十二味 (京瑞廣場2期)

營業中

休息中

這間是香港的隱世美食，之前以為酸菜魚得太二整得好味，有一次外賣優惠之下嘗試了這間，味道十分正宗，酸菜魚夠酸夠辣，魚也新鮮滑身的❤️‍🔥❤️‍🔥😋，那個湯底更加不用說，熱辣辣吃起上來那些濃郁的湯送飯，酸酸的再加魚調配一下，實在每一啖也很享受😛😛😛非常推介他們這間的酸菜魚！🥰❤️‍🔥

Lunch 66蚊餐 比嘅份量得￥40未够，食完等于未食咁，差到死有冇咩交代 ，差差差！唔会就去希望大家唔好中伏！咁大个连锁店做嘢咁差，咁求其，连一个投诉嘅地方都冇！唯有喺呢度写！

石門分店限定一人套餐提供了多樣化的選擇，令我放棄每次嚟食香香鍋嘅習慣，今次決定試吓一人餐。一人餐的黑豆花鮮椒魚，口感鮮嫩，搭配上鮮椒的微辣，讓人回味無窮；蒜泥青瓜清爽爽脆，是一道開胃的好選擇；ㄠ妹兒冰粉則是在餐後享用，清涼清甜。第二道一人套餐中的鄉村小炒肉入味，有火爐keep住燒，豬油唔會瓊住。小菜極品麻婆豆腐麻辣鮮香，豆腐軟嫩入味，如果麻辣汁少油少鹽就更好。大杯飲品慾望酸梅湯帶來了酸甜的清爽口感，讓人胃口大開，是一款解辣好選擇。

食物好味，份量足，服務員姐姐都好好人之前已經嚟食過好多次酸菜魚、小龍蝦同炸子雞都好好食依家仲出埋晚市二人餐！！！！！$198 有毛血旺+土豆絲+兩份冰粉同單點個份量差唔多 但價格平咗好多而且加多$8仲有大大杯嘢飲！！！（記得之前單點一杯都要20幾蚊）叫套餐真係抵好多

石门十二味是有爱心的店铺，我是个孕妇过来吃饭，一个女同事真系好细心，之前我做中间的位置，后来帮我同其他客人换左一张沙发位置。其实真系宜家的年轻人很少会这样的细心。真心点赞他们的菜品也是特好吃，好吃过其他店铺。尤其是毛血旺，酸菜鱼好吃过太二。老板请到他们这样的员工真是福气满满

叫咗口水雞、炒土豆絲同炒飯都係正常發揮但係個乾鍋真係搞唔掂（最貴個乾鍋）！嚟到見到都好燶！諗住無野咪食囉！點知食落去好燶陣咪同阿姐講囉。。好快收返入廚房。。隔咗一陣又拎返出嚟話係咁樣燶燶哋味道我咁大個人第一次聽乾鍋係會有燶燶哋味道喎⋯⋯但係我堅持之下都拎返入廚房。。有冇再整過就心知肚明喇！拖水再炒又比返我無下次！最重要唔好當啲客傻仔嚟亂吹話個餸有少少燶味係正常唔怪之得呢個時間都無乜枱一間店最重要係食物。。但係做到咁重可以係度都係萬幸

職員態度差，平時都有去食既，都算係熟客仔咁，前幾日係food panda 度見到有新出既菜式都幾吸引今晚就約埋幾個朋友去試吓，一去度啲職員已經無乜禮貌咁安排你坐邊度，之後比張餐牌我地自己點餐，見到有我想食既果兩個新菜式，然後我用二維碼都睇唔到有果啲新菜式啦，問個職員可唔可以用手寫幫我落單，之後勁無禮貌叫我自己電子落單，咁我話電子餐牌見唔到有個啲餸叫，佢話落唔到姐係無果個餸囉，我話之前foodpanda 都叫到架喎，佢答我：「foodpanda點叫到呀，都無呢個餸點叫呀。」好似覺得我講大話咁，咁無呢個餸點解餐牌又有印出黎呢！呢樣都算啦。我朋友抱住個bb訓咁覺，bb車唔比入都正常，但佢安排我朋友坐背面既圓櫈，叫啲職員換張有得挨住背脊既櫈都唔得！啲野食水準又差咗好多，份量又小咗，係啲配菜多囉，但其實主菜得果幾舊仔咁就150幾蚊一碟。所以下次真係唔幫襯啦，好似貼錢買難受咁😮‍💨

我同太太兩個人， 六點半左右 入座。 起初相揀埋邊位， 個侍應(睇衣著應該係經理) 叫住我返出嚟， 佢話嗰啲係四人枱，要我坐中間枱， 當時店內得兩台客人， 而我亦都坐咗埋去😠。。。 算啦!諗住都唔好阻人做生意就坐返出黎。但過咗40分鐘左右，一對情侶入嚟， 又係坐我想坐嗰個位，但比佢哋坐喎， 可能因為晚市時段了，人流比預期少，所以照樣比佢哋坐(但我中間左右隔離仲系有2人枱)。响我個感覺好差囉， 你一係就繼續叫佢地坐中間位，我條氣都順啲吖😠。。之後都唔想再幫襯佢， 反正嗰度咁多食肆， 無謂激氣🙂

今日lunch4個朋友去食lunch，叫左酸菜魚米線，酸菜魚米線，雞翼米線等4個餐，然後黎左5個米線。點餐落單系統有問題，出錯單叫職員幫手，佢就話我地屈佢，然後叫佢取消又話“得，你屈我地，我請你地”。 我地4個人叫左4個餐，佢出左5個，仲要出4杯嘢飲，個系統有問題又唔跟進。。。一味喺度行黎行去話“有人屈佢出錯單”

