千両 (德褔廣場1期)

營業中

休息中

返咗四五年 一直以來都係hi Bye friend 直至有一日終於成熟到可以約出嚟食個lunch，大家都唔係好介意食貴少少食好少少唔係求其茶餐廳 大家又應該對食有啲要求，所以就揀咗大家都覺得唔錯嘅千両，原來佢成日嚟食㗎 仲話俾我知個lunch Menu差唔多食勻晒 😱今次係我哋第二次出嚟食lunch，第一次想試新嘢，但係又怕出事 所以食返上次食過唔錯嘅九宮格set 今次唔可以再照舊啦，佢試新嘢嘅同時我都想試吓新嘢。於是就揀咗一個special menu 裏面嘅刺身set 賣相都唔錯㗎 食吓食吓又食咗好多飯。同事嗰個就犀利啦 佢話想嗌咗呢個set好耐，唔知乜嘢汁煮魚刺身定食。我哋都以為係好似燒銀鱈咁樣一片再用日式醬汁。 誰不知一上枱真係嚇親人，佢係成條蒸魚上枱。好似人哋夜晚叫餸食飯咁好好笑囉。 冇諗過日本餐廳都會有成條魚上枱 （可能都有嘅，例如喜之次 ，不過正常應該比較少）同事俾我試咗少少，同平時屋企蒸魚差唔多😅我心諗好彩冇嗌咋，如果唔係唔開心😛

原本係18號Farewell個同事兼波友，點知原來我嗰日放假響31號之前就約咗佢28號即係今日補數啦。本身18號食咗嘅其他朋友仔，佢哋都唔介意再join多一次。大家掉啲意見出嚟，大部份都係中菜，因為佢哋18號食咗西餐，我又麻麻哋中菜，所以我就提議食日本嘢啦。結果日本嘢勝出。打電話去book枱，點知佢話要會員先有得book原來會員都要分唔同等級，最低Level嘅八両會員冇得book ，後尾用盡人情牌先至book到。五個人當中，我揀咗一個比較貴嘅壽司set （$168）但係成個感覺都Grand好多喎另外有三位嗌咗同一款$148 壽司set。驟眼睇好似同我嗰個set差唔多，不過分別在細節囉。食嘅9款 壽司高下立見，我個款仲多咗茶碗蒸（你竟然有粒帶子響入面我覺得好鮮甜）我嘅九款壽司當中 九宮格中間位係Tolo壽司 另外仲有我最鍾意嘅左口魚裙邊、帶子、吞拿魚蓉等等，絕對冇普通嗰啲玉子/三文魚等等所以真係一分錢一分貨囉。而另外嗰位就嗌咗份樣樣有啲嘅set：包括普通版壽司、烏冬同埋炸物。坦白講，我已經好耐冇嗌過呢一種款式嘅set !因為食咗咁多年嘢，我都係覺得最緊要精！在意想唔到嘅係每一個人嘅set

全部都係牛筋，Un 過你條命，多脂肪，冇乜牛肉。醬油味過重，蓋過曬的牛肉味，沙律菜似梅菜，唔新鮮，好似擺咗好奈，唯一正常係麵豉湯。唔其他就係垃圾。終於明白咁多朋友點解要返國內搵食。香港飲食終結！

晚上同老婆進餐，點了魚生，壽司，炸物等等，發覺用料跟元氣分別不大，最貴的拖羅也不太新鮮，而且小孩不停喧嘩，根本沒法靜下來吃飯，亦沒有人勸阻，相當難受嘈吵。消費了800以上也吃不飽，卻換來一肚子氣，而且回家後腸胃炎了一星期以上。以後不會再光顧。整體服務其實不算差，但食物質素真的不配這價錢，魚生最緊要新鮮，連這基本也做不到，壽司也是粗製濫造，只有刀工10分好，每片魚生都薄到透明，連爭鮮也不如，吃過其他分店，暫時這間最差。

今晚去德福專門店攞按摩器，順道同老公拍拖行下街入年貨送禮，當然係德福醫埋肚仔。近排食中菜比較多，所以今晚想試下日本菜。見這間千両足夠寧靜，決定試試。打開餐牌，坦白講 無咩驚喜，咁就唯有隨便點幾個比較想食的。千両的光線比較暗，卡位餐桌大，2人用餐十分寬敞。冰見牛肉烏冬$60細細碗，湯底清，所以牛肉味比較特出，烏冬質感滑，熱食推介特選刺身拼盤$2867款海鮮，質素一般，除左帶子，其他都唔太鮮味，三文魚有筋鐵板牛油粟米$38好香，無燒焦，但牛油太多，有點膩特選壽司拼盤$23510件不同款式壽司，魚生都係唔夠新鮮餐點沒有驚喜，食物質素一般，個人認為這個定價應有更好的質素，所以可以不試。💟🩷必須推陳出新，方能成功留住食客💟❤️ 留港消費，幫助香港💋

