十二味 (裕民坊YM²)

營業中

休息中

# 91 用家感受 不是打手！OpenRice訂位，直入唔駛等。17:30訂位有7折。9️⃣0️⃣2023/6/12/Mon/18:30，平日晚餐2人埋單連加一HK$603，平均每人301。已經食過無數咁多次，無影相了，坐得舒服，同朋友一路吹一路食，唔覺唔覺食咗咁多嘢。9️⃣0️⃣大盆花菜$88，正。6️⃣0️⃣乾煸肥腸$98，今次肥腸偏乾。9️⃣0️⃣蔥油拌麵$38，正。5️⃣0️⃣熱情果蘇打$28，今次無乜熱情果味。8️⃣0️⃣紅糖糍粑$48，正。9️⃣0️⃣香辣鍋(雞敕骨+嫩牛+蓮藕+土豆+萵荀) $221，正正正。

平時lunch 都食下十二味過下口癮，今次就揀大假夜晚食，夜晚嘅份量就睇菜式，今次四個人去食就揀左黃金皮蛋，干鍋，酸菜魚配粉條，拌麵，炒四季豆。皮蛋嘅份量應該就得兩隻皮蛋。四個人每人三舊就食哂了😭😭干鍋就揀左小辣，餸揀左牛舌，金針菇，薯仔，雞軟骨，牛柏葉。炒得幾入味唔會得個咸字。酸菜魚配粉條就不過不失，粉條煮得未夠淋，夾起都仲有啲係痴住一舊。魚嘅份量就正常，如果鍾意食魚就可能覺得唔夠喉啦～ 拌麵係值得推介嘅，唔會好咸，就咁食都好食。炒四季豆就睇個人口味，呢間嘅四季豆就炒到偏爽身少少，咬落去唔會好淋。如果中意食淋身四季豆就可能會覺得一般。😥飲品就叫咗熱情果梳打，同埋凍嘅酸梅汁。普普通通無乜特別。最後叫左杯冰粉，較為失色，靠糖水帶出甜味。🫣🫣呢間十二味位於裕民坊3樓，比較格攝，要行出花園平台先見到。

川菜作為四大菜系之一，真係博大精深，同樣鍾意食辣，但鍾意既口味都好個人化。大學年代同朋友食開每月由四川挪原材料既紅磡聯記川王，亦都會北上去深圳食川菜，對我地黎講，好食既川菜，唔一定係有好多辣椒既死辣，但要有花椒既香、麻。食過十二味幾次，無論係水煮牛肉、口水雞、土豆絲等，都係色、香俱備，味道欠奉，形似、神不似，只有辣、未夠麻。川菜既麻，大多靠花椒，十二味奇怪之處係，明明有花椒，但唔入味，就算咬埋花椒，都唔係好夠香、麻，每次都係有d失望，不過叫做係個整潔餐廳食都辣野止下癮。

🐟酸菜魚配粉條 $256招牌菜個碟大又深酸菜夠酸 魚肉夠滑冇腥味冇骨 但又保持到魚味酸菜魚湯底夠酸夠麻夠辣有花椒八角調味 辣得好過癮仲有萵筍片同埋水晶薯粉條 索晒啲酸菜魚湯汁 🌶燒椒皮蛋 $48麻辣小食一碟有八件中間嘅心係流心嘅汁麻得黎又帶少少甜伴碟仲有少少辣椒皮🍗川式口水雞 $68 擺盤好漂亮 碟大雞肉實際上不多不過味道幾好 辣辣地又夠麻🍬紅糖糍粑 $48食左咁多辣野 最後食返啲甜野中和一下一碟有八件 長條型糍粑熱辣辣又煙韌表皮煎得有啲脆皮 上面有灑黃糖粒粒仲可以點埋跟上的紅糖漿 無咁乾身推介指數 (5分為滿分)：整體 ❤❤❤味道 😋😋😋抵食 👍🏻👍🏻環境 ⭐️⭐️⭐️⭐️ 服務 👨‍🍳👨‍🍳👨‍🍳

6️⃣2023/4/11/Tue/15:26/Walk In 唔駛等，平日下午茶時段，20%滿座，15:00去到叫set lunch，嘢食剛到都未起筷子，15:20就問你有無野加，要落場埋數，滾水淥腳咁要即刻加多個糍粑，lunch set平日唔係11:00-16:00咩？！又話小食送晒！講嘢咩，你估我第一次食，第一次無小食送就真，之前食好多次都唔係咁老土！其他分店都有小食及唔催人走，員工趕客，老闆真係慘。三人埋單+唔知乜嘢服務費$4(食好多次都無咁嘅服務費)合共$259，每人平均$87。食到趕頭趕命，小費任佢加，小食任佢比，唔會再去。整體40分~員工趕客，老闆真係慘。…………………….80分~大盆花菜+飯+罐裝可樂$62，無失望，炒得好乾身，好味。70分~牛肉麻辣香鍋+飯+罐裝可樂$64，好味嘅，但好少好少牛肉，食配菜。70分~酸菜魚+飯+凍熱情果蘇打$81，夠味，飲品大杯但味道好怪。80分~紅糖糍杷$48，正嘅。

