半熟工房 (已結業)

還記得這間鋪頭一開張就已經上電視，皆因佢嘅半熟芝士蛋撻引起了人潮洶湧。竟然買蛋撻的人要等差不多兩個小時才能買到，實在太誇張！本人亦都一早係日本聽聞過呢間店，而加就沒那麼多客人了，趁咁啱行過又買黎食下，順便外賣給家人試一下！之前我買過它的半熟芝士蛋糕仔，一盒$150好似有10個細細件的！這蛋糕送禮或farewell都十分不錯，體面得黎又好食！自認芝士控的禾推薦一試！話說回來，新鮮出爐的芝士撻，外層好鬆化，咬開內餡，芝士係流心的，芝士味超濃抹茶味的也是重抹茶味的！喜歡濃味食物的人一定會愛上它的😬

半熟工房既芝士撻同半熟芝士蛋糕都係我最愛！芝士撻新鮮出爐最好食！好重芝士味但唔會太漏半熟芝士蛋糕入口即溶既感覺 正！今次仲試埋布雪 抹茶味好似蛋糕咁中間有層抹茶味既cream抹茶味香濃 蛋糕鬆軟 不錯！

在銅鑼灣經過半熟工房的門口，見到店員拿着一盤切開了的半熟芝士蛋糕讓遊人試食，店員將一件芝士蛋糕分開了6份。我經過這店舖的門外，於是吉了一件來試試，芝士蛋糕放進口裏真的入口即溶，一試難忘。還記得半熟工房是我在芝士撻熱潮的時候光顧過，而它的芝士蛋糕就沒有買過，因為入口即溶的口感以及蛋糕裡的軟心芝士令我不禁入了店舖內問職員點樣買，一買便買了一盒半熟芝士蛋糕共10件（$150），買回家一起開心 share，和家人一起分享芝士蛋糕的幼滑口感，連家人都一起讚好半熟芝士蛋糕真的很美味～

尋晚去左CWB行街, 食完飯打算搭車回家經過呢度又比佢吸左入去....本來有D想食隻芝士撻, 但岩岩先食到好飽所以真係食唔落, 打算決定棄權兼走人既時候又比我眼尾"稍"到呢盒新野...原來出左款新口味半熟芝士蛋糕, 加左茶味! 感覺幾創新...之前都未食過加左茶味既芝士蛋糕...一盒有五個茶味...玄米茶, 麥茶, 焙茶, 綠茶, 烏龍茶. 我之前成日買黃色盒既半熟芝士蛋糕食, 蛋糕賣相黎講都係黃色盒靚D, 因為每件都金黃色閃令令咁. 而呢盒因為加左唔同既茶, 賣相都係黃黃啡啡綠綠咁, 望落去都較暗啞既...不過味道黎講呢, 食落去又好正下, 五個茶味都好香, 每件除左有明顯既個別茶香之外, 又唔會冇左陣芝士香味, 呢樣真係好重要啦, 仲有蛋糕質感都係好滑溜同輕柔既...Overall我覺得呢盒同黃色盒各有各正, 想超級濃郁芝士味就揀黃色盒, 想有多D層次既香氣就揀呢盒啦.

The cheese tarts are the best items here. Perfect amount of half cooked fluffy cheesiness on a buttery tarte! While I also tried their matcha cheesecake, the cheese tart was by far much better. I'd definitely come back.

有好食蛋糕嘅地方就一定會見到我嘅身影！位於銅鑼灣鬧市嘅半熟工房崇光附近，好容易搵到一路都聽聞佢嘅芝士蛋糕係有極濃嘅芝士味用北海道特濃奶油芝士製成嘅芝士蛋糕配上抹茶嘅茶香，香濃得來而不膩一定會再encore ☺️💪🏻

好耐之前食過芝士撻，熱辣辣真係好正。個流心度仲幾高，芝士味唔會漏，外皮非常鬆脆👍🏻。有次仲試過一時渣唔穩太大力，成個散晒飛左落枱😂，不過今時今日已經唔使再排餐死。今日經過終於試左半熟芝士蛋糕😍😍😍，一出門口忍唔住拎舊黎食。開頭以為d 蛋糕係室溫，原來係凍嫁。炎炎夏日，食一啖好冰涼，芝士真係好滑好濃郁💕但唔會漏，蛋糕質感幾鬆軟，食一舊係會唔夠喉想繼續食落去😆。不過買左真係要襯新鮮快d 食，試過第日食已經無即日咁好味👍🏻呢個真係會再encore

晚飯過後，友人送上生日蛋糕，打開時確實感動了，因為很久沒看見刻有自己名字的生日牌出現了，這感覺份外溫暖窩心，更證明了好友們真的把我放在心。這是屬半熟工房出品的半熟芝味二重奏，上網查看得知除了朱古力味外，還有原味和抹茶味。其材嚴選日本的優質材料，包括北海道忌廉和芝士，九州的雞蛋，把日本風味展現出來。說是厲害，要一試才知龍與鳳。單看蛋糕造型已相當吸引，令我急不及待想吃一口。果真，蛋糕層次豐富，混合了幼滑的忌廉，香醇的朱古力，濃郁的芝士味道，吃下去不但有雪糕的豐盈，亦有慕絲般的細滑質感，加上底層的朱古力脆皮，口感層次相當豐富，好吃非常! 蛋糕一個雖說不大，但切一小塊吃已令人相當滿足! 回購指數相當高!!蛋糕好不好吃是其次，最重要的還是好友們的心意，謝謝她們的貼心，珍而重之。