今日同朋友去咗德福廣場嘅千両食lunch，lunch set做到下午5點半，平日嘅下午兩點幾唔算多人，我哋唔使等位就入得，呢間餐廳座位闊落，環境都幾舒服。我哋嗌咗百両定食同埋炙燒壽司加牛肉烏冬定食。炙燒壽司加牛肉烏冬定食有四件壽司，包括炙燒三文魚腩、炙燒赤海蝦、炙燒帶子同炙燒鰻魚，全部隻燒完嘅壽司都好香口，赤海蝦同帶子仲有一陣好香嘅牛油味，食落都好新鮮爽口。牛肉烏冬個湯底清甜，牛肉送上枱嘅時候仲有少少生，但放咗一陣之後就比熱湯整熟咗，所以熟嘅程度拿捏得啱啱好，咬落去好腍同有牛味，烏冬就比較幼身，食落去口感幼滑。另外仲有芝麻餐醬生菜沙律同三件炸物，包括炸蝦同炸魚，炸到好香脆。百両定食有六件壽司，包括三文魚、蟹籽三文魚軍艦、天婦羅蝦卷、鯛魚同貝類，全部都幾新鮮，手握飯團大細適中。熱烏冬湯底清甜，充滿濃濃嘅木魚味，幼身嘅烏冬好彈牙。天婦羅炸物有三件，包括南瓜、番薯、大蝦，同埋芝麻醬生菜沙律。總括而言，呢兩個午市定食都算有水準同抵食！📍九龍灣偉業街33號德福廣場1期1樓F27號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊🍊整體CP值：🍊🍊🍊🍊

用餐日子：平日晚餐磯煮野菌鮑魚$88：彈牙，配上日式醬汁，底部白蘿蔔煮得淋軟，有驚喜。味琳魚乾：剛燒起微暖，配上沙律醬，味道好夾。三文魚壽司三點$78：有辣味三文魚軍艦，普通三文魚及燒三文魚腩，食材新鮮兼紫菜脆口。赤海蝦壽司燒：夠大隻同新鮮，必叫。牛油果軟殼蟹卷$98：蟹炸得香脆可口，正常發揮。炙燒三文魚壽司$29 ：一如既往既好食，燒得剛好。原條鰻魚壽司$72：冇骨，但醬汁唔夠入味，鰻魚味道普通。

😎千両既食物質素每次都有保證，👄所以如果突然口痕痕想食壽司，都可以黎下🤣🦀日本松葉蟹迷你壽司飯（$60）🦀🍚蟹肉鮮味，蟹膏味道濃郁，配上飯食係一種享受！🤏🏻但份量好迷你，兩啖就無左🤭🍤天婦羅蝦生春卷伴芒果（$58）🍤🔥新鮮炸起熱辣辣既天婦羅蝦，👅夾埋煙煙韌韌既米紙食，口感係特別既！🤪🥑牛油果軟殼蟹卷（$46）🥑🦪吉列蠔卷（$28）🦪🙌🏻山葵三文魚手卷（$22）🙌🏻🐂麵豉蘿蔔煮牛舌（$46）🐂🛢️日式炸豆腐（$28）🛢️😋總體 (味道, 性價比, 環境, 服務態度) : 8/10——————————————————————————————😎Sen-ryo’s food quality is above average, 👄it is a good option if you want to have some sushi or Japanese food 🤣🦀Snow crab meat with rice ($60)🦀🍚The crab meat is fresh and the crab paste taste rich and strong, which goes really wel

今日老闆突然話請食Lunch要食千両😍倒核污水無阻我地食日本野🇯🇵好彩老闆有會員，12點預先係App拎飛先由公司出發去到門口岩岩好到我哋今日除左每人叫一個Set Lunch，老闆仲叫多碟刺身比我哋🥰我叫左十件直送魚鮮壽司定食 $148有一碗沙律同一碗味噌湯然後老闆再叫左個剌身材料新鮮，不過蝦好似無咩鮮甜味服務有待改善，因為我地落單都未落完，個服務員就走左去，想消費多啲都無機會，而且仲落錯單而且服務員唔會主動加茶，每次都要叫先加到茶，如果服務員唔夠，其實應該放個茶壺比每檯除左服務欠佳，餐廳環境都寬敞舒適希望佢哋可以改善下服務

