匠工房秀吉 (已結業)

行街行到少少餓，係一田附近既food court 轉左圈，呢間主打賣八爪魚丸店最吸引，透明既玻璃窗俾人睇哂食物煮既過程👩🏻‍🍳感覺乾淨又衛生，最重要係價錢唔貴！#燒餅拼八爪魚丸 $40燒餅厚實，食落好重粉感同食到有少少椰菜係入面之外，所以基本上係無乜咩味😅要靠d醬汁先勉勉強強食哂。八爪魚丸賣相一流，又圓又大粒❤紫菜粉燒餅醬同沙律醬均勻分佈係八爪魚丸上面。每顆入面都有一大粒八爪魚係入面，算係貨真價實，味道都合格啦~總算醫飽個肚

以前去朗豪坊food court都會久唔久食下章魚丸大阪燒等等,但自從佢轉左手,就唔知邊到有喇,有d餐廳話可以自己燒個大阪燒,等我成日諗,大阪燒食一個都會飽,比百幾蚊都係食到一個,好唔抵,今次黎到沙田再見到呢個大阪燒真係好開心！講真每次我同人講話會食呢間野,個個都話唔好食,其實都係20幾30蚊既價錢,仲想點?😳食過好多大阪燒,貴既食過,更貴既都食過,都係同出一切,咁我寧願比30幾蚊過下口癮仲好,食得飽之餘自己唔會傷心😆

囡囡係沙田大會堂散學禮，完左後囡囡第一時間就話要黎食小丸子，炒麵，燒餅，每次黎都要黎食，其實都仲有其他食物，有拉麵，烏冬，串燒，咖哩飯等等。全部都係自助式，要自己搵位坐低食，因為裝修關係，枱凳都少左好多，加上食飯時間，更加難搵位，最後我地叫外賣，因為唔知搵唔搵到位，好好彩，最後有位，小丸子有4粒，每粒入面都有粒大大粒八爪魚粒，炒麵份量比以前少，太多油了，而燒餅大大件好厚，燒餅上面塊肉，煎得比較乾，咬落去比較硬，沙律醬，燒汁醬份量岩岩好，唔會話食到好鹹。

有一天在人山人海的沙田新城市廣場中尋尋覓覓，終於讓我找到了便宜又好吃的東西！大家都知道，這廣場大是很大，但好像就沒有一些便宜的東西吃啊！( ‾᷄꒫‾᷅ )餐廳就在一田超市前的Food Court，在這邊吃東西最麻煩的就是找位子！位置安頓好後，便立即去落order～我這個餐是Set C的叫做甚麼都有，哈哈！有一份(偽)大阪燒、炒麵、及章魚燒。我很喜歡大阪燒上的木魚，而且給的份量也不少喔！還有配上沙律醬，超級邪惡！(⃔ *`꒳´ * )⃕↝總結：大阪燒裡面的材料挺豐富，有椰菜加強口感，還有煙肉有上面層。只是略嫌麵粉量比較多，口感有些厚實。另外，章魚燒裡真的有章魚，沒有偷工減料，值得加許！(｡>∀<｡)

呢日黎到沙田行街，人來人往既商場入面完全諗唔到食乜，又貴又唔好食，無曬頭緒。走去睇水牌，發現呢度有一田food court，於是決定去行下過下癮。呢度都幾多野食，大部份以日韓為主。一行入去發現呢間賣大阪燒章魚丸既店好多人等緊，望一望價錢發現唔貴，心血來潮決定一試！我叫左份三合一餐：有大阪燒、炒麵，同埋章魚燒，好大份好吸引咁。點完餐之後你會見到佢用鐵板預備，傳黎陣陣香味。攞左個餐我立刻試食，發現佢好足料，味道豐盈，仲粒粒章魚燒有隻大粒章魚，好有咬口！

咁岩黎沙田行下 行到攰攰地想搵d野食下就去左一田入面搵野食 見到有章魚燒 大判燒(吉士或紅豆味) 就已經好吸引 而價錢又唔係貴！一個大判燒 $8 買四送一奄列炒麵都係$28 唔要蛋仲平d添 $24叫左個吉士味 同埋紅豆味既大判燒岩岩新鮮整起 熱辣辣 好好味我自己就鐘意食吉士味多d 但唔係話紅豆味唔好食 吉士味果種口感 入口即溶 配上鬆軟既蛋糕 真係好正呀😋我地仲叫左個奄列炒麵 其實係蛋包住d炒麵 d蛋好香好滑 炒麵又唔會好咸 d醬又幾甜👍🏻正

去親新城市個food court好多時都係食依間章魚燒 好食又唔太貴今次叫左章魚燒＋奄列炒麵章魚燒裡面有大大粒章魚 唔會一舊粉咁奄列上面有滿滿的茄汁同沙律醬 蛋好滑炒麵唔油 同蛋一齊好夾兩個人share一份做下午茶岩岩好！

