影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
話說千之味放題都留意左一排，見啲comment都話keep到水凖，今日決定豪一筆同男朋友去食返餐勁，我地揀左可以食足3.5小時再加埋$198任食海膽、藍鯨吞拿魚同鵝肝再再再加多$18任飲生啤清酒，要食就食到至好咁先爽！我哋去咗屯門店食，好想讚吓員工真係好有禮貌，而且佢哋出餐嘅時候係會對單一次，以免會漏單🩷💯💯放題第一部曲必定係食回本物先，點左一大堆刺身‼️重點推介🥢藍鯨吞拿魚大拖同中拖魚油喺個嘴度爆開，魚嘅油脂10分豐富同鮮味🥢海膽叫幾多就真係比幾多，鮮甜新鮮，encore左好幾轉🥢刺身鮑魚，真新鮮，而且好爽口，第一次食放題鮑魚係會想再叫黎食🥢金目鯛喺放題冇見過有金目鯛，味道甘香鮮味🍣而壽司都有好多款揀，每一款都係整得好精美，同一般放題店真係好唔同！‼️重點推介🥢焦糖鵝肝壽司大癲系列，鵝肝好厚切，好肥美好邪惡，焦糖脆脆地，我比10個正🥢炙燒芝士三文魚芝士上仲有小小沙律醬，燒過特別香，配埋三文魚，口感同味道好好🍢而炸物同串燒都係即叫即整，全部熱辣辣💯泡菜豚肉烏冬好足料，湯底小小甜帶微辣。胃容量達已至10萬gb，點都要食埋甜品架，鍾意佢哋自家製嘅Tiramisu杯，好食😋仲有一人一杯嘅Movenpick雪糕，真係滿足到上天靈蓋嘅一餐，值回票價！
繼續閱讀
🧭 千之味刺身壽司專門店•屯門🍴屯門屯門鄉事會路112-140號雅都花園商場地下G4號舖最近一講起放題，個個都講起千之味，以前都係晏晝lunch去食魚生飯 抵食，之後見最近出左放題，而且仲要仼食拖羅同海膽😍比較之下見屯門門市 好似多啲選擇，所以大鄉里要出城🤣一去到見舖頭細細既，但星期日晏晝都坐到8成full。坐低就有職員介紹 同出面都有紙包飲品 同小量既甜品，係出面自助拎得。最後我地當然有加錢，為了食仼食拖羅同海膽！開頭都有諗好似好貴！但！完全！！！！超值得加😍佢每碟大拖羅 中拖，都係勁厚 而且啲紋好靚🤤不停地加。之後都瘋狂地叫海膽，開頭都怕既 因為本人唔好海膽好怕有陣海水味, 而呢個好甜 一食落停唔到口。一啲都唔漏 食到最後我哋食左32件海膽 已經夠回本。本身諗住佢做開壽司，熟食可以無咁好。點知有眼前一亮既感覺！全部熟食都好好食 炸物🍤串燒🍢鍋物🍲都有試。全部都好好！果刻只想個胃再大啲 可以再食多啲🤣今次都仲有野未食 下次再試 另外特別啲既壽司有: 焦糖鵝肝壽司🍣好好食 件鵝肝夠肥，配埋佢焦糖面，正！海膽帶子吞拿魚夾餅壽司🌮有啲日式taco感覺，而且佢個夾餅係脆卜卜！#hongkong #hongkongfood #foodstagram #foodie #dumpling #kwuntong #香港#覓食 #香港美食 #新界 #屯門 #雅都商場 #壽司 #放題 #拖羅 #海膽 #日式 #千之味
繼續閱讀
千之味係屯門竟然開放題店，平時食外賣就食得多，一於試試。位置近西鐵站，新墟街市附近。超長用餐時間， 210分鐘。 大量刺身、壽司、卷物、爐端燒、飯類、沙律、小食、炸物全部任食。甜品、飲品同小食以自助形式供應。升級加$198可以升任食海膽、藍鰭吞拿魚、鵝肝 。小童同長者唔收升級費用。多加$18可任飲清酒同生啤，抵飲。店內座位不多，建議先訂座。生日有8折優惠。升級刺身藍鰭吞拿魚大施羅，油脂味重，超肥美。鵝肝有芒果同焦糖兩款口味，好creamy，個人口味比較喜歡焦糖味，甜甜脆脆，出奇地夾。海膽鮮甜，先後提供兩款海膽。刺身鮑魚都好好食，好爽甜，好新鮮。仲有長腳蟹提供。炸物款式都多，忌廉蟹肉薯餅、粟子紫薯餅、炸魷魚等。自助櫃除提供汽水、茶外，仲有小朋友果汁飲品。另有甜品、小食，仲有乳酪。 另外，每人可嗌movenpick 雪糕一杯。
繼續閱讀
千之味刺身壽司專門店之前聚會嗌過外賣質素唔錯依加仲有3.5小時嘅放題😍💰成人 $328 - $388 長者/小童$188 (*加一服務費)⭐+$18 任飲生啤清酒⭐每人送一杯 Movenpick 雪糕⭐加$198可升級星級刺身﹑精選壽司同一品料理例如有藍鰭吞拿魚﹑海膽﹑鵝肝壽司﹑深海池魚﹑和牛﹑羊架等🤯刺身 | 壽司 | 卷物 | 爐端燒 | 飯類 | 沙律 | 小食 | 炸物 | 前菜menu Reels入面有，每一項都勁多款式🤩食物嚟嘅速度都算快，絕對唔會拖你時間⌛刺身好新鮮，有啲創意壽司，串燒都唔錯太多嘢揀，好多都冇食到，淨係專攻自己中意果啲🤣❤️必食推介❤️🥢基本上每枱都係瘋狂食#海膽 #吞拿魚 同 #長腳蟹🥢#芒果鵝肝壽司 勁正，芒果可以解油膩感🥢#金目鯛 油脂含量適中，肉質幾好🥢#海膽花之戀 #海膽帶子吞拿魚夾餅壽司，食落好滿足🥢滿滿油香嘅 #火炙左口魚壽司🍮甜品一定要食朱古力布甸同Tiramisù燒M6/7和牛肉都唔錯，但食完都幾濟🙂↔️泡菜豚肉鍋配烏冬，味道偏甜。如果係辣味就好啦🙂↔️炸物就係平時放題質素，但幾中意芝麻雞翼😆
繼續閱讀
我地一家平時好鍾意叫千之味壽司外賣🍱最近一聽到佢哋開咗放題店，即刻一家三口衝去朝聖啦💨呢間放題主打210分鐘任食，足足3個半鐘，食足成晚都唔夠時間試晒咁多款😆🥢任食內容包括：刺身、壽司、卷物、爐端燒、沙律、飯類、炸物、小食、甜品樣樣有✨重點係：可以升級任食⚡海膽、藍鰭吞拿魚、金目鯛、鵝肝、和牛、深海池魚🍺加$18仲可以任飲生啤清酒，啱晒鍾意小酌幾杯嘅朋友爸爸最開心梗係因為有最愛嘅海膽食啦😋媽媽就一D都唔輸蝕，話佢食咗人生中最滑嘅藍鰭吞拿魚腩🐟至於希希就超級鍾意炸蝦、燒豬肉串、烏冬同Movenpick雪糕🍨甜品、飲品、小食全部喺雪櫃自助攞，自己揀，夠晒自由🎉
繼續閱讀