半糖主義 (已易手) 新餐廳

現場得四張枱有客，等了半小時有多，店員竟然話未整!!!我地已經係叫d 勁普通既糖水，就係紫米露和雪耳糖水。咁既服務學人加價加一倍😪完全五值!!去附近另外一間想甜仲好!

已轉手，味道不再早幾個月發現這家甜品店出奇的好，簡單至白果腐竹糖水，木桶豆腐花，複雜至紫薯心太軟都非常出色，有別於其他甜品店，差不多每星期都會幫襯。但早三星期開始發現員工不同了，再分別兩星期內試以上這3款都完全不是之前的味道了，而且還說木桶豆腐花，過了20分鐘才說撞不出來，這就証明真的轉手或是轉廚師了。真的很可惜！

因為驚多人，六點幾就黎到，完全唔使等位，但係鋪面得一個人，所以點菜/上菜都比較慢。Menu上面嘅選擇比較少，有啲網上推介嘅菜式都暫時供應，所以有少少失望，最後叫咗一個紫薯窩夫同埋一個伯爵茶焦糖燉蛋。🍠紫薯窩夫上碟嘅時候同Menu有啲差距，如果要來打卡呃like就遜色咗🙈不過窩夫焗得好脆，而且入面仲有紫薯粒，味道都唔錯，加埋cream同雪糕食更加好😋🍨🥞反而伯爵茶焦糖燉蛋可能要配合伯爵茶嘅原故，焦糖同蛋味都唔突出🙁只係食到好濃伯爵茶味，可能比較適合伯爵茶fans多啲🙈☕️而且燉蛋嘅質地比較稀，口感麻麻地。整體來講，嘢食質素一般，但定價同旺區嘅甜品店/cafe相若、甚至更高，物非所值。🙈🙈🙈

食完晚飯特登過黎諗住食佢個souffle pancake, 兩個月前黎過先$65..今日一坐底見到個menu 加價到$115一個.....加價唔係問題 但一間小店價錢加到拍住日本真正嘅人氣pancake店.....真係好驚喜...最後決定食其他甜品，點知芒果小丸子就勁甜，仲話半糖主義..芝麻糊就勁水勁淡...好失望

我每次都為了這家的梳乎厘pancake而來，因為味道好，充滿蛋味，而且價錢合理。以前每天1500-1900限定供應，不過有好幾次來到不是過了時間還未開鋪，就是提早關鋪放飯。有一次6半來到門已鎖上，店外貼著晚飯時間，鋪內還有2枱客，我想詢間一下，店員對我視而不見，要打電話到店裡才肯接聽。到了現在，原本68的pancake加價至118，但份量賣相不變，本來伴碟的忌廉更變了練奶。老實說我以後也不會再來了。我很小寫食評的，這家店真的讓我很失望

估唔到人生第一個食評就係負評！...同班fd 食完飯想食下甜品，醒起屋企附近有間新開嘅甜品舖，就上openrice 睇下d 食評。見所有都係好評咁濟，就去試下啦！點知...... 中哂伏呀！！！！ 西式甜品價錢偏貴，一個疏乎里pancake 開價竟然同flippers 相約！我地叫左4樣野芋圓小丸子西米露，芝麻糊加湯圓，椰汁紫米露加湯圓，芒果西米露加芋圓。芒果西米露加芋圓呢就正常嘅。椰汁紫米露呢就稀到好似水咁，水還水紫米還紫米，椰汁仲要有啲一嚿嚿白色浮喺水面好似頭皮咁，勁嘔心。芋圓小丸子西米露都係稀到好似水咁，料就好少仲有又係有啲椰汁一嚿嚿咁樣。跟住就嚟到今日嘅重頭戲，芝麻糊加湯圓！啲芝麻糊同樣都係稀到好似水咁啦，開頭都以為佢係用粉開出黎，加多左水姐，點知一試係有陣好似啲盆栽流出嚟嗰啲水咁嘅味！！認真無誇張！！係有啲泥土味再加埋啲草青味咁樣！難食到一個點！！係難食到我一直以來都冇寫過食評但係都忍唔住要開返個account黎寫比負評佢！真係好過分！朋友食左d 湯丸就成碗無掂過！碗野加埋湯丸都要$35，質素差過出邊賣緊20幾蚊碗嘅甜品舖起碼一百倍！真係食到好嬲！！一定無下次！！

