影片
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
相關文章
今次去咗近期大熱即撈海鮮嘅千海水產海鮮火鍋放題-荃灣分店，佔地過萬呎，環境舒適闊落，最大賣點係設有自助撈海鮮區域，同埋自助熟食、火鍋配料區、點心區、甜品區、生果區、飲品區、沙律冷盤區、生啤及清酒區、雪糕區等，仲有可以QR code落單火鍋肉類、火鍋配料、炸物同埋燒物。自助撈海鮮區即撈海鮮係今次放題嘅重點，海鮮有多達10多款選擇。包括有大頭蝦、九節蝦、基圍蝦、三點蟹、藍蟹、白蜆、美國蜆、沙白、花甲、鮑魚、帶子、花螺、翡翠螺等，每款都好新鮮，店員會定時refill海鮮以維持供應。每次撈完海鮮都可以交比在旁店員清洗乾淨，等大約5至10分鐘，就可以憑號碼牌去攞。大頭蝦好新鮮，拎上枱時仲扎扎跳，好生猛，大頭蝦肉質彈牙鮮嫩，頭大多膏，蝦膏甘香濃郁；三點蟹蟹黃飽滿，蟹黃滑順鮮甜。鮑魚鮮嫩，彈牙爽口。沙白肉厚，味道鮮甜。QR code落單火鍋湯底用QR code落單，揀咗龍蝦頭鍋，湯底有成隻龍蝦好足料，龍蝦香氣撲鼻，充滿鮮甜味。火鍋配料方面，有牛、豬、羊肉選擇，包括澳洲M5和牛、美國牛肩胛片、美國豬梅肉片、澳洲羊肉片等。澳洲M5和牛油花均勻，牛肉味濃郁。海鮮火鍋配料有美國蠔，蠔肉肥美新鮮，味道鮮甜。熟食方面有皇牌燒乳鴿王，外皮炸至金黃，口感外脆內嫩有肉汁；燒香草羊鞍，羊鞍惹味，肉嫩Juicy，加上芥末醬可以去除羶味 ；川味燒鮮蠔，蒜味香濃，蠔肉鮮味肥美，帶有川味香辣；芝麻雞翼，外皮炸至金黃香脆 ，雞肉嫩滑可口，好惹味；鐵板鵝肝多士，鵝肝油脂豐腴，搭配脆卜卜嘅多士，口感豐富。自助熟食區熱葷小食有麻辣小龍蝦、烤榴槤、唐揚炸雞、辣油煮螺等。烤榴槤經烤過後味道更濃，溫度微暖，口感軟滑 creamy；唐揚炸雞，炸至金黃色，口感酥脆，帶有蒜香同埋薑味，口感層次分明。點心區有燒賣、蝦餃同埋小籠包。飲品區飲品種類好多，有自家製冷泡茶、自家製珍珠奶茶等；有韓國樂天嘅罐裝飲品，忌廉溝鮮奶，口感香甜順滑，另外仲有樂天芒果汁、鮮蘆汁薈等；另外仲有百事生可樂、可口可樂、芬達、忌廉、加多寶、道地茶飲品、茶一刻飲品、日本啤酒Sapporo、Asahi、桃果汁汽酒等。另外仲設有生啤機同埋清酒區。雪糕區自助區嘅甜品種類繁多，有MÖVENPICK朱古力雪糕，朱古力味雪糕味道醇厚香濃，口感柔滑；Häagen-Dazs曲奇呍呢嗱雪糕，充滿濃郁嘅朱古力曲奇味，口感香滑豐富；其他選擇有韓國Melona 蜜瓜同埋香芋雪條、雀巢曲奇忌廉雪條、旺寶雪條等。
繼續閱讀
海鮮還不錯，尤其是蟹！環境一般，拿熟食的地方不算大，人多時還蠻擠逼！服務態度看人吧！我們有預約，被安排坐在比較外面的位置，我一坐下就說很熱，要求換位置，但店員說冷氣已經是最大的了，然後站在隔離枱話佢頭髮都吹起，我當時就應該同佢講咁我坐過隔離！成餐飯食到身水身汗咁，真係把鬼！每張枱上面都一早放咗壺湯底俾客人自己加，但真係超咸，最好自己出去換返壺清水，出面本身係巿兩種選擇既！鍾意食海鮮既朋友都適合去既，要回本都唔難！但鮑魚刷得唔算好乾淨，依舊黑漆漆！
繼續閱讀
上次嚟嘅時候我揀咗晚事時段，所以只有兩個鐘😅對於我呢個大胃王嚟講兩個鐘頭真係唔係好夠所以我今次就揀咗午市時段可以食足三個鐘， 今次真係超級大滿足😌佢哋啲海鮮真係好新鮮，即叫即整，熱辣辣又鮮味，今次我哋仲揀咗🤪🦞龍蝦湯底，湯底超級濃郁，真係好鬼正配埋啲海鮮真係不得了😬除咗海鮮之外，佢哋啲🍲火鍋配料都超級多，真係想食乜都有😛佢哋啲熟食都好正，鵝肝🍞多士/🐑羊架/乳鴿都係必食嘅🤪甜品🍰🧁同飲品🍹種類都好多好多，淨係食Movenpick🍦 雪糕都抵返晒😂😂😂下次再約埋多啲朋友一齊嚟再食過🥰🥰🥰
繼續閱讀
很少寫食評，但今次不吐不快！星期五晚上大約7:15分到食市，取得籌号A6，門口客服說7:45-8:00有位；直到7:40分左右，再去門口問客服有位未，客服一直不回應，因看到她正在忙着check電腦，就等一下吧，於是企喺度等一下，一會兒後，客服看到我仍在企，就說：你走開，𣎴要阻住counter。只是想知道幾時有位，就被呼喝，如此對待客人比對待乞衣仍不如的食店，不會再去。如此惡劣的客服，簡直是香港飲食業界的恥辱！其實，自己也有不對，看到這間店已有食評投訴服務差，自己仍去，是自作孽，抵死的。
繼續閱讀
千海水產提供三小時的海鮮任食火鍋，平均每人只需$298，性價比極高，特別適合喜愛海鮮的食客。除咗返深圳，香港都有性價比極高嘅海鮮火鍋放題，質素價錢都不錯鍋底選擇鴛鴦鍋一半昆布柴魚湯底，另一半可選龍蝦頭鍋，味道鮮美。海鮮選擇：東風螺、藍蟹、三點蟹、鮑魚、翡翠螺、基圍蝦、大頭蝦、九節蝦、花螺、沙白、白蜆、美國蜆建議先享用蟹類或蝦，最後再吃花甲和沙白，這樣可以避免火鍋煲成沙。每款海鮮旁邊都有清晰指示，標明每款海鮮實際煮食時間，可以食得安心又放心‼️餐廳自助撈海鮮區域會不停補貨無限量任撈任煮‼️
繼續閱讀