半島漁港/阿翁火鍋館

營業中

休息中

今日朋友帶我去荃灣千色匯食火鍋，位置就係千色店對面，都好方便易搵👍🏻原來千色匯商場除咗地下三層shopping mall 之外，樓上係食店我地食任食火鍋，無限時可以慢慢吹水除咗指定食物外，仲有數十款火鍋配料無限叫飲品款式都唔少架，啤酒類都有一款仲有熱盤自取第一道菜～～花膠冬菇塊花膠又大又厚，正第二道菜～～刺身四點盛，都算新鮮自選湯底極級牛頸脊😋😋完全係高質素既牛肉，有牛味之餘，仲要夠淋身有口感，新鮮到極海鮮拼盤完全唔hea你，全部都好新鮮，龍蝦都要大大隻仲有超巨型大水餃，我數過入面最少有三隻蝦，食埋呢隻餃都已經飽咗大半任食火鍋料，完全唔會出少比你，叫幾多黎幾多整體食物質素真係掂，可能開張不久，所以唔太多人，環境坐得舒適👍🏻

荃灣不嬲都係平民美食天堂呢日尼到千色薈既火鍋店，唔知質素如何呢餐廳本身係酒樓，樓面非常大同闊落，坐得好舒服而呢度既任食火鍋係唔限時架，做埋宵夜都仲得海報上面寫住既食物係包埋架包括大大塊花膠，有埋冬菇海鮮盤，每人一份，冇多冇少，種類多，有帆立貝，蟶子、青口、龍蝦等等刺身盤，魚生夠晒新鮮牛頸脊，油花均勻，超正仲有大大粒餃子(冇影相)我地叫左鴛鴦湯底，係清湯同沙嗲飲品任飲，選擇多呀呢罐韓國出既桃汁好少見，幾好飲豬頸肉捲得好靚，煙韌豆腐超滑，吸晒湯好正墨魚滑同蝦滑，打得幾滑雪花肥牛，厚左D, 韌響鈴份量多，唔係即炸

事源23/5/2018年，一家人食飯叫了一隻象拔蚌，經理話2斤6兩，當天價格為48/1兩，當侍應送到嚟時，即時不敢相信「（呃斤兩呃到離晒譜）」於是叫經理理論，他第一句話無偷起，我們都未開口經理已對號入座，我只投訴唔夠斤兩，從來無講被偷，經理諸多藉口話切得厚所以片數少，（咁講法嘅刀工，厨房炒得）但經他講後我們意會到他們酒家有刺身拼盆$388/3樣刺身，其中一樣係象拔蚌，當我們第一日食象拔蚌刺身，多番理論將重量由2斤6兩減至2斤，已一肚氣，怎知食落口完全無鮮味兼發覺刺身硬掘掘，似是賣唔去的刺身拼盆當整隻賣給我們，因發覺得10多片刺身形狀只似集中在象拔中間位置，似偷人象拔蚌中間位，完全唔似成隻買的，有象拔尖細位切細塊的，即時叫經理嚟再理論，我請佢食一片試吓這樣貨色，怎樣收我$1536，覺得這間食肆太離譜食水深才再蹝時間寫這投訴食評告訴其他食客不要再光顧這間X店！！！X店！！！X店！！！千萬不要再光顧他們！！！

今晚同幾個股友敍舊，友人約去荃灣嘅阿翁火鍋館食火鍋放題，話嗰度啲火鍋料同海鮮好新鮮，之前我未食過，所以今晚可以試試火鍋館位於六樓全層，喺停車場泊好車搭lift上去直到門口，好方便。舖入面裝修好光猛、好新淨，枱與枱之間好闊，完全冇壓迫感，感覺唔錯。看看餐牌，今日係假期前夕，任食放題每位328 ，比平日貴$30，大家都覺得okay，因為大家依排都喺股海賺到錢未食火鍋前，每人有一客花菇鮑魚，d花膠都好厚，好入味，再來一碟刺身，有三文魚、希靈魚、帶子、墨魚，啲刺身非常新鮮、三文魚又肥美火鍋湯底我哋選擇咗皮蛋芫茜湯底，跟住黎左一碟牛頸脊，好大碟，同個鍋一樣咁大，食落去，牛頸脊好味、唔靭再來海鮮拼盤，所有海鮮都好新鮮，抵食至尊水餃皇，入面餡有好多蝦，皮唔厚，好好味鱔片任食，食多幾碟都翻本配合服務、食物質素，下次要再encore