今日去開西環，食完飯想搵地方坐下，所以就同friend打算食個甜品。我地分別叫左個cream brulee 同紫薯心太軟。Cream brulee先黎，睇落去幾靚，食落好滑，十分出色。個人食開好甜嘅所以唔會覺得甜，下次會想上下伯爵茶cream brulee 。上次喺另外一間甜品店食嘅心太軟唔太好食，所以今次冇乜expectation。一開始覺得個texture 麻麻地，但食下食下又幾好味。總括黎講所有野都幾高素，下次可以再試其他

同閨蜜西環遊，除左行街打卡影相，當然要去間靚Cafe坐低食下甜品蛋糕影相，加上係閨蜜生日，佢就提議去哩間出名用一半糖份量既半糖主義食甜品本身仲以為佢嘢食嘅感覺係以健康清新為主，但睇完餐牌發現同一般嘅甜品店冇咩分別，於是我叫咗一個草莓綿綿冰，朋友叫咗紫薯心太軟，一嚟到就比佢賣相吸引要打卡，食落去發現都真係幾好味，雖然我比較唔到同其他糖水鋪嘅分別，但係就覺得好似真係冇咁甜，冇咁膩，而且用料取材新鮮，值得一試

夜晚約左朋友黎堅尼地城食飯，揀左依間甜品店做晚餐。間鋪距離地鐵站都唔算遠，幾方便。不過可能因爲接近海旁嗰邊，附近人流都唔係咁多。因為時間尚早，入去嗰陣間鋪得兩檯客，而且都係non-local。間鋪有提供西式同中式糖水。本身見到有梳乎厘pancake，不過好可惜淨係供應到7點，今次食唔到。最後叫左豆腐花、紫薯窩夫同埋糖不甩。豆腐花一黎到仲有埋計時器，店員提醒我地3分鐘之後先好打開。記得menu上寫係配上稀少糖水。雖然我就食唔出同平時嗰啲有大分別，不過聽落感覺上好似健康啲咁😂。而分量亦比我預期嘅多，初初以為佢容器好淺。糖不甩有6粒，同其他糖水鋪有啲唔同嘅係佢唔係淨係比花生碎，而係真係有一粒粒花生，搭配煙韌嘅糖不甩都幾特別。窩夫係個fd叫嘅，我睇落就覺得分量好似唔係好多，不過個fd就話食落都ok足夠。我食左一啖，佢窩夫嘅蛋味唔係好突出，不過就真係無咁甜。中意打卡嘅話都可以黎依度，試下依間標榜健康嘅甜品鋪。

朋友好喜歡食甜品，但又怕肥，所以佢就四處搜羅最健康的甜品店。就搵到「半糖主義」位於西環堅尼地城北街11號地舖，地點非常方面由堅尼地城港鐵站一出直行約3分鐘就到。行到門口就見到「半糖主義」四個大字，我哋就馬上走入去，甜品店仲有一個打卡位， 「半糖」光管加「 佛系少女」貼紙在座位給食客影相，啱晒愛打卡人士。嚟到梗係要食甜品啦，甜品店有中，西甜品，先嚟食中式「糖不甩」及「桃膠蓮子燉奶」。【糖不甩】份量十足，每粒糖不甩很煙韌， 圓碌碌 暖笠笠，花生碎粒粒很香脆，味道很好。【桃膠蓮子燉奶】奶味香濃，沒有腥羶味，桃膠軟腍，蓮子爽口。西式甜品【伯爵茶燉蛋】燉蛋算滑溜，伯爵茶味濃郁。【原味梳乎厘班戟】即叫即製，製作需時約30分鐘，所以想食就要提早order。 梳乎厘班戟很鬆化，有蛋味，賣相又不錯，好食亦可打卡，一舉兩得。

