十八座狗仔粉

營業中

休息中

十八座狗仔粉，都好出名，但就第一次食。今日試左狗仔粉，黑白炸丸，反而係個黑白炸丸比較有驚喜，即叫即炸，又吾會好油，而且啲丸都好彈牙好好食。而個狗仔粉就一般啦，吾算好特別，但口感都吾錯既，菜甫好好食

十八座狗仔粉，我第一次食向N年前相信係佢啱啱開，位置佐敦永安百貨後面一個小小巷仔一間小小店舖，當時我食狗仔粉，可能唔係我年代D嘢食，印象普普通通，過左好幾年，陸陸續續啲人話佢個碗仔翅好食，前幾日去左荃灣呢間試，叫左兩溝，即係佢哋嘅招牌火鴨絲翅加魚肉，好快碗兩溝上枱，真係同街邊小食店唔同，外觀已經見到材料比較多、肉比較幼細、湯底比較濃，食落好香鴨味，口口都食到鴨絲，魚肉都唔錯，睇下個餐牌，佢話係用四隻燒鴨煲足六小時祕製，唔怪得個翅咁香鴨湯味啦，食完呢個碗仔翅，相信不作他選。後記，佢菜蒲都有辣同唔辣選擇，溫馨提示，佢個辣菜蒲真係幾辣㗎。

18座狗仔粉嘅狗仔粉真係好好食，但係今次我食嘅係火鴨翅！雞髀食得多鴨髀真係好少食，能夠成隻揸起，加上呢度秘製嘅翅汁，味道確係唔錯！食到我爽歪歪！女朋友叫咗個魚肉翅，佢話生菜魚肉翅來講，佢嘅菜係偏小，但係啲翅就好有特色，因為個汁特別傑！最開心係冬菜任食！以前南記都係咁架，但而家應該系因為成本上漲而冇咁做囉！其實小店有小店嘅好，起碼多啲人情味，阿姐完全唔理我落幾多冬菜，冬菜同狗仔粉係絕配，同生菜魚肉都係絕配！

狗仔粉，細細個喺街邊檔已經食過好多，講真，狗仔粉本身冇乜味道，質感亦唔係咁好，主要因為價錢平同埋嗰時啲麻油同脆脯係隨你鐘意加上去撈埋一齊食，又平又抵食，嚟到呢間十八座狗仔粉，見到價錢唔平，已經知道唔駛叫嚟食，不過已經坐低左，就叫左個火鴨肶碗仔翅食，$30一碗，隻火鴨肶普普通通，無乜特別，亮點居然係個碗仔翅，𥚃面嘅味道同細個時食嘅味道都幾接近，撈埋啲脆脯落去一齊食，真係有濃濃嘅懷舊感覺不斷湧上心頭。

係荃灣收左工同同事行去路德圍食宵夜，路德圍出名多野食 琳琅滿目嘅嘢食鋪頭 包羅萬有可以講話想食咩都有今次我哋黎左食狗仔粉 因為我哋收左工已經好夜 已經唔太想食得太飽 所以就嚟咗呢度食d小食就算啦！！而狗仔粉我哋都係叫一碗分享一齊食，之後再叫左炸雙丸 ，雙丸就係貢丸同牛丸各兩粒 ！1⃣️碟大雜燴 🈶️蘿白 豬皮 牛雜.......點埋沙爹汁食都唔錯仲有呢到好出名嘅鴨肉絲碗仔翅,真係勁足料，成碗都係木耳絲同啲鴨肉絲仲有最後1⃣️碟燒賣同魚皮餃話唔食到咁飽 最終都係飽到上心口

十八座狗仔粉，聽就聽得多食就真係第一次狗仔粉係傳統 嘅街頭小吃用粘米做成 形狀像小狗尾巴現在已經不太多地方可以食到啦 👍🏼👍🏼 湯底超級濃郁再配上用上湯煮過的 麵條再淋上乾蝦米，菜脯等等配菜重點 就係有新鮮炸的豬油渣令湯麵更香更好吃 😃另外仲有火鴨翅又係好出名，下次再試下先

一向知道十八座狗仔粉十分出名，但一直未有機會品嚐，今晚去到荃灣想搵宵夜食，見到有分店就充滿期待咁入去試🤔🤔🤔第一次食緊要先試招牌菜狗仔粉啦，另外仲叫左店員極力推介既黑白炸丸。我本來以為狗仔粉係好似銀針粉既，但原來係似烏冬😂😂而湯就好似一碗好稀好稀既粥咁。桌面台住辣菜甫，可以隨意添，但都幾辣，所以要就住黎落呀狗仔粉可能因為一路浸住湯，太淋了，而味道亦都普通，可能係我本身期望太大🙈🙈🙈而黑白炸丸更加普通，就係炸左又無特別調果既牛丸貢丸豬肉丸墨魚丸，毫無特色，唔試亦都無咩所謂😪

隔左好耐再黎食既十八座狗仔粉價錢貴左 但質素卻差了餐牌 同之前都差唔多 不過而家有炸豬油食但咁肥既野就唔太岩我啦今次叫左個大既狗仔粉當lunch食 $29細既就$22佢外賣既話一律$30食落味道無之前咁好我最鍾意食既菇得好少同埋好細粒粉仔就淋左d 但食落分量夠多 一定夠飽而個湯都無之前咁杰身咁濃味同埋成碗野都係暖 唔係太熱食十八座狗仔粉最好既野就係有得任加菜甫有辣有唔辣揀真係任落唔嬲我都落左兩三次總括黎講$29又唔算太抵食 但可以一試

