所見，不少更來自東方的面孔，雖是週末之下，論到熱鬧情況，絕不比閒日午市所遜色，總算輪候了三十分鐘之後，最終還是坐了下來。也不知這裡存在多少年了，相信總有三、四十年的光景吧！其中一邊是用上鐵皮搭成的水吧廚房，隔離處則蓋上了簷蓬，再於附近擺下十張以內的桌子，如果正值天氣不順的景況，其實可坐得不太舒服，幸好當天還算可以。至於食物來說，主要是以蕃茄牛肉濃湯為主的粉麵，另有傳統不過的烘多士，再加招牌的脆脆，與及各式水吧飲品，數代傳了下來，乃就成為區內的一個小小傳奇

難得閒日的假期, 與男友到中環舊區一遊, 必定要來勝香園, 第二次專誠到訪, 都是叫相同的食物檸蜜脆脆, 真係內外都咁脆, 檸檬味很清新很多蕃茄,湯底好有蕃茄酸味,不過佢應該都落左茄膏, 只係用普通蕃茄無可能咁紅沒太多地方有咸檸七飲了,佢地仲已經幫你篤埋咸檸檬, 咸檸加雪碧, 真係perfect match

第一次來到中環勝香園，應該係早上大概 11點幾到。都等咗一陣，同埋佢哋一多人就會叫啲客自己揾位。有啲殘舊嘅餐牌，但都幾多選擇。較出名嘅茄牛通粉, 茄牛雞亦米因為太早，我食唔落麵，叫咗個豬排茄蛋包個包仲脆脆哋，啲料都新鮮，但如果鹹返少少會好啲。

難得放假去排下隊，食下茄牛通 一如平時，都係咁好食。唯一美中不足就係碗茄牛通，平時食開好多蕃茄係面，但今次只係得d蕃茄碎，同茄膏 可能我個碗咁岩係個湯底既尾升，見到之後人人都好多蕃茄肉畢落去

到勝香園，有幾點一定要留意：1. 一定要吃檸蜜脆脆，一坐下便要叫，因製作需時2. 避免星期六下午去，一定會排長龍3. 就算平日去，記得四點半前點脆脆，因為脆脆有last order時間幾乎每次去勝香園都會點一碗超級大雜匯蕃茄湯通，材料有牛肉、腸仔、餐肉、雞翼、咸牛肉炒蛋、豬扒，要合二人之力才能吃完。湯底實在太美味，通常都會一邊吃、一邊喝湯。飲品方面都維持高水準，奶茶、咖啡、檸茶都好味。請留意老店的店員都有點脾氣的，我見過他們下午吃飯，有客人想坐低，阿姐叫著要等他們吃完飯才有位，有性格，我欣賞！

身在中上環區工作，有幾間出店的食店是不可以不去的，唯我非常害怕排隊，所以一直都沒有光顧那幾間老字號。前幾天趁著老細去旅行，我便提早了我的午飯時間，到了這間人氣高企的大排檔。蕃茄牛肉公仔麪基乎所有人都是為蕃茄麪而來的，蕃茄的份量比其他地方所吃到的多，而且蕃茄味帶一點點酸，是比較原始的味道，牛肉也不錯，很開胃很好吃。檸檬脆脆很喜歡這個檸檬脆脆，將豬仔包烘得香脆後塗上經調配的蜜糖及檸檬，味道清新，讓人一試難忘。咸檸七一頓豐富午餐以一杯冰凍的咸檸七作完美的結束。

