影片
港鐵荃灣站 C 出口
繼續閱讀
營業時間
今日營業
08:00 - 20:00
星期一至日
08:00 - 20:00
以上資料只供參考, 請與餐廳確認詳情
16-9-2023 (Sat)晚,唔太肚餓但又唔想喺餐廳堂食,就同老公落荃灣買外賣,我就想喺呢喥買啲cakes食,就睇吓先,睇見價錢唔係平,細細件嘅半熟芝士蛋糕都要$19.00一件,五件$85.00,十件$160.00,又見到有桂花烏龍蛋糕,老公就見到$23.00嘅半熟雞蛋焦糖布甸話想食,咁我見到桂花烏龍切餅係$36.00,而怕買太多,就決定要一件榛子味嘅半熟芝士蛋糕,桂花烏龍切餅同半熟雞蛋焦糖布甸各一,盛惠$78.00.店員就執俾我啦,老公見佢攞個紙盒裝桂花烏龍切餅,然後唔知點算好,就同店員講兩件蛋糕擺埋一齊,半熟雞蛋焦糖布甸另外拎住,點知佢好奇怪地,將桂花烏龍切餅同半熟雞蛋焦糖布甸放喺紙盒喥,半熟芝士蛋糕就用膠袋裝住.半熟芝士蛋糕唔係密封住,而係用一個冇蓋膠兜裝住,點解佢要咁做?返到屋企,我哋食完天天嘅主食後拎出嚟食時,試吓將兩件蛋糕放入盒,夠位吖,而且空隙少啲,就算踫撞到,件桂花烏龍切餅都唔會好傷,反而高身嘅半熟雞蛋焦糖布甸撞埋去,件切餅變形變得更犀利.由於都好飽,我哋先食半熟雞蛋焦糖布甸,由於焦糖喺底,老公就將佢倒轉放喺碟上食,但冇個設計可以俾客人將佢輕易倒出,佢就唯有”撩”佢出嚟,攪到爛晒嚟食.個布甸口感好滑,有淡淡地嘅蛋味亦唔太甜,焦糖亦唔算太甜,ok嘅.味道:4.5分由於都已經飽,所以另外嗰兩件蛋糕都未食,到翌日(17-9-2023 Sun)朝,同老公買完餸返嚟食,而因為雪咗一晚,件榛子味半熟芝士蛋糕雪敢咗,於是預先拎出嚟,放喺室溫幾分鐘至食.到回復軟腍腍就拎起同切開嚟食,蛋糕好鬆軟,但太甜,雖然下面有啲朱古力蛋糕中和,但只係起到少少作用.味道:4.5分之後食桂花烏龍切餅,佢用透明膠保護冇問題,但掰開佢嘅貼紙時就要大大力,咁就整到件切餅花晒,而我唔覺意揩到啲cream食,已經有桂花味,我切開食喇,cream係好幼滑,蛋糕一樣好鬆軟,而桂花同烏龍味係分開咗,前者喺cream喥,後者就係喺蛋糕中間淺啡色,比例唔多嘅糕喥,茶味係清清地唔太甜,但真係太少,而cream就鬼死咁多,睇嚟呢喥蛋糕製品要減啲甜.味道:4分抵食係2.16分
繼續閱讀