十勝牛和食料理

營業中

休息中

今日同屋企人踩完單車，黎到濕地公園既十勝牛食下午茶。我叫左一份扒芝士照燒雞多士，多士烘得唔錯，芝士同照燒雞配搭幾好。屋企人叫左份壽局烏冬，壽司有加州卷兩件、蟹籽壽司、粟米、玉子燒、蟹柳。另外再加左份三文魚刺身，幾抵食。

星期六放假最好就係同家人出去食飯，大概6點45已經去到餐廳門口，已經好多人排隊，可想而知呢間野幾受歡迎😊 🍣三文魚剌身 $49 / 帶子刺身 $51魚生很肥美 夠新鮮😍 一上枱好快已經清左LOL🦑燒魷魚 $64熱辣辣上枱，本身既燒汁加燒好既魷魚已經好惹味😝 加埋芥辣好正😝🍲麻辣風牛肉湯拉麵 $46拉麵硬度剛好，對我黎講就有點太辣（我是米線清湯派🙈），但屋企人食就覺得好味😁🍤淨蝦天婦羅 $72一上到枱仲係好熱，新鮮炸起！個粉漿唔會話太厚，蝦夠大隻，好味！🍌海盜船 $35其實係香蕉船😗香蕉加大量忌廉同三色雪糕，好邪惡好滿足！🍧北海道黑芝麻 $32刨冰底加上椰果，涼粉，花奶，同埋黑芝麻雪糕😍濃濃黑芝麻味加上碎冰同煙煙韌韌的椰果，口感豐富😋食到好飽又滿足😄 一定會再黎食過！

十勝牛搬左去濕地公園都係第一次食，價錢平民，份量又多，味道仲唔錯！今日收工食孤獨晚餐，入到餐廳侍應馬上招迎，服務很好，之後QR code 落單 ，叫左個流心芝士漢堡奄列飯，將蛋煎到半熟，蛋醬加上茄汁，酸甜嫩滑，漢堡外有芝士，切開左先知入面原來仲有流心芝士，有驚喜👍🏻日式炒飯有落少少洋蔥，唔鍾意洋蔥味既要注意啦。整體味道很好，仲食到好飽，值得一試👍🏻

睇落呢間好正常，位於濕地公園，而且有分店，或者分店味道都一樣，普通，未算特別好食。餐價全部正常價錢，大約是$50-80左右價錢，但叫呢碟價錢唔成正比既沙律，唔知覺得圖碟野值幾錢呢？或者睇完呢張相，未必會食呢個，當我叫黎既時候，就…呢碟令到我嚇親，擺設就普通，中間雜果罐頭沙律，加幾隻冷鮮蝦，就收$98！！！！味道真心普通，但收左cafe價錢，唔好咁啦，做好小小得唔得👎🏻太hea ，份量又少！！！！

濕地公園附近開左好多新餐廳，但唯獨呢間都成日要排隊，就算外賣都好多人排隊買。可能係唯一一間食日本野，同埋價錢都好親民🤗因為朋友住附近，所以成日去佢屋企都會嗌呢間外賣（外賣自取）。佢d壽司款式好多，每件大約都係9蚊至十幾蚊一件，仲有手卷tim🤤呢個係細既蟹籽沙律$32，雖然佢係細，但份量都好多，我地4個人都覺得夠。朋友話想試呢個鐵板芝士燒豆腐$35，味道一般啦，覺得下次可以唔洗叫😂可能堂食會好d呱….鹽燒牛舌$36，鹽燒雞腎$22，個價錢係兩串嫁，好抵食呀真係🤣🤣又好味，值得推介👍👍👍烤雞軟骨粒$36，我地外賣雖然凍左dd，但味道都仲keep得幾好，所以堂食新鮮熱辣辣應該超正😋呢間餐廳性價比幾高，附近仲要冇日本餐廳，所以成日都勁多人幫襯😝😝

