千味家 (奧海城二期)

營業中

休息中

前幾日去左奧海城睇戲，睇戲前當然要醫飽個肚先，所以就去左食food court的兩餸飯，39蚊兩個餸加湯，勝在環境舒服。我揀左咕嚕肉和茄子，個日跟的湯應該係胡椒豬骨湯。先講講咕嚕肉先，都炸得幾香脆，而且個汁的酸甜度適中，不會過酸，送飯一流，同埋不會出現配菜過多的情況，排骨的數量不會太少。不過茄子方面就差左少少，佢係入味的，但味道就一般，連我咁鍾意食茄子都覺得佢唔係太好食，所以我下次會揀其他的餸。至於個湯方面，初時飲覺得都ok的，始終有湯水送飯係比較好，但係飲耐左就覺得個味麻麻地，有少少甘味，加上湯入面無料，真係只係湯「水」，當然大家都可能覺得送的嘢唔可以太高要求啦，anyway個湯用嚟送飯都ok，但就不適合食晒就咁飲。

我叫左蝦仁炒蛋外賣，等左15分鐘以上先攞到。返到屋企滿心歡喜諗住終於開飯，點知一打開兜野得炒蛋無蝦仁，d蛋仲要炒到一patpat，超難食。以後唔會再幫襯!!!激死我！

話明住客優惠滿$50有九折(禮拜六日都有),我買兩個三餸飯過哂額有突啦,你居然話唔折就唔肯折,問你點解你答都唔答懶大支嘢咁.唔通一次過買兩個飯都唔當單一消費呀?我一個人食兩個飯得唔得先?你啲飯餸咁鬼少!!!!!!!!!生炒骨就洋蔥多過排骨,咖哩雞就薯仔洋蔥多過雞,雞仲要淨係得嗰兩舊仔!!!!!!十元八塊折扣唔係多,但係你賴皮就賴一毫都係賴皮.咁樣做生意,你唔覺得羞恥咩!!!!!映衰哂成個飲食界!!!!!

兩餸飯大食代入面嘅兩餸飯已經算平味道適中，餸唔太油，味亦唔重生炒骨唔會太酸，甜度唔會過重，加上白飯嘅配搭，令生炒骨嘅味道拉勻而翠肉瓜亦煮得好林，好入味，而且容易入口