十八座狗仔粉

營業中

休息中

是夜經過見唔多人又未食過兩個人坐低食當消夜.狗仔粉有啲似粗身烏冬不過更加實心, 加上菜甫會惹味啲, 不過個湯底有啲厚, 食落有啲糊口.火鴨翅有好多火鴨絲木耳絲好足料, 不過個湯底又係有啲厚, 唔係好啱口味.其實兩款食品都落足料, 如果啱食應該都幾好食.

我們點了十八座狗仔粉，火鴨脾碗仔翅，咖哩魚旦，雜繪( 豬腸，豬肚，蘿蔔，豬皮) 。狗仔粉真的很好吃，感覺有點像厚實的烏東，味濃，加上菜甫的確很好。價錢公道。但要一提，那個辣菜甫確實很辣。千萬不要起勁地加。三思。火鴨脾很嫩，碗仔翅應該用了鴨湯煮的，我男友喜歡鴨的味道，大讚。咖哩魚旦，真的要三思，我吃了一棵，要用五分鐘平靜。男友很愛吃辣。大讚。雜繪，有很重五香粉味。味道很好。重點，吃了一肚子東西，HKD 103 ~ CP值很高。

今晚係佐敦完左個talk, 朋友帶我黎食。對狗仔粉毫無概念，原來係咁既。d粉好in un. 蝦米菇底勁香，但唔可以話係湯底，因爲其實佢勁“潔”，係唔會飲到湯既。我平時唔食菜浦架，今次覺得個口感同個粉好夾。有左菜浦就有脆又有林啦！本來以為上脾無得揸住，下脾先有，但原來上下都有。鴨上脾唔係好多地方有。肉味好濃，肉質好滑。因爲人多仲叫左個大雜燴。朋友喜歡個汁話甜甜地好特别，但我個人就覺得麻麻地。蘿蔔豬腸都ok，炆得好林。但豬肚定唔知牛肚就硬左d. 豬皮又太林。

今日難得早放工（即是準時可以收工），順路到這間米芝蓮推介小食店吃聞名狗仔粉。看了看openrice的食評，好壞參平，已經有了心理準備。店鋪很小，但不難找。旁邊剛好有空地放五六張摺枱供客人堂食。 空地不大，數位客人已經坐得有點擠擁。 放摺枱的位置地下較污糟， 畢竟是公衆街道吧。我點了一碗細的狗仔粉，店員姐姐很快便端來給我，相信不是即叫即煮的。狗仔粉的質地過稔，有點糊糊爛爛，似乎煮久了。而湯有點濁，不是清湯，不算油膩，但也說不出有什麼味道。獲得推薦的菜甫，我不覺得有什麼過人之處。勁辣菜甫真的很辣，怕辣的朋友要留意啊！小碗裡除了狗仔粉，菜甫，還有蔥花，小量冬菇絲和我最討厭的肥豬肉。這些純肥豬肉粒似是炸過的，但一點不香口，而且有一種翻炸的油益味，令到原本不太突出的狗仔粉更大打折扣。由於菜甫和肥肉粒形狀差不多，環境又暗淡，很難挑出這些難吃的肥肉粒！除了狗仔粉，還有很多人推介的火鴨翅和魚肉湯。原來這三款都可以兩溝的，即是有粉翅，魚翅和魚粉。喜歡試多款的朋友可以考慮兩溝。後加的翅滾火鴨上脾，鴨脾好味，帶點騷味，可以推介一下。吃這個要狂野點，店鋪沒有筷子提供，會用紙把鴨腳稍微包了一下，好讓你拿著鴨腳扯

長那麼大還是第一次吃十八座狗仔粉！原來傳說中的狗仔粉是這樣的！短而粗身，軟軟的，沒有銀針粉的硬度，和著湯和特色香辣配料一起吃，雖然沒有肉，但味道質感層次豐富，果然真的是很不錯的街頭小食！非常受歡迎的火鴨脾。用碗仔翅做汁，香味十足, 咬下去啖啖鴨肉，一點兒也沒有肉身太乾的問題，好吃！可以靠唯一幾道招牌菜而擠身米芝蓮推介，果然有自己的風格和真功夫。不需貴價食材，卻做到一試難忘的味道和風味，這正是本土小食了不起之處！

