十大碗粥麵專家

營業中

休息中

☕️ 食物：👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻 /5近期大熱嘅傳統中式粉麵店，由爺爺一代祖傳配方流傳到現時第三代，主打雲吞麵，湯底用大量大地魚乾、蝦乾等長時間熬製而成，另有粥品、炸両、酥炸鯪魚球、酥炸雲吞等同樣被客人激讚。我因時間關係暫時只係試咗雲吞麵，酥炸鯪魚球、豬膶粥就外賣～ 🍜P.S. 平日去會相對比較少人，記得開門問姨姨攞飛排隊至係醒！☝🏻💋 雲吞麵 ($33)又係慣例細細碗嘅雲吞麵，鹼水麵加4粒雲吞🍜。我喜歡先飲啖湯 🍵，唔... 無味精，飲得出係自家精心泡製嘅香甜湯底，再嚟係粒皮薄雲吞，裡面蝦、肉嘅比例大概係8:2左右，原隻蝦好彈牙，大滿足！😋 至於個鹼水麵都要一讚，係非常之爽口但只有輕微鹼水味，唔需要好似其他麵店咁加好多醋去中和鹼水味 👍🏻 整體進食嘅時候更加令客人可以品嚐到湯底嘅精髓💋 酥炸鯪魚球 ($54)魚肉好新鮮，外層嘅炸米粉脆卜卜，沾上惹味蜆芥汁，真係好好味喎！💋 豬膶粥 ($36)淨係食個粥底已經覺得好鮮甜，豬膶好滑，好厚身，好爽口，大啖咬落去真係大滿足呀！😋

無意中睇到雜誌介紹呢間食店，決定帶媽咪一齊去試，星期日大約十二點到，門外已經好多食客等緊，我哋攞咗號碼喺門外一邊等一邊睇定食咩門外海報，介紹大地魚湯底製作同全鴨蛋麵等咗大約半個鐘可以入座畫得好靚雲吞麵～先試吓嗒湯先，真係好清甜，麵爽口冇梘水味枱上放咗樽酸蘿蔔，問店員攞個碟仔夾嚟食媽咪最愛，夾咗兩轉🤫🤫炸兩～腸粉皮薄，條油炸鬼仲脆卜卜㗎豉油分開上，甜醬、辣椒醬自己加蜆介鯪魚球即炸熱辣辣好大粒，好足料唔鯹，好好味

呢間食店近日大熱 日日夜夜都大排長龍而我最憎排隊 所以三番四次經過就算今日夜晚9點又系附近 試下駁一駁啦9點依舊都系滿座 亦都仲有人排隊 好彩既系我行快兩步 直接入座🤟🏻兩個人叫左一碗雲吞麵 一碗水餃麵細心地用雲吞墊底等d麵吾洗浸淋之餘又可以幫雲吞keep住個溫度用左鴨蛋麵 除左麵質爽彈 仲好香 湯底用左蝦殼同大地魚 點會仲有得輸🥰雲吞吾算大粒 但系蝦比例多過豬肉 淡淡肉之餘 好鮮甜好有口感水餃都吾錯 加左雲耳增加口感除左份量比較細 男士一碗應該吾夠飽 其他都好好

是日中午黎到太子出名既十大碗粥麵專家，平日黎食好處係唔使排隊，假日次次都等好耐😂位置唔多，座位偏窄。有一大甖酸蘿蔔，任大家食用。其實偏甜，本人喜歡酸少少既哈哈😄鮮豬潤粥，好足料啊，有好多塊厚切豬潤，係我食過咁多豬潤粥中最高質，一啲都唔腥，多蔥花，粥好綿，味道鮮甜。😋牛腩飯，份量適中，牛腩有咬口，味道正！配免費汽水🥤，係傳統既玻璃樽可樂。牛肉腸粉，諗唔到係超多餡喺裏面，有三大條，食完超飽🙈

