千銅和食屋 (已結業)

店舖面積雖然唔係好大但定食水準都keep到唔錯💛所以都已經食過無數次🤣🤣.全部午餐定食都會跟配蒸蛋🥚小食 前菜 麵豉湯🍲（餐廳周不時都會轉換小食同前菜保持新鮮感👍🏻👍🏻😉）.🍜日式叉燒蕎麥麵 $62日式叉燒厚切肥美 好似食緊豬手肉咁🤤🤤好食過唔少日式拉麵店嘅叉燒😛蕎麥麵可揀配湯或者凍食都得☺️當日嘅小食係枝豆同紅蘿蔔薯仔沙律球🥳薯仔沙律球口感幼滑 越食越滋味 😆.

本人食野有d 麻煩可能自己做開飲食 比較著重食物質素難得一日出黎同老婆食飯諗住附近食間日式野當然聽人講佢出名係個天丼飯但由於唔係好想食飯 結果叫左個2人麵餐結果真心覺得差蟹子沙律 蟹子份量ok,但青瓜唔夠凍由於冇哂生蠔，所以叫左吉列蠔炸出到黎偏黑，好明顯係油黑而唔係炸過頭白煮海鰻呢個價錢食呢個size 我理解 所以唔評論但係冇咩味芝麻雞翼冷麵呢個唯獨係個冷麵淥過龍 冇左爽口感豬軟骨湯烏冬全程唯獨呢個我覺得係最好 不論湯低 豬軟骨 口感上都屬正常麵鼓湯我本身好鐘意飲，但未試過隻味我飲唔哂可能個人口味全程我最值得一讚係floor 個位女staff成程好忙，但禮貌非常好我希望下次黎食天丼唔好令我失望我唔係想搵麻煩 我只係覺得野食上係唔應該做到咁差 感謝店家體諒

某日打開相簿見到自己喺日本啜蟹腳嘅相真係令人唏噓🥲講起蟹 雖然香港無蟹道樂 不過一於食返個迷你蟹宴下頂住癮先•蟹國天丼 HKD118登登登登!今次就係介紹呢個迷你蟹宴啦首先有最吸引係原隻炸軟殼蟹 新鮮炸起脆卜卜 唔會太乾同油膩 中間有蟹肉 食落算新鮮 起碼冇梅咗嘅質感 仲有蟹膏 陣陣咸鮮味~表面有海量蟹籽 建議撈埋中間嘅蟹膏同蟹肉 同底層嘅珍珠米 食落每啖飯都包住蟹嘅精華 真係令人停唔到口!•汁燒豬軟骨烏冬 HKD72 (午市定食)加分位係用咗稻庭烏冬! 烏冬幼身 食落彈牙 豬軟骨有兩大嚿 食落入味 不過有少少鞋🤏🏻普遍餐廳都係淨烏冬加昆布 呢度額外有半塊油揚 完全表達咗小店嘅誠意 !✦中意食蟹嘅人一定要試下蟹國天丼🤟🏻✦價錢同份量都屬高CP 值絕對可以再encore!🚩千銅和食屋 屯門屯利街1號華都商場地下47及59號舖

大家有冇試過一間舖頭連續食咗三日呢？😂可想而知「千銅和食店」有幾咁好食，食極都唔厭！👍第一晚來獨自享受，叫咗「腐皮豆腐沙律」、「滑蛋浸菠菜」、「蟹肉玉子燒」。頭兩樣常常食，特別鍾意食，尤其係腐皮豆腐沙律，百食不厭！第二日約朋友再來吃，今次試「蟹國天丼」，有炸軟殼蟹、蟹膏、蟹籽、蟹肉、日本直送珍珠飯、真係太美味，滿足哂喜歡蟹的需要，食咗會上癮，心掛掛幾時再食；尤其蟹膏用嚟撈飯，特別香口入味。今日加腐皮豆腐沙律，朋友都話超好味，下次要再食！第三日同家人又再來，今日轉食「蝦國天丼」，有炸大蝦、七色大蝦、吉列炸蝦、櫻花蝦、日本直送珍珠米，珍珠飯上面鋪滿了櫻花蝦，真係又香又美味！😋 但係始終覺得蟹膏撈飯最好食！今日再加配腐皮豆腐沙律、蟹肉蟹籽沙律，啲沙律點食都唔厭。真係要稱讚靚女老闆娘（我估係老闆娘😂），次次都招呼周到，又細心又有禮貌，滿面笑容，想唔來幫襯都唔得，當然重點係啲食物係好食先啦！😂

