十八座狗仔粉

營業中

休息中

本身我已經幫襯左好多年，係我嘅confort food之一。但係近呢幾次嘅水準真係好差:-1) 狗仔粉好咸好重味精2) 生菜魚肉仲差過龍津喜喜，$38蚊一碗，魚肉只有粉沒有魚，食落去係一舊粉，魚翅得三四條。3) 炸丸都係咸，非常油4) 魚皮餃尚可呢啲嘢係深水埗區算幾貴，自然期望會有相應質素啲口音呀姐不嬲態度都麻麻，但係小食店就唔計較了。呢兩三次嘅食物質素真係大倒退，真係當人水魚咁搵笨。其他深水埗小食店性價比高好多。非常失望，唔會再幫襯了。

菜莆幾好吃，不過無汁，食時偏咸，脆身好𡁻。撈翅幾夾既，個翅主要係木耳絲鴨絲咁，女仔食一份都醫到下肚仔。鴨味普通，想食重鴨味，我會推薦直頭叫份下莊食，直接扯鴨肉吃，濃到沒法擋。熱食加辣菜莆，好辣顯更辣，唯有又叫凍飲。佢有d自製飲品，幾啱食到好辣既我。撈翅食左好多年，價慢慢升上來，聽到有蠟筆🖍️小新日本歌做音樂幾得意。店的小食好熱氣，例如炸物魚旦魚皮餃同牛什就普通咗啲， 如果未食過食翅就好。狗仔粉食過一次，唔啱食，有d粉質咁，個人唔喜歡。

另一半成日都話要去試，我食到厭，之前食過狗仔粉，唔及翅好食，今晚吃到太悶，所以試新嘢，叫左下莊鴨脾食，食到成手都係油，最好預備定濕紙巾啦。但真係好爽成個脾拎起扯黎食，皮肥又交俾另一半，我食曬充滿鴨味既脾，好香呀。平時家禽脾位因為活動得多，味會偏淡，呢度唔會，沾左少少鴨絲翅，風味增加。另一半最喜係大辣菜莆，幾乎食左人地5份一樽，咁我都承認，係香辣脆口，食到喊，好刺激。翅加左價，不過佢整返好冷氣了，唔洗再出住汗咁食，舒服返好多，而家仲變左QR code落單好耐了。

狗仔粉喺香港嘅傳統美食，而家已經唔係好多地方有，暫時覺得最好食嘅都係十八座狗仔粉。佢哋嘅湯底真係熬製出嚟，少許鮮甜，而且配料好多，佢哋嘅菜脯係必食，有辣有唔辣，本身狗仔粉店家已經預先放咗唔辣嘅菜脯，同埋好多蔥，唔食辣嘅朋友記得提早講要走青，另外佢哋有自家製嘅辣菜脯，用咗好多種唔同種類嘅辣椒🌶️製成，辣度非常高，食得辣嘅朋友會好鍾意。另外佢哋嘅狗仔粉食落去亦唔會過林，咬落去有少少咬勁。我另外佢哋嘅魚蛋亦不錯，用咗陳皮魚蛋，加埋佢哋嘅秘製咖喱汁，由於陳皮魚蛋比較細粒，所以好容易入味。

行開旺角見到呢間鼎鼎大名嘅十八座狗仔粉就入去食啲野抖下～🙈狗仔粉超滑，湯底可以當碗仔翅咁飲埋🙈👍🏻好惹味炸丸係我最欣賞嘅，花枝丸貢丸好有彈性，仲可以揀想要咩丸🙈👍🏻魚皮餃個秘製醬汁好好食！

食衣間係因為想食個辣菜脯 😂🤣😹 。 因爲我覺得佢辣過譚仔大辣 。18座粉撈翅$33 ＋ 豬油渣5蚊 ＝$38 。 我 forget 左芫茜好似都要加錢定點 🤔🤔 。18座魚肉翅$33 。 其實咪姐係生菜魚肉溝火鴨翅 。咁溝黎溝去咁就變成新產品😂🤣😹 ？？ 個魚肉唔腥既🐟 。 係小小彈牙既 ， 但應該就粉開出黎或者溝左野既 。 因爲都冇咩魚味 。自家製涼茶竹蔗茅根$12 。 唔好意思 out fo 左 😹🤣😂 。 佢都OK 既 。 唔似糖精既 。

十八座狗仔粉廿四小時營業🤩而加周圍酒吧clubbing 都開番玩完可以去食下野🥰除了狗仔粉以外，火鴨翅、火鴨腿、雜燴都係值得推薦的經典菜式😋😋😋😋今次得1人食所以叫左2樣野😆😆😆魚蓉燒賣魚蓉又煙韌有彈口一啲都唔粉夠足料🥰魚粉姐係魚肉加狗仔粉加埋佢地祕製麻辣菜脯，雖然食材普通，但加埋一齊就勁正😆😆😆簡直人間美食，佢話祕製呢湯有啲糊狀感覺，但食落個味又好正🤩🤩尤其加埋麻辣菜脯食到停唔到口，佢地嘅豬油渣又真係正到不得了😍😍

狗仔粉好食在於個湯有重好香的味道，有蒜味同豬油渣的香味~不過食唔食到豬酒渣就睇店員有冇「筆」比你😂 平時一般都有幾舊，今次得2小舊，可能唔好彩😆加5蚊可以有一包炸好左ge萬年油渣，加左就會多啲野食🤭🤭🤭#狗仔粉 #十八座狗仔粉 #狗仔 #豬油渣 #油渣 #旺角美食 #旺角 #食好d食平d #食好西 #食好d #食食食 #黃怪獸 #黃怪獸覓食 #hk90s #hkfood #hkfoodie #foodie #foodiehk #yum #hongkongfood

