北京老家 (已搬遷) 新店位置

北京老家已經食過3次首先個酸菜魚係每次必點份量好足..湯底都好濃郁小籠包個皮唔厚 多汁 仲要係6粒份量一般出面食通常4 或5 粒咋片皮鴨 今次食略為瘦 拔絲香蕉就一定100分.有時仲會賣哂內較外脆

剛諗起有件事未做.要寫人生第一篇食評.星期五同事飯聚. 想食北京填鴨. 決定試下未食過嘅北京老家. 大失所望.北京填鴨太乾.要預訂先食到嘅叫化雞仲離譜, 無論賣相同食味都極似煲過湯嘅湯渣.食之無味棄之可惜. 仲要$368一隻. 仲要係推介菜式之一.伏到呢~~三碟餸入面, 最不過不失的竟然係拔絲地瓜.唉~~所以就算係件事已經過咗一個月, 我都要寫呢篇食評.

生日飯局，主要想食扁皮鴨，但非常失望，鴨吾好，皮吾脆、再full配料要收錢，種種失望，另外叫左個水煮魚，同上湯豆苗 小籠包 同雞絲粉皮 都係正常好食既 水煮魚略為出色，埋單只須一千蚊，食到五個菜，價錢真算合理，但不要抱太大期望

差不多價錢的北京菜來說，北京老家的菜式可謂大失所望我地依照openrice 食家們推薦菜式落單1. 片皮鴨（半隻）-鴨皮烤得剛剛好，惟鴨肉味不濃。師傅連屁股附近位置都片上碟，騷味道未必人人接受到-薄餅皮太厚，而且沾上太多麵粉-其他配料只有青瓜韭黃，但都唔新鮮，估計切好擺放太久2.雞絲粉皮-粉皮太厚，令整道菜更沒有特色3.香乾伴肚絲-整碟都係洋蔥，只有少量肚絲&乾豆腐絲，而且味道非常咸，影響食物本身味道&作為涼菜嘅角色4.炒刀削麵-刀削麵非鮮製，其他配料也欠奉，醬油落太多，只有咸味，穫氣也不足5.柚子魚-全晚較佳的菜式，魚炸得剛剛好，柚子是用碌柚，但柚肉太苦。整道菜酸甜開胃，魚皮脆魚肉嫩尖沙咀店雖有兩層，但座位鋪排奇怪。雖然已訂枱，但也被安排狹小位置&不受歡迎的門口位。服務也很一般。唯一特色是枱下有金魚供觀賞不會要再光顧也不會推薦

一大班朋友食飯，想食中菜~ 之前已經來過一次，覺得好食又抵食，所以年尾再來多次~今次試過d之前未食過的~雞絲粉皮，爽口彈牙醉雞，有少少辣，酒味都幾濃北京填鴨，真係皮脆肉嫰，好好味，所以今次再食~老娘炒飯，未試過呢款飯，好特別，味道唔錯~酸辣土豆絲，味道偏辣，酸味略嫌不足...干扁京豆，送飯一流，好惹味~小籠包，一定要趁熱食!!!蔥爆牛肉，有大大片的牛肉~ 惹味~胡同素鵝，好鬆脆韮菜水餃鍋貼(津菜)山楂高力，山楂味偏酸，如果係山楂蓉會比較好，有d係一大粒方形山楂...

聖誕後，放多一日假陪下阿女行下街。阿女勁鍾意小籠包，所以揀北京菜同佢食。入到餐廳，阿女好喜歡個環境，平時好少見咁有中國特色既餐廳，佢仲扭住要影相，又見到枱中有兩條小魚游來游去，對小朋友黎講真係好驚喜。看看午餐餐牌，有好多選擇，而價錢一d都貴，全部都係$60留下，叫左糖醋排骨同小籠包，仲想叫多一款，被阿女阻止左。上菜都快，先有例湯（菜乾湯），阿女好喜歡，因為湯既味道係佢讀幼稚園全日校時，學校廚娘煲既味道。我就對個湯無特別感覺。有一款青瓜小吃，青瓜好爽口，味道較重蒜味，我喜歡！糖醋排骨個甜酸度係啱啱好，阿女仲用d汁撈飯，可惜有小部分既肉比較”un”。而小籠包，size偏大，夾上去唔會散，多汁多肉，美中不足是皮唔夠薄。最後送左碗綠豆糖水，呢個就真係no，好淡好稀又無綠豆味。好彩無叫多一個餐，兩個餐已經夠哂兩母女食。同阿女又食左個好開心既午餐，食物係ok，但環境係仲正d。

