北海道活壽司 (已結業)

今次我和朋友去了一家歷史悠久的壽司店，晚上9點後享有88折的優惠。 88折的折扣力道相當大，真的可以省下不少錢。 這間店的環境非常寧靜，人也不多，上菜的速度也很快。🍣三文魚籽海膽蔥拖羅：有一點點腥味。🍣海膽軍艦壽司：海膽鮮甜可口。🍣鵝肝帶子壽司：鵝肝的口感厚實。🍣12件滿福套餐：雖然這個套餐性價比很高，但是有些壽司比較普通。🍣生蠔：味道非常奶香，很滑。🍣中鮪魚腩壽司：魚腩肥美多汁，夠油膩。可惜的是，即使食物很美味，也無法抵擋租金的上漲。 聽員工說因為租金上漲的原因，他們只能做到本月底就停業了。 

有一日無意中發現以前時常去的高级sushi 店那時 北海道活壽司 係彌敦道 小米現址生存左好多年那一日我一個人去懷緬一番餐具是日本城科學瓷同grade,滿滿家的格調便當set 有濃濃腥味既一大碗 3文魚湯個飯... 半生半熟全放在一個碗,連蘿蔔絲....在室溫飯上魚生算正常的有熱既海帶結, 冷冷半條fake雪味粗蟹柳加蛋黃漿一d魚生,同我揀左室溫燒雞,味道ok除左又乾又硬之外係mk食到咁地道既 mk sushi 連加一$80有找呀呢個價錢ok la,去茶餐廳都要起碼五十幾蚊la深深展現古時香港人既頑強生存力Covid打擊都擊不下已遠遠超越當年既 元綠快趕上 x將可以黎破地獄啦ps. 走時發現我坐緊個位 我扇到差d 跌親大家去挑戰...破地獄時小心d

今次去旺角係為左下次旅行去買鏡頭，買左平平地既10-18mm鏡頭，然後去之前因為旅發局搶獎賞而念念不忘的活海鮮，不過因為睇openrice食評近期好似麻麻地，就無帶家母黎食。3點幾入到店，場面極度冷清，一度以為唔係開緊工。入坐之前已經諗好食咩，等左一段時間，蒸蛋同烏冬仲要比錯隔離位客人（在我之後入座），係比蒸蛋同烏冬既同時，廚師都遞上左三件頭既主菜。先食蒸蛋，相當一般，偏咸，得條蟹柳，仲有其他人講過既水汪汪，到最後我係飲完既。烏冬，正常。以天婦羅為名的午市餐，塊葉可謂開胃硬菜，超級硬，食過咁多間最唔掂既。其他兩款普通。全場最佳，最少這盤沒有不新鮮，兩款魚生都新鮮有香味、蝦刺身鮮甜彈牙，有挑腸，唯一要彈既地方係蝦頭無膏香，比較失望。相當一般，用料沒有刺生盤那麼新鮮，味道最突出的是甜蛋，壽司飯好似我每日放工既坐墊一樣壓到又死又實。下次應該可以再帶家母黎食多次，到時淨係叫刺身睇睇

北海道壽司在香港已有數年歷史，以前中學時代去過用餐（當時地址在另一端），質素還不錯。但現在食物水準下降，魚生根本不新鮮，這是最大的日本菜致命傷。點了一盤壽司，吞拿魚的顏色看上來不合食用，海膽味道更是奇怪，最後很多壽司也沒有吃，就連燉蛋也水汪汪的，雖然牛舌還可以。我再也不會來了。

晏就同朋友去午飯，用錢換來不愉快經歷😢叫咗3碗「什錦刺身丼定食」 食咗一啖帶子 已有腥味😣再食啖蟹子 都係腥😟 於是同職員講 首先男職員係我地面前*聞*一次 再拎返去廚房以為佢會換一碗新的或問是否要轉其他嘢食結果拎返我食過兩啖個碗俾返我 我地都講3碗中 就係呢碗有腥味 😠點食呀但職員竟然講：無事呀 蝦頭味 仲要*聞第二次*我地聽到O咀😡刺身有腥味已經有問題🤨職員咁樣聞碗刺身本身唔應該俾返我地（衛生問題）職員講到好似完全唔關佢哋食物質素有問題絕無下次 😡😡😡😡