收工冇堂食咁點算呢，今晚唯有街邊食啦，咁樣喺旺角有間好出名嘅小食點。「十八座狗仔粉」大家都應該聽過，佢點樣出名我就唔講喇。我自己又好鍾意食佢個魚皮餃，加埋佢獨特嘅醬汁，簡直係冇得頂😋😋經過行過都會去食，佢個醬汁濃度適中，唔會太鹹又唔會過甜，加埋佢個辣菜脯👍🏻👍🏻食落去真係好惹味😍食完之後唔夠喉，再叫多個燒賣，都係點佢個醬汁，非常之好味道，平時食開嘅魚蛋檔你食完係唔會返食，不過呢一個係會再點嚟食🙈🙈環境質素🏚：❤️❤️❤️❤️🤍衛生程度🧽：❤️❤️❤️❤️🤍美味程度😋：❤️❤️❤️❤️❤️💗抵食指數🤩：❤️❤️❤️❤️🤍回頭指數🤩：❤️❤️❤️❤️❤️💗

今日年初一，食飽飯想食碗糖水，行左好多条街都無，之後記得呢問有紅豆莎，甘呀試吓啦，頂$30戈，ok 啦價錢，回家一打開超嬲，個碗唔滿唔緊要呀，但好似比人食過甘樣羅😡😡😡，唔會再食呢間

好耐之前自己食過，印象中我係鍾意狗仔粉嘅味道。有時經過尖沙咀分店，我都會同老公講：不如搵次食下！不過有時想食粉麵，但係唔記得咗有呢個選擇。而家我哋都經常會喺旺角區食飯，發現有呢間，我哋琴晚又唔算好大胃口，一於揀間平靚正！同埋因為趕時間，只能速食，呢間唔使等位，上菜快，又可以快食完，fit晒！老公聽完我介紹，上次喺觀塘分店都食咗一次，不過竟然唔係食最馳名嘅狗仔粉，今次我就要佢一齊食$3x 就有一碗，今時今日來講，算勁抵！話晒好多名人都去食過！狗仔粉嘅質地都係我哋鍾意嘅，好似刀削麵咁，唔會滑潺潺 老公都食得落（佢唔鍾意食米線嗰種滑）嚟到呢間冇食菜脯，唔好話俾我知你食過呢間！每一碗粉都會跟一啲菜脯，不過當然唔夠食啦，我哋兩個人夾埋食咗人哋成盒仲加咗好多勁辣菜脯，不過堅係勁辣！食唔到太辣嘅，要慢慢試吓 勁辣菜脯用咗4種辣椒材料炒成，都值得一試！老公本身唔太鍾意辣，受到最近一套日劇《激辛道》影響，連辣都食到，人生有咩過唔到？！我一直喜愛辣味，就係鍾意當中嘅刺激感！大家放心 都係承受到嘅辣度仲要有小店自家煲嘅涼茶解辣、解渴、清熱我地一人各飲咗2枝1枝五花茶、1枝菊花茶其實粉仔都係得菜脯、有少少蝦乾

由2013年左右開始食狗仔粉，但狗仔粉價格由大細20-40瘋狂升到得返一個價格，係2021年我食過2次，分別係31，33元。講真，隔離雲吞河、魚旦河下午茶都係26元，而狗仔粉食材成本比呢d更平價，最重要係個外賣盒勁細盒，完全唔似正常份量呢！加上狗仔粉上台已涼涼地，唔係好熱，而豬油渣得返一塊，粉既質感也差了很多。老闆如果有心繼續營運，應要想方法回復當年水準，否則時間久了，只會被淘汰（眼見真係無咩客人光襯，事出有因）

不知所謂，用QR code落單收唔到等咗10分鐘問佢，員工話冇收到落單，ok面對面落單到咗堂食，就叫魚肉外買吃完走問員工又話冇落單但當時全店只有幾個客，我再問收銀我話有有生菜魚肉比到我！佢立即做就 ok 但員工話我知冇！不知所謂如果不識在中環做生意就唔好開店做，我也不會再去 😩也會同朋友講不要再去不知所謂!

每次係十八座狗仔粉附近做嘢, 做完之後都忍唔住過去外賣碗狗仔粉返屋企食今次都唔例外<馳名狗仔粉>馳名狗仔粉一定一定一定要叫佢加辣, 咁樣食落先最惹味唔知係唔係到大食妹嘅時候, 狗仔粉已經到鍋底, 裏面混合咗好多肥膏但榨菜同辣醬依然非常好食<鮮味魚皮餃>另外再加左份鮮味魚皮餃魚皮餃普普通通, 醬汁又咸又甜, 有啲似海鮮醬, 大食妹就覺得有啲個重口味<菊花茶>好彩加左枝清涼嘅菊花茶甜度啱啱好, 充滿菊花香, 好天然嘅味道

十八座狗仔粉應該大家都聽過，榮獲米芝連大獎。今日路過旺角西洋菜街見有時間就入去一試呢間久仰大名狗仔粉名店。狗仔粉（HKD 30):狗仔粉食落有咬口，不是得個焾字既面粉團，長短不一，比較滑身。湯底有好多冬菇碎同埋有一粒浸焾曬既豬油渣，整體已經好香，加埋多蔥粒不得了。識食一定食佢自家製菜脯，有辣有唔辣，辣菜譜非常香同譚仔中立有得比，嗜辣者必加，令平凡狗仔粉生色不少。精粹在於菜脯。香辣魚蛋夠晒辣，滿滿咖喱汁加上甜醬，分量多毫不吝嗇。總結：味食過可一試