匠心廚房 (已搬遷) 新店位置

放假中島都好鐘意周圍搵食今次就搵到去美孚🤣圍住美孚新村兜左個圈最後決定試吓呢間—————————————————————中島被陳村粉三個字吸引左好似從來未食過呢樣野除咗知道似闊版河粉之外所以今次就叫左蒸陳村粉試下由於落左大量蒜蓉同荷葉蒸一上檯就飄來陣陣蒜同荷香😋果然係闊版河粉但無佢咁薄有淡淡米香 不過啲排骨無乜肉同埋有少量碎骨要食得好小心😅👨🏽個海鮮炒飯好夠鑊氣又香口配料又夠 呢個唔錯👍🏻—————————————————————⚱︎ 蒜香排骨蒸陳村粉 $68⚱︎ 匠心海鮮炒飯 $68

已經幫襯過超過10次，質素時好時壞，但今日幫襯完，可以講永無下次。午市外賣叫咗三個午餐，鮮茄蝦球同雞煨麵正常，但海鮮炒飯炒得好油，唔推薦。最大問題係套餐加$5轉無花果雪耳薏米水，三杯都係零薏米，零無花果，得幾片超級碎嘅雪耳。講真你跟餐免費包埋都算，要客加錢但係完全無料，我作為客人就覺得有被騙嘅感覺。無時間煲就唔好賣啦，愈飲愈多水都算，但估唔到可以差到咁。呢啲鋪頭完美示範自己做壞自己個名，令回頭客死心。

讚1.野食係好味既，欖角骨有鑊氣，每舊排骨都斬得細致而無碎骨，個汁薄薄一層，好味道；蘿蔔糕係自製，蘿蔔足料，雖然時令問題，唔算多汁，但唔苦，揀得好，同埋個汁醬都惹味，基本功做得好2.環境幾企埋彈1.服務好難判斷好唔好，拿碗上菜介紹食物好快手，但叫人埋單時就似乎無乜禮貌，同埋22:00先閂門，又未使21:15已經叫人埋單嘛...

美孚近公園最近多咗好多新開餐館，行過見到匠心廚房， 睇吓餐牌都以為可以一試，餐館細細相信都係靠精心炮製才可以立足，所以今日試吓，以為幾好食，點知一次過，嗰個欖肉焗排骨，雪藏排骨冇肉味，又細舊又乾，似足三餸飯，一早煑好。牛肉炒菜心，菜心還可以，但啲牛肉醃咗好耐咁，又咸又冇肉味。個燉湯還可以，最差係碗白飯，又硬又唔夠熱仲生冷杆。現時啲中菜餐館，啲白飯真係令人好失望😞好彩冇叫啲貴餸啫，咁嘅餐廳真係唔知捱得幾耐。

午飯時間一試個lunch set，望落去環境都乾淨其利，枱與枱之間用左透明隔板分隔，感覺上都空氣流通。山揸梅子汁脆腩片$59、宮保雞丁$59食物味道都好高質，飯都粒粒分明，午市餐嚟講一啲都唔頹，午餐食得好就心情都自然好! 山揸汁好開胃，宮保雞丁個汁就夠辣，好嘢味呀Lunch set 本身跟左豆漿，可再加錢轉特飲。味道：4.5/5環境/服務：4/5價錢：4/5

蘋果介紹 滿心歡喜來試食龍蝦。book定位來嘆, $600 上枱一睇，同波士頓龍蝦一樣size，食落口咸到有粒粒鹽，咸到食唔到。重點係係唔彈牙既雪藏貨，軟梅梅，無龍蝦味。開得呢個價賣隻波龍都不如既貨色比我。真係無下次。其他食物中規中舉啦。不過咁樣做生意，我唔會再幫襯。

之前晚市喺呢間餐廳食過一次，由於剛剛開業不久，只收現金，而且價錢偏貴，地方坐得比較窄，之後冇再幫襯。疫情期間，餐廳有做OpenRice外賣自取，午餐價錢變得貼地，所以我決定再試。午餐揀咗鮮茄魚湯酸辣肥牛跟飯，再加$8飲佢嘅是日燉湯，如果唔加錢，午餐可免費跟冷熱豆漿。回家打開外賣盒，濃濃嘅蕃茄湯味已經撲鼻，再配上粉絲同埋肥牛，肥牛份量唔會太少，食完剛剛好飽飽。我打開佢嘅是日燉湯，原來係杞子椰子煲雞湯，淡淡的奶白色，飲落口還是暖暖的，而且椰子香味濃，成就了一個完美嘅午餐。建議食午餐，因為晚餐同午餐價錢爭好遠，而且午餐可以跟嘢飲，價錢較親民，美孚又有一間好食嘅中菜了。

