北京樓 (形點 I)

營業中

休息中

今天與友人相約玩遊戲機，因此先到他家樓下的北京樓先吃一頓飯。這裏環境寬敞，設有開放式廚房，但空氣流通，不覺得油氣味。楊柳萵苣絲萵苣絲清爽可口，鮮甜無比，當真是開胃。淮揚灌湯小籠包小籠包一向是最好的點心，實在不能不吃。這裏的份量不算很多，一口一顆。皮薄餡香，肉汁蠻多的。紅色的外皮是紅菜汁所做的。糟香酒醉雞醉雞也是頗吸引的，少少入口即溶的口感。花雕酒味香濃，香氣搶鼻而來。總括而言，價錢是比一般的中菜飯店是貴的，但相比食物質素及環境，是合理的。

已經好一段日子冇去北京樓， 今日和老人家一起去了yoho mall的🎈北京樓🎈午餐 ，很奇怪午餐時候，唔需要排隊 ，坐落就點咗普洱茶 ，原來是用茶包的，好淡 ，跟住就投訴服務員 ，他們就加多一個茶包，好少少 ，我都唔知點解咁大間酒樓， 杯茶咁兒戲🤔好啦，就睇下個餐牌，有咩嘢食， 發覺有午餐套餐 ，所以就冇諗就點了一個✨三人午餐套餐($438) ，但看似份量好似很少 ，所以就加了✨半隻片皮鴨($170) ，睇下左鄰右里佢哋都係點A la cart ,好少人點套餐🤔🤔成個餐最好食有三味餸，第一個是✨黃金蝦碌， 真係好大隻蝦，很乾身，做得很惹味😋， 因為這些黃金酱是鹹蛋黃做，所以不敢食太多， 但好食的東西就是不健康，冇辦法😁第二樣好食的餸菜，就是✨海皇羹 ，材料十足， 又夠熱，很名貴似的👍👍第三樣好食，就是那✨半隻的片皮鴨 ，和麵粉皮夾在一起，再加配菜，醬料，就是我們中式的hamburger，一啖一口，食多咗都唔覺😋😋三個人共食了七百蚊左右， 因餸菜食落原來都有點多，所以食淨都要帶走，不浪費， 還有看見隔離枱食生煎包， 好似好好味👍，下次一定要食。 整餐飯老人家食得很開心😁， 因為坐位舒服，

呢半年來都好忙，日日都食飯盒，冇出街食過嘢，今次要去一啲新嘅地方食啲好少食嘅嘢。就揀咗新界區嘅元朗，原來元朗呢個商場有好多好多嘢食。今次就是食下一間北京樓，之前在金鐘都食過，睇下呢間好唔好食先。我哋叫個三人餐😬，都有好多嘢啱食，有素鵝、醉雞、蟹鉗、黃花魚羹、京醬肉絲、小豆苗、小籠包，同埋甜品楊枝甘露。另外我哋在加咗一個素餃同埋一個片皮鴨。食到我哋抱住個肚走😂😂😂😂😂，下次有機會都同家人黎食。

雖然早前都沒有嚐過「北京樓」的食物，但是我和友人都非常喜歡吃小籠包，而這裏亦有提供，所以我們抱着一試的心態到此用膳。這裡空間感大，樓底高，又開揚，裝潢優雅，富有摩登的中國風，自己十分喜歡!前菜這前菜里有豆腐乾、青瓜和雲耳。味道甜甜酸酸，感覺開胃又清新!糟香走酒雞雞肉的肉香味都頗濃郁，但是酒味有點過濃而影響了雞肉的整體味道。楊柳萵筍絲萵筍絲吃上去爽口又清新，同時帶有陣陣蒜香味，的確不錯!淮揚灌湯小籠包小籠包皮薄餡靚，肉味香濃，湯汁又鮮甜，我們都特別喜歡!京城芙蓉賽螃蟹賽螃蟹蛋白味香濃，口感相當幼滑，味道不錯，不過油了一點!北京菜肉水餃水餃的樣子看似平平無奇，但是菜肉水餃餡了鮮味十足，肉味又香濃，而且水餃皮也相當薄，美味又可口!日本松葉炸蟹鉗炸蟹鉗如拳頭般大只，外層炸得香脆，內層也相當爽口彈牙又鮮甜，不過如果再爽口彈牙多一點則更理想!紅燒麻辣牛肉面厚切的牛肉口感特別好，加上牛肉口感鬆化，肉味香濃，真的美味! 而麵條幼滑，也相當不錯! 湯底味道濃郁，不過咸味有點不夠，如果再稍作調味則更為理想!整體上，這裏的食物有中上的水平，環境舒適又夠空間感，服務亦非常有禮殷勤，我們都相當滿意!