「北海道活壽司」-是一家地下式嘅迴轉壽司餐廳，地方都算是整潔。餐牌上選擇性也很多。食物方面，我點選了以下（糖漿炸蕃薯）-色澤夠金黃，食落微甜，是一道不錯的下酒菜（肥鮪魚腩）-兩片筋位較大，有點難咀嚼。（特上海鰻壽司）-海鰻燒得沒咩色水，食落香度盞d。壽司飯方面：飯粒是機壓製，壽司醋少左。咬落比較實。（鵝肝雪梨卷）-味道有d唔係好match，鵝肝煎得不夠香，導致臊味特重。（炸餃子）-餃子是包裝餃子，炸到油淋淋，油溫不足，色澤未夠，餃子上還沾滿了其他食物油渣。

今日Lunch想食日本野 仲去左活壽司食佢地嘅 ‘海鮮三味天婦羅定食’🍱首先魚生口感鮮甜🍣，仲要每件都咁厚😍再嚟酥脆嘅天婦羅🍤口感勁豐富！又刺生又魚生飯又天婦羅仲有埋茶碗蒸同烏冬都係$95 抵到爆🤑又新鮮又好味又抵食嘅Lunch ！仲要人流唔算太多 可以慢慢嘆🤤我仲order埋一杯叫‘黃金夢‘嘅嘢飲，其實姐係芒果益力多，估唔到又幾好飲！其間師傅仲會問夠唔夠食同魚生新唔新鮮添？食完呢個lunch真係捧住個肚埋單走人🤣個肚好滿足😍重點番到屋企都冇話肚痾肚腩🙏

今個星期五晚，同朋友兩個8:00嚟到呢間日本餐廳食飯，以星期五晚嚟講唔使排隊，可以直入，對呢間餐廳都冇乜期望！ 坐低之後，果然冇期望冇失望！第一冷氣唔夠凍，第二有烏蠅仔不斷喺我面前來往！環境已經令整間餐廳變得好低級！  友人好肚餓，第一輪已經叫咗好多碟壽司，有三文魚，油甘魚，赤蝦，魷魚，吞拿魚，蝶魚裙邊等等 ！壽司方面，啲飯手握得比較實，唔算好食，魚生片比較薄，亦都唔夠凍，感覺唔新鮮，最好食都係嗰款係蝶魚裙邊，好肥美，夠油膩！我估呢度嘅熟食比較好！  另帶一題，呢度嘅Wasabi係獨立包裝，豉油都係自己斟，較為方便！  第二轉點咗一個大嘅刺身拼盤！另外加一份甜蝦！ 帶子新鮮，北寄貝爽口，最差係甜蝦，感覺好唔新鮮，見到有啲黑色，啲肉好削！  最後，叫多一件$27既特長海鰻壽司！實在太失望，一來唔夠厚，二來凍嘅，三鰻魚汁太多，完全開咗鰻魚本身嘅味！  最後兩個人加埋$433埋單，應該冇下次！ 整體嚟講，完全係高價錢低享受，未算最難受！

我係2019年開始幫襯呢間野，咁多年間都起碼幫襯左佢20-30次，食物其實普普，貪佢無乜人，可以慢慢嘆。點知 今日去幫襯吓佢，照平常咁點餐，到我地就黎食曬啲野時，發現有兩碟壽司未到（都等左30分鐘）咪開聲問吓，個職員一臉不爽咁幫我地跟進，隔左陣 佢攞左一碟我爭既野比我，仲好不爽咁話：「我明明兩樣一齊上左比你」，但真係冇囉，我地冇見過個樣野出現，食過仲洗追你咩？ 但佢都係一臉不相信同不爽，當我地係犯咁，跟住等左陣，明明追佢兩碟，仲有一碟未有，我地本身都比佢搞到無曬心情，個碟都想又佢，但係比左錢又廢事改單，跟住咪追佢，佢又話：吓頭先咪比左你囉。咁第2碟無黎到咪又要追佢，佢又比一堆說話我聽，好似我地食左但又呃多幾舊壽司食咁，我真係未試過去餐廳食野會咁囉。 食到我係想周圍搵cctv去證明，我最憎人屈我架啦，最後埋單我係想哭囉，唔明白點解比錢買難受。P.s. 一開始已經有碟野係我地既 但佢上左比隔離枱 疫情關係 我都冇話佢直接比返去錯左人地枱既野我 都唔知有冇人地既口水。我自問比較林善既人 睇落都好恰可能係咁啦，大家如果真係要去，要小心一位女職員，好識屈客人同埋冇乜禮貌，我建議 要拍住片黎食。。