這個在香港碩果僅存的鐵皮小檔口, 一直以來都深受歡迎, 即使在炎夏三十多度的高溫下, 粉絲們都可以滴著汗排隊...為的就是他們獨有的美食....我打從在中環上班開始, 間中都會來吃lunch, 只是人實在的太多, 有附近上班的OL, 有按著旅遊推介來的各地遊客, 1小時的午飯時間總是太趕, 後來同事們就改為買外賣, 提早2個小時打電話去預訂, 再去領取, 但因為路程亦要20分鍾, 又或是他們預早弄好等著我們去領, 回來後, 好幾次脆脆不脆了.... 這天剛好星期六要返公司加班, 就有了先去吃脆脆, 才回公司的念頭....約11時半到達, 幸好不見人龍...即時坐下叫了至愛的檸蜜脆脆, 蕃茄牛肉煎蛋通粉及鹹檸檬雪碧...通粉是先來的, 蕃茄的鮮香味覆蓋整碗通粉, 湯底有著啖啖煮成茸的蕃茄, 牛肉亦很有鮮味, 通粉煮得軟硬適中, 吃著熱氣不斷呼出來...幸好今天的溫度有點冷...吃著熱通粉, 身體即時暖和不少...差不多吃到一半, 檸蜜脆脆送來, 塗了足夠蜜糖的麵包烘得外皮香脆, 蜜糖加了檸檬汁, 帶點甜亦帶點酸, 麵包熱騰騰的, 很香口很好吃....這個時候喝一口鹹檸檬雪碧, 絕對是享

對我黎講，黎到勝香園，必食的就只有檸檬蜜糖脆脆，師傅用多士爐焗麵包，稍燶的包面都會用刀幫你刮走，確保你唔會食到一吋燶的部份!再用牛油同蜜糖塗滿整個包，令每一吋包面都充滿牛油蜜糖，最後更會細心地分為四件，讓你輕鬆品嚐~檸檬蜜糖脆脆外皮非常鬆脆，內裏則是軟綿綿的麵包! 人間極品都只係賣緊 $11!另外叫左蕃茄午餐肉雞翼香腸麵 $31，午餐肉雞翼香腸麵屬正常茶餐廳水平，蕃茄湯底當然係勝香園靈魂，不過總係覺得勝香園既蕃茄湯底落左太多茄膏同茄汁，濃濃的茄味並唔係長時間熬製而係加左好多調味而已，特別係當你食通粉既時間，茄膏湯底更係一舊蕃茄都搵唔到，唔知道點解咁多人鐘意並非真材實材的茄膏湯底，可能係中環無其他地方有類似既食物吧!最後係爆檸 ，爆檸屬懶人之選，即係幫你篤埋既凍檸茶，味道好，茶味同糖水份量配較得宜，一般老字號街坊茶餐廳都能做到的品質，難唔到勝香園啦!

病人終於出街街拉～好耐之前食過一次勝香園 果次排左好耐隊 又要同人逼得好緊要 所以琴琴青食完就走左。今次好好彩無乜人排隊 加上今日25度天氣幾好 太陽不太猛 就算系街邊食都ok既。我地好快就有位坐低喇 menu依舊 我實在太餓所以好貪心甘叫左好多送男朋友食茄牛麵 我食茄餐蛋腸麵。先講蕃茄湯底 有煮得半爛既蕃茄肉 而且分量幾多 酸酸甜甜真系好好味 湯底同麵好夾味 夾起一串串麵既時候夾雜好多蕃茄蓉。牛肉吾算得上好新鮮 不過都ok滑、而餐肉竟然有2大塊 有少少surprise、蛋系荷包蛋 一下吉蛋黃出泥就漏蛋汁、雞肉腸亦ok。奶茶滑到不得了 應該拉左好多次 奶同茶既比例岩岩好 加左冰都吾會影響味道 真系飲一啖就停吾到！檸蜜脆脆又系必食之一 即叫即烘架！脆得泥又會好鬆化 檸蜜好香但又吾會太甜 好好味！

  千里迢迢來到中環, 在炎熱的天氣下搵了又搵, 問了無數路人先搵到勝香園. 在繁忙時段亦不厭其煩等位, 但太失望了 點了出名的''蛋牛治'' 等了十分鐘左右, 店員送上即製的蛋牛治, 份量好小, 是兒童餐的份量而牛亦不見有多少, 不見有幾鮮, 蛋亦煎到燶燶的名過於實, 十分失望!!是waste time 之行!!!