水果報介紹呢間食店老闆曾經係北京五星級酒店中菜總廚，所以今日同老婆嚟試吓。裝修簡潔平實，配有金色裝飾品，別具特色。點咗個二人套餐：有頭盤、炖湯、小菜、白飯/饅頭($198）雪耳椰子🥥雞炖湯，清甜有椰香味，沒有油膩感，湯料又多可以食，滋補潤肺，尤其適合秋冬飲用。頭盤：麻辣川蜀口水雞，麻辣醬汁辣中帶香，辣度適中，但雞肉略嫌唔滑。小菜：拍蒜醬油豆角，蒜香醬濃，豆角軟硬度恰到好處，一道簡單嘅菜式都做得好惹味。小菜：羅望子乾蔥腩排，味道酸酸甜甜，比咕嚕肉更好味，如果腩排能夠肉多骨細，口感會更好。另外叫多兩杯養生茶：靈芝山楂烏梅茶及銀耳無花果薏米水，足料味濃，生津止渴。

Lunch經過試下先價錢都幾實惠點左個嫩雞煨麵，$55仲有豆漿送份量都好大呀～個湯底都幾濃味雞都很嫩，容易入口豆漿雖然佢話低糖但都甜甜地但都唔差午市去真係好多人🙈有點迫

Restaurant Review📋Food🍽Simmered Noodles🍜with Giant Grouper🐟Fillet and Preserved Vegetable🥬Roasted Piegon🕊招牌雪菜龍躉麵- Creamy white color broth with mild fish🐟 flavor, soothing and comforting- Quite a lot boneless fish🐟fillet. Quite fresh, little fishy- Preserved vegetable🥬was crunchy and quite salty, nearly covered the fish🐟taste. Bit unbalance- White Noodles🍜were quite soft, not springyAmbience💗- Quite Clean. Simple decoration

平民價又有鑊氣♨️🔸蝦米銀魚肉碎伴脆片 $88依個都推介俾大家！肉碎少少辣夠惹味👍🏼配埋香口脆片 超開胃😋😋🔸炸饅頭$33 半打外皮炸到好好好香脆‼️沾埋煉奶正到我自己都食左3個😝😝最後再叫多半打🙈🙈🔸花甲肉蒸水蛋$98花甲肉有d辣 炒得幾香 蛋夠滑🔸蕃茄魚湯酸菜魚$168入面有粉絲金菇蕃茄酸菜龍躉魚湯太多魚好似得3/4舊 但味道酸酸微辣再帶蕃茄味 食落幾健康又好味☺️☺️價錢$168 黎講算抵食👍🏼btw我裝左3碗淨湯先影相🙈🔸脆皮松露蘑菇卷$58脆皮卷酥脆可口入面有金菇同蘑菇食落松露味都濃吾稀🔸蘿蔔糕炆蟹$498店舖招牌菜，但蟹肉有少少”削”都埋吾多膏&肉😓蘿蔔糕超唔掂完全係粉😥成班朋友都話唔好食🤭🤐🔸欖豉蜜餞焗肉排 $88我覺得欖角多左d 唔知有冇人明白果朕濃濃的欖角味🤭少少我仲接受到但⋯⋯

朋友看到介紹圖片，覺得吸引，決定去試試，去到後，感到有點失望 😫😫。內裡坐位有點迫，形成人多空間少，所以有點嘈雜，想要一邊食一邊談話，就有點困難，而且是 90 分鐘限時。黑蒜蒸龍躉頭腩，有烏冬墊底，味道都幾好，每人都可以食到一塊，價錢要 $168 😥。鮮茄魚湯酸菜魚，個碗有平常米線大少少，每人能食到魚片不多，湯能飲到幾匙羹，價錢$168 😥。海鮮盛匯泡飯，size 與酸菜魚相同，內裡好像只有蝦，價錢要 $128 😥。欖豉蜜錢焗肉排，脆皮松露蘑菇卷，拍蒜醬油豆角，共 6 個餸，但我們 6 位女子，都是感覺有點食物落肚，連半飽都沒有，而且沒有叫飲品 ，都已經要 7 百多元埋單，要食飽都不知多少錢 🤣。按環境，食物質量與味道，價錢就好貴，所以決定不會再去。