店名：十大碗粥麵專家Ten Noodle Shop地點：太子汝州街45號樂勝大廈地下G/F, RoxanMansion, 45 Yu Chau Street, Prince Edward，電話: 23865025(1)     雲吞麵兩碗；(2) 狀元及第粥；(3)鮮炸鯪魚球；共二人享用本餐，合共壹佰四十二元正。食物的色香味如何：E 雲吞麵兩碗：蝦仁夠大，肉質新鮮，用大地魚湯為湯底，放上韭黃，所以烹調十分地道；麵食彈牙爽口。然而，唯一可挑剔之處是韭黃數量較少，不夠香味。E 狀元及第粥：粥底綿滑，而且及第大件，豬肝軟、大塊且爽口；粉腸和豬肚夠爽滑。E 蜆蚧鯪魚球(炸)：惹味。炸得很香魚味，外面酥脆而內軟，比一般炸魚片、炸魚蛋更彈牙，加上鹹味十足，很適合我的口味。賣相得體。環境：地方較淺窄，但清潔整齊。服 務：良好。衛生：良好。抵食：價錢合理。

😳自從加入左雲吞關注組，見唔少人推十大碗，就決定夜晚黎試試佢！😇唔洗等好耐，店員都有禮貌，🛋比我地轉舒服啲既卡位度食招牌雲吞麵 $33四粒雲呑size唔算大粒，🍤但蝦肉彈牙🍜麵夠爽，湯完全無梘水味，（但其實我食慣有啲梘水味既），不過無味精味，幾清唔會咸，😛所以我都飲左幾啖湯🤗細蓉，份量唔算多，所以可以再叫下啲小食招牌炸兩 $30🔺炸兩必食，比出面既脆好多，🤩皮好薄夠滑，🤔不過自己反而略嫌皮太薄，無左個口感.自己落左好多麻醬甜醬😂😂炸雲吞 七粒 $45呢度既炸雲吞好大份😂😂，有成七粒，内裡蝦肉夠彈牙，但係食得多略嫌幾熱氣同口乾💦，最好再多啲人share👍要再讚既係，每枱都提供一大樽酸蘿蔔，❤️好鐘意，食完炸嘢岩曬，感覺fresh翻，啪左好多粒😂😂

今日出開去太子，就去左十大碗試下，見到雜誌話好食，叫左個雲吞牛腩麵、义燒腸粉、四粒炸鯪魚球、熱奶茶，埋單要$120偏貴，講真雲吞一般又吾係特別版好食偏細粒，牛腩偏瘦好痴牙扣分😔，麵就夠爽冇梘水味（但係吾係有梘水味先係正常咩），义燒腸粉皮拉得夠薄好味😋，個鯪魚球就覺得差d，食落好似未熟甘，d魚肉散開冇彈性😖，總括然而冇咩驚喜，冇下次！

已經不是第一次來十大碗吃飯了，這裏的食物出品保持一貫的水準，雲吞麵的湯底用大地魚熬出來的，豬手、牛腩、炸兩都做得非常出色，地方又乾淨，服務殷勤，午市的套餐更是出乎意料的便宜，絕對值得大力推薦。

值得推介既食店有驚喜既雲吞麵， 蝦味濃， 爽口彈牙！炸両皮薄餡脆，配豉油甜醬一流！炸鯪魚球無意過咁大粒， 好正， 外脆內鮮！枱頭既酸蘿蔔， 真係令人食唔停口！必定會再幫襯！想講一講， 店員親切又有禮貌， 食得好開心🥰

今日想食清清地，想試呢間好耐啦🤩🤩其實我都好中意食呢啲中式嘢hahaha又唔錯啵😆.雲吞麵🍜麵嘅質地爽口彈牙，雲吞好濃嘅鮮蝦味🍤湯底有大地魚味，唔似出面嗰啲加味精，食完成碗都唔會好口渴👍🏻.炸兩🥟永遠都係我最愛！雖然呢間炸兩夠哂脆，但係個皮相比起「新大光燈」唔夠薄，遲啲會再出post講下🙈不過最特別係✨啲芝麻醬同甜醬都可以按自己喜好嚟揀多定少，仲可以加一粒粒嘅芝麻，食落好香口🥰

