北京樓 (形點 I)

營業中

休息中

又黎北京樓食飯🤭🤭🤭其實好鐘意洒樓的桂花烏龍茶👍🏻所以都會經常光顧嘆吓茶香👍🏻✨今次叫咗一個未食過嘅套餐鮑魚套餐😂小排骨非常軟身，容易食，好味👍🏻素鴨保持水準，食素嘅朋友仔一定要食👍🏻海蜇頭冇咩味我覺得小食嘅份量少左啲，有少少失望😂黃花魚羹，夠晒熱，魚好滑，不過濃味咗啲乾燒大蝦，都好大隻，燒得都幾香，不過味道太鹹了🤣鮑魚海參，OK！夠軟身！金華火腿，麵包好OK，反而覺得金華火腿唔夠甜！小籠包，北京樓一直都比較厚皮，所以冇咩期望，不過都多肉汁！杏仁茶，真係超級好味，一來夠熱，夠杏仁味，好似冇加糖！下次一定再食過！

💋 美味四式: ¤ 部分好味😋😋😋.屋企人知道元朗開咗間北京樓，就話諗住去試下。於是中秋節團年飯就去咗呢度食。 我之前食過尖沙咀嗰間北京樓，覺得都幾好味，所以對元朗分店呢一間都有一定嘅期望。 不過似乎同我嘅期望有啲落差。.今日叫左1. 茶樹菇鮑汁炒雞丁 2. 北京填鴨半隻 3. 小籠包 4. 賽螃蟹 5. 雞湯小雲吞 6. 燻魚 7. 高力香蕉豆沙 8. 蛋白杏仁茶.1. 茶樹菇鮑汁炒雞丁: 份量唔多，味道普普通通.2. 北京填鴨半隻: 北京填鴨係主打菜， 啲皮係脆嘅， 有大蔥青瓜蘿蔔加埋醬汁一齊， 係好味嘅。 .3. 小籠包: 佢嘅汁唔多， 配埋醋個味道會突出啲， 不過我覺得另外一間小籠包好味啲。4. 賽螃蟹: 其實賽螃蟹唔係蟹嚟嘅，係用蛋白炒嘅一碟餸。 我覺得佢本身個味有啲偏淡，所以你要 配合醋嘅味道先得。.5. 雞湯小雲吞: 有十隻左右， 我相信佢啲雲吞唔係手做而係係機器整出嚟嘅。因為你仲會睇到佢個底係扁嘅， 一睇就知唔係人手做， 味道不過不失。.6. 燻魚:自己覺得ok，但係屋企人話有別於平時分意嘅做法。 所以留番畀大家研究下。.7. 高力香蕉豆沙: 其實本身甜品我係諗住叫拔絲

好想食北京烤鴨，就去元朗 Yoho Mall 間北京樓！入到去嘅感覺～座位舒服濶落，茶夠香！食物方面：*一坐低有個前菜～涼拌青瓜木耳*麻醬雞絲粉皮（至愛麻醬👍🏻）*賽螃蟹（蛋白滑身，配埋蟹肉味道好夾👍🏻）*一口小籠包（皮薄多汁，好Juciy ）*花雕醉雞（花雕酒香濃，雞肉入味嫩滑）*上湯菇菜苗（上湯清清哋🤤🤤，菜苗嫩又夠爽口）*到主打 - 烤北京填鴨（賣相👍🏻，刀工好，每片都好平均，鴨的油膩感不算重，用薄餅皮加埋配料嚟食，正啊！！我超鐘意落甜醬😹Yummy Yummy！！）總括而言，佢價錢唔算平，但每碟餸都用心擺設，賣相精緻，味道唔錯，下次可以再嚟Encore 💪🏻💪🏻

突然想食片皮鴨，所以揀咗北京樓，平時好full架，好彩我地一早book 咗位費事諗咁多，得地8個人揀咗個6人餐，再加個小籠包～ 樣樣都有啲，份量都夠食～麻醬雞絲粉皮麻醬嘅香味好特別，唔同平時係街買果啲，好好味～ 粉皮爽滑，加埋青瓜絲一齊食好清花雕醉雞香氣四溢嘅花雕酒味好吸引，雞肉好入味，口感鮮嫩，而且賣相幾好，睇得又食得～黑松露蝦球蝦球粒粒都好大隻，西式嘅黑松露用係中式嘅煮法，估唔到又幾夾喎～ 咸香嘅黑松露夾埋爽口嘅蝦肉小籠包一口小籠包，皮薄多汁～ 算係幾好嘅一個小籠包高力豆沙飯後甜品，食埋超滿足～小黃魚一人一條大大嘅黃魚，炸到外脆內軟，平時唔鐘意食魚嘅我都試咗一條～本來食北京菜最期待嘅係片皮鴨，可惜今次好失望

