十二味 (搵食市集)

營業中

休息中

炎夏悶熱，就吃點辣以提高食慾吧四川辣， 紅噹噹的油辣子海椒，酸菜魚正好是良方，十二味大圍店正正在港鐵站對面，一方鐘就到， 怪不得平日夜晚都高朋滿座。餐廳地方大, 坐得舒服, 一大班friend 黎都無問題口水雞傳統川菜涼菜，辣中帶香又帶點麻，雞肉幼滑涼爽，現在諗番起都口水長流。蒜蓉青瓜超涼爽又無可挑剔的說，低卡無負擔。黯然銷魂炒飯黯然銷魂炒飯用料簡單，飯粒卻是粒粒分明 ，蝦、洋蔥、豬肉碎、蛋，仲有紅蘿蔔粒， 炒得鑊氣足又乾爽，更帶出辣辣嘅味道 ， 正

酸辣木耳 $38唔算好辣 易入口 用啲陳醋同埋少少辣椒去醃 木耳好大塊 爽口👍人見人愛酸菜魚+粉條 $266叫左小辣 個盆大到呢 😂😂有咁大個盆就裝咁多魚，小辣好惹味，魚片滑嘟嘟 仲有d粉條同香菇片 索哂啲湯汁🤤🤤🤤極品麻婆豆腐 $68都係叫咗小辣 豆腐好滑 有少少肉碎粒 最後上碟之前應該放咗少少胡椒粉喺上邊 撈埋一齊食 有胡椒香味同埋麻辣😻勁好送飯乾煸四季豆 $68呢個就叫咗走辣 因為唔想食啲辣嘅菜 😅炒得好有鑊氣 蒽油拌麵 $38呢個係唔辣嘅 上邊有啲蔥絲可以撈埋啲麵一齊食 應該用咗啲老抽豉油去撈個麵 每條麵都上晒色但係唔會好鹹 大大杯柚子茶/熱情果梳打 $28 $28有好大杯嘢飲 好抵

終於～最後～都係比佢既香味引左入去！一直聽聞呢間鋪既香味令到附近住客好困擾，但都未去試。親身黎到之後，原來佢地既香味真係傳到好遠。我係因為個麻香味而步入佢地鋪頭。📌人見人愛酸菜魚食酸菜魚，個人習慣：飲啖湯先，再淋啲湯落個白飯度食一啖先。好鮮好香～個味道好正宗既感覺同埋好夠辣。魚方面真心嫩滑，唔係果種加左太多粉落去既滑，而係魚本身既滑。份量真係好嚇人地大盤，最後食到覺得應該淨係食酸菜魚就好夠飽。📌川式口水雞反而個口水雞就比較冇驚喜，係平時食到既味道，正正常常。

好耐無食川菜，呢度主打新派川菜，無辣不歡小廚，於是就黎一試。店內而且仲好方便可以用QR code落單 🔸️川式口水雞川式口水雞叫左小辣嘅辣度剛剛好，份量適中，雞肉已醃過好嫩滑，醃料好入味，呢個味道都幾出色 🔸️燒椒皮蛋皮蛋香味好濃又煙韌，水晶外皮好晶瑩，醬汁好好味，叫左小辣 🔸️幺妹兒冰粉甜品有涼粉，味道唔錯，有驚喜 🔸️美滋滋芒果梳打最愛嘅芒果配梳打好好飲又熱整體價格唔高，都好抵食，而且自助落單真係好方便

屋企人突然話想食酸菜魚就出左大圍食呀都驚無訂位要等(之前TST店勁FULL)可能呢邊個場大好多就唔駛等位呀~酸菜魚(小辣)呢個魚肉係滑既又無咩細骨不過唔知係咪心理呢覺得TST店個湯底香D惹味D唔識講爭左D咩呢個都酸都做到小辣效果但就無上次咁想繼續食繼續飲D湯既感覺湯底有萵苣,薯粉魚肉份量正常呀~干煸四季豆呢個正常份量都大既~辣子雞(中辣)黎到真係好狀觀多辣椒到呢好難先搵到雞肉因為SIZE偏細又炸到同辣椒差不多樣咁其實好香口食左第一舊會想食第二舊咁不過中辣都食到唔算好辣呀

