十二味 (謝斐道)

營業中

休息中

食過麻辣之後返唔到轉頭，成日心郁郁想去食；今晚就跟朋友去食十二味，好正呀！又唔會太辣，但又辣得好好味！一坐低就被Menu既香辣鍋所吸引！可以任選添加至少五款食材，我個人超鐘意萵筍，一定要點！！！仲有肥粉同豆皮，當麵食勁飽肚上枱時勁誇張，無諗過咁大碗！樣樣都勁好味，尤其魚腐同雞軟骨；我地仲點左「加麻」，麻唔係辣，所以食得勁過癮！十二味除左香辣鍋好味之外，酸菜魚都好出名，好多人叫！人見人愛酸菜魚呢名笑死我，邊有人咁自大架😂😂😂飲啖湯；食嚿魚，好好味呀！十二味可以用手機點單，係幾方便；不過個人喜好都係畫落紙好d!

今天跟朋友聚會，友人提議到十二味吃酸菜魚；意想不到的出色啊！這裡有紅燈籠還有兩隻大熊貓，簡約得來又帶點童趣。這個是人見人愛酸菜魚，名字很可愛。酸菜配上啖啖無骨肥美魚塊，還沒有放進口已覺美味哩！我們還加添了粉條，即是寬粉。煙煙韌韌非常有咬口；份量頗多足夠4-5人哩！另外還點了香辣鍋，可以添加五款以食葷菜及素菜，是炒出來的火鍋。朋友跟我每款都想吃，我們點了八款的多：美國肥牛；台灣魚腐；豬頸肉；骨軟骨；萵筍；豆皮；鮮腐竹還有油麥菜。想不到這個香辣鍋跟酸菜魚同樣出色！我們點了微辣，口味獨特，麻而不太辣，令每款食材昇華。真心推介一定要吃這個啊！

朋友約左我去十二味食酸菜魚我去到謝斐道呢條街就蕩失路因為原來有616十二味、十二味、十二味麻辣小當家我要去既就係呢間啦👇🏻晚餐餐牌，是單點最出名是麻辣鍋&酸菜魚因為朋友唔食辣所以叫了唔辣既酸菜魚（唔跟粉條，要加$28先會有）🔶人見人愛酸菜魚$198酸度適中，味道濃郁，魚切開一片片，好易入口魚都好滑好嫩，食到停唔到口！最特別有埋菇類（好似係杏鮑菇）爽脆而且吸晒酸菜味👍🏻🔶鮮菌爆牛肉$98味道岩岩好，唔會太鹽或者唔會太淡，不過好多油😣🔶蔥油拌麵$38唔叫粉條，叫呢個拌麵，果然無令我失望，好香好好吃！麵質麵唔會太淋，煙煙靭靭有咬口，不過都係太油！總括來說，呢間食物都幾好食，價錢又唔貴，可以再試！在店鋪門外見到有午餐餐牌，唔係太貴，都可以試試

朋友介紹去食酸菜魚來到銅鑼灣十二味專食川菜餐廳野熊貓主題做裝潢好有中國熊貓是國寶的感覺先叫左一些冷盤小食點綴一下燒椒皮蛋 係黃金皮蛋好靚配上埋黑白色碟視感都照顧埋餐牌上有個辣椒仔以為會好辣我呢個唔食辣既都食到蒜泥黃瓜好出色青瓜爽脆清甜加上蒜泥吊味好出色酸辣木耳酸酸辣辣木耳脆口彈牙涼拌土豆絲刀功一流條條分明終於都到酸菜魚出場啦今次大鑊啦個鑊大到佔領哂大半張枱當然魚片都好多啦分量十足$198有辣有唔辣好抵食好正我地揀左唔辣濃厚湯底味道好香濃令人有食過番尋味的感覺我本身都一般食川菜但食過十二味的酸菜魚之後令我完全改觀魚片幾乎是無骨配搭酸菜一齊食好開胃下次想食酸菜魚我一定會來十二味食誠意推介配埋個可樂簡直係一流

戈晚星期六去食，去到等位，本身餐廳侍應吾夠人都算，態度差，十問九hea答，同埋上菜時間慢，等左就嚟半個鐘先有野上比人感覺侍應都吾多想睬你咁，酸菜魚係幾好食，但雞煲就好少份量，性價比吾高，總體嚟講不是那麼愉快

生日月又黎好西，好姊妹知我鐘意食辣，專程搵左呢間食辣既餐廳同我慶祝生日！我同好姊妹都好鐘意食辣，我地都揀左秘製醬香鍋，香鍋既配料好多款，更有好多麻辣既小食，但今日得兩丁友，所以只好叫小點，下次一定要多d人黎食先得，咁就可以試埋其他小食小食我地都揀左「川式口水雞」$68紅紅的辣油浸住令我未食先流哂口水雞肉嫩滑辣汁惹味又有麻香味，呢到既口水雞唔會浸到好鹹，味道剛剛好！我地既秘製醬香鍋黎到啦，我同好姊妹眼都凸，因為好大的一鍋呀！好在無叫好多小食，我還以為每樣都是少少的，但原來係咁足料！我還點了8款配料：木耳、豆皮、鮮腐竹、土豆、五花腩、嫩牛肉、牛百葉，午餐肉食的時候要撈一撈先好食呀，咁醬汁先夠均勻，醬汁不會太辣，但十分之惹味，令人吃一口後想追住吃，牛肉嫩口又多片、五花腩更彈牙有口感，豆皮同鮮腐竹吸哂醬汁既精華真係超好食呀！