心血來潮想食北京填鴨Bk枱試下yoho嘅北京樓裝修黎講 相當中式算得上瑰麗嘅叫左個套餐小食有啲好好味嘅青瓜前菜有坦白講 我覺得個粉皮麻麻地個麻醬味同出面有啲唔同 唔算好食相較薄嘅豬蹄 都係好一般正常發揮嘅羹 依碟野炸就炸得唔錯 醬汁都係好食 可惜嘅係無咩蝦味🤦🏻‍♀️紅色個粒🙅🏻‍♀️🙅🏻‍♀️🙅🏻‍♀️ 食完我都講唔出係咩味 總知就唔好食🤦🏻‍♀️個魚我尚算滿意 無骨 有魚嘅甜味 唔錯主角片皮鴨令我好失望鴨好大浸油益味 無咩鴨味皮呢又太薄好易爛 食落又無面粉 包 之類嘅味道 總之就無味lol 原本諗住依到嘅片皮鴨一定唔差啦 點知又少又唔好食 都幾失望🤦🏻‍♀️全晚最好食嘅應該係依個甜品食開美心集團嘅你都應該知道佢地嘅芒果布甸 楊枝甘露個類甜品水準好高今次都一樣 芒果肉多 算係全晚最滿意嘅野食唔知其他菜式點 但如果叫套餐 我就唔多建議了 又貴又唔算好食 希望黎緊有進步啦🤦🏻‍♀️

今年父親節去咗北京樓食飯慶祝，我哋點左一個前菜一個小食一個主菜同兩個甜品。第一樣係口水雞，佢果汁十分之好味又香又有少少麻辣，不過雞唔算太滑。主菜係紅梅子沙律醬烤骨，佢個汁酸酸甜甜幾好味好似京都骨咁，個肉排亦都肥瘦適中。另外叫咗一客小籠包，出到黎熱辣辣十分多肉汁。甜品之後要咗拔絲香蕉同埋酒釀小丸子，整體十分之好味。爸爸亦都10分滿意。

有朋友遠道來港，當然是不亦樂乎。由於她們喜歡中菜又住元朗，為了圖方便，找一家特別的食肆是必須的。元朗形點新景象，選擇多，最終決定去食正宗的北京填鴨，在香港，此菜式非北京樓莫屬。可惜六人也不能訂座，又是星期六，店外站著苦等兩小時終於入座。印象中如尖沙咀老店的高大上、拉麵表演欠奉，最期待的主角菜式~北京填鴨，不但遲遲未出場，三摧四請，都推說是客人多，供不應求……終於等到上桌已九成飽，除了甜品外變成最後一道菜，可惜；更驚訝的是：北京填鴨的刀法，居然與普通燒臘店無異(有相為證)；入口竟然是微溫的；夾肉的薄餅，連邊都凍到硬晒，唔系化？近四百蚊一只填鴨的消費，凭名氣大欺客嗎？好想即時投訴並要求退換，但又怕被加料，唯有只換薄餅；但等到薄餅再上桌，填鴨就更凍了，勉強地吃了兩塊便不想再吃，凍左就覺得更油膩了！幸好其他菜式還可以，但主角實在敗筆，哎，代表作竟然如此一塌糊塗

Pricey food with terrible service. We ordered a set for 5 and the food was just so-so, nothing's really impressive except that the shrimps were indeed tasteless.The service was terrible. We understand it was a weekend so that restaurants have to do business, but having a waiter stare at the table to check if you were done with the meal made you really uncomfortable. In fact the waiter tried to clear the table even though there was a bit of this and that on the dish (which we were planning to eat

熊度九流，輪候不公平未入店等候2人枱等候5張票越45分鐘，4人枱近附立刻入座，職員只說用歺90分鐘自然有枱，實情是大部分2人枱已轉做4人枱，北京樓只吃大茶飯了。2人客戶慢慢等

上個月黎呢間分店食鴨既時候都還可以 幾好食 鴨皮正常 但今次黎到食 鴨皮真係好濕好濕 好似用緊層啫喱包住食咁 我以後趕收工整得馬虎 我問店員幫我換過份鴨皮 但係都係一樣咁濕 之後問返店員先知道鴨皮轉左生產商 成碟填鴨冇食到 自問食野都不講究 但今次不得不提 但都不得不讚一下酸辣湯 應該都唔會再返去 因為就是因爲呢d伴菜 睇落好小事 但可以令到成個菜式好難食

放假同友人們聚餐突然想食北京填鴨近近地就嚟咗元朗既北京樓紅蔥涼拌海蜇頭海蜇爽口冇腥味，但葱味就冇乜一般般烤北京填鴨(半隻)望落賣相就唔差但食落一啲鴨香味都冇 淨係得油膩感真係令人好失望四川水煮石班球魚肉嫩滑彈牙雖然成個湯紅噹噹咁但食落係微辣我平時唔食辣都覺得可食用而且湯入面仲有薯粉幾好食孜然羊肋排外皮酥脆但內裡肉質嫩滑而且冇乜羊羶味可謂全餐最出色最值得食既菜式京城芙蓉賽螃蟹蛋白係幾嫩滑但味道偏淡而且入面配料偏少，亦都冇黃花魚成碟野好清淡冇乜特別蟲草花炒小豆苗食咗咁多肉係要叫返碟菜清新一下菜苗幾嫩幾爽 清清地幾好但份量偏少整體而言菜式質素偏普通而且服務態度麻麻地落單嗰陣反而被個呀姐好唔客氣咁要求:「講慢啲!」全枱人聽到都呆咗，好無語收咗開瓶費但冇主動問我地洗唔洗開紅酒要我地要求先肯幫我地開真係未必有下次