老朋友為了答謝我送给她一張珍貴照片，不得不邀請我到她公司附近一間食店吃個晚飯，更順道與她慶祝舊曆生日。朋友一向比較咀刁，無論吃什麼都總是"百彈齋主"。奇怪的是，今天的食物質素令她感到十分滿意!點了數個小菜，有咸菜肉碎豆腐，豆腐滑溜，配合咸菜肉碎，令豆腐增添鲜美，口感大增。涼瓜炒牛肉，牛肉是補充鐵質，涼瓜清熱解毒，營養豐富，味道甘甜，最適合我這個燥底朋友跟着來的是果皮蒸龍躉，濃濃的果皮味掩蓋了魚的腥味，肉質嫩滑，美味可口。值得一提是，食客們只須加$1，便可得到一客文昌雞。此款小菜並不簡單，放在一個小火上，肉汁與雞件翻騰着，味道更為突出。正在吃飽飽之際，侍應生還送上甜品呢

某項工程完畢，就來到這邊喝茶。在外邊看到這兒的任食火鍋餐牌，猜想這間酒樓喝茶理應不太便宜😯，但是事實如何呢，就要試試才知道。燒賣沒有吃，賣相也不錯。蝦餃，不算太厚，皮剛好有點兒厚度，但是亦包着幾隻蝦，蝦肉香濃肉彈牙，不容易漏出。山竹牛肉，體積比平日的酒樓細少許，牛肉味道不算太濃，蔥花的面積也不少。芝士蝦卷的芝士也不太少，春卷亦都的確有吃到幾隻蝦，長度粣度剛剛好，間中有點芝士點綴。紅油抄手，蒜蓉味道不算太香濃，但是有種酸辣的韻味，微微酸，有點麻辣味，味道還好。沙薑雞腳，雞腳還算大碟，另外旁邊有小碟的沙薑調味醬，我覺得味道不算太過鹹，其實香味十足。由於平日早餐都經常吃包，於是今天即使飲茶都沒有吃那些叉燒包或是流心奶皇包😏。另外，胡椒豬肚亦都煮得相當入味，雖然旁邊有不少鹹酸菜，但是豬肚，又厚又爽口，也挺美味。平日我也不太愛吃牛柏葉，但是看見他大大抽，對比起外邊酒樓那些碎濕濕的牛柏葉，這的確質素不錯，值得一試，結果爽口彈牙，夠大夠爽，味道一流。茶就顯得比較遜色，雖然有普洱、白牡丹、香片，但是採用的是袋裝茶包，誠意欠奉。後來才發現，其實市面上太多頹飯餐廳，相比之下，如果吃頹飯都要四＄50 ，其實

與幾個相識廿載的舊同學聚舊，其中一位堅持只吃中餐。其他大集團的酒樓應該比較難搵位吧，我們便選擇了這酒樓。步樓大門口，看見裏面非常寬敞，燈光明亮，給人一種好潔淨的感覺。我們一行 7人，被安排坐於中枱。點了一般家常便飯的菜色。整體而言，水準不錯，具備色，香，味。我最欣賞是日例湯，是豬肚湯，白色的湯，一聞之下，就知用料絕不馬虎。其次，我就欣賞它的乳豬，皮脆肉嫩，相當可口。其實，有很多款的小菜可以選擇，亦有一些套餐，加一蚊多一款菜，非常吸引。最後，酒樓更送上甜品，非常體貼。

每月均會去荃灣須家人飯聚，此店是新的聚腳點，觀察此新店，新開張由混亂至磨合，歷盡半年，雜匯成文。估計此店無集團背景，面積，規模卻不小，又不是婚宴式酒樓，故甚難營運。何謂大酒樓營運之道 ?鵝此店貴在有賣點，最大賣點是黑椒燒鵝，在最當眼位置設風乾燒鵝區，燒味區面積廣，令食客食指大動。黑椒燒鵝源自澳門，近年在香港零星出現，故有競爭力。新開張時以1元在晚市推介，食了數次，不算熱哄哄，皮不特別脆，焦點在醬汁，有絲絲辛辣，黑椒的感覺，不明顯的，亦不穩定，每次濃淡都有不同，食客未必能感覺到其魅力。墊底的蘿蔔是中國式漬物，酸酸的，我覺得好特別呢 !午餐時可點選黑椒燒鵝瀬粉（168元），瀬粉約有6碗份量，鵝則大大盤，比下午茶時段的碗裝更便宜（19.8元）。新開張時以1元在晚市推介，還包括極品BB豬和BB鴿……。前者較佳，算是厚肉，皮脆肉嫩。整體上燒味均算強項。如燒腩仔明顯分三層，脂腴皮脆。龍此店標榜是「深海龍躉專門店」，從晚餐餐牌所見，推薦龍躉的餸菜只佔很少部份，有的都是尋常配搭 :孖寶是蒸沙巴龍躉仔，是香港人慣食的養魚，重一斤。配上燉湯賣368元。龍躉仔質素比不上老虎斑，魚肉味欠鮮甜。優惠三寶是燒腩仔