2023.05.16 lunch呢一天未諗食咩，路過呢度，竟然未排長龍！諗住㩒飛，服務員即問bar 枱有冇問題，諗咗幾秒，好！佢個bar 枱幾好喎，唔多人坐之餘，仲要安排隔一個位先俾我哋坐低😃👍🏼跟住即刻睇餐牌，set lunch都同之前食有少少唔同咗，其實我哋都好易揀，生野唔食🤪所以叫咗燒汁澳洲和牛定食，同埋滑蛋吉列豬扒陶板燒定食😋 食物都算快到，和牛定食到先，賣相都好靚，睇落又豐富😋😋 即刻試食，好味喎，不過係呢度食親牛都比較油🫢 跟住到我個滑蛋吉列豬扒飯，又係好靚呀，好耐冇食呢款陶板燒吉列豬扒，我自己就鐘意食呢款多過就咁滑蛋豬，好味道呀！呢個定食收$98都算抵食😋👍🏼

幸運的食到新鮮鹿兒島直送吞拿魚的極上鮮味 😃 吞拿魚解體表演將於5月11日及6月8日，分別於千両世紀廣場及美麗華分店舉辦。🥢 鹿兒島直送 中吞拿魚腩刺身Bluefin Tuna 清新好正！食完都仲有啲唔夠喉，好想食多次！😳🥢 海膽壽司鮮甜，入口即化，味道甘香唔腥。🥢 燒羊架配柚子胡椒 (紐西蘭)本身諗住冇咩期望 😂 但出奇地好食，有肉汁有肥膏 😳 但唔漏，加上柚子胡椒汁簡直冇得頂🥢 軟殼蟹牛油果沙律半日向夏沙律汁軟殼蟹好脆口，重有至愛牛油果，清新好味

作為壽司愛好者，千兩是連鎖日本料理裡面，心目中比較高級並且選擇豐富的了。主要是主要的商場裡都有，很方便，隨便吃吃就去元氣，想要一定的質素，食材豐富，用料更加講究，就會去千兩。當然資深日本料理愛好者可以略過了，去不到好的居酒屋的檔次，但Memu上面也有一些當造的日本飛機貨，有豐富的選擇。唯一體驗一般的就是本深色的菜單翻來翻去，總覺得不是很衛生，光線不好還要拿手機照，當然熟悉了Menu就可以忽略不計。

今次等我喺職人の鮨《豐洲試合》優勝作品之中嚟個大比拼先🤜🏻🤛🏻🔸吞拿魚手鞠壽司呢件壽司遠睇似粒和菓子近睇就認到係赤身 吞拿魚蓉 海膽 三文魚籽壽司外觀內涵兩者兼備🔸大吞拿魚腩 配 吞拿魚蓉大吞拿魚腩入口即浴以漬物點綴，有助中和油份蔥及芝麻則增添香味和口感🔸馬糞海膽配甜蝦 Menu 標示「日本直送海膽使用」海膽濃郁豐膄甜蝦鮮甜🔸真鯛胡麻醬油漬壽司入口即嚐到麻油香😌✨好特別✨有驚喜✨加上柚子點綴，令香氣同層次進一步提升🔸真鯛配鮟鰊魚肝 (日本產)鮟康魚肝口感綿滑真鯛肉質結實、味道鮮甜🔸墨魚配明太子 墨魚絲混和咸香微辣嘅明太子特別喜歡用嚟點綴嘅紫蘇菜 及 紫蘇花穗💐總結，呢6款職人の鮨都值得一試每件都好似一件小型藝術品～相機食先📸～特別喜歡”真鯛胡麻醬油漬”，麻香味特出，喺今次優勝作品大比拼之中，被列入我嘅encore item 💮 要趁佢期間限定食多幾次！😎

大型連鎖壽司店入面千両算係比較鍾意嘅一間，不過唔係每一間分店都有lunch set，今次見到九龍灣分店都要排隊，weekend lunch set都好抵食。我同朋友都係點咗壽司定食套餐，壽司望落去都新鮮，其中三款係炙燒，炙燒帶子同埋炙燒赤海蝦比較出色，食落去爽口帶點焦香，另外油甘魚壽司肥美，充滿光澤；加州卷內餡有蟹肉、小黃瓜、牛油果、美乃滋等等，外面一層包住蟹籽，飯粒鬆軟。跟餐有埋沙律同湯，沙律菜新鮮，加左少少芝麻汁。

炙燒海鮮丼定食$188 👉🏻都好多款刺身 好豐富，件件刺身都好大件👍🏻👍🏻👍🏻 燒過嘅刺身油脂嘅香味好豐富 尤其是左口魚！另外重點左壽司🍣併盤 同埋串燒