午餐必食🌶️🌶️🌶️如果想食十二味，但又覺得有啲貴?!午餐時段去食就岩啦🫶🏻午餐時段唔單止無咩人，唔洗排隊，價錢仲好抵架！ 一人餐 60～80蚊就有找，都咪話唔抵。麻辣香鍋先72蚊，可以簡唔同辣度架🤪

認識《十二味》這一個飲食品牌已經有好多個年頭了。據我所知，這是由好幾位"港瓢"學生，默默地先在尖沙咀做麻辣香窩起家，都現在做到全港九新界都有分店的川菜小館。這次的 team lunch，同事提議去吃點辣，於是，我們就拉大隊去石門的《十二味》分店，嚐辣。 《十二味》有午市套餐，而且可以說是經濟抵食的。我們一行5人，就一於一人叫一個客飯式既套餐，包飯也包飲品，然後當係叫5個小菜，一圍檯食飯咁食。一坐低，我就看中了川式口水雞。辣辣的醬，配合了嫩滑的雞肉。在麻辣與香滑口感的沖激下，直接令到雞肉份外地香。也帶出了與別不同的雞香味。《十二味》的主角，自選麻辣香鍋。我們一共叫了兩個，其中的一個是肥腸豬頸肉。這是一個又麻又辣的乾炒食品。全部的醬香味都附在菜、豆及肉的身上，味道又麻，又辣，又香口，非常之惹味。另一個麻辣香鍋，我們選了肥腸牛肉。大家都感覺到，豬腸配上這麻辣香鍋是一流中之一流，所以我們覺得不夠喉，再要加點時，就來了一份淨肥豬腸的麻辣香鍋。亦即係，我地一行人，吃了三個麻辣香鍋加三個小菜。小菜中，最為老少咸宜的，就是極品麻婆豆腐。同事要求了減辣，所以吃起來更合大家的胃口。香口而帶有足夠辣勁的醬，

石門這家十二味好像開了不夠一年，他的午巿套餐真的很抵食，連星期六日都也有供應。川式口水雞口水雞醬汁十分惹味，又麻又辣，超級適合餸飯。底下墊了一些青瓜，連青瓜也入味了，很好吃。而且這個是涼菜，夠凍，不像有些餐廳的口水雞是溫的。酸菜魚配粉條爭扎了很久叫粉條還是米線，因為發現這家可以配米線，但朋友比較喜歡粉條，所以米線要待下次了。份量一如既往的多，一直很喜歡十二味的魚片，個人喜歡比偏淋的口感。乾煸四季豆散叫了一個四季豆，因為散叫不用配飯，份量亦比較多。如果吃素的，更可以轉全素。紅糖糍粑這個是第一次吃！糍粑很夠熱且煙韌，愈嚼愈有糯米香。黃豆粉很香甜，沾在一起吃超好吃。如果想更甜，可以點紅糖。其實這家分店我發現有小龍蝦和烤魚！兩款都想試，但午巿套餐實在划算很多，唯有等下次晚巿再去了。

原來醬香鍋都可以叫唔辣，🍹friend想食中菜，所以dinner time嚟十二味的石門店試下。仲可以少油，🐮牛百葉口感爽口，而且多層的質感非常爽脆，食落好脆身。美國肥牛，當然要食牛肉啦，🥩肥美肉片牛肉味濃，而且有牛脂口感甘香。土豆，年糕，🫓主食飽肚，而且可以吸收醬汁精華，年糕變軟之後煙韌可口，🥢有咬口。萵筍，花菜，蔬菜🥬新鮮，而且選擇都幾多。呢兩款比較清爽，不膩。蘇打水可以走冰，🍸解渴。

幫襯左好多次，近呢2個月每次食lunch 食左一陣就會keep住提你用餐時間仲剩幾多，每10分鐘提一次，食緊碟餸未放低筷子就問你食完未，食完幫你收左佢。見到你食得慢就keep住提你用餐時間。態度勁差，又大聲，最後用餐時間明明60分鐘，50分鐘都未夠就趕走左我地。唔會再食，真係背脊骨落，尤其係戴眼鏡位姐姐，一邊食一邊催我地，勁趕客，唔該檢討下，就算野食幾好都冇用，服務態度非差，從來未見過催人食飯既餐廳。仲要冷氣勁熱，真係唔會再食。

平時返大陸最鐘意食酸菜魚，係香港好難搵一間好食嘅酸菜魚，直到我試完十二味之後我就愛上左佢😍唔講唔知原來佢有25間分店，遍佈香港九龍新界，想食酸菜魚既時候總有一間係你左近😁人見人愛酸菜魚🐟 $258雖然係招牌既經典份量，不過一上枱都覺得佢好大盤，張枱都擺唔落其他餸😂除左個盤大，入面魚同配料都好夠份量，魚用左我最鐘意既鱸魚，夠嫩滑又夠大片，最緊要係無骨無魚鱗，食魚最怕食到呢啲野好唔爽🤮魚片之外佢仲有好多配料，酸菜夠多唔會太酸，萵筍片同白蘿蔔片好淋又無根，雞髀菇切開一片片夠入味岩哂我呢個菇控🍄。我今次唔想食咁辣叫左小辣，吊到癮之餘又唔會太辣🔥。蔥油拌麵 $38次次食酸菜魚都配飯🍚，今次就試下佢個蔥油拌麵，份量係夠兩個人share。一上菜就見到顏色好深好上色，開頭仲驚佢太咸太濃味，點知一食落口味道好好，最緊要係完全唔油啊！用黎送濃味既菜都唔唔搶哂味。