半熟工房 (金馬倫道) (已結業)

吃完飯未吃到甜品，就往旁邊的店找snack食。豹子請食，我不客氣，見有綠茶，内心大喜。點了兩個口味，各22，但今晚賣完了朱古力口味，緣又慳一面。。。。首試綠茶口味，無乜芝士香，但茶味多，口感軟，要說tart皮，好脆，焗得掂。芝士口味這店第二次吃，奶同芝味都好香，但今次食不及上次lu唯兩樣都不是熱辣辣的，只有微暖，就不夠完美。食後感：未試過可以試既，價錢平。但有無人知道，可唔可以要求佢俾個好熱既我嫁？？

今日響尖沙咀食完飯之後經過半熟工房，在門外已被果陣芝士香味吸引左，於是同女朋友買左幾個來食。嘩！簡直好食到離曬大譜，雙重芝士所配合出來的層次感令人回味無窮，外層烘得脆脆的芝士所散發出來的香氣令到原本已經食飽的我都仲有胃口想繼續食埋個芝士撻。再加上內裡的流心芝士入口即溶，簡直係我食過最好食的流心芝士。更難得的是連個撻皮竟然都處理得特別鬆脆，結果我地食完一個又一個，明明已經食到好飽卻又好想繼續食落去，正！！

抹茶半熟芝士蛋糕+抹茶布甸奶皇芝士tart半熟工房既甜品好似好有名😍而佢仲新出了不同口味既芝士蛋糕 抹茶啦朱古力啦 不過我個人比較喜歡原味半熟芝士蛋糕😝😚忌廉芝士香味好濃 口感軟熟🐷而且抹茶芝士蛋糕既抹茶味ok 不過就少了一點芝士的香味 如果balance d更好而芝士tart既奶皇味道好濃 🤔🤔🤔真係好似奶皇包咁 咸香太濃 反而無左芝士香🙈🙈🙈 而且唔係太流心啊 😨😣😢有d失望喎 我會較喜歡芝士會流心既多dd😋

Dec 2016半熟工房☆未食之前與原味芝士撻 差唔多樣 咬開內裏。。半熟奶皇芝士撻☆＄22芝士撻上層與原味一樣特別的是底裡是流心奶皇味道好似食緊流心奶黃月餅一樣😋♡芝士撻都係新鮮 熱辣辣出爐既比較好食可惜半熟現在人潮比以前大不如前，去到通常食到嘅都係室溫。。如果再熱啲應該會更好食...好食：😋抵食：😥另外有小小建議， 店舖 只有一張小圓枱，容納唔到太多人， 建議可以喺近牆邊裝返塊板， 方便客人進食🙂🙂

今日天氣好凍, 適逢遇啱芝士奶皇撻出爐無耐, 一於買件試一試暖下肚. 這款撻之前在IG好多人評論話好好食, 想試好耐不過未有時間, 今日試過覺得的確唔錯! 和原味芝士撻一樣是漲卜卜的樣子, 不過撻面就少了原味芝士撻那種立立令~ 出爐無耐所以食個時都好小心避免辣親個咀~ 輕輕一口咬下食到香脆的撻皮, 軟滑的芝士和香濃的奶皇. 吃撻皮就像吃緊香脆牛油曲奇, 奶皇是流心的, 但不至於是超級流心流到令你好狼狽那種, 所以這種流心程度已經足夠了. 奶皇餡入面仲有啲鹹蛋黃粒, 味道完全就是平時去酒樓吃到的流沙奶皇包味道,  芝士和奶皇的味道也配搭佳, 當然兩個味道一起吃的話就一定是濃郁的奶皇味較突出啦~ 食完一個都幾飽, 好味又好暖胃.

落完單位工作了一大早上和中午的時間，在回到中心繼續工作以前得買點東西吃，得悉半熟近日推出新的半熟奶皇芝士撻，奶皇和芝士兩者都是我的至愛，沒有不試的道理，既然難得在中心獨自工作，便想買來慢慢品嚐，再努力工作。去到店舖，在玻璃櫃前似乎看不到此撻的蹤影，查詢了店員一下，店員表示需多等3分鐘才有，3分鐘並不長，既然不算太趕時間，便決定等它，心中亦很期待新鮮出爐的奶皇芝士撻! 過了不久，其中一位店員便從廚房端出一盤芝士撻，逐個放在玻璃櫃前，剛出爐的撻真的很吸引，香氣撲鼻，真的很想快點吃到它! 店員把其中一個放在紙袋中，讓我帶走它。回去後把紙袋打開，看到芝士撻脹卜卜，新鮮出爐的就是與別不同! 撻的面層焗至金黃色，微焦，樣子十分討好，令人食指大動。我急不及待用叉子插下去，只看到淡黃的芝士餡，還未看到宣傳照片中深黃的奶皇餡，覺得有點奇怪，只能想着可能奶皇餡在更內層，便先享用一口純芝士撻，芝士餡同樣是濃郁軟滑，而撻皮香酥鬆脆，做得很出色。我再切一口，仍然是看不到奶皇餡，已深感不妙，再多吃一口後，已確定這是普通的芝士撻，根本不是新鮮出爐的奶皇芝士撻!!! 真的十分失望!! 難度店員在製作過程或分配時不知哪

人地葉問實力挑戰打 10個... 我嘛 只能即興失心瘋想挑半打... 😂🙈 衝得切入鋪 又遇上最後 2set 齊味~ 😆😋 好幸福啊!!! 首選都係原味 🧀 , 口感香滑 芝味香濃; 朱古力味 🍫 排第二, 古力味濃 不妨一試; 反而最吸引我眼睛嘅宇治抹茶 🍵 就真係好一般, 雖帶茶苦澀, 但味道就反而顯得 2頭唔到岸了... 😀😀😀下次想食埋佢地啲半熟布丁呀！！！

