影片
付款方式
以上資料只供參考, 請與餐廳確認詳情
一個2X蚊嘅鱆魚雞粒反竟然八達通收64蚊，自己收錯錢又唔認，佢話俾我睇咗銀碼確認咗先拍卡，我好肯定係無！就算有，佢個八通卡機面勁污嘈，畫面乜都睇唔到，睇？睇條命？？64蚊俾得起，豪俾你！不過不會再幫襯！
繼續閱讀
包點料理認真平靚正，款式又多，份量ok，粟米煎魚餅真係非常好食(有相片)🤣，粟米粒咬落好爽脆，魚肉食得出唔算有太多粉，蓮藕香煎豬肉餅(有相片)，食落嘅口感一樣爽脆，蓮藕咬落嗦嗦聲，認真過癮🤣，山竹牛肉球夠哂大粒(有相片)，附有大量山竹，再加適量嘅喼汁，簡直就係人間嘅美味，難怪此店舖每日都人頭湧湧，係有原因嘅！🤗🥰
繼續閱讀
每一次諗唔到食咩 我就會過嚟揀下啲點心啊蒸飯，糯米雞，蒸包等等 ，因為呢度款式多多 就算每一日食都唔容易撞款 ，咁就冇咁易悶啦蝦餃 蝦肉大大粒爽口 皮不會太厚 正燒賣 大大件啖啖肉 不過有時食到肥肉多咗啲雞扎 芋頭 雞肉大大件 正 雞肉唔會蒸得過老 反而係好嫩滑 鮮竹卷 啱啱出爐 熱辣辣 咬開充滿汁 而自己又好鍾意食腐皮 好爽糯米雞 好足料 除咗雞肉 仲有臘腸 啲糯米食落好甘香 食一隻飽肚足全日 莧菜餃 好清爽 食左成大件落肚都唔會覺得漏的一款點心呢一間既點心 平靚正 同性價比高
繼續閱讀
包點料理平價中式飯、點心窩蛋牛肉飯 $23無錯，呢盒就係窩蛋牛肉飯，完全顛覆左我對窩蛋牛肉飯嘅印象。牛肉口感味道類似酒樓點心嘅牛肉球，有埋喼汁點心就一模一樣啦，喜歡去酒樓飲茶，歎番一盅兩件嘅朋友都應該會鐘意，窩蛋只是普通的煎蛋無咩特別，飯就比較乾身同硬，豉油略嫌太少，可以叫佢多汁就應該會令到飯無咁硬。雖然窩蛋牛肉飯唔似窩蛋牛肉蛋，但味道完全合格，再加上$23蚊嘅價錢相當抵，但如果食量較大可能未必夠飽。
繼續閱讀
夜晚6點左右去，14蚊四個大包超抵食，要知火車站附近x記，14蚊連兩個包都買不到。而且此包蒸熱以後的大小更是x記的1.5倍有多。雖然餡料較少，但包包仍然是非常鬆軟好味！芋頭包味道略有些假，沒什麼芋頭香味。菜肉包就非常美味。順便買埋窩蛋牛肉飯作晚餐，牛肉餅也是較另一家好食許多⋯不光餅身較厚，也不會乾巴巴的。連煎蛋也做的很好。米飯也是粒粒分明。雖然位置較遠，仍然值得幫襯
繼續閱讀
您可能會有興趣的...