匠一麵屋 (已結業)

一個人吃lunch。茫茫然沒有甚麼頭緒要吃甚麼，在此情況底下，唯有又重施故技，算是隨意地去找一間拉麵店去落腳....說是隨意實際上亦不盡然，找得到這所位處於長沙灣一帶的麵店，小弟倒是有做過功課的。在網上看到有不少的好評，是吸引到我這拉麵迷到此的原因....每趟去試新店時，反應必然是有好也有不好的。而這店，很不幸地是屬於後者....首先，那餃子嚴格上是炸出來的，說實在外皮是既硬而又油膩的，而且還有少許帶焦黑點，那些位食起來是帶點苦的；肉饀幾乎是真的全肉沒有很多菜蔬在內，食起來也太乾了....就這樣非常常見常叫的豚骨叉燒拉麵。湯底的味對我來講有點怪，感覺上是很不自然的豚骨湯，且色水是帶有點啡啡的有些混濁，，texture也有點過份的黏帶膠，十分古怪....麵條掛湯力一般，硬度不足....叉燒厚度薄過紙，肥肉偏多甚見油膩。唯一的好處是它有略經燒灸過，食來香氣還可以....不過光是這一個，是不足以彌補之前的所有....

伏到你喊，除咗個環境俾到分之外，其他唔知有咩好贊。整體黎講性價比低，賣70,80蚊，俾啲出面普通50蚊嘅嘢 ，我食風x丸，颱x唔好？啲贊嘅食評勁伏，食到成肚火，仲話咩日本師父主理，諗住支持下啲小店，唉，真心不了。講食物先，我地兩個人叫咗一個魚介湯底，一個豬骨湯底，一份炸雞，一份餃子。湯底：魚介湯底清清地唔知濃厚係邊，但而且冇 咩魚介味。 豬骨湯底都厚嘅，但厚到膩呀。麵底：冇得揀硬度，又唔好食，同出面街買個啲 差唔多。炸雞：間鋪已經冇咩人，又唔忙，炸雞出黎唔熱 得微溫，都唔係即炸。餃子：正常少少，但冇咩特別。環境同服務都算還可以。整體黎講性價比低，賣70,80蚊，俾啲出面普通50蚊嘅嘢 ，我食風x丸，颱x唔好？啲贊嘅食評勁伏，食到成肚火，仲話咩日本師父主理，諗住支持下啲小店，唉，真心不了。

拉麵：質素似759買15蚊一包既拉麵，無質感，無特別，自己煮隨時仲好食湯：唔夠熱，唔香，好油，食完幾口渴，好多人提到既豬骨湯，唔知係咪唔夠熱，感受唔到豬骨濃湯既味，份量：神級hea ，男仔隨時要食3碗先飽，八十幾蚊既一碗麵，得一片肉-圓型，（約3cm x 3cm x 3mm (厚） )，配料：有幾條蔥，芽菜既野，無乜特別，設計或味道上無幫助環境：乾淨，正常拉麵店格局總評：地點唔就腳，整體質素或性價比都非常低，寧願自己煮

今日泥到長沙灣，見到呢間無論裝俢同佈置都十分之日本式既拉麵店，就諗住試下啦。入到去見到呢間拉麵店最出名都係拉佢既炙燒豚肉同濃湯魚介拉麵，一係唔試，一試就梗係食最出多嫁啦！同大部份內拉麵店一樣，客人都可以決定加替玉，日本豚肉叉燒，紫菜等等，而且價錢都好合理。亦因為咁，我地就加左個叉燒係個魚介拉麵度啦！除左拉麵之外，佢哋仲會有唐揚炸雞同煎日式餃子，因為唔想浪費食物，我哋淨係叫左雞件。拉麵嚟到嘅時候，仲係非常之熱，冒住煙。首先講下魚介拉麵啦，魚介湯特別既味道十分之濃，雖然係雞骨湯，佢同豬骨湯唔同係佢味道會重一啲，如果比較重口味既朋友一定會好鐘意。炙燒豚肉湯底顧名思義就係比較辣嘅佢配係麵既豚肉係炙燒出泥，比起普通叉燒更有一種火燒既野味。而且你可以望吓個溫泉蛋，係完全完美嘅半熟狀態，更加令到成碗面好有滿足感。兩碗拉麵都提一提嘅就係佢厚厚嘅豚肉叉燒，每一塊都好大塊好juicy，好彩我地有加多份，真係食極都唔夠。最後講到唐揚雞塊，新鮮炸好出嚟嘅雞塊熱辣辣，真係好滋味。而且炸粉又唔會太口，會舊雞都食到大大啖嘅雞肉。而且底下嘅沙律菜同埋沙律醬，亦都令到雞片唔會太油膩。總括而言，呢間拉麵嘅拉麵10分有質素