預早訂了1圍枱8點半可以一家人團聚食餐冬至飯。心想早點到可以準時安排枱，誰知道一等就一小時，9時多才入座，那我為何要提早預約？要等不緊要但服務人員態度極差！有問不答，還大聲無禮說不知道！找經理說她好像扮聽不到，用金錢買來一餐滿肚受氣！吃了一頓不開心的飯！其員工一句道歉也沒有，還說客人有問題！埋單$55xx! 同樣酒店的價格，服務比茶餐廳更不如！北京老家原來只是虛名，一間服務參差得很

北京填鴨這樣食物，確令人有突然想吃的慾望🐧🐧，這次是生日的壽星話想食，我當然拍手叫好，我也是北京填鴨狂熱份子，這次三人行訂了尖沙咀的北京老家，之前在灣仔分店已食過好幾次，覺得好吃和很正宗，訂了8:00pm ,到達仍要再等15分鐘，全埸爆滿人多得很，尖沙咀這家裝修很有老北京風味，而且地方比灣仔分店細很多，很擠逼但又很熱鬧，我喜歡😎😎3個人，能點的餸不多，因這裡的份量頗大😃味道保持一貫美味，上菜速度亦頗快，最喜歡這𥚃的麥茶，好解渇😋📌北京老家門口📌每枱重點，小金魚缸遊來遊去📌主角來了-半隻北京填鴨肥瘦適中，燒得皮脆肉嫩，餅皮和配料亦很足，好味好味😋😋😋😋😋📌清炒河蝦仁份量超多，蝦仁爽脆，調味很清剛好😋😋😋😋🤣📌蒜容翠苗喜歡的會很喜歡，因這菜有股草清味，我就好鐘意食，次次都點，而且這裡炒得很有火候😋😋😋😋📌九菜煎餅大過一個Pizza ,我以為是好像九菜餃的形狀和味道，完全估錯，這個是用九菜，豬肉和煎蛋作饀料，餅皮煎得脆脆，不錯的😋😋😋📌我的至愛-炸銀絲卷此菜很普通，但這𥚃能做到皮炸得很脆，內𥚃的一𢇁一絲好鬆軟，加上練奶，幾飽都一定要食📌茅廁🤭🤭

尖沙咀-北京老家：拔絲蘋果（$hk$78) 、拔絲香蕉（$78）、片皮鴨（一隻$410）踏入堪富士利道上一棟不起眼的老舊大廈，乘坐一部好似就快打柴既電梯，來到佈置古色古香的北京老家，大部分餐枱中央都有透明玻璃可以望到枱下的有金魚盤，好有趣，不過我坐果張無🤣可能要訂座時request.餐牌選擇頗豐，而是晚食既幾樣餸菜都好滿意。全隻片皮鴨份量足，皮脆肉嫩帶鴨油香。酸菜魚啖啖肉😍入面仲有少量粉，吸哂湯味👍🏻我最喜歡的是拔絲😍😍賣相非常漂亮，灑在拔絲上的芝麻簡直畫龍點睛，如閃閃金光。除了拔絲蘋果/香蕉，還有地瓜/山藥/士多啤梨可以選，選擇都幾多。另外也點了炒刀削麵，好似干炒牛河刀削麵版；還有羊肚絲、雞絲粉皮、炒窩筍，全部都唔錯。-PS 我覺得牆上的結婚公仔有點恐怖😂PS 朋友話呢間好食過旺角果間...Ig: nee.eat.play

朋友生日，所以就約左黎呢度食生日飯。餐廳環境都係行中式路線，好配合到餐廳名😂不過座位之間就迫啲，我朋友坐左係風口位想坐另一邊都比姐姐有說話聽「阻住佢行」。我地叫左半份片皮鴨，雖然份量係少啲（每次食都心諗呢度真係有半隻鴨？🤔）不過係好味既 肥瘦都好均勻，油脂好香❤️另外仲叫左鐵板蔥爆牛肉，麻辣肚絲，同埋糖醋排骨。（太肚餓唔記得左影呢幾樣☹️）麻辣肚絲啲肚絲細條得有啲過份😅同埋啲蔥絕對係多過啲肚絲😂樂觀啲諗中意食蔥既朋友仔應該會覺得好似執到寶咁😆鐵板蔥爆牛肉就普通，無咩特別。糖醋排骨就有啲淋有啲柴，比較參差。