上年《米芝蓮》首次推出街頭小食店推介，其實係咪米芝蓮，我地好多時路經見到狗仔粉點解咁多人食，上網查下見到係懷舊野，都想試下，就係呢晚我地去睇戲前試吓吧！店鋪開係唐樓底層角位，環境簡陋，只可放幾張摺枱，位與位之間更好親蜜添，不過要食呢類街坊食物，都唔會介懷地點環境喇。我地睇睇menu，除狗仔粉更有火鴨翅，同幾款小食，睇落價錢都正常唔貴，就叫幾款試下一齊食喇。① 狗仔粉 (細 $20)② 招牌火鴨翅 (細 $20)③ 雙拼：五香豬肚、鮮甜蘿白-小辣 ($13)Total = $53其實份量唔會話好多，不過整體係幾足料，味道不錯，係略嫌狗仔粉質感唔係咁啱食，係佐敦埋單咁嘅價，２個人食完半飽都算係咁咯。狗仔粉：短短的狗仔粉，原來質感係粉粉實實煙韌的，好奇怪的質感，杰撻撻，我就麻麻喇；湯底因為加左少少豬油所以油油的，不過湯味都幾濃，算唔錯；最好食其實係枱上任食的辣菜甫，一定要加埋一齊食，脆脆的夠辣超正！招牌火鴨翅：上到枱睇落都係普通啫，點知原來都有驚喜，鴨肉絲木耳絲非常足料，湯底夠味唔會過咸，好食！！五香豬肚：小辣都唔算辣，辣汁較杰；薄薄的豬肚好腍冇臊味，好食。鮮甜蘿白：非常清甜冇渣夠淋，好！ 

呢度出名食火鴨翅同狗仔粉就人人都知,所以今次都唔例外一黎就叫左個火鴨翅先火鴨翅火鴨翅真係有勁多火鴨絲係入面,好足料呀仲有啲木耳絲,比起一般既碗仔翅有誠意不過就比較杰身,食起黎都幾頂肚魚皮餃,燒賣朋友話想食,原本都冇諗住叫因為以後魚皮餃都係打邊爐先食,好少就咁當小食點知又幾好咼,魚皮餃個皮幾薄,而入面啲肉又唔梅,幾嫩至於燒賣就不過不失,味道同平時街邊食既差唔多啦整體係唔錯既

凌晨四五點想食野就開車去離屋企唔遠開24小時嘅十八座狗仔粉，坐低後叫大狗仔粉丶細火鴨翅丶翅滾火鴨脾(上脾)。環境算簡陋，但當晚店員呀姨都幾nice~狗仔粉(大)$27粉類似較短嘅烏冬，但比烏冬實d，湯底味道主要來自冬菇同蝦米，都濃味。另外會加佢地祕制菜脯，唔辣菜脯就重蒜味，而辣菜脯就少少都好辣，大家試左少少接受到先再加，如果唔係可能真係辣到食唔到。雖然味道都唔差，但由於我自己唔係喜愛黎種質地嘅麵，我並唔係覺得咁好食而我覺得有d貴。火鴨翅(細)$20雖然叫左細但我覺得份量都唔少，滿滿鴨絲同木耳絲，鴨味濃郁，係有少少鴨臊味但我可以接受，我覺得好食而且而家外面食一碗普通碗仔翅都要十幾蚊，但黎碗火鴨翅足料都係20，都覺得幾抵食。翅滾火鴨脾(上脾)$22因為鴨脾會放入火鴨翅滾返熱，需時約5~10分鐘，上枱後掛住食忘記影相。鴨脾都唔算細隻，鴨皮同鴨肉都淋身，但靠骨位鴨肉就唔夠淋。好香鴨味，好食~

又是週末四圍逛的時候，今日去左米芝蓮推介的小店探過究竟。平日最愛食碗仔翅，估唔到來到這裡有火鴨翅供應，我當然要試一試有乜特色。以前吃碗仔翅只有瘦肉絲，冬茹，木耳同麻油味；豪華版的則加了花膠或魚翅同高湯。這裡的碗仔翅真的非常惹味！翅的濃度適中，唔會太稀，有濃郁的火鴨絲香味，一絲絲素翅，加爽爽木耳，真的叫人拍案叫絕！個人覺得這個碗仔翅比什麼豪華版碗仔翅更出色，是因為配料火鴨絲帶出其獨有鴨香味，唯魚翅或花膠只添囗感而己。以後想食碗仔翅唔洗坐船去澳門了，可以去這兒一解為食癮。

兩年半前，十八座狗仔粉在佳佳甜品的舊址開業，某個晚上小弟路過，好奇之下一試，火鴨絲與碗仔翅的結合，為日後十八座狗仔粉，奠定了成功的基礎。結果，由佐敦開到去深水埗，由深水埗開到去元朗，發展之快，是近年香港地道小吃的一個傳奇。火紅之後，黃金時間想找個位都難，這晚下班後，再來回味一下狗仔粉，與火鴨翅。周末晚上一如以往地旺場，找個位坐下，火鴨翅，狗仔粉順口而出，如果贏了馬，我會加碼來個火鴨翅加鴨脾！狗仔粉一如以往地杰撻撻，辣菜甫不能不加，或多或少是因為菜甫而吃狗仔粉，像為了一嚐余均益而吃干炒牛河一樣地荒謬。火鴨翅依舊足料，與初出道時一樣震懾人心。雖然十八座是近年街頭小吃的傳奇，但是受到米芝蓮青睞，打入了紅簿仔，成為街頭小吃其中一個推介，這個加冕未免太過重。看看對面的佳佳？一下子加至廿二萬一個月，結果要被逼轉戰到同區另一個舖位。希望十八座狗仔粉，繼續好好經營下去，不會被業主趁火打劫啦。