#87 用家感受，不是打手！Walk in 不用等9️⃣0️⃣CP值，2023/3/30/四/13:00，平日午膳時段，三人埋單HK$214免加一，平均每人72。位置在大商場頂層，唔難揾。裝修新，空間大，坐位闊落，坐得舒服，感覺乾淨。招呼友善，Apps落單，上菜不算快，但可接受。食物個人喜歡，夠辣入味，整體十分好，又變我飯堂。8️⃣0️⃣雞翼肥腸麻辣香鍋套餐$76，有飯及青瓜小食，跟餐罐装可樂加$5，好味，尤其配菜蓮藕及切片薯仔，好入味，夠辣。7️⃣5️⃣川香回鍋肉套餐$61，有飯及青瓜小食，跟餐凍熱情果蘇打加$10，回鍋肉唔夠川辣味，較失色。凍飲好大杯，正正常常。9️⃣0️⃣大盆花菜套餐$57，有飯及青瓜小食，跟餐罐装可樂加$5，超好味，炒得好乾身，腩肉片超好味。

心血來潮想食酸菜魚，記得好耐之前都試過十二味，原來而家佢已經開左好多分店了，觀塘分店位於裕民坊商場，星期日晚飯時段唔駛等位，都幾方便。餐廳裝修簡單清潔。只需要用QR code 落單，上菜速度都好快。人見人愛酸菜魚同朋友叫左小辣酸菜魚，好大碗呀，完全適合2人份量。麻味比酸味重，魚塊有彈口，而且包括芽菜，菇和萵筍川式口水雞常溫的口水雞，味道亦不錯，似係雞髀部位，雞肉滑而且好入味大盆花菜因為以上2碟都係辣，所以花菜就叫左唔辣，可以清一清味蕾，花菜炒薄薄既豬腩肉，好好味

大大話話來十二味好多次，終於忍不住寫食評因為想比大家知道呢家店好抵食而且好味，兩年前第一次食，覺得一直保持水準，剛剛上星期六三個人叫咗一盤酸菜魚、一個辣子雞、還有豬肉炒福花菜，三個餸三個女人仔一下子食曬，還配上每人一個白飯，福菜花是人生第一次吃，是店員介紹話好爽甜，樣子是椰菜花，原來比起椰菜花口感爽好多，味道都好大分別，有蔬菜甜味，真的如店員所講甜甜的，美中不足是我們食到打樣比店員趕走，三個女人要轉場吃糖水。

有啲嬲openrice外賣自取寫到明要辣, 到返嚟全部都唔辣全部冇乜味. 其實今晚想食辣嘢先叫12味, 點知清到甘, 淡茂茂完全冇味攞咗返嚟而家冇仇報堂食就話投訴唯有喺度宣洩不滿

午餐雞翼肥腸香鍋配飯，雖然佢望落去唔係好靚仔，但係味道唔錯，薯仔同蓮藕都夠曬入味，送飯一流，d肥腸係底度冇撥出黎，肉類份量正常，唔會話得一兩舊咁，上餐速度還好，可接受。

《📍十二味食評》by@ihungry.hk返工咁大壓力，梗係要食辣野釋放壓力喇🥳！今日小編同大家介紹位於觀塘裕民坊嘅川菜—十二味，餐廳主打多款川菜麵食、小食、甜品等，特別係大大碗酸菜食必定要試！到底佢夠唔夠地道呢?立即一齊嚟睇睇🤩！🔸『土豪酸菜魚 - $358』話明「土豪」酸菜魚，當然份量係巨多喇！除咗份量夠多，本店亦可以將正宗酸辣味完美帶出，再配上大大件超人味酸菜，惹味之餘，辣得相當過癮😤！而且酸菜魚非常之滑及爽口，啖啖肉，而且冇骨，加埋同樣入味嘅紅薯粉，夠晒正宗！🔸『經典香辣鍋 - $38（未計配料）』本店嘅香辣鍋主要以香麻辣醬為基底，鹹香中帶少許點香辣，麻中帶點辣，名符其實嘅「醬香味濃」！而朋友仔們可以加埋自己中意食嘅配料，小編就簡咗超入味嘅午餐肉, 雞軟骨、牛肉及紅薯粉，每款配料都勁入味，超正😣！🔸『涼拌土豆絲 - $43』涼拌土豆絲爽脆香辣，麻辣爽口，非常開胃，超級下飯，但份量就較少，CP值唔高！🔸『川式口水雞 - $58』唔好睇佢表面咁多紅油，其實唔係好辣！紅油香得嚟帶丁點辣，相反麻嘅感覺較多，而雞肉貞都鮮美嫩爽，非常滑！不過小編覺得如果可以再辣D就更加重口味喇🌶️！🤪 iH

今日第一次去哩間，食地野麻麻地，但都過得去… 最唔開心係收多左錢 返到屋企睇張單先發現，食左458元打七折都唔知點計的可以多收十幾元， 睇到都有人話之前發生過同样地野…總之好失望😞

十二味我起碼食咗5次或者以上了😂但係寫食評都係第一次，凱匯呢間環境夠大，都唔洗等就即刻有位，首選都係食返個人見人愛酸菜魚，其次今次叫咗個秘制醬香窩，有午餐肉，五花腩，雞軟骨，肥牛，蓮藕，兩個人食唔晒，全部都好入味👅👅

I always love their 酸菜魚.There are lunch sets available which provides one box of lemon tea.The balance of the dish is just right. The texture of the fish was good. The pickle in the soup are sour enough which is suitable for my taste palette. There were also mushroom and vegie in the soup. With 酸菜魚, I can finish tons of rice!!!Would like to try other sichuan food there next time.There is no 10% service charge for their lunch hour.

Lunch經過門口好香，就叫左個牛肉麻辣香鍋黎試吓，牛肉只有兩片少得可憐，不過味道唔錯既，佢啲配菜就多，有薯仔片，雲耳，牙菜，配埋碗飯先岩岩夠飽咋😢😢😢😢