北料南麵 (已結業)

住係深水埗既同事成日推薦我食見路過深水埗就去試下叫左幾款食品-口水雞-皮蛋-油麥菜-牛腩-豬腸豬軟骨腩肉麻辣麪口水雞 我係覺得好食 佢煮到九成熟 仲有少少血 肉好嫩 驚生既朋友可能要提一提佢熟少少，但我覺得可以接受。平時口水雞有花生 呢度係用碗豆。幾特別 但我覺得個汁 唔夠辣 同埋唔夠醋。皮蛋 有蛋黃 比較少見 味道唔錯 有莞茜 會更好菜 大大份 唔錯牛腩 炆得夠林 唔痴牙 入味 己經好好食了碗麵個湯底好濃味 好油 配料都好足好多 個麵索晒D湯 好食！提外話 見到有個挑戰 限時分鐘內食晒碗麵加飲埋湯就可以唔洗錢食 ，見到好多成功挑戰者既相。碗麵係好食 但太油 贏到碗麵 都補唔返覺得很有趣

來深水步揾食就試下呢間麻辣野叫左3樣野麻辣大腸+豬紅麵 (微辣), 都吃到出汗。豬紅咸得滯。重慶炸醬撈麵(微辣), 撈有花生醬, 微辣都吃到出汗, 味道都係偏咸左。蒜泥白肉, 非常啃, 大量蒜蓉, 唔知係麻辣油勁定係蒜泥辣, 吃完有下胃痛。不過都無乜野。價錢親民, 中意辣既重口咸味既人可一試。如果無咁咸應該不錯。

同朋友嚟咗呢度食晚飯，裏面整潔，空間大。入到黎就先叫咗一杯豆漿，飲咯都OK，唔會太甜，有豆漿味。望一望個Menu，所有餸菜都係重慶菜比較辣，但係可以大部分菜色可以選擇不辣或者微辣，對於我呢啲鍾意食辣，但係又唔識得太辣嘅人係一種好好嘅選擇。我哋叫咗個一疊細嘅祕制豬手，份量都好足夠，只係$20就有7-8隻豬手。雖然我嘅最愛都係南乳豬手，但係佢哋整得都幾好食，有少少滷水豬手嘅感覺。雖然叫嘅係微辣但係完全唔適合嘅人都可以食到。我朋友就叫咗個手撕雞湯麵另外加咗金菇菜之類嘅嘢食，份量非常大，用料足夠。我就叫咗佢嘅牛腩豬大腸麵，牛腩煮得夠哂霖，大腸也多，味道都唔錯。

午餐想食麻辣野，去左深水埗食依間上次朋友試過微辣，今次挑戰小辣嗌左兩碗，一碗麻辣肥牛麵一碗麻辣腩肉麵上枱紅卜卜，麵質好爽，肥牛腩肉份量好多，麻辣湯好正，好足料，食到麻味，辣得好過癮！

不嬲都覺得佢嘅麻辣麵做得好出色，並且都幫襯第三次。但服務態度真心需要改善下lor⋯⋯同行二人，本身係menu都圈好要咩，嗰店員係要直接問我地然後入手機系統。我地當然無問題啦，最緊要入啱姐。點知黎錯一碗麵，我地就舉手叫店員話黎錯，諗住點餐嗰個都可能係新人，錯少少唔緊要。點知都係黎錯，咁個熟手嘅店員就過黎，同我地確認張單，兩碗麵d材料，size，同麵係撈亂晒。跟著嗰熟手嘅店員就好似覺得係我地叫錯晒咁，態度極差咁叫我地再畫過，我同同行友人都覺得有d火滾。我地想表達嘅係，明白所有嘢都有第一次，錯唔緊要，改返啱咪得lor。但點解明明我地冇點錯單，最後係向我地發脾氣，覺得我地點錯晒嘢麻煩到佢地？嗰位態度差店員係位年輕嘅女士，希望你嘅態度可以改善下，謝謝！