大圍搵食市集重整後開嘅第一間餐廳係「十二味」，係大圍比較少🈶️嘅川菜餐廳，所以都幾受歡迎👏🏼基本上係坐🈵️曬人。餐廳係用手機點餐📱都幾方便。以$200增值做VIP的話，就全年主菜單都🉑以有9⃣️折優惠🤩餐廳嘅菜品碟頭都唔細亦🉑以自由選擇辣度🌶因為我唔係好食得辣，所以今次全部都只係選擇小辣。原來呢個程度都真係唔係好辣，下次可以試吓高一個辣度😆《乾煸肥腸》啱曬鍾意食豬大腸，尤其是炸大腸嘅我哋😍喺乾煸辣椒🌶️中都有唔少非常入味又惹味嘅大腸，最令我哋驚喜嘅係薄身部分嘅大腸炸🉐️非常香脆，咬嘅時候直頭聽到卜卜聲😋《人見人愛酸菜魚配粉條》酸辣度適中，魚片好滑又唔易散。煙韌嘅粉條吸曬湯汁嘅味道，真係好好味🤤

朋友介紹咗呢間12味畀我哋知，咁就去試下 我哋就叫咗以下:川式口水雞: 口水雞都非常之辣且好味 ，有川菜館風味。 雞非常細心已切開咗，不過小心碎骨， 令人客更易入口，細嚼雞同辣椒嘅味道。 下面底下有青瓜都爽口的。人見人愛酸菜魚: 其實呢碟嘢我覺得都算係ok size夠兩個人食， 魚幼嫩食到魚肉中有魚味， 辣度適中因我叫咗小辣，魚肉滑，易入口且魚皮煙韌 ，酸菜湯易唔太咸，辣度我本人接受到(因我只叫小辣)， 最後我同朋友食灑所有魚及酸菜且飲左幾啖湯。最好叫白飯去eat with 🐟。間餐廳唔差的， 鍾意食辣嘅朋友可以一試!

帶次經開大圍街市，發現原來十二味有分店在車站對面，極之方便。今日襯小朋友學緊野，約朋友食個快食。上到去好大陣辣味，已經流晒口水。最正係，朋友一早影左qr code比我睇晒菜單，點好晒，我上到去剛剛有野食。講真，樣樣都想食，但2個女仔真係好難叫。諗住先叫3樣小菜先，食到尾先再叫糍粑，但原來碟碟都勁大碟，食唔晒要打包🤣🤣🤣🤣首先個辣雞炒得勁乾身，而且加左新鮮花椒，非常惹味。毛血旺配寬粉也是必食，寬粉吸晒個湯嘅辣味，簡直上癮。

我諗突然之間想食一啲辣野酸嘢係突然之間嘅癮黎 以前喺香港想搵一間出名又好食嘅麻辣嘢都難 但係呢幾年一次過多咗好多間連鎖川菜麻辣餐廳 而且質素仲幾好地點又多用嚟食夜晚午餐唔錯嘅選擇今次去到大圍附近突然之間好想食辣野於是又入咗去呢間連鎖嘅川菜餐廳 叫咗大大個麻辣香鍋而且餐廳最特別嘅係有自助下單用手機下單又方便又快捷經典香辣鍋$38 其實係辣鍋底料嘅配料 叫咗小辣味道都OK唔算泰勒而且好多辣椒都幾足料㗎配料方面每個鍋最少要要五個 金錢肚$42牛柏葉$38 牛肉$52 墨魚丸$38寬粉$28每人配料雖然睇落去有啲貴但份量都幾多 加上配料吸咗香鍋嘅味道 都幾惹味！ 所以都幾推介試吓呢個香鍋 ！ 可以話係個人嚟到每次一定食嘅嘢🤩

朝早陪朋友係大圍做完檢查之後就同佢係附近食lunch，佢話辛苦完要放肆下想食辣野😂竟然搵到呢度有十二味分店，我地當然唔會放過！😎兩個人叫左個午市口水雞同川香回鍋肉套餐，兩樣都係小辣，另外加左個冰粉 (原本想叫酸菜魚但果刻賣晒我地又鬼咁肚餓等唔到😣)午市好抵食唔駛加一，仲包左前菜同飲品👏口水雞份量都幾多，雞皮晶瑩剔透，雞肉嫰滑😍我地叫左小辣，個汁既麻味同辣味岩岩好👍面頭有啲芝麻同花生好香，底下舖左青瓜又多樣涼菜食😋川香回鍋肉勁香勁惹味，五花腩雖然邪惡但好好食🙊 蓮藕爽口，川菜送白飯真係無得彈🤤我自己本身都好中意食啫喱狀既甜品😋而呢個冰粉有清香既桂花同黑糖味，唔會太甜，要黎解辣簡直一流😎希望佢繼續開多啲分店，一定會大力支持🤣💪