因為限聚令既關係 堂食又唔可以咁多人 明明入面唔多人都要等位 我地成兩點幾去到 可能佢要落場定點 唔再比人入 但可能見大肚婆 又見我地望左陣 就比我地照入 汁煮豬軟骨冷烏冬個豬軟骨炆到好軟身好入味 好好食 烏冬彈牙 都好食 原作天丼呢個丼有炸大蝦 炸南瓜 炸蕃薯 我覺得好難食到好食新鮮既tempura 但佢嘅tempura真係好好食 粉漿調得好好 唔會食到成口粉 調味方面 唔會太咸 清清地 點tempura個汁岩岩好 珍珠米好煙韌 個飯都好有咬口銀魚玉子燒佢玉子燒有好多款架 有原味 鰻魚 蟹肉 蟹籽 櫻花蝦 同埋銀魚 我覺得銀魚麻麻地好食 其實係個玉子燒個味道整得麻麻地 唔夠香 唔夠甜 質感唔夠硬淨

蟹國天丼 $118不論係份量、味道定擺盤都誠意十足。軟殼蟹係成隻切件上，炸漿唔會厚，夠脆身，亦都唔會炸到過火，裡面就保持到蟹肉嘅肉汁，味道唔會咸或者重味精。而拆出嚟嘅蟹肉好鮮甜，好新鮮實淨唔霉唔削，連埋蟹膏一齊食真係好好味，咸鮮味出曬嚟。而蟹籽嘅數量有好多，足夠撈曬成碗飯，仲有部分係撈左沙律。米飯方面佢地用左珍珠米，口感適中，唔會太濕或太乾。食到咁上下再食返條醃蘿蔔，胃口大增，令人想不斷咁再食，正。

千銅和食店（Sen Don Japanese Restaurant ）每次都不會令我們也失望！我們試過堂食幾次，都好好味，熱食或天婦羅建議堂食，會更美味。今次我哋用Foodpanda 叫外賣，另外一間Uber Eat價錢比較貴，建議外賣前格價。1. 腐豆腐沙律：首選推介！甜甜的腐皮加凍凍滑滑的豆腐，另加芝麻醬，超級好味！👍（可要求分醬）2. 大蝦四菜（番薯、南瓜、冬菇、茄子天婦羅）雖然外賣不及堂食脆，但仍然好味！本身還有八菜天婦羅，四款蔬菜每款兩件。3. 汁燒豬軟骨蕎麥麵套餐、煮海鰻蕎麥麵套餐：蕎麥麵無論冷、熱食都好味，但我本身偏愛冷食，配菜都好味，湯偏鹹少少。之前試過肥牛都好味。4. 蟹肉蟹籽沙律：味道也不錯，可要求分醬。5. 芝士年糕：建議堂食，好味。6. 滑蛋浸菠菜：本身有堂食，好好味！希望外賣可加上。如果堂食會見到靚女老闆娘（我估係老闆娘），有禮又細心，常常笑容滿面。外賣包裝很乾淨，而旦盒面寫面那一種醬，很清晰。這間日式餐廳會繼續幫襯，整潔美味，極力推介！

🔱今次要介紹嘅食物就係位於屯門！📜”千銅和食屋 (屯門)📌 地址: 屯門屯利街1號華都商場地下47及59號舖 🕐營業時間: 1130-2130🍽分店地區: 屯門 📝評價💬📢 1️⃣麵豉煮鯖魚丼 $592️⃣日式煎餃稻庭烏冬 $59午餐去食好多好足料！真係飽到會眼訓🤣🤣🤣🤣大大碗飯又多料 好似吾洗錢咁！煎飲又大大隻 鯖魚又大大條 🥰🥰🥰仲有沙律！蛋！🍆! 到底一個餐可以有幾多野！真係抵到爛KS評分 5分最高🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩#美食推介 #屯門美食 #foodhk #hkfoodie #美食分享 #hkfood #食好西 #吃貨 #hkfoodig #hkfoodlover #食評 #foodiehk #foodieksk屯門 #foodiehk #foodieshk #hkfoodies #foodpics #852food #相機食先 #香港美食指南#hkfoodblog #一路食一路post #美食地圖

諗唔到咩又到到好多人就行下見到呢間都ok就入去試下，佢主要係天芙羅既野多，佢大部份既飯都係天芙羅，見到人地到左既野食都幾靚，我就叫左個鰻魚同一個係軟殼蟹既飯 再叫左個蔬菜天芙羅，賣相幾靚幾吸引，份量都好夠。佢既鰻魚飯中規中矩，但佢個炸白飯魚片幾香幾好食 ，70零80幾性價比都值唔錯，蔬菜天芙羅就幾抵食有哂4種款而且個番薯砌得好厚身唔會薄到冇嘜肉食得炸粉咁，另外佢個蟹飯都足料，軟殼蟹多膏份量係一隻咁上下 ，唔會少到得幾啖，整體上都係中上唔錯 價錢合理

我同朋友兩個人等位入座，因為疫情關係每張枱只可以坐兩人，等左大概十分鐘，大概下午兩點十五分入座，店面有塊版寫住食物即叫即整所以要等十五至二十分鐘，請客人耐心等候，即叫即整要等絕對合情合理，所以我同我朋友叫左一個豬軟骨烏冬同一個炸物丼，等到兩點三十五分都冇出聲，連後面有枱遲過我地入座都到左兩樣野食，我地都冇出聲，到兩點四十五分個侍應先走埋黎問我地叫左咩(而事實係佢幫我地落單), 等左半個鐘佢先話原來冇落單而成間舖只係得幾枱客，之後我同朋友話冇落單唔要佢一句好得戚咁講句唔好意思(明顯語氣就係唔食就罷就，一啲歉意都冇，依間野一家永世blacklist