假日可以舒服留在家，過了兩天假期，雖今天仍是假期，但亦應出來走動一下，朋友吃過告知的日式麵店(我們最近也沒有吃拉麵) ，店裡比門口深及大，坐位也整整齊齊，每張枱已放了檸檬水，我們自斟自飲，水還是凍的。豚骨炙燒叉燒拉麵$93追加竹筍 +$10這碗有紫菜，木耳絲，薑絲，糖心蛋(夠入味，糖心不錯) ，大蔥絲，蔥粒，還有我追加的筍片(吃拉麵少不得的恩物，嫩嫩爽脆) ，豬骨湯頭濃稠，味道濃郁，面有一層薄油，厚件被燒過的叉燒，入味，有一點點的油脂，腍軟中帶點嚼勁，麵條幼細煙韌，配豬骨湯底，不會感膩口，不錯。濃厚魚介拉麵 $78湯頭同樣濃稠，但濃中帶清，有魚鮮味，也有一層薄油在面，配料有竹筍，糖心蛋，大蔥絲與蔥粒，厚叉燒一件，正常麵條的粗度，軟中有韌，結合魚湯吃，確是另一種美味。特製他他醬唐揚炸雞 $28皮微脆，雞肉嫩滑腍，不油膩，配微甜他他醬，加多點辣會更合我們口味。叉燒丼 $38不停吃叉燒，因現時豬肉太貴，哈哈！ 實則想吃一點米飯，假期有3-4餐沒有吃過，現在有點掛住，看到米飯由不同米粒溝成，吃落口感也不錯，少許醬汁加2片叉燒已足夠味道，但飯略少，配料可加少許薑絲，芝麻，七彩辣粉 .....是我

這裏位於較少人煙的康寧道，比起黃金高登那邊，這裏多了一份住宅區的寧靜。我幫佢開門後便感覺到拉麵店的氣氛，坐下點了兩個拉麵和一些小食。一款是比較大眾化的豚骨拉麵，湯頭亦頗為濃郁豬骨湯味。 這裏的麵是我十分欣賞的，因為它煙靭有勁而且帶著麥香味。另一款魚介湯底就十分特別，它有一種獨有的香味，而且那一點醬油的味道，有少許甜味。我覺得這個比其他拉麵更好吃，如愛上他，應該要常常來幫襯才行。至於他的餃子亦是一大亮點，餃子皮煎得香脆，日式餃子在香港而不是什麼稀有的食物，但是這裏的餃子出來的味道真是一試難忘。如喜歡炸雞可以一試，炸香了的炸雞再配上醬汁一齊食亦是一大享受。

黎呢度就緊係食拉麵啦我係被佢既厚炙燒叉燒同溏心蛋吸引而來的～炙燒叉燒拉麵既溏心蛋對我黎講先係主角🥰是關我好中意食架呢度既蛋夠香同滑 不枉我又加左一隻半熟蛋💙湯底唔會好咸 濃稠適中炙燒叉燒好厚身 厚切既腩肉黎 好似五花腩咁仲有成4大片因為炙燒過所以有焦香🔥另外加埋紫菜 點些湯食更美味～.特製他他醬唐揚炸雞大約有5,6件左右加了醬汁酸酸甜甜好開胃啊雞件外脆內軟 呢個有驚喜～❤️.估唔到除左拉麵 小食也很不錯🌟

路過長沙灣發現一間日式拉麵店，由於經常路過這區主要也是一些港式中式小食，日式的比較少，落雨天也不想周圍找餐廳，所以決定一試！主要湯底好像分為醬油雞骨湯及豚骨濃湯，剛好我和朋友各試一款！我點了豚骨濃湯灸燒叉燒拉麵，豚骨湯底很濃郁，拉麵是比較幼身那一種，感覺是每吃一口麵也會把湯掛在拉麵上，灸燒叉燒比平時的叉燒更乾身，再入味一點，叉燒肥瘦部分均勻，我還加料多點了流心蛋，半液體狀態的蛋黃配拉麵一流！朋友的是醬油雞骨湯，湯底比豚骨的清甜，拉麵比我的豚肉拉麵粗身少許點了4隻日式煎餃，餃子皮煎很脆，咬開還是有少許肉汁！餐廳外放了不少魚公仔的圖片及擺設，很可愛！很有日系感覺的餐廳，值得一試