同朋友深水埗買完野 好想食辣野 咁就去咗附近嘅鋪頭食小食方面黃金皮蛋 金黃色嘅皮蛋晶凝通透 有啲流心嘅感覺 入口即溶口水雞雞肉嫩滑 配埋啲醬汁 唔錯 仲要咁岩隻口水雞係脾位 超級無敵正海哲平平無奇嘅海哲配上啲醬料 加添佢嘅色彩 而且都爽脆蒜泥白肉幾鐘意佢配青瓜依個配搭 食落去感覺清新啲 但我覺得食落有啲咸左啲 可能醬汁落多左啲掛🤔麻辣牛腩大腸麵 走辣嘅朋友唔食得辣 湯底濃郁 有少少牛味 牛腩淋來又咬口 大腸燜得好淋身 好入味 啲餸都算多麻煩飛豬麵 小辣材料十分之豐富 有豬大腸 豬軟骨 腩肉 炸醬 時菜職員同我講啲炸醬賣哂所以俾咗啲豌豆 麻辣味好過癮 先麻後辣 而且每樣嘅材料都吸左啲湯底嘅辣味 所以食落去辣得幾過癮 全部肉 好入味而且淋身 啲麵好掛汁 食落去每一啖都係味覺嘅衝擊 如果食得辣嘅話不妨試吓

同事之前話深水埗有間食四川野好正~今日趁老公要去黃金買野，就同佢過黎試下!一入店內見到好大幅貼住舌尖上的重慶小麵，d麵同小食個樣都好吸引!我地食左早餐之後就冇食過野~於是又瘋狂地叫左好多野食!前菜叫左四款~口水雞、海蜇、蒜泥白肉同秘製牛展~因為就番我口味，所有小食都叫左微辣~全部用上秘製既辣油，微辣既程度對本身唔係好食辣既我都接受到，有辣度又餘亦有一股麻勁!正正~口水雞灑上花生粒同蔥粒，雞肉夠嫩唔鞋口，連皮連花生粒蔥粒一齊食口感十足!海蜇本身冇咩味，呢碟菜既味道都係來自秘製既辣油，仲有芝麻同蒜蓉，海蜇滑LULU好爽口~撈埋醬汁一齊食好開胃!蒜泥白肉係薄薄豬肉一薄層薄青瓜間住排列，面頭伴有大量蒜蓉，口感豐富惹味。而牛展切得厚身好有份量!同樣整好入味!有咬口又唔肥!之後就到麵麵出場~叫左兩碗麵食~麻辣牛腩大腸麵(中辣)呢個係老公食既~店員話辣度由中辣以上就最食得到佢地秘製辣油既麻香味!所以老公就揀左中辣!一黎到碗麵真係好香!成碗紅噹噹好濃味既樣子~撈一撈d材料先發現好足料!牛腩同大腸既份量好多而已造得好入味，麵質好彈牙，索唒D湯底味非常惹味!麻辣狂牛麵(走辣)因為我唔係好食得辣所以就叫左走

呢間小店，其實我早喺1年幾前已經幫襯過一次，果時落住雨是但搵間米線食，就入左去。食完發現啲麵又足料又好食，但係鋪頭竟然係無乜人。同店員姨姨傾計，佢話老闆係喺重慶果邊學古法做麵，係跟足晒果邊啲方法，配方黎做，希望大展拳腳，但開業生意麻麻，老闆都打算結業。臨走前我仲同姨姨講，其實openrice有9個好評無負評，香港人係鐘意你地既味道架。估唔到1年幾後，佢地仲做緊，生意仲比以前好。內在環境好舒適，整潔。美食種類衆多，為大家一一介紹。麻辣牛腩大腸麵，麵質好彈牙，湯底好濃帶麻，中意食辣會覺得好正。牛腩冧中帶咬勁，大腸忟得夠冧，餸夠晒足料抵食。麻辣狂牛麵係另一款主打，我大食加左響鈴同雲耳。狂牛麵有牛展牛肉牛根牛腩等，又係足料之作，響鈴雲耳亦見新鮮。口水雞亦不得不食。雞香嫩，麻辣香加上蔥花，雞皮滑，口感味道一流又濃味，送飯較好。海哲好食，新鮮彈牙。本身冇味既海哲配上麻辣，令人食指大動。口感味道配合唔錯。哈哈，食到呢度真係好飽。我地係叫多左，因為估唔到水餃入面咁足料。冬菇雞肉餃，好濃香菇味，肉汁夠多。加上少量麻辣，唔會太搶餃既味道，又增加刺激感。其實我地都怕辣架，叫左少辣，個咀都變孖潤腸。隨左叫左豆