肥美下午茶，放假冇plan去邊，一行商場就行成3個鐘，攪到腳痛，要搵地方坐坐食下野，補充下體力先得。沙田平日都多人，食左lunch 有D飽，想食多D都唔得，見到呢間價錢唔貴，就叫左炒麵，煙肉，燒餅，連菜都肥。不過肥既野都係好味既，不過要熱食先好食。

星期日見無咩野做，就同老婆入沙田行下街，中途經過 Food Court 唸住入去食番個下午茶。嘩…成個 Food Court 人山人海，想搵個位坐低都無。最後就見秀吉可以企係度食，就試下啦~ 廚房用咗全玻璃設計，客人可以望到廚師係入面嘅制作過程，有信心食物係衛生的。 八爪魚球燒 $348粒大大粒、脹卜卜。沙律醬+日式照燒醬+海苔粉，賣相幾唔錯，如果可以加埋木魚碎會更好。新鮮即整熱辣辣，真係熱到燙咀，要好小心食~ 咬落面層口感太腍身，唔香脆。入面八爪魚都算大粒，係略嫌粉漿厚咗少少，整體味道唔錯。

沙田一田FoodCourt真係有好多日本野食，今次我好想食八爪魚丸，所以就幫襯秀吉。餐廳有不同的配撘，當中有燒餅、炒麵、八爪鮮魚丸等。跟餐大家仲可以跟杯汽水或檸檬茶。店舖外有透明玻璃窗可以睇到職員烹調的情況。見到成排八爪魚丸咁整齊排係到真係好療癒！餐廳仲有提供大判燒，不過今次無叫到。我叫左Set F係八爪魚丸加奄列炒麵，份量非常大，食完飽到上心口。八爪魚丸大大粒，仲有好大粒八爪魚係入面。炒麵有什菜，不過只有少量肉絲，配埋微酸的炒面汁，$48算幾抵食。

諗住食個快飯就黎到一田打算是但食d野。咁岩一田百貨裝修無左一半food court 的位置。不過唔緊要，快食就拿拿聲買。咁就選擇了呢間食章魚小丸子的店舖。當然我唔係第一次食呢間店，試過幫襯過樂富果間都覺得不錯，所以今次諗都無諗就去買黎食。點知超級失望，食到食唔到。我平時好少浪費食物，但今次真係唔掂。其實整體望落賣相不錯。但其實食物只係暖暖地。根本所有食物都整定一大堆，咁又點可以出到熱辣辣的食物呢？！另外，其實午飯前11點多呢d時間，基本上客人都唔多，望住已經整好一大堆的食物，d呀姐都繼續唔停手咁整，又會唔會太多呢？！平時我都算有耐性，逐一介紹下d食物。但呢間我整體講下算啦。燒餅同章魚小丸子d粉糊太厚啦。基本上係食粉，加上食物內的材料不多，唔知食緊咩咁。

好失望聞到好大香味 賣相又好好睇 但係一食落口 燒餅完全係麵粉加左菜 食咗兩三啖就好飽 如果係普通想填飽個肚 冇咩要求 其實叫一個燒餅 已經可以夠飽 奄列炒麵不過不失 下次唔會再幫襯

今日又再單拖勇闖新城市，平日好行好多！平日既一田亦比想像中少人！但到食晏時間都係人頭湧湧⋯⋯ 除左office人，仲有家庭主婦同學生。附近無咩選擇，見好耐無食章魚丸，見有唔同既set，價錢又唔貴，試左set E 章魚丸加燒餅。雖然都多人排隊，但等5分鐘到就有。完全中伏！！章魚丸唔係完整圓形架，又唔熱，似係整定。個燒餅仲差，成個都係粉，爭係食到沙律醬同燒烤醬啲味，同埋都係唔熱架！係咪人多就粗制濫造？無下次！

今日想食章魚丸，最方便就係來秀吉，價錢平，份量又大，食完夠飽。套餐有燒餅同章魚丸，勝在即整夠熱，味道正常，無咩驚喜，但都 OK 嘅。章魚小丸子每粒有一塊章魚，都算貨真價實。

超抵食😍$40有齊八爪魚丸、燒餅、抄麵行行下街肚餓，走左去一田個邊搵野食，遠遠就聞到超香八爪魚丸味😻🐙搵到個餐$40就有齊八爪魚丸、燒餅、抄麵，岩哂我依d樣樣都想食既餵食妹🤤咁抵，諗都唔諗就叫依個餐，好多人以為等好耐，5分鐘唔洗就有得食；好多人企係到食，我拎走左去帝都酒店個到食第一啖緊係食八爪魚丸，超。大。粒。八爪魚😳🐙好鬼彈牙之後試抄麵，不。得。了；好足料之餘仲要好有鐵板燒既味道，仲有椰菜，豬肉，洋蔥係入面，個汁唔咸，好味道😋最後試燒餅，好大塊，重蛋味食完非常飽😇繼續行街haha