見到唔少好評，本身對雲吞麵情有獨鍾尤其係蝦多而豬肉比例少，所以特登坐車過去太子試下。店比想像中細入去到時五點有八成客，待應急落單咁我見餐牌有下午茶就口快快叫個招牌雲吞麵跟熱飲。不過點完先發覺下午茶$43，碗麵單嗌只係$33，加十蚊一杯熱飲，oh 睇返原來仲有個牌其實任何時間叫粥麵加杯熱飲都一樣加十蚊，咁寫咩下午茶餐呢根本冇比平時抵咗🙄..情願揀加碟菜抵d囉不過杯嘢飲已經迅速送到碗雲吞麵嚟到湯同麵好夠熱，啖湯好濃有蝦子香味，雲吞size適中，比較傳統唔係乒乓波咁大粒嗰啲，蝦夠鮮亦爽甜，真係冇乜豬肉啱我心水，如果多一粒就更好了，麵色澤黃食落夠爽，雖然未去到麥奀記咁幼嘅銀絲細麵但份量比麥奀記抵食(麥奀真係太奀了)總括如果去開附近可能會再去食，仲有醃蘿蔔加分，但係下午茶價錢取巧唔會再嗌，唔怪得之後見待應枱枱都sell下午茶啦，加碟菜還可以但係十蚊加杯普通質素熱飲，唔算什麼特價下午茶餐囉又唔係坐得舒服仲感覺催人快d食完走人，$43同區可以有好多其他坐得耐嘅食tea選擇

用鴨蛋造麵，加埋用蝦殼煮成的湯底，基本上已經贏人半條街。雲吞入面用新鮮蝦都算係有口感而且好食，一般人食到都會明白雲吞用鮮蝦的重要性，如果你一直幫襯緊20蚊一碗果啲雲吞麵鋪，甘你來呢間野一食就明白一分錢一分貨啦。46蚊一碗雲吞麵就係圖片中所見，賣相不過不失，加7蚊仲有豆漿，成50幾蚊，一般人都會寧願去食個飯啦。佢地仲用粥品油器類別，30幾蚊一碟，真係好貴，你地覺得呢？粥係夠料既，唔係只得粥水，整體感覺良好。

上次嚟過十大碗食完麵後，念念不忘。趁星期日下午，再嚟幫襯。叫了炸醬撈麵及生滾豬膶粥。聽聞炸醬撈麵醬汁用余均益辣椒醬溝地捫茄汁而成。麵嚟到，急不及待食一啖。醬汁辣中帶甜，非常開胃。麵保持一貫爽及彈牙，唔使5分鐘已食完。始終略嫌麵嘅份量較少。生滾豬膶粥豬潤份量不少。豬膶非常彈牙，但粥底卻不夠綿，薑絲及粥嘅份量亦略少。但總括來說，比起普通粥店水準已算不錯。埋單70多元，總括來說，水準亦可保持。但始終麵嘅質素比起粥略勝一籌。

今天有時間專程乘地鐵去嘗試，因還未到中午十二點，不用等位，餐桌上有樽酸羅白供應，可自由品嘗，餐單食品跟其它同樣食店大同小異，價格可算中上少少，這個當然不是問題，叫了最傳統的食物，有雲吞麵，豬手麵，芥蘭，及第粥，同炸鯪魚球，整體來說食品質素及味道都不錯，都可算有點兒水準，但吃時總覺有點兒說不出的感覺，埋單二百元有找，問題终於來了，约一至兩小時侯，只覺極為口乾口渴，我跟朋友立刻至茶餐廳叫了凍0茶解渴，還要多了两杯清茶，终於明白剛才吃麵時那種怪的感覺，這家十大碗的出品必是加了不少增味的東西，食完異常口渴，又是本人第一次幫襯，我又要講我唔想講嗰三個字……無下次，講完。

昨晚無聊睇youtube,見有飲食KOL(光頭肥仔)介紹呢間麵檔，睇完第二日lunch時段，立即渣車來試一試，睇下有無肥仔講到咁把閉駕勢！中午LUNCH時段，排左幾分鐘就有位，三個人叫左3碗雲吞麵，一碗淨水餃，炸雲吞，仲有蝦米炸兩。雲吞麵既麵的確係彈牙，雲吞入面蝦同豬肉，比例適中。啖湯簡直係無得彈！水餃，好食，好爽脆！炸雲吞係即叫即炸，入口脆香！唔油！最後係蝦米炸两，外軟內脆！加埋甜醬同花生醬無得頂！！