🔎北料南麵 #90sfoodieshare_深水埗📍深水埗元州街137號地舖 #食在深水埗-🔹麻辣牛腩大腸麵 $50每次係呢D就好想食麻辣大腸 呢個有埋招牌牛腩 一次過滿足2個願望 但呢個只有大碗揀 店員話如果食得辣嘅中辣會比較香 所以我今次嗌左中辣 中辣的確麻味夠香得黎辣度岩岩好 大腸夠淋容易咬又入味 唔錯可以試 細食嘅朋友可以叫一碗share再加小食 🔹招牌麻辣牛腩麵 $39/大另外叫左個牛腩麵 份量超多 有細碗揀$29 可以一人叫一碗細嘅再加小食都得🔹麻辣黃金皮蛋 $15/小叫左走辣 都好夠味 有好多蒜+蔥+芝麻 $15一份好平🔹麻辣手撕雞 $26/小都係叫左走辣 辣另上 雞肉撕得幾細 有D芝麻幾香 不過都係要加埋辣先正🔹韭菜鮮肉餃 $30/8隻餃子細細隻唔錯 配呢個醋汁好好味！！！韭菜同豬肉一半一半 唔會食到成日韭菜味🔹自家製豆漿 (跟餐) $6/杯 店員推薦飲豆漿 係自家製嘅唔會好甜 飲開無糖嘅我都覺得OK整體都幾好味 難怪位置唔方便都幾多人食 而且價錢經濟 係一個幾好嘅選擇 有機會會再去！

呢間北料南麵嘅鋪頭係位於長沙灣同深水埗中間， 所以我搭親車返長沙灣都成日經過見到好想食， 今日就約咗幾位朋友特登去試下因為我地都好鍾意食辣嘢。佢哋係用白板筆自己喺餐牌上邊圈嚟落單嘅 ，選擇都好多有湯麵、撈麵 、餃子、小食等等 ，老闆娘行過 就推介咗我哋食幾款招牌菜， 仲好細心提醒我哋呢度嘅小辣等於出面嘅中辣， 所以我哋今次叫咗微辣試下先。少食我哋叫咗蒜泥白肉、口水鷄 、土豆絲、 麻辣海蜇 、皮蛋， 最推介嘅係土豆絲， 佢嘅味道 喺出面我係咪食過嘅係有少少酸辣嘅感覺 ，好清新!! 另外皮蛋同海蜇都好入味， 我鍾意!!主食方面叫咗炸醬撈麵、 麻辣牛腩大腸麵、湯韭菜餃， 牛腩大腸都炆得好淋好入味 ，另外個湯韭菜餃啲餡料好豐富脹卜卜， 如果我下次係自己一個人嚟食，可能我就咁叫個湯餃都已經好足夠!!

一向都幾鍾意食辣野，但真係唔係間間好食，今次路經深水埗呢間北料南麵確實有驚喜由於好口渴既關係，坐低就叫返杯豆漿飲下先，豆漿係餐廳自己整，豆味香，唔太甜突顯左個豆味好欣賞呢度既老闆，佢會好主動向的地介絕餐廳既出名食品，而蒜泥白肉就係其中之一，呢度既生蒜較辣，底面都係青瓜片，食到白肉既香味之餘多左一層清新既感覺第二推介就係麻辣牛腩大腸麵，特別之處就係個麵係自己打既，口感勁好，一定要試！湯底都好濃好好味，可以自揀辣度最後仲叫左個口水雞，個汁做得唔錯，雞件都好滑食得辣既朋友一定要黎挑戰下呢度既大辣重慶小麵，20分鐘內食完連湯飲埋係免費架，都幾多人挑戰成功