北京樓係香港就有幾間分店 ，但自從yoho開左之後，北京樓都進駐左係元朗區！元朗一直都話係新界人既美食天堂，我今晚食既北京樓最出名既就係食北京填鴨！真係好吾錯要推介下先呢度既服務，無論係帶位定係樓面定經理 ，笑容都係無得頂 勁好禮貌，又好勤力幫我地加茶同問我地d野食o吾ok ～今晚我同朋友8個人食飯 ，叫左全隻北京填鴨（$320）,建議大家黎呢到都念住食鴨既，一坐低位就要order左先，因為都要製造需時，黎到隻鴨同啲皮係熱辣辣，要襯熱包黎食！ 夾埋佢比既配料同醬汁，嘩 真係好好味皮薄鴨又好味，鴨上面塊皮真係好正，食完一舊又一舊京都芙蓉賽螃蟹（$118）點埋啲醋勁好食，份量都吾少日本松葉炸蟹拑（$58/1),我地叫左6隻 因為有人吾食炸野呢個又係勁大隻，食一舊都好飽大漢風沙孜然小羊腿（$50 /1）有啲辣，但係好香，個名好霸氣總結，4樣野都好好食

朋友住係元朗 見佢成日都食北京樓 適逢新年 叫佢帶我地去元朗yoho個度食北京樓 不過因為今次一家大細去 掛住照顧小朋友都唔多影相 就介紹幾款我覺得比較好食既比大家👇🏻大漢風沙孜然小羊腿 餐牌上是一隻的價錢 這裡是2隻 味道唔錯 新鮮熱辣 羊腿肉鮮嫩多汁 加上孜然粉 令人忍唔到口👇🏻這是朋友除了北京填鴨之外 每次必點的 高郵鹹蛋蝦球 已經剝殼 好易食 不過略嫌炸得唔夠脆 鹹蛋味十足 即刻諗起鹹蛋魚皮🤣👇🏻烤北京填鴨 黎到北京樓無可能唔叫呢個啦 呢個係半隻 其實四個大人食都夠 食太多會膩 皮脆肉滑 配料唔夠可以再問店員拎

OFFICE完成了一連兩星期的大PROJECT，高層的同事為了慰勞我們一眾小薯就決定請我們到北京樓午餐😇😇原來呢度有午市套餐，我們三圍人都係點同一個餐，首先上的係海哲～～～醉雞幾入味，10個人分每人得件左右，真係好淺嚐feel～～～素鵝感覺不錯～～～九黃瑤柱羹，有湯類在午餐真的不錯，感覺好好食~~~宮爆蝦球，食落感覺似食咕嚕肉咁，因為個味道太似了~~~家鄉蒸魚方，上到枱熱辣辣，同事們大讚好食~~~北京填鴨，呢個簡直係我的至愛，好在我那枱男同事得一個，所以我可以食唔少金腿扒津白，中間的金華火腿幾咸吓，加菜食就剛好~~~菜肉水餃，第一次食水餃感覺好似食咗小籠包的味道，好在份量不多，諗起2003年第一次去北京交流，成班人為了唔浪費食物而玩猜枚去清餃子北京炒拉麵，我們食到太飽，好在我帶咗環保餐盒，帶了給家人桂花小丸子，我最like係湯丸細細粒，最重要係我至愛的黑芝麻味，勁好食難得今年同事們吃了這美味的一頓，反而團年飯都冇咁高質素

久違了的又豈止是拍拖時光？還有元朗本區食記！新年伊始，就停不了的計劃外遊，其中一站包括北京，因為很想到當地瘋地吃烤鴨！不過這夢想現在於元朗北京樓也可暫時得到滿足！ 在 YOHO Mall 內，北京樓是超級難訂檯的一間，很多次提早一星期去預訂大檯吃飯，都以失敗告終，終於12月中找個晚上「慶慶地」兩口子去開餐。 形點的 北京樓 環境的確很有特色，座位比翠園少一些，而且又以細檯為主，終於明白為什麼那麼難訂大檯。作為一個填鴨控，這晚我是衝著北京填鴨來的；兩口子就吃半隻鴨吧，再加上擔擔麵及蜜汁火方，大概都夠飽了。 擔擔麵先上，風味不能跟重慶的小麵比，不過這種麻醬香為主的上海式擔擔麵，我也一點不討厭，特別這裡的麵條挺有口感，又有不少蔥粒及芝麻提香，很快就整碗KO了。 蜜汁火方就有點敗筆，明明樣子OK，但那肥肉有點橡筋 feel，蓮子也是粉腍而非鬆化，最好竟是配角的夾包，薄身又鬆軟！不過近年在香港真沒吃到對辦的出品，如大家有好介紹，請告訴我！ 也罷，最期待的還是北京填鴨：半隻份量也不少，鴨皮香脆、脂肪不多，鴨肉也酥香，配上特別薄身的麼麼皮、海鮮醬、青瓜條及蔥，還是美味討好。好吃歸好吃，老

