半島冰室

營業中

休息中

第一次來到炮台山食下午茶，見到要排隊及此間餐廳特別的地方是不做晚市的。在現今這個香港，不做晚市的食店根本很少。故吸引到我這個喜歡試新產品的粉絲。當我看餐牌的時候，見到下午茶都有很多不同食物，有中，西餐。最後，我叫了雞翼拼薯條及朋友叫了一個㗎喱豬扒飯。這塊豬扒很鬆脆及非常大塊，可以遮到塊面。最令我印象深刻是這杯絲襪奶茶（本人好少飲奶茶㗎啡的）。但這杯奶茶比我感覺到很有茶味，同澳門這間有得比。大家真係要試下。下次我還要試下這杯榴蓮涼粉冰及西多士！

終於等到啦！ 第一次聽到半島冰室個名，係公司同事買外賣時聽到的，因乜理由會由中環去到炮台山買外賣返公司食？ 答案只有一個。 真係好好味！ 上次見到同事食既午餐，就係今日我食的呢個，記住佢個名 "椰子花膠濃湯滑雞湯飯". 一大塊花膠唔講得笑， 食材真係比足料，滑雞又大又滑，素翅多多食到係好飽。 最最最好味既係個湯，又濃味又夠膠質，我就成碗湯哂。一來一回都大約半小時，返到黎打開重噴緊熱氣，$56 蚊比足$100 蚊食材你，你重想點？ 同事話重有一個好好味的湯飯，唔知下次要等幾耐呢？ 希望快d等到。

今日終於心情同工程都順利，可以落街嘆世界食個能量lunch了。半島冰室其實係炮台山區就出哂名，不叫人籠就不是半島，冰室也是車水馬龍；但人人排隊，大家都好守規等待享受美食。排完右邊隊到左邊，分流令人籠斬半免得阻路，十分重要。而另一邊就是滿滿的等外賣小隊。除左堂食，通常我地叫外賣都會早d叫，大慨要留定30分鐘，就可以拎得。好，終於排到我地啦。抗疫安排方面，半島冰室係暫時唔需要客人填/使用安心出行掃描資料，所以只能兩人一台；輕鬆。今日午餐我揀左藥膳花膠清燉手切牛腩手工面。一如以往性價比高，底食夾大件。藥膳湯不會死咸，好清不會油膩，有輕藥味，滋補。花膠大大舊，超滿足。食落掛湯彈滑，皮膚都脹卜卜。清燉手切牛腩略帶根，根位有嚼勁但不牛牛腩鮮味，牛腩爽嫩，唔會老柴。彈牙手工面配上湯頭及湯的蔥絲，超正超滿足呢。

喺炮台山附近有間經常排長龍的冰室，由於人多關係，堂食就免啦，轉食外賣。唔好以為外賣就唔好食，食過你就知， 今日叫左個包你富貴，六頭鮑魚+ 蔥油雞脾飯， 同埋半島牛歡喜，美國香煎1855 牛西冷意粉，冰室同屋企有10分鐘路程，攞到返去點都凍啦，點知我想得太多了，打開個外賣盒，d熱氣嘭嘭聲升出黎，證明重好熱，蔥油雞脾飯，個蔥油好香 ，隻脾好滑好大隻，味道好好。 牛西冷重驚喜，塊牛扒d肉好軟好滑，又一間隱世茶記， 半島個名唔會令人失望。

今天跟母親吃午飯，中午11:30去到已經要排隊。這是母親最喜愛吃的茶餐廳，因為品質上乘而且價錢又大眾化所以吸引到很多附近上班一族或居住的街坊過來。這餐廳是三位年青人合資開的。幾乎每個時段都要大排長龍。我點了免治牛肉意粉加雞腿，媽點了火腿通心粉加火腿豬扒香腸煎蛋薯餅。我的意粉免治牛肉弄的太濕口感一般，不過鷄腿非常香口，而且賣相也很吸引。火腿通粉火腿絲又長又多絕對貨真价實，比一般茶餐廳份量多一倍。豬扒又厚但很軟，咬口一點都不硬，香腸煎蛋薯餅也很好吃。看到附近客人絕大部份都是點咖喱深海帶子配吉烈魚柳飯。賣相實在非常吸引，超巨型的吉列魚柳上面插著 數粒體積很大的帶子，看見餐牌只賣六十二元簡直就是街坊價。下次來一定要必吃這個餐。

每一個時段呢間嘢都一定要排隊變咗排隊等位係件平常事。之前幫襯過就食型男索女餐即係等於常餐，味道都十分唔錯，令人會再幫襯嘅。今次食下午茶餐我試咗肉醬焗意粉煎蛋、朋友就食個鮮茄炸雞髀煎蛋飯，見到佢隻炸雞髀就好吸引，佢話都好好，食分量連男士都會夠飽。我個肉醬焗意粉就正常囉，本身就喜歡呢度嘅咖啡奶茶都覺得比其他茶餐廳沖得算叫做唔錯。另外，價錢合理，在炮台山區叫平。