呢排成日都要出深水埗買野，所以順便就會係深水埗食埋野先返去！天氣涼涼地，應該食碗熱辣辣嘅湯麵，路經呢間食重慶野既餐廳，喺門口睇過個餐牌，價錢唔貴都幾抵食，而呢度又有媽咪鍾意食嘅酸辣粉，所以就決定食呢度酸辣粉有分大同細，而且仲有辣度可以揀，如我哋就帶咗個細嘅，微辣，個湯底做得幾好，酸度恰到好處，薯粉都唔會煮到淋哂除咗酸辣粉，老闆娘向我哋推介呢度嘅麻辣大腸重慶小麵，麵條係自家製，出面食唔到架，個面質有啲似上海麵，但係口感比上海麵滑，食落去都幾煙韌，牛腩炆得好腍好入味，大腸大大舊，煮得岩岩好，加埋個辣辣地既湯底真係幾好食，老闆娘果然冇介紹錯跟住不得不提既就係呢度既小食，非常抵食，十幾蚊就有得食，黃金皮蛋都只係$12，另外仲叫左木耳同海蜇，3款小食個醬汁都幾好食除左食物之外，我推介大家試下呢度既豆漿，自家製，豆味好香好濃，甜度岩岩好，跟食品加配都係$6，超值丫埋單都只係$130左右，抵食又好味，唔使成日食譚仔咁悶啦！

呢間野啱啱開冇幾耐嘅時候其實已經嚟過一次，對佢嗰種辣嘅味道念念不忘，但係深水埗實在唔係成日嚟所以一直都冇再次光顧。咁岩今次去朋友屋企而佢又住深水埗，腦海入邊就記起呢間野，今次一定要食佢個口水雞，因為見到一啲食評話好唔錯，而我上次冇食。的確，雞質地非常嫩滑，而且個辣醬處理得非常好，辣得來唔會嗆喉，相信如果送飯真係一流。你都當然唔可以錯過佢個麻辣牛腩面啦，姐姐話係王牌嚟嘅，個個都嗌，佢個面質非常彈牙，你見到雖然面頭有一浸油，但係佢嗰種辣係辣得發現內心，唔係剩係得辣油嗰種刺激。見到餐牌上面呢個豌豆炸醬麵都有推介嘅手指公，就試吓乜料啦。原來係豌豆容配麻辣炸醬麵，豌豆容偏向濕濕地而且可以中和辣味，但係我都係覺得辣麻辣應該陳牛肉或者肉類會比較好，但係都不失為一個好嘅嘗試。食咁多辣野當然唔能夠無蔬菜啦！

這是一間光線充足，地方整潔，坐得舒服嘅重慶麻辣麵，嗰日我叫咗一個秘製豬軟骨麵、小食蓮藕片、豬潤，秘製軟骨麵嘅醬汁濃郁，口感層次豐富，醬汁加咗醋帶點酸味，豬軟骨有好多軟骨，肉質有口感，味道濃郁，份量亦好多好抵，我叫咗少少辣，唔會太辣，幾開胃好味道，麵既粗幼適中，非常有彈性。小食蓮藕片切得厚薄剛剛好均勻，非常爽口，醬汁開胃。最後，叫左豬潤，份量非常多和厚身，口感豐富，另配醬汁點。服務員很好，會問下客人還有咩要叫。

本人住長沙灣附近，一直視求奇點為小妹食堂，但無奈求奇點愈來愈貴，加上只提供外賣，所以家人提議另找開餐地點。北料南麵和求奇點一樣是嗜辣者天堂，加上價格實惠，環境舒適，已經變成我和家人開餐的新落腳點。今次已經是第三次幫襯，仍然沒有令我們失望。我們點了兩個微辣的重慶小麫，另加三個小吃，分別是海帶，海蜇，雞翼尖...（每款只是十多元）非常美味！要不是怕明天上班會痾辣椒，我定必會再試多幾款小吃！長沙灣的食店，轉完又轉，沒競爭力的很多也會站不住腳。北料南麫這小店給我感覺很有誠意，無論食物，裝修，服務，各方面也很用心的，所以我特意上openrice 寫食評，若附近街坊見倒，可以多幫襯，支持一下有心美味的小店呢！