這飯店在疫情下,晩市不論自取或堂食也做88折。我幫襯了好幾次，説實老板推介的蟲草花蒸雞和蝦碌一般。但其他小菜是可以的。今日是美孚維修水喉由早上九時晚上八時，匠心早上並沒有開門，旁晚六時我們經過,老板剛啟市説要walk in不可以現在訂位,到晚上我做完運動再walk in取位時，老板竞説我沒有訂枱要等.説時遅那時快，竞然有一個顧客説訂了位!這老板還要辨駁!因為疫情稍緩,老板用社交平台做宣傳説大廚曾在米子蓮食肆工作，現在生意好了，卻揀客亦故意不被人訂位做成人客企在門口等位假象，！這様做生意，不老實!再平再好食也不會去

話說麻甩俠發現美孚有間隱世㕑房，為食貓又豈能錯過⋯⋯疫情總算隱定下來，更解除了飯聚令，大家已萬切期待，於是一拉大隊八人，探索研究一下。食店命名為”匠心㕑房”，門口橫額之上，大大隻字寫出食店名字，步入食店內也見同樣字型大小的字畫，在牆上展示，相信店主對食店嘅理念是相當重視。大伙兒因久久未聚一起，大家開懷暢飲，口水多過浪花，立即點上多款下酒菜，筆者享受這安排，只顧專心吃便可。七味黃金豆腐粒$48(左上)~七味粉恰到好處，未算太多，配上帶來的Chateau Mont Perat Blanc，朋友們三兩戰步已笑呵呵。脆皮松露磨菇卷$58(右上)~松露卷，大家都很喜歡，吃完再encore 。川蜀口水雞$68~由於一開始大家都很肚餓，當筆者想吃的時候，口水雞已一掃而空，所以不便作無何評論。脆皮松露磨菇卷$58(右上)~松露磨菇湯一向是西餐的配搭，今次㕑子將它用作中菜處理，筆者相當喜歡，炸脆質感做得恰當，乾身冇油膩，松露香味更覺吸引，配上當晚帶來的白酒，添加了不少分數。欖豉蜜錢焗肉排$88~㰖角一向有獨特的幽香，有時候覺得多數是上了年紀的人的喜好，當晚除了松露卷外，這個餸菜也是筆者至愛，醬汁做得惹味

琴晚食完真係一肚氣😤今朝依然好唔gur！重點：reception安排差、嘢食凍、出餐慢、侍應態度差☎️ 打電話去book檯果陣無同我講過要限時，但去到現場又要我60分鐘內交檯😡🦀 book檯時聲稱個蘿蔔糕炒蟹好出名，叫我地預訂，點知我去到都見唔到有邊檯真係有叫😨上菜果陣，蟹又凍，蘿蔔糕又凍🥶 🦀 隻蟹又係水蟹無肉嘅，蟹鉗又唔扑碎。我地問個侍應拎鉗想食蟹，個侍應第一次比左把較剪我地🙄都唔緊要，再問佢拎，竟然被晦氣對待，話唔知我地要嘅係鉗。喂大佬，你隻蟹咁樣「原隻上」，無鉗點食啊？🥬 佢地要我地60分鐘內食完，但佢地出餐又慢，最後有個菜都上唔切😫叫佢地係張單都取消返，到最後埋單💰，竟然唔比張單我地對😡強烈要求要對單先發現佢 根 本 無 取 消 無 上 嘅 菜😡 侍應態度好差，好唔耐煩，最後走嘅時候仲叫我地鐘意咪上OpenRice寫衰佢，咁我唯有如佢所願🤷🏻‍♀️- 現場見聞 -🤦🏻‍♀️ 現場去到好多人等外賣，有啲人等左超過一個鐘頭，話要取消張單先拎到🤦🏻‍♀️ 聽到有人book左6點鐘，去到現場可以無檯比佢，reception叫佢8點再返黎，點知8點返到黎都係要係出面等🤦🏻‍♀️ 餐廳好細，冧哂檔