自從食過十二味嘅酸菜魚，感覺幾正宗，一直都想再試，聽朋友講最近十二味開咗大圍店，地鐵站行幾步就到，又有藉口去食辣嘢喇#川式口水雞 $68辣汁落足香料，辣中帶麻，愛辣嘅朋友一定滿意，雞件肉質結實嫩滑，充分發揮辣汁嘅味道#干煸四季豆 $68我地點咗中辣，呢個辣度果然夠刺激，加入肉碎、薑蔥蒜一齊炒，非常惹味，亦令辣味更有層次#紅糖糍杷 $48呢個都係其中一個必點小食，唔係好多地方食得到㗎，糍粑要趁熱食，口感外脆內軟，配合微甜嘅黃豆粉同紅糖，呢個特色小食無得輸🙌🏼🔺🔺🔺🔺🔺🔺🔺🔺🔺🔺🔺🔺十二味 大圍村南道45-47號搵食市集1樓11號舖🔺🔺🔺🔺🔺🔺🔺🔺🔺🔺🔺🔺

以前怕吃辣，自從幾年前和朋友在深圳吃酸菜鱼，便爱上了酸菜鱼..去过北角及大圍十二味分店吃。十二味酸菜魚魚片好滑，份量足，大圍分店員工服務比北角分店服務好，更有禮貌及细心，一早透過openrice訂大圍分店下午5-5:30吃，更有五折。超抵。此外，土豆絲好爽，也是必吃。

十二味 @ 大圍 搵食市集推介⭐️⭐️⭐️/5星滿分記得之前搵食市集有好多間小店話咁快就執曬 變左呢間川菜之前係尖沙咀都食過一次不過不失 還可以既餐廳土豪版酸菜魚魚既份量都足夠 4-5人食中意佢地配既粉條 不過無得加料其他川菜通常有得加蓮藕 或者其他配料麻辣毛血旺👎🏻呢個唔建議食麻辣味OK 但勁少鴨血有大量芽菜 午餐肉only 酸辣土豆絲 乾扁四季豆兩碟味道其實都樣都好惹味正常菜式 都OK糍粑👍🏻呢個推薦 呢間係好食既野飲普遍都偏甜甜品都係得一款 桂花味既啫喱

唔知幾時開始，酸菜魚成為左香港人其中一樣好鍾意食既野，我都唔例外，得閒都會去唔同店食酸菜魚，今次食開到成行成市既十二味酸菜魚因為二少唔食辣，叫個唔辣既酸菜魚，幾個餸魚最早來，湯頭好好味😋魚勁多，鋪滿成個大盤，最重要係魚無骨，曾經食過啲酸菜魚幾多骨，所以呢度既酸菜魚真係食得好開心🥳今次無加粉在酸菜魚，留返個肚食其他餸乾扁肥腸呢個係大腸控必點，全碟差唔多我自己一個人食哂，二少唔食辣，大腸切得好薄，有啲有肉，有啲脆到好似脆片，唔油膩，下酒係非常正清炒萵苣呢味差唔多食親酸菜魚都會點既菜，切到好幼既一絲絲，有啲似食面估唔到佢都有自家設計既紙口罩😷套，有啲驚喜

十二味周圍都有分店好方便，今日就係大圍試下十足二味，呢間店係大固圊圍站對面，位置好方便 掃下QR code就可以落單，相當方便，網上程式仲有相睇😍 燒椒皮蛋🥚$42川味涼菜，皮蛋甘香清涼，香椒醬汁配合起來更美味，滲透著辣辣嘅醬汁好吸引😋 川式口水雞🐤$68另一冷盤川式口水雞同樣吸引，辣味有層次，而且好入味 美滋滋芒果梳打🍹$28芒果梳打係夏天大熱 幺妹兒冰粉🥣$32桂花香味嘅冰涼粉，好消暑所有食物都好滋味，而且價錢又合宜