同表姐一輪瘋狂shopping 行到攰就要醫肚銅鑼灣區多選擇 我地又想食啲比較少食嘅我地咁啱都想食辣 一於試下食川菜 行過灣仔消防局轉彎就見到餐廳今晚就食我最愛嘅人見人愛酸菜魚 川式口水雞 同埋涼拌土豆絲 當然然仲有唔少得嘅啤酒 開胃小菜先上檯 涼拌土豆絲可以揀辣或者原味我地呢碟係原味 感覺好清新 份量多而土豆絲可以先幫個胃打底 咁就唔使擔心之後嘅辣野會傷胃土豆絲用油加上蔥涼拌 食落口無油膩感反而多咗陣油香 同土豆絲非常配合川式口水雞 底層佈滿紅油 目測大概十二件雞件肉質嫩滑 紅油滲透雞件每個部份 辣度中等 麻味後來居上 一直停留於口腔內 刺激舌尖上味蕾 主角人見人愛酸菜魚 號稱酸菜和魚一樣好吃迷戀酸辣嘅我抱住半信半疑態度去試先試酸菜魚嘅湯汁 不錯 係我鍾意嘅偏酸魚塊片片雪白無骨帶魚皮而且軟腮 基本上只需咀嚼一兩下 火喉控制得宜用上三種不同地區嘅酸菜伴魚肉 確保魚片吸收足夠酸味湯底加入指天椒 花椒 鮮青花椒 辣得過癮以後食酸菜魚都唔使專程去深圳 呢間都夠晒正宗

四季乾扁豆炒得很香，火候剛剛好，不會太熟，我個人喜歡吃脆一點的豆角，所以這間餐廳符合我的要求，而且味道濃郁，用來送飯更好👍🏼二人晚餐我們一共點了酸菜魚和四季豆，分量剛剛好，酸菜魚可以選擇辣或者不辣，我們就選擇了不辣，另外，我叫他們給我們一些辣椒🌶️，如果想吃辣的時候可以加少少，酸菜魚都是用了最常見的鱸魚，肉質口感非常好，肉質非常嫰滑，新鮮得來沒有魚骨，一點也不腥，裏面還有酸菜、菇片、薯粉、所以兩個人吃分量剛剛好，喜歡的話也可以點碗白飯。

今日相約朋友都銅鑼灣晚餐， 今次想試中式菜， 由於我和朋友都是吃辣之人， 所以很快就決定選擇這間重慶菜式的店舖。雖然是閒日， 但店舖營座無虛席， 等了約五分鐘才能入座。 店舖的裝修 很有中國的風味， 個人認為 舖頭和食物也很切合主題。這間店舖以重慶菜式作為主打， 之前曾經到過重慶， 知道重慶出名的菜色有麻辣鍋和酸菜魚， 於是我和朋友決定點寫兩名菜式試一試。麻辣鍋可以自選配菜， 今次我選擇了豬頸肉， 牛肚和田雞， 老實說配菜不算新鮮， 但勝在夠入味， 我每一啖也能夠吃到重慶麻辣的味道， 愛辣的朋友一定吃到停不了。酸菜魚也十分高質， 魚很爽脆， 吃得出 魚的處理十分認真， 酸菜湯的味道 也很濃烈， 每一啖都是精華。 更重要的是 菜式非常足料， 幾乎吃到底還有魚肉。這裏還有西式啤酒供應， 這樣輕鬆一晚， 每人也是200多港紙埋單， 非常超值。

麻辣控又黎食辣野，連情人節都唔放過😂😂😂 今日8點黎到已經滿晒人，等左大約15分鐘就入得😎😎 我哋嗌咗經典香辣鍋🥘🥘🥘可以選擇五款或以上嘅配菜🤔🤔🤔我哋揀咗肉: 兩款美國肥牛&嫩牛肉，同埋滷水肥腸/年糕/寛分/四季豆😋😋😋 辣度揀左少辣(不過都算幾辣喎，絕對唔係譚仔嗰d bb辣) 成個煲嘅份量夠晒兩個人食!!! 雖然佢係叫"鍋"，但其實佢係師傅用好多唔同辣椒香料去再將揀好嘅配菜炒埋一碟，然後用個勁大碗上菜🙈🙈🙈 所有配料同埋香料都好夾好香口😋😋😋超惹味令人食到停唔到!!! 其中最好食嘅係年糕😍😍大推!!!佢唔係好似韓式嗰啲整到軟淋淋，而係脆口嘅煎香咗😍😍😍外脆內軟🖒🖒最後我哋仲嗌咗個紅糖糍粑做甜品😆😆 一碟八條長型嘅麻薯條，加上花生粉，再點紅糖漿😍😍😍熱辣辣食好軟熟好煙韌😆😆😆用黎作呢餐嘅結尾真係一流👍👍👍