之前已經光顧過半島三次，每次都係見佢排長龍，今日放假，特登過去食個早餐，因為上次食佢個奄列早餐配pancake真係好好味。想再試下佢其它早餐。大約1030 去到，排隊第8人左右，等咗10分鐘就到，差唔多到嘅時候佢就會叫你落定單，所以人流比較快。今日揀咗一個牛扒腸蛋，同埋一個豬扒腸蛋。豬扒大過塊面，有厚度，調味適中，幾好食嘅，腸仔同雞蛋就正常水平。+$1 嘅多士，凍嘅，牛油好難食，應該係一大桶紅色嗰啲米之蓮。而且被昆蟲掂過其中一塊，我食咗另一塊嘅邊邊之後放棄咗。牛扒比較薄同埋細件，質素就同快餐店差唔多。不過只係$35蚊份，性價比其實唔錯，冇投訴。反而佢嘅衛生真係希望佢哋重視一下，我三次堂食，都係有一兩隻細細嘅飛蟲係食物附近飛下飛下，一次就降落左係我杯飲品，今次就降落左係我塊面包到。佢啲嘢食係抵食夾大件嘅，我諗我都會再次幫襯，不過會買外賣。

每次經過呢間門口都會見到好長嘅人龍，係炮台山熱門人龍店之一！有時要排15分鐘，甚至半個鐘㗎！今日下午茶過嚟買外賣，等位嘅人非常之多，估唔到閒日下午茶時段都會咁多人。好彩叫外賣嘅人唔多，唔洗等好耐就買到😆睇過佢哋嘅訪問都知呢間店嘅老闆好work-life balance，早開早關門，每日18:00就收舖，星期日同紅日休息。呢度出名用料好足、啲餐又平又大份，所以吸引好多街坊無論排幾耐都會過嚟食😛❤️ 半島公司三文治 $41哇！你睇下幾足料👀 個公司三文治嘅厚度仲厚過我銀包😢 想一啖過食曬簡直妄想！本來係因為阿媽想食先叫，估唔到咁驚喜🤩 入面夾住煎過嘅厚切午餐肉、半熟煎蛋、生菜、蕃茄、火腿、芝士！成個公司三文治嘅靈魂係個沙律醬😍 成件事好夾，食完回味無窮！絕對係我喺冰室、茶餐廳食過最好食嘅公司三文治！好食度：⭐️⭐️⭐️⭐️ (4/5)❤️ 黃金粒粒花生醬西多士 $29煎到金黃色，包嘅口感柔軟到似綿花咁軟綿綿，內層夾心係花生醬。食落香口美味，甜度恰到好處，不油不膩，好邪惡呀！😈好食度：⭐️⭐️⭐️⭐️ (4/5)❤️ 絲襪奶茶跟餐有奶茶，中規中矩啦，都香滑嘅😗好食度：⭐️⭐️⭐️ (3/5)餐廳推薦度：⭐️⭐️⭐️⭐️ (4/

依家疫情勁，出去買外賣食，今日就滿心期待去食半島，點知拎完個外賣番公司，一打開個盒就係咁既畫面，仲要焦面向上，即係放落盒果陣已經知道，所以覺得好不負責任，食左另一塊正常既，然後睇番焦果塊反轉果面得唔得，點知都係咁既死樣，真係有無搞錯，咁樣可以拎出黎比客人，持住依家疫情，外賣拎番去先睇到食物而放棄食物質素。平時食野都唔係話好高要求，就算有條曲毛我都無上黎寫食評，但係依家成個飯得兩塊扒，塊扒就係靈魂，都可以咁樣處理，好失望。佢兩塊係唔同肉 即係我另一款係食唔到

今日同朋友去海洋公園一日遊🐳，我哋約咗喺附近食埋早餐先出發，開OpenRice 睇吓有咩好食，見到呢間冰室就試吓嘩！一去到，真係好多人排隊呀！(已經專登避開返工人潮)🧍🏻‍♀️🧍🏻🧍‍♂️🧍🏻‍♀️兩邊都係排堂食唔係排外賣架！初頭我以為有一邊係排外賣，原來唔係...排緊隊嘅時候最好諗定食咩先！因為 waiter會出嚟問定你要食咩，幫你落單先，入到去坐低就有得食勒！我揀咗沙爹牛肉煎蛋米粉💰30今時今日呢個價錢，牛肉份量仲有咁多，真係好抵食😍牛肉又唔會韌，好味😋朋友揀咗皇牌香煎豬扒煎蛋公仔麵💰34聽聞豬扒係必叫主打🤭豬扒好大塊，仲要幫你🔪到細細塊，方便你食，真係好細心呀😍豬扒味道真係唔錯，下次會再試吓佢哋嘅下午茶☕️