上個月吃過這一間的甜品, 因為之前一直在忙, 所以待到今天才有時間寫寫食評呢. 我order了兩款甜品, 一件草莓忌廉蛋糕和一件原味布雪, 兩款都蠻好吃的哦. 草莓忌廉蛋糕看似沒大特別, 可是吃一口之後便發現它的忌廉是特別特別的幼滑, 忌廉口感特別輕柔, 即使吃到滿口都是忌廉也不覺膩口, 味道也很香! 而蛋糕部份的雞蛋味也很香濃, 單看蛋糕那特別深黃的顏色也見其不同了, 海棉蛋糕的質地也十分軟熟, 口感很好, 好容易就吃掉了一整件..而另一款原味布雪, 也是第一次吃的. 原來是一件夾心蛋糕, 特別之處是它的蛋糕部份是非常軟綿鬆軟的哦, 充滿著蛋香, 夾著的忌廉軟滑又帶奶香, 口感細膩, 即使連同面層的糖霜粉一起吃也不會太甜, 是一款簡單得來很好吃的甜點. 不錯!

I have been to this restaurant over 20 times!Mostly I eat at tsim sha Tsui, it's my first time to eat at causeway branch.The shop seems not many people compared to tsim sha Tsui one. I ordered a cheese tart in original favour. The taste is lovely. The cheese are creamy, but not hot enough. A The cookie tart are very crispy and yummy, love it !

前幾日去左半熟, 睇下有咩甜品可以比我買番去食, 望下望下見到有一款幾吸引, 仲要得返最後一件, 叫"和式栗子卷Chestnut Roll" ($36), 長長地個樣好似幾好味, 就拿拿聲揀佢啦! 拎番去試過之後, 覺得呢款餅真係幾有驚喜. 首先原來件餅既兩旁同埋餅底都舖滿千層酥果啲酥皮, 酥皮造得好薄, 又有好香牛油味. 其次, 面頭舖住栗子蓉造既條條, 中間又有一大粒甜甜地既栗子, 呢一部份既栗子味已經好香濃, 隻栗子味比起其他餅店既栗子蛋糕係香啲既. 之後下面係梅花間竹一層cream一層海棉蛋糕, 層海棉蛋糕口感好軟熟, 仲見到海棉蛋糕入面加左D應該係榛子粉既粒粒, 所以令到海棉蛋糕既口感鬆軟之中帶啲咬口. 食完件餅感覺良好, 味道跟口感都相當抵讚, 甜度都剛好, 所以賣呢個價錢都係值既. 

食開BAKE，見到半熟工房咁紅就諗住食下，拎上手唔算熱辣辣，個皮都算脆口同香酥。芝士味都算夠，但係就唔夠香濃，覺得未到咁好味。不過勝在就腳，係街邊方便買到，唔使落ug。

早幾日去開銅記, 就諗起好耐冇食過半熟芝士撻了, 特登行去駱克道嗰邊買返一個食! 幸運地撞岩出爐無耐, 拎上手仲係辣手架, 未咬已經聞到香味. 影完張相即刻要開動咬一大啖~但太熱有少少辣親咀.....奉勸各位食既時候要小心慢慢吃, 唔好好似我咁猴擒.內裡既半熟口感芝士餡真係好好味, 質感好得意, 好滑溜好鬆軟兼入口即溶,  最好係佢並唔係"流心"嗰種效果所以唔會食到好"呢 hea" . 味道上都有好香既奶味和芝士味, 芝味香濃, 甜度也OK! 除了個芝士餡抵讚, 撻皮也無令人失望, 仍然保持到鬆化香脆口感, 焗得好靚, 令到成個芝士撻口感有晒層次.呢兩年黎食過好幾間既芝士撻, 都係呢間最值得返轉頭. 付出$22便換來開心和滿足, 值!

前陣子十分流行芝士撻，後來不同的店鋪都相繼推出，有熱、有冷、也有冷熱交加的。十分幸運，同事竟然購買了來店鋪探訪我。美食當前，又沒有太多顧客決定偷懶一下子，哈哈。芝士撻還是暖的，是次吃了抹茶口味的。咬下去中間十分鬆軟，瞬間流出了大量的抹茶餡，抺茶味十足，但是對我來說卻有點兒苦。但整體而言還是相當美味的。最後還嘗了芝士蛋糕，相比之下，我較喜歡芝士蛋糕，十分鬆軟，而且芝味十足，也不會太甜，是剛剛好的。雪凍後或許會更好吃呢！

今晚老公買了宵夜給我,他每次都買甜品給我！今次竟然是半熟工房的甜品拆開盒子看看是什麼先！原來是半熟朱古力撻！我在這鋪頭嘗試過的只有半熟芝士撻，朱古力口味還是第一次！打開盒子立即要試！朱古力撻上的朱古力醬融化在口中、不太甜亦不苦！外皮亦很鬆脆！今次是外賣可能已經冷了一些！下次有機會一定要在店舖中即刻食！剛出爐的實在不得了本人是朱古力愛好者！這個朱古力撻實在很好吃吖！另外、外賣中還有兩個蛋糕，一晚不能吃三個，下一篇文章再報告吧！