勵揚冰室 (已結業)

天水圍較出名茶記食物:🌟🌟🌟環境:🌟🌟🌟服務:🌟🌟🌟價錢:🌟🌟🌟幾乎個個天水圍人都識，價錢經濟實惠出名夠鑊氣，而且每碟都大大碟，無論早餐下午茶都好啱食，檸茶夠濃，推薦五香肉丁炒公仔麵

第一次幫襯晚市，點了個蔥油雞扒太陽蛋飯，跟熱咖啡上菜時先知碟頭都大，跟咗個甜豉油不過杯咖啡就有啲苦，要加多啲奶先得冰室選擇好多，每個餐都係免費跟熱飲，晚市座無虛席，果然係街坊之選。

學生時期每日返學前都會提早起身食咗佢啲早餐先，食完先再返學早餐VVIP一定係佢嘅烘底奶油餐包🤤焗得勁香脆超好食😻VIP就係沙嗲牛肉麵🍜，麵質啱啱好，唔似出面煮定晒食落去淋晒嘅，保持爽口彈牙。牛肉份量勁多，每碗最少10塊🤤午餐就冇乜特別VIP，但係基本上樣樣都好食夾大份，另外凍檸茶茶底唔澀，奶茶香滑😼以前喺附近返學，每日早餐就係食勵陽，午餐都係多數食佢🤣食到老闆都認得而家唔喺附近做嘢就少咗去食，然加咗價但係食物質素保持到‼️‼️‼️

呢間係天一商場黎講都算好多人食，可能係因為佢啲野食夠大份，所以餐廳8成以上都係男人🤣今次我就叫左個XO醬五香肉丁炒烏冬一上菜真係比佢嚇親，勁大份😱一個女仔/女人真係好難會食得晒，可以2個人Share既份量🤣所以我都見到有客人會自備食物盒🤣食一半帶走一半。未上菜之前我以為配料會淨係得五香肉丁，點知都有幾隻蝦👍🏻XO醬好惹味又香口，同烏冬好夾，不過食到最後會覺得有啲鹹，要係咁飲野先得🤣勵揚真係好啱大食男士進食，價錢正常但份量超多~咁樣計落都幾抵食~

今日黎到天一商場食野，呢間勵揚冰室出名係野食勁大份，所以都唔敢叫太多。叫左一份雞扒湯粉、火腿奄列及牛油餐包。牛油餐包熱辣辣上，奄列麻麻，雞扒有d雪味，連湯上後通粉既湯有d油。黎呢到主要係份量。

天水圍啲茶記嚟講，呢間算出名，不過佢搬咗嚟天一之後就冇再食過。今日見早咗起身，決定返工之前嚟食個早餐。叫咗個沙嗲牛肉麵配煎蛋火腿厚多士，再叫咗份豬扒包，加杯凍咖啡，精神！沙嗲牛肉麵真係算幾有質素，俾好多牛肉好多沙嗲汁，一啲都唔孤寒。加少少辣椒油，成碗麵又昇華左，濃厚得來又唔會食到好漏。煎蛋火腿配多士就唔使講，不嬲都係最佳配搭。重點係個煎蛋係流心，非常juicy。最後就食埋豬扒包，$28一份，夾住新鮮嘅蕃茄青瓜，講真澳門啲豬扒包我就唔識欣賞，乾爭爭得塊豬扒菜都無條…反而香港茶餐廳啲豬扒包真係冇得輸。今日食完呢個早餐，簡直叉足電，做嘢都落力啲。

勵場冰室📍 天水圍天秀路8號天一商城1樓1001號舖如果喺天水圍打滾得夠耐，就一定會識勵揚。仲未上商場舖嘅時候已經開始食佢，佢出名炒飯麵夠鑊氣，碟頭飯大大份，基本上食完個午餐晚飯都唔洗食。平時可能覺得我會食好多好嘢，但我都好鍾意食呢啲麻甩佬飯，而且價錢咁經濟實惠，好難諗到唔去食嘅原因。 💰$50粟米魚塊飯 🌽🐟🍚粟米芡汁有蛋花點綴，啲汁用嚟撈飯一流！佢嘅魚塊炸得好香口，即使淋咗咁多芡汁，食到最後都係脆卜卜。見唔見到佢驚人嘅飯量？呢度就係連下午茶嘅份量都咁大碟，仲要只係$50咋！最後我食完呢餐下午茶，夜晚就再食唔落嘢，咁嘅價錢真係益街坊！ 💰$3🍫🥤下午茶餐包餐飲(凍飲加$3 )，我叫咗凍朱古力嚟飲，杯朱古力非常濃味，一啲都唔淡，真材實料！