事源星期六晚上一家八口去食生日飯，諗住新開張試下，點知就留下極不愉快經歷，本身餐牌上有四位以上加一蚊有半隻燒鵝等食品，另289有三寶（炸蝦，蒸魚，叉燒各一），諗住抵就同侍應落單，點知餸菜上得極慢，半個小時上一碟，份量剛足夠每人一件，勁少，最勞氣是最後賣單，燒鵝收我們138，三寶收328，問番侍應居然睇餐牌然後同我們話星期六日無優惠，但落單個時我地話落1蚊呢個，佢完全無講今日星期六日無優惠囉，同個個經理投訴，居然大聲夾惡話我們自己要睇餐牌，但佢個餐牌標示星期六日無優惠既字係要用放大鏡先有機會見到囉！最終仲諗住免我們茶芥$20打發我們，我們完全拒絕佢呢個咁唔合理既處理方法，比錢唔係問題，存心呃客先係問題囉，所以一定無下次幫趁，希望唔會再有人受騙！

因為新開業，就同屋企人一齊來試下，點知就懶曬野。 重點如下1）食物味道好見仁見智，但個人認為得二隻字可形容， 「油，鹹」。 連我呀爸煮野好鹹，都覺鹹😯😯咁就真係好鹹， 個象拔蚌咁鹹都食都鯹味😔😔但客觀而言，佢個叉燒就唔錯👌🏾2）上菜等好耐， 菜與菜之間間好耐，開頭聽到隔離枱係度嘈，又話咁耐都未有，又話漏單，都覺得怪怪地，點知真係等好耐，燒味除外3） 員工培訓不足， 一來點菜，點左輪， 就問個幫我地落單個部長有無燒味拼盤個類，因為呀爸想食燒鵝，個部長話有， 所以推薦左「新開張1蚊優惠」比我地， 我地就話一蚊咁抵，咁有幾多？ 個部長就扲起個牌，貼到勁埋，眯曬眼睇張野，就話「你地7個人，可以有半隻」，咁我地就要左半隻， 另外見到個「優惠三寶」就叫埋啦。 點知買單個陣，燒鵝唔係1蚊，係138，優惠三寶唔係298，係328，。 咁就問佢地點解？ 然後佢地先話假期唔係呢個價， 我地話頭先落單無講過喎，然後佢地先指住個d 細過螞蟻的字話，呢度寫左囉。😯😯我就同佢地講我地唔知喎，你地無講😔😔😔😔然後佢地堅持話寫左係到，你地自己無睇。但個到d 字細到咁， 而且我地問係咪1蚊個陣，佢地又唔講今日假期無😬😬

今日中午我們喺荃灣眾安街做完嘢之後，行到去荃灣千色匯商場1期嘅大堂，就見到擺放咗好多花籃，所以我們就行去睇吓係邊間新店開張同問吓當值嘅保安員？知道原來係喺6樓嘅「半島漁港·阿翁火鍋館」！於是我們就諗著上去飲個下午茶，但由於他們喺晚市時段先正式營業，兼且我們今日其餘嘅工作亦都係喺周圍附近，所以我們就預訂咗位，夜晚嚟食晚飯！入到去見到店內嘅環境裝修好夠光猛，座位與座位之間相當寬敞，而且區分咗晚飯區同火鍋區，感覺非常潔淨同舒適！至於我們今晚就選擇咗食晚飯小菜先，因見到店外擺放嘅宣傳海報有個「開業$1優惠」，另外嗰個無限時嘅任食火鍋就另外搵日再嚟食過！我們叫咗是日豐料靚湯：蓮藕大脷豬踭湯有「2-3位用」或「4-6用」，由於我們係比較鍾意飲湯，所以我們就選擇咗「4-6位用」嘅，湯料真係超足料豐富，所以湯底嘅味道非常鮮味濃郁！至於呢個吸引咗我們嚟食晚飯嘅「開業$1優惠」係有幾款畀人客選擇，「極品BB豬、黑椒燒鵝、海南文昌鷄同紅燒BB鴿」，而我們就揀咗極品BB豬，店員同我們講話呢個係因人數而訂份量，而我們就係2-4位，所以係1/4隻，BB豬嘅皮燒得超級鬆脆香口，一咬落去真係好脆卜卜，肉質亦好軟滑，而