今日約左食生日飯，決定去元朗北京樓。我地叫了一個四人套餐。先上 鹹蛋蝦球，蝦夠大隻，但炸得不夠乾身和脆口，亦比較油膩。接著上雞絲粉皮和燻魚。兩個味道也不錯，但略少雞絲，燻魚魚骨較多。之後上酥炸小黃魚，賣相幾好，有檸檬跟碟，如有准鹽就更好，但不夠熱和脆。片皮鴨的皮去哂肥油，跟鴨肉一起吃，不會覺得太肥。另外包片皮鴨的麵粉皮很薄，相當不錯。砂鍋津白有鹹火腿，津白，粉絲，火腿味十足。炒四季扁豆可以再炒乾身一點。最可惜侍應說今天沒有清宮碗豆黃供應，用馬豆糕代替。馬豆糕椰汁味濃，但不夠結實。跟餐送了一杯鹹柑桔，味道不錯，但沒有附湯匙攪拌令柑桔沉底。

舊歷生日屋企人話食飯所以 book 咗最近去過既北京樓一行八人，可以試多d菜式揀咗幾樣同大家分享炸蟹鉗炸得勁脆，而且並唔係平時去飲嗰種厚粉入面真係大大舊蟹肉。配埋個甜酸醬。我都忍唔住食咗兩舊另外鹹蛋蝦球都值得一讚炸粉量剛好，唔會太厚，一咬已經係蝦肉鹹蛋香濃，但唔會過鹹。主角片皮鴨基本上果鴨皮都切得好薄，唔會太多脂肪。而且佢亦都會切埋d 肉比你。所以你可以凈係包肉，或者皮，或者兩樣都包。皮可以話係香脆，重有小小煙燻味。食落唔會太”漏” 每次黎都必點！

秋風都起咗一排，雖然內地大閘蟹今年仲係唔可以供港，只能靠少量日本蟹源，但係都唔能夠阻止作為「蟹迷」嘅我誓要瘋狂食蟹嘅衝動！呢日小妹約咗好友嚟到元朗Yoho嘅一間京菜館試食蟹粉菜式，好味到「嘩嘩」聲！最惹味莫過於呢碟「蟹黃撈麵」，成碟麵都鋪滿大閘蟹金黃色嘅蟹膏，食前先撈勻，每條麵都沾滿蟹膏，食落充滿類似蛋黃嘅蟹膏鮮味同帶微辣嘅薑味，非常甘香豐腴。而「蟹黃豆腐」亦唔可以錯過，滿碟豆腐都沾有蟹膏，令平庸嘅豆腐變得鮮甜甘香，用嚟送飯真係一流。至於「蟹黃上素」就用蟹膏拌炒各類時蔬同菇菌，每種蔬菜配搭蟹膏嘅味感都唔同，令小妹好驚喜呀！

><前菜($18)唔要可以提早揚聲但係呢個唔錯 可能太肚餓生煎包($68/6)都係祥興記抵食好味d蘿蔔家鄉土餅($60/4)一咬開就係滿滿嘅白蘿蔔絲京城胡同三弄($120)茉莉花素鵝 紅梅子醬烤骨 炸花枝片呢個唔太值得嗌 咕嚕肉($118)友人中菜必點菜式茶樹菇上湯豆苗($98)好草青味金華火腿炒飯($108)冇咩特別 for飽肚食北京填鴨($160/半隻)離遠望到佢喺開放式廚房切味道幾好><><><><><><><><><><><><><><><北京樓元朗元龍街9號形點一期2樓2061-2062號舖

食得北京菜片皮鴨一定走唔甩，仲嗌咗幾個小菜，機本上味道都係平平，唔算太特別！環境同服務都唔錯，雖然限時個半鐘，但上菜時間夠快，所以都可以接受的。純屬個人評分，以10粒星星滿分。環境：⭐️⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️⭐️清潔：⭐️⭐️⭐️⭐️⭐️⭐️

屋企人生日，多數都食中菜就返佢地口味。黎左元朗呢間「北京樓」，第一次食京菜，緊係去試下佢個北京填鴨啦，皮脆肉滑，份量都多仲嗌左其他小菜，雞絲粉皮好重麻醬香味😋總括黎講都尚算OK，想同屋企人簡簡單單去酒樓食餐飯，都係一個唔錯既選擇。👻

屋企人一般都鍾意食中菜，所以去親食晚飯，都會選擇去酒樓。雖然我自己就對北京片皮鴨冇特別嘅鍾意，但係今次試咗北京樓片皮鴨，感覺都幾好食。而且我好鍾意佢嘅擔擔麵，感覺好正宗，好香花生味。小籠包個皮好薄，而且夠晒多汁，真係唔錯！