上網揾到呢間拉麵店,地理位置雖然不是好顯眼，但係入到去就有日本舊式拉麵店既感覺呢間拉麵店多d款式㨂:有醬油雞骨湯,魚介湯,豚骨濃湯,仲有擔擔麵,可以根據自己既囗味選擇XD叉燒拉麵$93 (醬油雞骨拉湯)係舊式拉麵店醬油湯既味道啊唔會有味精既感覺,由於帶有雞湯既清甜味道唔會太濃,岩岩好配料份量亦十足,麵質彈牙^^半熟蛋夠彈夠滑好味 豚骨灸燒叉燒魚介拉麵 $98 叉燒一向都係拉麵重要既一員相比起前者, 灸燒叉燒則會惹味得多入口即溶既肥肉,配上香口的灸燒叉燒令人十分滿足🥰最後追加左一個叉燒炒飯$38雖然已經好飽，但係呢個炒飯真係香好惹味，而且仲要咁平🤣炒得好有鑊氣，尤其啲炒蛋超好食，擔擔咬落有蔬菜同埋叉燒，仲有金黃嘅米飯粒，CP直勁高🤪野飲方面，就叫做烏龍茶同埋可樂啦~小感想就係隱世拉麵果然有驚喜🥰

今日同個 friend行經順寧道，見到呢個門口裝修好有日本 feel 嘅拉麵店，裏面每一檯嘅食客都係拖男帶女，有老有嫩的，似係街坊客；行近門口時，隻門自動打開(原來係自動門，真係識做生意), 我哋於是決定在此開餐。餐廳裝修簡潔，播放著日本70年代流行曲，有懷舊感覺。見到點餐紙選擇唔多，其實食拉麵來來去去都係嗰幾款料，只要好食就得。我叫咗一碗豚骨濃湯底嘅豚骨鹽味拉麵 ($83) 加半熟蛋 ($10), 呢碗麵嘅湯底真係好濃好夠味，麵身較挺有咬口，半熟蛋又滑又香，叉燒肥瘦均勻，冇令我失望。我個 friend點咗醬油雞骨湯底嘅叉燒拉麵 ($93) 加木耳絲 ($10), 呢碗麵嘅叉燒只有一塊，但係好厚好大塊，肥瘦啱啱好，好入味，配料亦算多。另外再叫咗一客日本餃子8只 ($38), 餃子煎得香脆，裏面好 juicy，咬落去有好多汁漏出嚟，好食。

行下行下黎左長沙灣，見餓餓地就入左一間拉麵店，小店裝修幾有日本風，再睇睇餐牌，拉麵都有好多款，幾啱口味就試下先。坐了旁邊的bar枱，枱有有檸檬冰水，正好解解渴。日本屋台行列脆口餃子8只（$38）快快落完單，第一樣到嘅係餃子，有個好長嘅名，哈哈。餃子半煎炸十分脆口，不錯不錯。濃厚魚介拉麵（$78）自己要左醬油雞骨湯底中的魚介拉麵，賣相好靚喎。湯底濃郁鮮味，不太鹹好啱口味，大口大口飲好正呀！叉燒半肥瘦，有油脂甘香又有瘦肉口感，正。蛋不算太流心，但有濃郁蛋味都好正。雞骨湯底會配上呢款黃色麵條，爽口彈牙～豚骨灸燒叉燒拉麵（$98）＆加半熟蛋（$10）＆加麵（$15）＆加叉燒（$20）朋友係大胃王，一次過加晒所有佢想食嘅野，超豐富，哈哈。豚骨湯底同樣十分濃厚，有黏口的效果，好味呀。而豚骨湯底配的白色直麵，口感同樣不錯，掛湯能力好強。加麵的份量等同一碗拉麵的份量，食完連大胃王朋友都話夠晒飽大滿足了。兩款湯底的拉麵配料是唔一樣的，可自由選擇要或不要，很方便呢。