21-10-2017 (Sat)晏晝,同老公買o野前食o野,原本想去寶田源食素,但老公突然諗起呢間,我又心郁郁想食狗仔粉,所以都o黎o左呢間,我o地去到,先睇吓啲o野o岩唔o岩食,o岩食,咁就入去.我o地叫o左:1. $29.00大o既狗仔粉+$3.00一份o既炸豬油渣蔥,唔辣菜甫同炸豬油渣都已經幫我o地加o左上去,先食炸豬油渣,脆脆地,但味道係唔好食.狗仔粉腍,鹹淡適中,菜甫爽脆.3. $15.00o既黑白炸丸我o地揀o左香菇貢丸同墨魚丸.炸得熱騰騰, 香菇貢丸好惹味;墨魚丸都有啲彈牙.2. $22.00細o既火鴨翅老公一食就大讚味道好濃,亦好彩佢未落胡椒粉,因為佢o地本身落o左好多.到我食,佢o既料都幾多,亦正如佢所謂一樣, 味道好濃, 胡椒粉落得太多,有啲嗆.味道: 3.13分3年前我o既生日,同老公o係銅鑼灣食過( o個個食評: https://www.openrice.com/zh/hongkong/review/%E9%AB%98%E6%AA%94%E5%88%86%E5%BA%97-e2395783),兩間格局完全唔同,呢間比較街坊啲,而且平啲.抵食係2.5分題外話:我o

突然心血來潮想食狗仔粉，呢個招牌狗仔粉既湯底濃郁，但$29好細碗，菜蒲味道ok但未有一放入口哇一聲既感覺，只能用普普通通形容，不過不失吧。另一個是推介既鴨湯魚肉，我認為呢個$29既價值同味道不是太相配，魚肉彈口亦碗生菜，試一次就足夠😕😬

行開荃灣真係要搵下街邊小食，見呢度有狗仔粉就入去試吓，今次叫咗一碗狗仔粉同埋一碗火鴨翅！個人覺得火鴨翅好食啲，因為一食落去同其他碗仔翅好唔同，好重火鴨味，而且碗野仲有好多火鴨絲，好足料！不過狗仔粉就有啲普通，我就覺得唔係幾夠味，好彩佢有提供菜譜俾你加入去食！有辣有唔辣，可以揀自己鍾意嘅味道。

OT完求其食啲野，同事話去食十八座，都好吖，聽就聽過好耐，但一次都未食過，一於試下呢個集體回憶。細狗仔粉（$22）試款招牌野先，真係未食過狗仔粉，個樣有啲似上海麵？淋淋地一堆粉團咁，口感不是我杯茶，好在調味幾好，個菜莆好正，要加大量先好味，懷疑自己係食粉定食菜莆😂大火鴨絲翅（$29）同事叫左呢樣，我無試到，同事話幾好，唔係街邊碗仔翅咁味，多啲鴨香，同好足料，一碗都夠飽。菜莆可以任落，有辣有唔辣，辣個種真係堅辣，但好過引，辣到流哂鼻水都要食，會上引㗎😋

之前一路都係喺佐敦總店食，味道都覺得好好味，今次經過荃灣食宵夜又唔想食咁多，見到18座就話不如一齊入去試下。入都去坐位都係比較窄，但係起碼都叫做鋪頭入面，然唔係好似佐敦咁樣係街邊所以都乾淨程度高好多。之後我哋就嗌咗一個狗仔粉，味道只屬一般，反而覺得好似感覺上佐敦嘅味道濃郁，燒賣口感唔好食，豉油有啲怪怪哋，所以都覺得有啲失望。炸丸就同佐敦嘅味道一樣都好味， 而且唔太油。唔知係咪分店關係始終保持唔到嘅水準應該下次都會去返佐敦食更加好食。

今日得自己一個晚餐，就去咗荃灣十八座狗仔粉度獨食好耐冇食過，好掛住佢嘅狗仔粉，真係好好食每次都必點，所以仲未有機會試到佢出名嘅火鴨翅，下次一定要試有一排冇食過，原來而家可以加$3有豬油渣，大愛豬油渣可惜係落完單先見到不過我冇加到$3要豬油渣，但感覺比起之前食時真係多咗豬油渣的，所以唔加也可以狗仔粉嚟啦，識叫一定要叫多葱配料有辣菜脯，都係必試

常逛荃灣的我，隨口都說得出好幾間必食的店，而大多都是蹤橫這條街的小食店。橫掃彩虹芝士三文治、鬼巴士、亞玉滑豆花就成了我到荃灣的指定動作。這次，終於食到十八座狗仔粉，網上個個都話好好味‥可能係大家口味不一樣吧，我覺得好普通今次就叫兩樣最多人推薦，最出名的小食—火鴨脾＋狗仔粉✪狗仔粉細碗（＄２２細／＄２７大）★★／５狗仔粉應是以粘米製成，重點在於湯底，湯料包括少量花生、洋葱、蝦米、冬菇及豬油渣，上桌前灑上葱花、菜脯及豬油渣等配菜。但此狗仔粉材料無咩特別：蒜，菜脯，狗仔粉，極微量0.1片冬菇。（我自己走了生葱花）狗仔粉軟身，湯底單調，只係好濃縮既蒜味，菜脯口感好爽脆以一碗粉麵來講，沒錯，是好平，但就只是一碗，普普通通，只令你果腹的粉麵。✪火鴨脾（＄２２）★★／５雖然只係火鴨脾，但都有少量火鴨翅在面，明顥鴨翅味道濃郁，鴨脾乾而無味火鴨翅同碗仔翅差唔多，味道濃郁，配辣菜脯應該唔錯～整體普通，雖然味道是雷聲大雨點少，但勝在以平民價錢能果腹飽肚。