多次幫襯北京樓，第一座位舒服，第二茶夠香，第三食物質素好及穩定!👍👍👍如果第一次去北京樓，建議食二人餐，可以食到六款菜式，價錢都不過係＄400, 但係其實足夠四人份量，真係超值！今次同老婆散叫餸菜，中午時分去食，仍有三分之一座位, 好適合慢慢嘆茶, 講真好過YOHO MALL嘅翠苑多多聲！ 麻辣五香牛肉麵，味道濃郁，唔算太辣，牛肉炆得好冧好入味鹹蛋蝦球，＄150 (6隻蝦)，蝦非常大隻爽口，鹹蛋黃份量適中！高力豆沙，香蕉味濃郁，即炸即食！

上星期同母親預食母親節飯,以免同人迫。聽説元朗有北京樓就走去試下。我們叫了個六人套餐。樣樣都好好味: 填鴨不肥, 啖啖肉, 剛剛好, 而且好多薄粉皮。黑松露炒蝦,蝦很大隻很爽囗弹牙。還有紅燒海參,的海參有剌的,品質唔錯。只是小黃魚就麻麻地,可能大條及厚身,煎得無咁香口及加多個醋佐食更好,的魚用個鐵碟盛好似賣相麻麻😉與其他賣相好似差左的😜。茶香, 甜品也很好味好满足😜😝連的泡菜(前菜)都好味,可能肚餓。最後六人餐都食唔哂,非常飽😳😂。

星期三和爸爸慶祝生日，我和爸爸、弟弟和工人姐姐一行四人到元朗形點北京樓。我們坐近廚房位置，入眼盡是鴨，全部都係鴨!菜式如下:1. 賽螃蟹: 味道清淡，感覺普通。2. 葱爆牛肉配叉子燒餅: 惹味可口，叉子燒餅微暖，不錯。3. 北京烤鴨: 皮肉相稱，配青瓜、葱等配料好夾，一致認為好好食!4. 羊小腿:我們叫了四隻($50 一隻，兩隻起)，我由於喉嚨痛不敢吃，爸爸、弟弟和工人姐姐都認為沒有羊味，只吃到鹹和辣，剩下一隻寧願不打包。5. 醉雞: 喜歡醉雞的酒味，不過仲然有雞脾和雞翼，肉質都偏硬，有點失望。6. 上湯菇菜苗: 怕炒菜多油，叫了上湯，清清地，菜苗又夠嫩，好快食晒。7. 蕃茄蛋刀削麪: 落單的時候，職員溫馨提示會有少少辣，問需否走辣，細心抵讚。我們叫了走辣版，蕃茄蛋開胃，刀削麪有咬口，不錯。8. 生煎包 (忘記影相): 工人姐姐唔食豬肉，我們每人兩個，大細適中，皮薄、汁多、肉嫩，值得推介!雖然已經很飽，但完美的一餐必需有甜品啊9. 碗豆黃: 有豆香，一致推介!10. 高力香蕉豆沙: 紅豆和香蕉份量適中，又不油膩，好味!由於不知道壽包要預訂，所以吃不到。不過環境舒適不嘈吵，職員服務有禮，

復活節假期相約死黨到YOHO MALL食餐飯，原本首選係去食川菜，但由於我地自備酒水既關係（4名酒鬼），開瓶費都成為揀餐廳既考慮因素。川菜要300蚊一支，而北京樓只需要100蚊一支，咁當然就揀左北京樓啦。燻魚好難食，好似d魷魚零食咁，可以唔叫。水煮石班唔夠辣，魚肉是彈牙的，略嫌紅薯粉俾得孤寒。北京填鴨填鴨片燒得太焦，而且唔夠鴨油既郁香，實在令人失望。孜然羊架一致通過為全晚最佳菜式，羊架焗很酥脆，肉鬆軟並已經離骨，而且唔羶，非常滿意。賽螃蟹水準以下，蛋白炒得唔夠嫩滑，而且根本食不到黃花魚既味道。蘿蔔酥餅好食，皮薄而且蘿蔔切得粗身，食落好帶勁，酒鬼表示尤其適合佐酒。好似仲有食其他野，但由於飲飲下酒開始神智不清，所以就停止拍照。餐飯係嘻嘻哈哈咁食完，席間友人表示同一支酒同我地飲係好飲d既，哈哈，果然係醉翁之意不在酒！