店名：十八座狗仔粉地址：佐敦寧波街27A地下好味指數：7.5／10價錢：$10香辣魚蛋魚蛋一份有8粒，香辣的汁味道濃味，配上蔥花也挺好味。魚蛋質感不夠爽囗彈牙，但魚味突出，值得一試！店名：十八座狗仔粉地址：佐敦寧波街27A地下好味指數：8／10價錢：$22翅滾火鴨翅脾（上脾）火鴨脾放在火鴨翅滾足十分鐘，即叫即做。火鴨脾有上下脾之分，以為上脾便宜點就會細一點，沒想到份量也挺大。火鴨脾肉質鮮嫩，味道就是火鴨翅的味道，沒有什麼特別。不過整體來說也是好吃的。店名：十八座狗仔粉地址：佐敦寧波街27A地下好味指數：8.3／10價錢：$19招牌火鴨翅（小）火鴨翅味道也很地道，碗內有火鴨絲，翅和冬菇等。翅很‘結‘身,吃上來淡淡滋味，放久了也沒有出水。店名：十八座狗仔粉地址：佐敦寧波街27A地下好味指數：8.8／10價錢：$26馳名狗仔粉（大）份量足夠，味道很地道。雖然看上去很清淡，但吃上來是很入味的。配料有蝦米，冬菇，菜脯，蔥花等。麵條爽滑入味，這種口味實在令我很難忘。店內有原味和辣菜脯選擇，後者味道夠辣，惹味非常。唯一不夠熱，如果熱一點就非常完美。

話說十八座未攞星星推介之前，我已經係熟客！細個時的狗仔粉味道，呢到完全再現！同大家推介我心裡面的最佳配答，狗仔粉加翅浸燒鴨脾！狗仔粉料落得非常足，湯頭好味到不得了！再加少少辣菜甫，更是惹味！十八座最好就係狗仔粉唔會太爛，食落時仲有口感，唔係糊糊爛爛的！翅浸燒鴨脾每次宵夜去到都一定無上脾架喇！不過下脾都好得，特色係用碗仔翅浸熱！所以食落會被翅湯包住，佢地d翅又勁足料，所以鴨脾上係會掛住好多木耳，肉絲等，令口感更好！(不過，佢地既碗仔翅，有時打軒打得太勁！我個人未係好喜歡，如果食一整碗真係唔得！)就係呢個原因，狗仔粉加浸鴨脾就成為我個人最喜歡的組合了！另外，佐敦店實在係環境麻麻。只係在後巷，同街邊擺枱！所以接受唔到既真係唔好去喇！但我就是獨愛街頭美食的，呵呵！

朋友突然話要食翅，見到面先知原來係食碗仔翅。Surprise！！其實我第一次食十八座，呢碗碗仔翅都幾驚喜。因為非常足料，又有鴨肉絲，仲有得加埋榨菜。湯底好夠滾，但唔會杰到漿住個口。而且唔係好咸，食落幾惹味。份量算係大Size，一碗細翅都已經好夠，唔知大翅到底有幾大碗。而我最鍾意，就係燒鴨脾 (下庄)。好多年前一個好朋友教我，識食一定係食下庄，所以以後去親邊度有得揀一定揀下庄。街邊燒鴨脾嚟講，都做到皮脆肉嫰，又唔油膩，我非常欣賞。食一啖，再沾啲翅嚟食，真係好正。過吓口癮嘅魚蛋就冇乜特別。口感賣相味道都係一般嘅炸魚蛋一樣。同場其實仲食咗大腸蘿蔔，不過個醬汁太濃，本人不太Like。而重點狗仔粉，由於我唔食魚肉，直接Skip咗。

其實今次係我第一次食狗仔粉，覺得好過癮，現今香港有唔少美食相繼失傳，希望多 d 有識之士將佢地帶俾年青新一代，等大家知道香港仲係大把好野食。要試多幾樣野，可以好似我咁叫細碗，埋單都係＄40搞掂。狗仔粉短短地，好似手指尾禁長，咬開入味有煙韌，有 d“趙“頭。個湯都鮮，好勁冬菇蝦米味，想加辣可以加上鋪頭特製菜脯。火鴨翅好勁既肉香味，最正係每一啖都係充滿火鴨絲+木耳絲+素翅。睇介紹，原來一煲用上四隻燒鴨再煲六個小時先煮成，難怪禁香。肉絲質感再加上爽口木耳，配埋素翅，pik lik pak lak，口感充實，非常美味。環境係就係差 d，不過食呢類街坊美食唔係禁樣又好似唔夠地道。總而言之都係讚~

狗仔粉食落好似食舊麵粉咁，唔入味。而d湯又太咸。總之我唔識欣賞。鴨髀肉好“鞋”，加幾淡冇味既碗仔翅。大雜燴算最OK，不過蘿蔔佔大半，豬皮站小半。最後埋單90蚊。真系不可一不可再。