今晚同屋企人聚會，去咗呢間食北京菜，之前一直聽口碑都唔錯而且價錢唔貴，所以今晚決定去一試～呢度嘅裝修好古色古香，一坐低發覺張枱好特別，枱嘅中間下面原來係個魚缸有金魚游來游去，睇住金魚食飯感覺好得意！😍呢度餐牌入面好多款式，叫咗幾個涼菜：蔥油海蜇：幾香幾爽；雞絲粉皮呢度整得幾好，粉皮好滑又唔會太淋，配埋醬食好味；醉雞好好食，酒味香濃雞肉亦都好嫩滑～涼菜之後其實有好多野都好想食（太多選擇攪到選擇困難發作）最後都叫咗好多款嚟試～😬😋小籠包味道唔錯，烤羊肉串幾好食，唔會un同好有羊味；松仁魚，啲雨已經去咗骨，炸得幾鬆脆，魚肉幾滑，最鍾意啲汁酸酸甜甜配埋個魚食好開胃！🤤主角當然係北京填鴨，啲皮烤幾香，啲肉幾嫩，呢隻鴨有啲肥但係反而我覺得更好味因為多一份油香，整體都好好食如果可以熱返少少更好～😋👍🏻叫左個炒刀削麵，呢個估唔到好友驚喜炒得好好食！刀削麵唔會太林又唔會硬，剛剛好，而且抄得好香鑊氣好夠，呢個大家都覺得我唔到好好食！🤤🤤👍🏻食咁多肉都叫咗兩個菜平衡下，上湯津白正常味道，反而炒萵筍好好味好爽甜～食完雖然好飽但都忍唔住要試吓佢個拔絲香蕉，好好味！出面有一層脆糖入面香甜嘅香蕉肉，雖然邪惡但係好正

一行4人食北京片皮鴨慶祝生日，0730唔算太多人，但再妟啲就已經座滿。味道唔錯，片皮鴨塊皮好好食，鬆軟唔硬唔厚，包完放入口口感唔錯，其他食物都很好。餐廳裝修很中國風，枱中間會養左幾條金魚，影相呃like唔錯。因upload相片後按完成，就會彈返出去，因此未能成功uploaf相片。

預早book位食上海菜， 貪佢夠特別臺中間有盤金魚， 周圍佈置都好有中國風味，好有傳統茶樓嘅感覺。 片皮鴨夠大隻，味道亦都幾好，只係唔係好夠熱同埋啲皮唔夠脆。 小籠包一般，湯汁唔夠。其他嘢食都大致一般，普普通通。

中秋節做節想食北京填鴨，原本打算食另一家老字號.上網一查發現評價麻麻，但就見到大家對北京老家讚口不絕，抱著試下既心態到來.由於臨近中秋加上星期日，8人被安排一張小圓枱，坐得比較迫，但理解.裝修同餐具都古色古香，服務員既態度亦幾好.土豆絲爽脆，唔太酸粉皮滑，海蜇爽小籠包皮薄多汁，但唔夠鮮北京填鴨燒得皮香肉嫩，就算瘦既部位都唔會韌.比起好多大酒店還要好，而且價錢唔貴蔥爆牛肉，京蔥甜，牛肉野味得黎有咬口水煮魚份量比較細而且唔夠辣，但魚肉嫩滑.蔥油餅太厚亦唔夠香韮菜餅皮酥脆，餡料十足刀削麵又滑又彈牙，絕對唔係又硬又厚銀絲卷外脆內軟，裹面係一絲絲好似棉花一樣咁軟最後係拔絲地瓜同香蕉，兩樣都過腍沒質感.

又到9月.男友生日的月份.最愛食片皮鴨的他。今年準備試下lee間北京人家。門面真係好北京感覺入到去以紅色金色裝修為主。好傳統ge老北京感覺.個前菜係麻辣口味.好有追吃性.餐廳用具都別具北京特色最得意ge係枱下面有金魚睇ga wo.我地點左:雞絲粉皮粉皮略為軟左一D la.北京片皮鴨（半隻）第一次食到咁多肉ge片皮鴨下面一大舊鴨肉皮肉分佈一流.一D都唔靭.油香加鴨皮加點醬油包起薄餅包起來食.真係好香好好食.這裡食片皮鴨可以咁大塊皮大塊肉咁食.真係別有一番風味.小籠包:竟然有6粒(超大方)小籠包正常質素la.本來想叫個拔絲地瓜做甜品。不過二個人食曬個片皮鴨實在太飽la.食唔到甜品la.下次會再來試過其他菜la.