新開張果時食過午餐，午餐幾抵食，四五十蚊有個飯/麵包杯菊花蜜。佢杯菊花蜜幾好飲😁。食物味道就似香港日式茶記。今次食晚餐，散叫餐牌。我哋叫左金菇肥牛卷：有少少靭，不過你拆開黎食，細啖啲係無問題，你想一口食又淋又滑咁，呢個就滿足唔到滑蛋豬扒飯: 味道正常，但個飯濕左少少叉燒拉麵: 叉燒係淋，港式拉麵咁，但味道ok，唔好expect食到$100碗嘅質素，佢係唔錯雜錦天婦羅: 👍🏻炸得好好，又大件塘揚炸雞：雞唔算好滑，但都炸得幾好，唔知點解日本啲炸雞會咁好食，但香港好難食到日本質素牛油果風沙芝士鰻魚卷（一客有4件）：好食的，呢啲特式卷物通常都好食，唔會伏芒果汁$14: 呢杯野其實幾抵，佢真係鮮芒果打，不過唔夠濃，淡左少少，但只係$14，係出面點飲到鮮芒果汁，所以我覺得淡左都可以接受，好過佢只係加糖水，當杯野少甜啫叫左咁多野食$320埋單，其實所有野都係$40—$5x左右，我覺得係抵食。我落完單先發現原來佢有晚餐套餐，其實就係飯包特飲，不過佢個餐牌唔係好清晰寫晚市套餐咁，個餐牌好多圖片係左下先寫包野飲，唔細心嘅我就無理，唔算啱食就睇左主餐牌就算😅食到尾，服務員放左新餐牌，原來9點後有消夜餐都好抵

平民餐廳性價比高嘅十勝牛,呢間餐廳我經常過嚟食，無論同朋友聚會或者自己都會過嚟,首先餐廳環境座位比較寬敞坐嘅位置空曠,今次一行3人過嚟食講到最鍾意食嘅係呢個黑松露雞柳意大利飯，因為佢嘅忌廉奶比較濃郁十分容易落口,同埋分量唔少浄係食呢份都夠曬三文魚拼盤都比較平，性價比高,三文魚翅，肉質比較鮮，做得唔錯，三文魚骨都唔錯差，差唔多每次過嚟都食呢個今次試下個羊架,羊架我有驚喜佢燒得肉質比較好嫩滑唔會好嚡身三文魚刺身係厚切質素正常總括而言呢間餐廳，質素較高性價比都較高

天耀店我食過好多次，因住附近就經常去食！新呢間都係第一次！抱住嘗試心態去試下有無天耀店嘅水準，最後無令我失望！撞正晚飯時間排隊嘅人真係多，而我又一個人好難拼枱所以要30分鐘先到我，記住下次唔好肚餓至去排隊！😅坐落用火箭速度落order，我嘅飛佛就係剌身帶子，三文魚！好鮮味！好滿足！下次帶老婆再嚟食過！😋😋😋

老遠入嚟探訪，朋友帶我嚟到下午茶真係人氣爆燈要等位，價錢又幾親民嘅，款式又多！帶子刺身$5️⃣1️⃣有成8件大大粒，玉白嫩美具有質感又鮮甜嗯嗯呢個套餐超抵食有成6件手握🍣擺得整齊✨色澤光鮮✨三文魚、吞拿魚、熟蝦、加州卷配烏冬，湯底清淡呢種烏冬有點彈性都唔錯👍🏻介有熱飲菊花茶

天水圍出名多平靚正美食，所以有時候得閒就會去天水圍食好西😝燒石鍋鰻魚飯+麵豉湯 $46性價比高之選，$40幾蚊就可以食到鰻魚，而且仲係石鍋，啖啖鰻魚肉，值得比個LIKE👍🏻跟餐仲送左一杯凍檸茶，天氣開始熱，飲杯檸茶就最正🤭北海道海鮮拉麵+螺肉軍艦 $40海鮮拉麵非常足料，有帶子、青口、蝦、蟹柳等等，另外仲送一客螺肉軍艦，簡直超值🤩三文魚小卷 $15點多左一個三文魚小卷，主要想試試佢既三文魚好味指數：8/10性價比指數：9/10餐廳名稱：十勝牛和食料理 餐廳地址：天水圍濕地公園路1號電話：2413 9288