聽聞過半島冰室好味夾抵食，過開黎11:30就排左10分鐘就入到呢間名店，性價比俾足100分，六十幾蚊有肥美鮑魚加靚叉，鮑魚入曬味無渣，叉燒肥美，另外一提杯奶茶都好高質，要encore!同行朋友叫酸辣墨丸龍躉米線，龍躉片有7,8塊厚肉彈牙，辣度剛剛好醒胃！湯底食完唔口渴，係會上癮個隻酸辣醒胃味。提示食午餐11:30到好去，一過12點立即出面排左20,30人。人多但服務好好，姐姐有禮貌唔會搶住收野趕你走。人氣名店有佢原因！

今日有事做，到左炮台山呢到附近既大樓拎野順便行過見到呢條街有好多食店唯獨見到呢間茶記竟然要排隊而食 cafe又唔太岩我男友口味 就決定食呢間叫左一下午茶及午餐午餐：海蝦球滑蛋叉燒炒飯 $56滑蛋真心香滑，因為加左好多蔥一齊炒。飯底係加豉油汁，叉燒中規中矩。但好欣賞蝦球全部有挑大腸！好有heart!!又大粒，因為真係好怕見到有腸既蝦，通常都會卻步唔食 變左浪費食物下午茶：公司三文治$41 另加 $9配出前一丁呢個三文治最好食係加左沙律醬，好夾。我男友大讚最後我係第一次見香橙檸茶，+$3。老實飲落就無咩特別既，不過勝在真係夠特別😂呢間可惜唔近我，如果唔係有機會想試其他食物

之前叫外賣，今次堂食。都真係多人，唔知關唔關下午茶事。下午茶價錢算合理。叫左個松葉蟹鉗芝心釀蝦膠拌雜菜沙律。菜份量係唔多，但個蟹鉗正 正過酒樓去飲食嘅蟹鉗。多士加炒蛋火腿，個蛋唔係牛乳蛋，但都算滑嘅。個多士幾有牛油味，唔會吝嗇牛油。夠脆口。型男真係鍾意食豬潤嗎？索女係茄牛，我唔食牛。豬潤都ok，唔夠粉，但夠爽，有人覺得豬潤要粉，我覺得夠爽先掂。唯一食嘅內藏，因為補血呀！同埋真係夠薑囉果然係個menu嘅夠薑豬潤通粉。一個餐，連我咁大食都夠飽，無得輸。五十零蚊，抵。🥰唯一係環境有少少迫。

『芝士煎蛋豬扒包・我最愛的茶餐廳系列』♔︎半島冰室𝑨𝒏𝒈𝒖𝒔 𝑪𝒂𝒇𝒆, 𝑭𝒐𝒓𝒕𝒓𝒆𝒔𝒔 𝑯𝒊𝒍𝒍⠀⠀又來到了這家我跟我媽最愛的茶餐廳了❤︎下午茶真的好抵食好高質，不枉我們排隊排了差不多20分鐘才能入座(●’◡’●)ﾉ⠀上次介紹了咖哩豬扒意粉，今天介紹好好吃的豬扒包！⠀⠀꧁下午茶・芝士煎蛋豬扒包꧂⠀麵包已經烘過了，脆脆的軟軟的⠀而且你們看到那半溶的芝士嗎？⠀加上他們招牌的豬扒，又厚身又有嚼勁，真的太棒了啦！如果煎蛋是流心的就Perfect池啦！⠀⠀𝑅𝑎𝑡𝑖𝑛𝑔: 8/10⠀𝑃𝑟𝑖𝑐𝑒: $32⠀⠀꧁下午茶・馬來咖哩吉列豬扒意粉꧂⠀炸吉列豬扒意聽落好像沒什麼特別，但的確有讓我不斷想encore的意欲！ಠ_ಠ 炸豬扒超大塊的，粉漿不會太厚，豬扒有豬扒味也很有口感；咖哩惹味非常，辣度不算高，但有點辛口的感覺，點了個意粉安慰自己升糖指數沒那麼高，而且咖哩撈意粉都好好吃啊！(;´༎ຶٹ༎ຶ`)⠀𝑅𝑎𝑡𝑖𝑛𝑔: 8/10⠀𝑃𝑟𝑖𝑐𝑒: $37⠀⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀⠀咖哩吉列豬扒意粉，芝士煎蛋豬扒包⠀🤰🏻回訪 ʙᴀᴄᴋ ᴀɢᴀɪɴ? ⠀⠀⠀Ye

好耐冇食半島今日離開北角附近一於去懷念一下佢嘅蔥油豬扒嚟到係午餐時間，以前午餐時間嚟一定大排長龍，但係由於最近疫情期間，人龍減少不過依然都係有人排隊。等咗20分鐘左右可以入座嚟到當然係要叫我最喜愛嘅蔥油豬扒飯，呢度嘅豬扒真係好大塊而且有返一定程度嘅厚度，豬扒同樣依舊軟林，配埋佢哋頂級嘅蔥油係冇得頂，雖然個份量好大，但係都可以成個飯食晒可見我對佢嘅熱愛