南亞冰室

營業中

休息中

廿八蚊海南雞飯重點不是價錢而是味道有雞油飯,烚菜,海南雞飯好乾, 半點雞油味都沒有 =_=".....烚菜只有2條仔伴下碟,影響晒成set 飯餐海南雞, "旱"點來說,完全冇雞味, 又多雞油.....薑蓉都冇味,但好多油,辣醬又唔夠味喎唔好意思喇,完全冇一樣讚...... 不值得吃

想點排餐配沙律,點知無沙律...唯有要個咖哩啦...咖哩魚飯-咖哩很港或,不過香料味欠奉.少少油.如果看不見,完全估不到吃的是什麼一回事,魚是煎過的,不太鞋口,脆漿可以見到.薯仔4舊.飯很乾身...湯淡如水,很熱...有豬骨及老黃瓜皮.

第二次來旺角熟食中心吃晚餐,今次揀南亞冰室一試!其實開工吃飯都唔會要求太高,快,就腳,經濟已OK!焗豬排飯+凍O茶($24)..............抵焗豬排飯.........豬排本身已碎上(OK)+.炒飯底(即炒,蛋多兼夠乾身).......總括.....這個價錢及味道巳經不錯!!!

去左南亞隔離間唔知咩萊咁上下食飯…呢間野真係好多人幫襯,見到咁多人食佢既蒸送飯,我都要試試睇下點解咁大吸引力…尋晚叫左一個三號餐,即係土魷蒸肉餅飯,只係$22,仲有成一碟菜送,唔怪得咁多人食佢啦!一大碗飯用個不锈鋼碗裝,保持熱辣辣,又幾有心思,飯既份量仲唔少,食時每啖都好溫暖好香軟,唔錯!不過最好係個送,用蒸肉餅既汁撈飯,好好味,而且佢整得唔油膩,會令人愈食愈多飯,食食下就會食晒!土魷蒸肉餅都幾清,肉唔算多唔算大件,但一定夠食,啖啖肉而少筋,質素算係唔錯!更好係碟菜心都幾多,估唔到一個餐包埋菜都可以有成碟滿既份量,夠健康夠balanced。原來呢度加多$5就可以要個中式燉湯,係燉湯唔係例湯喎,都抵架!可惜我唔好中湯,無要到。試過之後,明白原來佢咁多客,都係合理既。

一個海南雞飯,$26,期望真係唔好太高--呢種態度係正確既!只要本住咁既心態幫襯,其實又唔太差,一碟雞,幾件唔太多,算嫩口同埋多肉,唔會肥膏,我覺得係呢度食野,已經係唔錯!醬汁有兩種,一種辣,我唔好,另一種係薑蓉咁,但係比較油,味道普通過得去,唔差果隻。飯方面,大家唔好有太大期望,係無乜香味,唔似雞油飯果種,但係又唔係白飯喎,都ok啦!可以食得飽既!但係有飲品,無湯咯!以$26計,真係食得過架!

同老老來這裡吃。本來想找四季意粉的。但來遲了，原來已經結業了。同場仍有很多選擇，價錢也是很經濟的。要$25-$30搞掂一餐的，這裡有很多選擇。我要了焗肉醬意，老老要了雲耳蒸雞飯。兩個都幾有水準。經常行過這裡，都是第一次幫襯這個熟食市場，印象不錯。星期一的晚上也頗為熱鬧。

23-11-07 Fri 晚之前唔覺有呢間野應該係新開海南雞飯$26 唔駛加錢有凍菜蜜食左兩舊海南雞, 見到其餘幾舊有d 紅拎去換個小姐好有善換過隻脾俾我雞肉算嫩滑, 份量就一般大大碗油飯仲加埋幾條油菜野飲又夠大杯