性價比好高既日本料理有日我老婆唔想係屋企食飯話想去食日本野，就去左附近嗰間十勝牛，裏面啲壽司款式好多，而且油甘魚刺身非常厚。餐廳好特別，有和牛壽司嗌，仲要係生食級嘅鹿兒島A5和牛，正正正。蒲燒鰻魚飯盒造型好正宗，鰻魚都好多。韓風豬頸肉炒拉麵入味，份量唔少。茄子煮既鰹魚湯好飲，餐飯性價比超高，比起出邊嘅日本餐廳平一截，值得推薦。

十勝牛本來係天耀好耐，無啦啦搬左去濕地公園新開嘅十勝牛少左野揀，無天耀咁多，不過乾淨左，可能新開關係我叫左日式叉燒拉麵和炸豬排咖喱飯，其實兩款野食都無咩特別，個拉麵好港式，湯底似出前一丁嘅豬骨湯，個叉燒拉麵仲配左兩件辣味三文魚軍艦咖哩飯係日式咖喱，都幾乎無辣味，不過叫呢個餐最好係有碗麵豉湯，同中華沙律，感覺好完整一個set咁我最鍾意十勝牛係佢有得飲菊花蜜又唔駛加錢不過我媽咪話佢俾果杯茶係凍的，有點失望，都唔係好忙，沖定哂啲茶係度，仲要全凍，感覺有點怪十勝牛都算抵食兩個餐夾埋$90，都算好經濟，唔好咁高要求

舊鋪喺天耀商場都幫襯左好多年見佢搬左去濕地公園今日又咁啱有揸車就過去試下點知真係大失所望嗌左鰻魚炒飯，芝麻雞翼，忌廉薯餅，牛仔骨，軟殼蟹反卷由落單到岀齊嘢唔駛10分鐘，仲快過叮叮重點嚟啦。。。冇樣係熱嘅，個炒飯仲勁，微暖得嚟係一大陣濃味唔係佢附近咩都冇得揀我真係唔會食囉雖然搬左鋪裝修靚左又冇加價，但食物質素差到咁我寧願你加價keep返啲食物質素懷念天耀舊鋪，last order前1分鐘落單，啲嘢食都係熱辣辣

三口子入濕地公園玩，未入園前就要去醫肚先。附近只有十勝牛和食料理，咁我地就去食個lunch先。可能星期日關係，加上附近又只得一間餐廳，所妁人都算多，我地等左都差唔多半個鐘先有位~ 等左咁耐，肚都好人餓了，所以就簡簡單單午餐定食啦~每個定食都會附送中華沙律同埋麵豉湯同飲品。麵豉湯有點失望，上菜時都凍凍地，感覺唔太好~除左兩杯凍檸茶之外，我就叫左杯菊花蜜，味道唔錯，夠菊花味得嚟又唔太甜~我嘅什錦魚生飯看似細細碗，但其實份量好足同新鮮~老公嘅鹽燒鯖魚好夠味~阿仔嘅蕃茄雞柳燴烏冬雖然比佢預期嘅食法有點出入，不過都酸酸甜甜蕃茄味~不過，最令我地有驚喜嘅係散點嘅個蟹籽沙律，超大碗又好足料呀~整體感覺係...味道唔錯，價錢扺食， 港式日本料理性價比高，有機會再入濕地公園玩都名可以嚟再食過！

今日同屋企人去公園玩，肚餓入黎見到裝修都新同舒服香蔥牛肉炒烏冬 4.7分夠臒氣 香味和味道都不錯壽司質量都不錯 4.5鰻魚炒飯 4.6分鰻魚夠彈夠鰻魚味炒飯都入味**食物總體都滿意， 唯一係服務人員態度比較不好，希望改善