半糖主義 (已易手) 新餐廳

我同屋企人啱啱經過條街見到呢間鋪頭。好似新開張所以入咗去試一試。佢哋好似係主打豆腐花同窩夫咁我哋就叫左個豆腐花另外仲叫左個窩夫同埋一個心太軟。個豆腐花好滑唔錯。個窩夫食落去夠脆口唔錯，佢另外配埋朱古力醬味道啱啱好。個心太軟外表睇落幾靚，不過好似甜左少少，如果可以冇咁甜就perfect。我哋三個人叫咗三樣嘢，下次既話可能會試吓佢哋個拿破崙同埋楊枝甘露。平時唔會行過嚟條街，條街真係好靜，如果唔係因為去海旁都唔會行。

最近落site 經過，見開左間甜品舖，出面有宣傳使用稀少糖，話可以取代平時用既砂糖，甚至阻擋血糖吸收，唔肥不特止仲可以減肥咁誇張，咪入去試下。店入面裝修都幾舒服，坐位都算舒適。同同事叫左個窩夫同豆腐花，賣相都幾靚，豆腐花用木桶裝，再加個計時器，計幾時撞好。豆腐唔會太甜，窩夫幾大碟豐富，生果新鮮，老闆好親切，岩岩開，有問我地意見。西灣呢邊甜器店唔多，見條街人流都麻麻，對比起前兩條街燈火通明，希望呢類甜器小店長做長有。

又燶又苦又甜，質素其差，完全唔掂賣相唔得，味道唔得，極差👎🏻👎🏻👎🏻👎🏻伴碟士多啤梨非常不潔，芒果很酸，切的形狀大小不一，每層都燶到黑左一大半，沒有heart的甜品，整體感覺非常差，吃了一半已即時喉嚨痛，完全不值$68, $20也不會再吃以後在同區吃甜品也只會去夏雪，有heart有熱誠好多

同女朋友係西區食完晚餐，想搵下甜品食，見到有間新開既甜品，門口有介紹呢間甜品店係用稀少糖，見佢賣點幾特別，所以就一試一睇個logo同裝潢都知佢係行簡約主義風格，同埋新開張，所以都幾乾淨佢仲有d尿袋租借站，都幾細心（雖然我無用到）同女朋友叫左兩個甜品：腐竹白果薏米同菠蘿荔枝沙冰腐竹糖水足料，甜度適中，唔錯，不過薏米就硬左少少菠蘿荔枝沙冰亦都唔錯，有d荔枝果肉同爆珠係面，食落幾有𡁻頭，同埋佢用金屬飲管，環保呀（希望佢會洗啦）店入面有說明食稀少糖會減低胰島素分泌，減低轉化成脂肪既機會，係好野黎！加落甜品度亦無損佢既味道，難得難得！又健康又好食！不過我覺得呢度既選擇比較少，可以增加多d選擇