還記得小時候跟姑媽常常逛完花園街 就會去太子始創那邊吃這家🍣因為好吃又便宜 以前常有三件一盤的配搭 但我們最主要的也不只是吃🍣是因為我要吃牛舌😬(從小就是牛舌關注組會員😬)以前常常一來就直接點十盤🤣每次工作人員看到都會以為我們是寫錯 要再向我們確定一下😬不過後來就好像只剩下現在在旺角的這一家分店了🥲(希望這一家可以保持下去🥹)除了牛舌 我還很喜歡吃這裡的花之戀🍣還有鵝肝🍣這邊有很多🍣選擇 熟食也很多選擇 價錢也算便宜～特別是午餐很超值!!壽司盤+烏冬還配蒸蛋配飲料 好像最貴才$80😬現在有時候下午經過明明晚上約了朋友吃飯還是忍不住進去吃一下下才滿足😬

週六晚，一家人去旺角搵食⋯⋯經過雅蘭中心對面的活壽司，諗住去試一試～店舖係地下一樓，六點左右入座，食野的人唔算多，坐低有張點餐紙，寫好後交比服務員～方便又快捷，話咁快食物黎到～兩個小朋友開餐，一啖一個，佢哋讚不絕口價錢唔算貴適中，平時去元氣我地一家四口都要四百幾，呢度300蚊就搞掂！算係抵食，食物的種類好多，推介的燒牛肉豆腐，真系驚喜，豆腐好滑，牛肉煮得好入味～另外小卷以為一碟四個，點了三碟共18個，最終要打包

本身諗住去朗豪坊食壽司，係行過去期間見到呢間，無咩特別睇食平就行咗入去😂對我呢嗰鵝肝控嚟講，佢嗰鵝肝帶子壽司 $42做得幾好😎 呢個係唯一嘅必食推介😋三文魚類嘅就不過不失，無乜太大驚喜🧐火炙醬燒三文魚壽司 $9火炙三文魚腩壽司(西味) $17火炙牛肉壽司 $9但試熟食就有啲扣分了🥲玉子燒壽司 $9 - 玉子凍到牙都痹埋😂雙層芝士蟹籽大蟹棒 $17 - 咬落去啲蟹籽有啲奇怪味，口感不佳🥲腐皮壽司 $12 - 性價比好低，我覺得元氣最好食😂埋單$120幾，還可以，我都會再去，但唔會再嗌呢類熟食😂

收工同朋友喺旺角買嘢順便食餐飯呢間嘢成日喺地鐵站一出黎就見到其實佢哋餐牌幾吸引，所以決定今次去試吓佢門面其實唔係好靚，都幾驚伏伏地所以都諗好咗落到去如果環境唔得就唔食點知落到去座位闊落，感覺都乾淨衛生於是就坐低叫嘢食，第一跌上枱眼都突埋我第一次食蟹子沙律壽司係包生菜😅刺身帶子唔夠鮮甜，芝麻八爪魚好冰凍最後悔係叫咗個吉列蝦卷入邊啲料勁少，白飯勁厚😅其他食物都不過不失，放題水平難食就未去到嘅，不過呢個價錢有更好選擇唔會再食呢間

星期六晚7點鐘路經，抱住一試既心態，就落去地牢光顧試下。玉子：凍到似雪櫃啱啱拎出嚟。炸蝦卷： 得半截唔係成隻既炸蝦，仲淋既。 元氣喺成隻炸蝦仲脆㗎。茶碗蒸： 用隻茶杯嚟蒸，面頭得一小截蟹柳。 有冇咁呃錢法呀？？熟蝦： 蝦肉霉既！ 質數仲衰過明將，爭先。唔怪之得，星期六晚市有大把位，唔洗等啦！冇人等位既餐廳，一定有問題既。仲要喺晚市時間，旺區都大把位剩。 坐近厨房，聞到啲唔多新鮮既魚腥味。完全中伏！ 唔洗半個鐘，食完即走，永不回頭！

我幾年前食過都幾好食唔知點解今次買外賣又貴又難食我已經係買返屋企就即刻食但係啲味真係好奇怪三文魚又冇味紫菜又喊拖羅蓉都冇乜味海膽魷魚更加係完全唔知自己食緊乜蛋係正常我真係以後都唔會再食爭鮮好食過佢100,000倍八粒壽司總共接近$80呢個價錢我喺旺角都買到更多更好食嘅嘢唔知係咪其實啲魚好唔新鮮食落去好霉我真係搵唔到優點太過失望食完之後冇胃口食其他嘢啲Wasabi都唔知點解好似擺咗10年咁唔係即磨就預咗㗎啦但係正常都唔得咩？爭鮮真係好食過佢好多好多倍