今日同屋企人去咗天一商場食勵揚，呢一間餐廳非常之推介，因為佢呢度嘅食物每一碟都超級大碟，叫咗一碟，等於叫咗兩人份量，可以好經濟，仲好抵食，所以我覺得呢一間餐廳好有心，而且叫食物非常之有效率，等咗幾分鐘，食物就會送上，而且食物是熱呼呼的，我之前叫咗個豬扒飯，個豬扒仲大塊過我塊面，所以我覺得呢一間係值得推介的，好適合一啲大食嘅朋友，而且位置在於天秀站附近，行1分鐘就會到達勵揚餐廳，而且環境整潔，衛生，這個是最重要的，而且侍應服務都還好，有禮貌，佢哋會對客人有笑容，有招呼，所以呢一間餐廳好有人情味，覺得呢一間餐廳可以值得再嚟食，所以呢一間係天水圍人變成的餐廳，去到我會推介咖喱吉列豬扒飯，件豬扒又大件，仲要很多塊！

份量好大味道對得住個價錢有茶記嘅水準 最緊要係食物夠熱入得去唔會有驚喜 但都唔會有意外基本上如果嗰一日諗唔到食咩嘅話食佢就絕對冇問題作為街坊來講 我平時最鍾意就係去佢嗰度食個西多士做下午茶 因為份量好多 我會建議兩個人share 除咗嘢食個份量好大，佢連杯嘢飲嘅份量都好多 個杯比起其他茶餐廳高身 就算唔係下午茶 Lunch去佢嗰度食 嗌個焗飯兩個人share 都綽綽有餘 咁當然同你share嗰個人唔可以大食啦至於改善空間來講 我就建議佢哋張枱同埋地板可以抹得乾淨少少 冇咁油同埋冇咁痴的話 個用餐感受咁會好好多服務態度唔差 速度好快 要少甜少冰嘅要求亦都做到

點左一個雜扒餐，飯糧有兩至三碗，兩個人都食唔曬另外加咗薯菜- 炸薯菜，夠脆黑椒汁- 野味，小小辣另外有餐湯餸，老火湯扒- 質素好，大大份，食到好飽總結- 食物質素好，份量大

在剛過去的聖誕節，我跟好姊妹一起走到天水圍悅品天秀酒店 Christmas Staycation！聖誕節當日，趁大家難得走入天水圍，順道找找住在元朗的靚太食友，一起食英式聖誕午餐！ 酒店位置偏僻的關係，我們便直接由元朗搭的士往天水圍酒店，方便快捷！ 幾分鐘到達，如果搭龜速輕鐵，還要轉車，起碼半小時！原來悅品天秀酒店及附近的天一商城，同屬億京發展！到酒店 check in 及安頓好後，在附近屋苑及沿河行了一會兒；大約下午 5:30，我們便走到天一商城兜了一個圏，看看有什麼啱食？！ 這裡食肆雲集，尚算幾旺！找到一間茶餐廳 <勵揚冰室>，抵食之餘，款式又多！晚上 6:00 禁堂食令關係，我們只好買外賣下午茶餐返酒店食，當提早食晚餐！下午茶供應時間下午 2:00~6:00外賣等大約15分鐘！焗黑椒牛柳絲烏冬 $42 (公眾假期 + $5 外賣 +$2)以錫紙兜盛載，並用上膠外賣盒蓋好；裝得滿滿的，牛柳絲好多，份量十足又香辣入味！烏冬軟硬適中又吸汁入味；食到尾都仍然熱辣辣！熱杏仁霜質感濃稠順喉，味道微甜！食完這份下午茶，真的很飽足！

在肺炎的影響下，人流沒減，一杯凍奶茶走甜，顯示水吧師父的功架，還有餐廳的用料水準。餐廳所用的是黑白淡奶，入口奶味濃郁，接着的就是茶底的香味，香而濃的茶底，帶點甘香，呷着一口又一口，喝下去的是甘味，回憶，也一樣，甘香，而枯燥。

見到天一商城這家茶餐廳滿座一直想找天試一試.今日就食了早餐早餐到11am就完，我們10:55左右到真的到了11am，員工就大叫話轉午餐.早餐$33，除了一碗麵，還有厚多士、腸蛋及飲品算叫抵食沙嗲牛肉多牛肉的，味道正正常常.不過坐得逼，員工也比一較茶餐廳粗魯，服務是一般般了。

和同事在天水圍工作，吾知吃什麼好，行行到了天一商場勵揚冰室，剛巧是下午茶時間，order了一款咖哩牛腩飯、一款是魚香茄子燜米，沒想過是那麼大份，跟本是不能吃完，所以叫同事取二個外賣盒拿到走，講真只能說大件夾抵食，味道一般，牛腩硬了一點

勵揚 朋友介紹食呢個雜扒飯，50蚊連野飲同湯，感覺上係好抵食，因為實在太大份了。 雞扒，豬扒，仲大隻過我手掌，無雪藏味，外層經過煎一煎，十分香口。配上腸仔，火腿，簡簡單單，送飯一流。 仲有幾夠烚西蘭花，令到呢一餐都算健康，喺附近唔錯嘅選擇！