經朋友介紹後，於晚間七點半左右來試，當時餐廳已滿，五人等了大概十五分鐘左右。自己餐點了一個圓心天丼，大約十分鐘左右餐點就上了。圓心天丼包含了帆立貝天婦羅、和牛漢堡扒天婦羅、 蟹柳天婦羅、 帆立貝刺身，款式十足，份量亦適中，並附上天婦羅汁。幾款天婦羅也是即炸，外皮酥脆，味道亦不錯。其中和牛漢堡天婦羅亦是較為特別，出面其他鋪很少會食到。可惜帆立貝刺身較為失色，不夠新鮮，但仍可接受。值得一提的是員工很有善，很常添水。而且聽到我們討論食品，主動向我們介紹。總括來說，食品不錯，可以嘗試。而且款式很足夠，除丼飯外，還有烏冬、蛋卷、小食，可以滿足大部份人選擇，可以多試。

昨日下午，睇完戲就去搵野食，行到市中心華都，入了一間食日本食物的餐廳，當時已經6點幾，餐廳沒有人，得我倆就坐底睇餐牌叫野食，我地叫了一個餃子蕎麥面加$25有波菜沙律、黃金魷魚及麵豉湯，另外，叫一碗鰻魚蕎麥面及大蝦天婦羅。等了大約10-15分鐘就開始有食物送來，來的是蕎麥面加另上波菜沙律、魷魚及湯，後來餃子一碟，發覺餃子有啲煎燶少少，繼來鰻魚蕎麥面，鰻魚份量一般，最後，來一碟天婦羅。所有野食來齊了，菠菜沙律有點淡沒有汁一般好味，但食到天婦羅時，有驚喜，第一口食有外脆內軟感覺好味，價錢亦唔貴$58，抵食。至於，碗蕎麥面入面啲湯有啲甜，可以，較返淡些少會好些，味道好似甜豉油，整體上食物都可以，推介必叫大蝦天婦羅🍤，除了天婦羅抵食，其他都有點貴（雖然不需加一服務費）在進食期間，陸續有客人，途中餐廳很大油煙，通風系統較差，好彩坐近門口，服務員立刻打開門通風，食完便即走人。

久違的電影觀賞會，自疫情以來大半年後再踏足戲院。看電影前先醫肚，原本想試隔鄰的餐廳，可惜正午時分人流很多，唯有退而求其次，誤打誤撞來到這間。麵底除了烏冬，還有蕎麥麵可選。冷食熱食亦同樣可以選擇，但感覺熱食的話，配烏冬較適合一點。店舖用的是稻庭烏冬，麵條扁細，入口幼滑之餘又帶煙韌口感。湯底像是醬油湯，烏冬掛湯後挺香的。日式叉燒有3片，屬於半肥瘦。不過叉燒浸了在湯內，肉質被浸到有d爛，味道也沖淡了。（看回餐牌和別人的照片，筆者發覺比別人的少了一條蟹柳啊。）筆者猜玉子燒應是其中一項招牌菜吧，餐牌照片看得吸引。玉子燒內的餡料有幾個口味，今次點了蟹肉。玉子燒好香雞蛋味，雞蛋煎得剛好，濕潤而不會過老。蟹肉則似是用了罐頭貨色，鮮味不重，也有一點過鹹。也許選其他口味會好一點吧。

係屯門行街要醫肚 走左去都幾多野食同平價既華都商場☺️發掘左呢間日式小店入去食既時侯都唔係話好多人 所以食物質素都冇話抱好大期望🤪🍳原味玉子燒加芝士 $48+$10(7/10)🍚xx天丼 $100內（6/10）🍜冷蕎麥面 $45（5/10）🥟日式煎餃子 $45（7/10）🥢清湯煮蘿蔔 $16（7/10）🍭總體黎講普普通通 唔會食第二次😛。但價錢就比質素都合理，但可能丼飯就會較稍為貴少少，都要80至$100蚊內。

今日放假，一直想試吓呢間日式丼，就約咗個friend食lunch試吓呢間野。一去到間鋪頭見到入面冇人好既，唔洗等位。等到個friend黎就入去試吓，我就叫咗個蝦國天丼，而我個friend呢就叫咗個蟹國天丼，等左一陣嘢食嚟啦，啲料同埋啲飯都幾多啲，嘢食都熱既，味道就正正常常啦，冇乜特別。咁一路食，本身得我哋兩個到到間鋪頭坐滿晒人就諗呢間野都幾多人食喎。見到人哋食蕎麥面同埋烏冬，等我下次試吓先。