平時睇IG 都見到唔少朋友過嚟呢度打卡 因為呢度有一個好特別嘅燈同埋一個打卡位 所以今日我就特登過咗嚟西環試吓 位置都算比較偏僻有啲難搵 同埋冇諗過喺車房附近會有一間甜品鋪 着校服食會有折 但係我哋已經冇校服啦 食咗一個紫薯窩夫 等得唔算耐 紫薯窩夫影相係一流 佈置得好靚 一定要整低用嚟打卡去分享俾啲朋友睇 食落窩夫好脆 應該係即整 雪糕就一般 整體來講都算可以 呢間餐廳有好多書 拎過嚟扮吓文青都算OK🤣🤣🤣 我諗嚟到食最主要都係食佢個環境因為裝修得真係好靚

最近經常出沒西環👯‍♀️👯‍♀️去探朋友同佢嘅BB👨‍👩‍👧‍👦順便食埋飯🍽女生最愛傾計😂所以食完飯送左BB回家👶🏻再揾多個地方再傾👭食糖水係不二之選🍮聽聞呢到有個好大個嘅心太軟😍心太軟控嘅小妹🥳緊係黎捧場啦朱古力心太軟😋無令小妹失望朱古力唔係死甜果隻😌係dark chocolate 🍫 外層朱古力蛋糕做得唔厚身但夠軟綿😉足夠包滿哂朱古力流心😆切開中間🤩流心洶湧出黎好幸福喔🥰另有紫薯心太軟下次試埋先🤓

星期六晚二人差唔多十點。靚裝修，光猛乾淨👍🏻成個場得一個阿姐serve，比較忙。但小店經營，撐！💪🏻伯爵茶燉蛋賣晒。朋友叫咗法式燉蛋，最後一個。佢平時鍾意食燉蛋，話呢個好味，比起平時果啲蛋味濃，無咁漏，又唔太甜，佢好鍾意！🥰梳乎厘要四點到七點，好失望。我叫個朱古力窩夫！第一啖食落去就覺得窩夫質地鬆軟朱古力味濃，好新鮮，好好食！🤤食得出呢間野用料好，整得好食有用心！🎉好多枱食即整木桶豆腐花同oreo雪花冰，下次一定要試！呢度仲有好多外藉人幫襯同叫外賣fxxdpxnda.小店應該無賣廣告，未係好出名未係好多人。但真係唔錯，一定會再去！😍

終於入到堅尼地搵食😋 呢間甜品鋪有個好正嘅打卡位 張相碌到最後就睇到啦📸.#朱古力梳乎厘班戟 $68食梳乎厘呢個價錢好平🤑 班戟上枱軟淋淋 好香濃既蛋味🥚 唔知係咪因為落得太多雞蛋 口感有小小似好淋嘅海綿蛋糕🍰驚喜位係豆乳吉士醬🤭 白色似蛋白嗰個 同班戟都幾夾 多咗濕潤嘅感覺 食落唔會太乾.#紫薯窩夫 $67熱辣辣嘅窩夫 即叫即整👍🏻 窩夫配雲呢拿雪糕球窩夫切開裏面有紫薯餡 食落多咗層真實嘅紫薯蓉感覺🍠🥳紫薯窩夫外脆內軟😋 不過要盡快食 如果唔係好快淋.#熱玫瑰洛神花草莓花茶 $32呢杯花茶嘅份量係兩個人 👯‍♀️啱晒打卡啊玫瑰花味道好濃郁 有甜甜地嘅草莓味 想健康啲可以叫花茶share😏

路經堅尼地城，眼睛停留在半糖主義的招牌上，有格調，白色做主軸，簡單又稱心，腳步已不由自主地走入店舖裡，好舒服，店員的服務又好貼心！點了以下甜品:1.紫薯窩夫: 立體企身的窩夫，3D感濃，再加上紫薯球，甜而不漏，好清香，近看，就是一件藝術品！So Yummy!2. 即撞木桶豆腐花: 夠一人吃，可能我大吃，豆腐好有豆腐味！很清甜，吃出有自磨感！3.伯爵茶燉蛋: 蛋出奇地有蛋味，好滋味！伯爵茶引出燉蛋的鮮味，85分！4.凍菠蘿荔枝苿莉花茶: 有我最喜的奇異果及菠蘿，口感超像花茶，飲下去，口中散發出茱莉的清幽味！人像置身於花海中遊，沐浴有花芯隨伴著般！不錯之選擇，我決定下次生日晚飯後再來，來一個圓滿之結果！