同個friend黎開尖沙咀..就過埋黎半熟工房睇睇~ 一段小時間冇黎買野食了...原來之前停出既半熟朱古力蛋糕而家又有返喇!!諗都唔洗諗就買左一盒5件裝回去同friend share...再買埋兩樽布甸share..半熟朱古力蛋糕:一直好鍾意食呢款蛋糕, 每件的的骰骰但朱古力味已經夠晒香濃, 真係好好味...上層半熟朱古力既質感有少少似朱古力慕思, 口感輕柔細滑...下層就係朱古力海綿蛋糕, 好鬆軟軟熟, combine埋一齊超正呀! 同friend share食每人只分得2件半...唔夠喉..下次一人一盒半熟芝士布甸:一路想試呢款芝士布甸, 因為未見過其他地方有芝士布甸~~今次終於試到啦! 啖啖芝士味再加埋香濃牛奶味...好味道~質地較軟身, 口感好柔滑, 同焦糖雞蛋布甸在質感上有少少分別~係兩種唔同既滑. 呢款芝士布甸價錢比較上有少少貴 ($32), 不過都好值得一試!~半熟焦糖雞蛋布甸:呢款之前都試過了, 今次買黎回味下, 依舊質地很軟滑, 除左有好香既雞蛋味同埋最底既焦糖味, 仲食到好香濃既北海道牛奶味, 又唔會過甜~$22性價比高~

口痕見到半熟工房之前試過佢既芝士撻同芝士蛋糕我比較鐘意芝士蛋糕今次由於得我一個人食都係買隻撻食算一拎上手唔夠熱 明顯地而家人流少左D撻整定晒 又唔夠熱真係麻麻地呢味又反而幾驚喜我平時覺得芝士撻太酸又帶唔出芝士個種奶香抹茶味就正好平衡番個酸度但奶香就唔明顯喇個texture就水左小小可能差d火喉掛個撻餅都幾想抹茶味我個人黎講又鐘意食牛油皮不過講到底 唔夠熱 真係幾好食都晒左香港地既飲食文化就係咁間舖一開個個排隊食等2個鐘都在所不惜但人氣一過就拍晒烏蠅真係好難做既呢而舖頭係人多既時候往往又keep唔到水準好矛盾😫😫😫

近來芝士撻o既狂熱好似已經過左去買芝士撻已經唔駛排隊啦！對最怕排隊的我黎講係喜訊。。。之後可以多點黎幫襯啦！比起其他出名的芝士撻店，我自己比較喜歡半熟工房，覺得佢的芝士餡比較軟身食落好creamy!除左芝士撻之外，我自己仲好鐘意佢地的綠茶撻綠茶味好濃郁好香好滑！買6個原來會平d買左6個返公司同同事一齊慢慢嘆

和朋友約3點鐘出到去, 好好彩等了約5分鐘後新鮮熱辣的半熟奶黃芝士撻就出爐了, 唔知係咪心理作用, 未咬開已經聞到有奶黃香味了.  一啖咬落去, 首先食到鬆脆的撻皮, 這裡的撻皮是曲奇餅皮的, 撻皮散發陣陣牛油香. 下一步就再食到滿滿的半熟芝士, 芝士質感好幼滑好輕柔, 有種綿綿的口感. 之後就嘗到放在下層的奶黃了! 奶黃餡的咸蛋黃味好香, 不會太甜, 食到有粒狀咸蛋黃碎, 奶黃餡仲呈流心狀, 好正呀! 把奶黃呢個元素加落半熟芝士撻, 個人覺得好配合怪不得人人都讚好!一個半熟奶黃芝士撻尺寸已經唔細, 一人吃一個已經有點飽飽地了, 晚飯食輕量就足夠

<奶皇芝士撻> $22超級邪惡嘅一個下午茶😈去到剛巧出爐😋有食神吧撻底無比的鬆化帶酥脆，而入面嘅奶皇餡好有鹹香味，芝士味就隱約喺口腔慢慢滲出😍食食下仲會見到有蛋黃油流出一個都幾膩吓🌸☕️配花茶應該好正

知道半熟工房又有新搞作，當然要去試下佢啦！半熟奶皇芝士撻，流沙奶黃餡用了蛋黃加牛油、吉士粉，再加少許鹽提升蛋黃鹹香。上層嘅半融芝士餡芝士味濃郁，加上下層嘅奶黃香，兩種味道各自發揮到特質而不會蓋過對方的味道，的確好好味

知道半熟工房出左奶皇芝士撻，今日經過尖沙咀順便買個試下。去到店員話焗緊，等左幾分鐘就出爐，新鮮滾熱辣。撻皮好脆好鬆化，一咬開就食到半熟嘅芝士同流心嘅奶皇，奶皇好香蛋黃味，芝士味亦好香濃，超正。

今晩的宵夜是你啦👉 正 到 傻 左推介: 奶皇芝士撻 😍😍😍😍 (5分滿分)半熟工房的芝士撻，曾吃過一次原味😌最近岀左奶皇味🎉當然沖去試試啦上層為半熟芝士，下層為流心奶皇一咬一切，嘩👉👉👉👉👉奶皇醬澎湃沖岀來😍令木無表情的👀你 也會岀現心心眼😂奶皇咸香十足，咸甜濃厚，正到爆炸😭😭😭 撻皮剛剛焗好，又穌又脆令吃完一大堆晩餐的我，也吃了二個另外: 最近先首次食到半熟工房的蛋糕，真係好好味嫁，令我和媽媽🌟🌟眼😂，非常非常推介哦