深水埗呢間拉麵🍜店，之前已經聽朋友推薦過，可惜自己最近比較忙，一直都未有機會試，今日過開來做嘢，因利乘便，當然要來試吓😚門面設計帶有日本傳統小店的特式，店內左邊是單邊的卡座，而右邊是面向牆壁的吧枱設計，日本拉麵店很多都是這樣設計的🤗每張櫈之下都有儲物空間，設計不錯👍🏻食物種類不算很多，正正就是專門做拉麵小店的特色，其實專心做好幾款拉麵，比起太多供應來得更加好；客人Order按照自己選擇在紙上剔✅便可以了！點了一個小食特製他他醬唐揚炸雞$28，大概有三、四件左右，上面加了他他醬，酸酸甜甜挺開胃的，雞件夠脆，肉質亦夠嫰滑，旁邊有檸檬給客人適量添加提升層次感，不錯👍🏻主角上場，我期待的叉燒拉麵🍜，溏心蛋夠香夠滑，先喝一啖醤油雞骨湯，果然無令我失望，濃而不膩，咸淡適中，一碗好嘅拉麵，湯底正正就是它的靈魂，這裡做到了👍🏻叉燒肥瘦相間，好有肉味，麵底挺身沾湯效果好，入口帶著濃湯而發出「𠽌𠽌」聲，正正是食拉麵最美妙的一刻，好幸福啊😍這裏小店經營，看見幾個年輕小夥子，客氣又有禮貌，專心做麵，確實值得支持👍🏻

朋友屋企就喺呢間面店上啦，亦都係佢話俾我聽開咗間新嘅拉麵店，咁就唔煮飯落去試吓啦。聽說平日都好多人排隊，但可能因為嗰日落雨所以冇乜人，佢入邊個裝飾有好多好得意嘅貓仔同埋figure，最令人驚喜嘅係佢竟然有炒飯食啊！通常我個習慣係去到拉麵店一定會第一次去食佢個原味先嘅，咁既然我哋有兩個人第二款就可以叫真係好想食嘅味道。原味豬骨湯來講真係非常濃郁，面係幼面質地，所以掛湯一流。湯底固然重要，但係個叉燒都係重點之一，一碗有兩塊叉燒，非常稔～第二款叫咗擔擔面，肉醬炒得非常香，但係真係唔係好夠花生醬或者麻醬，但係令人驚喜嘅氣球擔擔面啲碗係用粗口一啲嘅面，好有咬口而且配返濃味嘅湯底非常適合我。最期待嘅炒飯黎啦!本人真係好鍾意食日式叉燒炒飯,亦都炒得好爽口而且粒粒分明，調味亦都唔會太鹹，如果一個男士嚟食一碗拉麵加一個炒飯真係會非常滿足地離開。炸雞個汁不太啱我口味，不過炸得幾juicy。

如果不是朋友介紹，自己是很少看少過來長沙灣內街覓食。匠一門面很日式，木系小店，播著日語流行曲，座位約十多人，枱面放着檸檬冰水，夏天熱辣辣一坐下就連喝兩杯（笑）以剔剔紙下單，和其他拉麵店相若，唯獨不可選擇麵的硬軟度。老公點了替玉一份，我則加了糖沁蛋。嘩！想不到原來拉麵本身已經有一隻！現在一個人兩隻蛋覺得太奢侈了吧（笑）我點了豬骨湯叉燒拉麵，因為加了糖沁蛋，看起來份外大碗（笑）外貌滿分，真的好像去了日本～肉眼看已經知道湯底非常濃厚，膠質極高，喝一口，口腔充滿著豬骨味，不會過鹹，入口順喉，上佳之作。叉燒厚切，兩邊煎至焦香，肥肉大概佔四分一，對我來說是剛好，不會因為太瘦而「嚡口」也不會因太肥而不敢吃。平時吃拉麵必點硬麵，這裡沒有得選硬軟度，心裡毛毛的。但出品竟然正如我心中所愛的硬度，好感動～如果喜歡軟麵的朋友可能就未必合心水。但麵底不俗，掛湯力OK。老公的叉燒豉油拉麵，多了筍片，少了紅薑絲，湯底面興比較清澈。嚐了一口，發覺豉油別有一番風味，清清的，還帶點微甜。話說回來，因為不知道份量還挺大，所以點了一份8隻餃子，我們當然不會做大徙鬼，不過真是超級飽了。餃子細細隻，皮很薄，還挺美味的。每人四隻，

長沙灣這家拉麵小店太有驚喜了！！！下次想食拉麵又多個選擇 有醬油雞骨湯同豚骨濃湯兩款，同朋友叫左一個醬油拉麵同濃厚魚介湯拉麵，都係雞骨湯底。湯底非常濃郁，飲落有黏黏的口感，一飲就知真材實料 熬左好多個鐘！ 魚介湯會更濃郁！ 下次我會嚟試埋豚骨湯除左湯底，溏心蛋都係一碗拉麵嘅精髓，呢度嘅蛋熟度恰好，咸甜度適中，好想encore啊！紫菜都係索湯之選。值得一讚係，店內侍應態度都好好，好有禮貌。裝潢貼近日式拉麵店格局，值得推介！