窮遊香港-香港食酸菜魚去邊好？👍🏻即刻like @hkfunfoodrecord 同follow先啦.上次食完十二味功夫（旺角）勁似大陸太二既味道 👍🏻大為好評咁今次食十二味麻辣小當家（銅鑼灣）水準如何呢？呢間一樣係好食既 但味道係完全2個風格即刻講下分別啦.⭐️人見人愛酸菜魚$198🤔味道方面銅鑼灣調味冇咁重在場見到唔小外國人 可能迎合佢地口味？👌🏻小小酸 大概小辣 唔食得辣都可以食下👍🏻魚肉方面呢間做得好滑👍🏻呢間魚肉魚皮方面連小小腥 都冇 加分👍🏻魚肉都切得 大小岩岩好 都唔會太大舊‼️麻辣小當家 既酸菜魚係唔似太二 有自己風格.⭐️🔥夫妻肺片$68🔥👍🏻鐘意辣 涼拌野既 必點👍🏻個汁勁野味 偏咸重口味👍🏻餸飯一流🤦🏻‍♀️但隻碟有d d崩咗(可睇圖）.⭐️蔥油拌麵$38👍🏻麵質 唔錯 👍🏻蔥油麵夠香😋簡單既美味.⭐️總結十二味d野係有水準 幾好食既但唔同店 味道就有d分別有機會再食其他店.#十二味麻辣小當家 （銅鑼灣）地址：銅鑼灣謝斐道379-389號地下8-9號舖.⭐️評分：味道：4/5 環境：4/5 張台算係好大 舒服既服務：4/5衛生：4/5抵食：4/5

上次喺堅尼地城嘅分店食過覺得幾好食，今次見銅鑼灣都開咗分店，就去咗食酸菜魚。•酸菜魚 辣 （$199）寬粉（$28）白飯（$12）呢度嘅酸菜魚有得揀辣或者唔辣，我哋就要左辣，上菜嘅時候見到佢嘅辣椒都幾少，我哋都覺得佢可以再辣d~酸菜魚係用咗最常見嘅鱸魚，佢嘅肉質口感非常之好同大陸嘅差唔多，而且一啲都唔腥仲要冇骨，味道夠酸不過唔夠辣，可惜魚嘅份量唔夠多，大約有十至十五塊左右，兩個人食好快就食晒。裏面仲有酸菜，菇片，蘿蔔片，個人覺得佢嘅寬粉唔夠入味，白飯比較襯酸菜魚～不過呢個價錢都算抵食㗎啦～

吃辣一樣不分四季川菜有多種口味而且餐點做成小份有辣有麻吃起來無論火喉或精緻度可嚐嚐體會出平民川菜飲食地道文化及四川風味原貌 !十二味坐落地段交通很方便,餐廳以復古風裝潢相當犀利保留異國家鄉情懷形成強烈對比，最為適合喜歡嗜辣刺激的人士及朋友飯聚聊天的好地方細看餐點纸上蠻多款式具備，嫌唔夠喉如 香鍋及酸菜魚)應有盡有騷味十足! ( 蔥油拌麵 )( 川式口水雞 )( 寬麵 / 年糕 / 金針菇 / 士豆 / 美國肥牛經典香辣鍋 )有盡不同配菜主食甜品可給予選擇，因應辣度再按個人調整操作味道溫和過癮，如實呈現正精進化麻辣涮嘴將川菜韻致豐盈淋漓盡致顯現眼前!

謝斐道近堅拿道西附近好多食肆，今天就去咗果間十二味食酸菜魚，進店見地方座位不多，但裝修雅緻，令人感覺舒服！參照餐牌上面菜式，點咗一個人見人愛酸菜魚另加一個最佳拍擋粉條、再一碟清炒萵筍絲！酸菜魚以鱸魚拆骨起肉切片，好新鮮的魚肉，而且廚師刀工一流，魚骨一早處理好，不會有魚刺附在肉內，所以可以放心大大啖食，魚湯可以選擇辣的程度，配合自己口味，酸菜又是醒胃之極，酸菜加魚肉極之匹配！清炒萵筍每條大小相同，爽口清脆，而且絕不油膩，口感極佳！

十二味 其實本人好喜歡食麻辣的食物，貪佢雙重刺激味蕾！今次嚟到銅鑼灣謝斐道、就特登黎試吓呢一間十二味、當日都幾多人、要喺出面排隊等！（已經是晚上八點半左右）不過唔使好耐（五至10分鐘左右）就入咗去了！佢呢度都好多國內遊客、一坐低，就要揀選想食乜嘢鍋、最後我揀咗唔同配料的麻辣香鍋！ 仲揀咗好多配料、有萵筍、金針菇、肥腸、四季豆、鮮魷、薯仔、蓮藕.......哇！其實都幾大碟！兩個人去食、基本上我哋都食唔完、 最後仲要打包添！講返個味道、其實我覺得都唔錯！不算太辣！不過食呢個記得要叫埋寬粉，因為我覺得個款寬粉幾好食、 口感就好似四川粉。