南亞1964 (已結業)

好友生日, 帶佢嚟南亞食克戟當蛋糕慶祝馬來大餐$138阿參乜係一碗酸酸, 似羅宋湯的物體, 味道不錯 前菜唔知叫乜名, 有蝦仁, 蕃茄, 青瓜, 加沙爹醬, 暖暖的, 好香花生味, 正~ 主菜係咖喱牛腩飯, 二件牛腩, 一件薯仔, 好好味 雞胸肉串燒就差d, 好乾好鞋, 加上好多沙爹醬一齊食, 才可以入口克戟$55好大件, 又厚身, 味道一般, 冇特別, 都係新鮮感撘夠, 每人食左四分一已好飽, 另外半個要打包 送左二大杯紅豆冰比我地 壽星好喜歡, 紅豆夠淋, 唔過甜 結賬時, 同南亞職員傾左二句, 因為生意唔好, 呢二日就結業~

這天韓國友人約了我跟她兩個best friend食飯.我地一行四人去了南亞. 午飯時份,約坐了三分一,四個女子,食得少,要了2 個set,再加疏菜,剛剛好. 加多加多: 有幾種菜椰菜,雞蛋,芽菜,蝦片,青瓜,菜好新鮮,但個花生醬汁實在勁甜... 鮑魚菇: 加$1,好底好大隻. d味道勁似鮑魚,好有咬口,好好味. 日式鰻魚炒飯: 炒得幾多油,d燒汁入晒d飯,味道不過不失. 鐵板日式海鮮炒烏冬: 都係好多油,又係師博入晒烏冬,好入味. 海鮮同鰻魚,食過無咩印象. set重包咗茄蛋沙律頭盤同湯,都係普普通通. 幸好這裏的碟頭幾大,可以share,如果一個人要成百伩,你來試下值唔值.

記得上次寫呢間餐廳的食評已經差不多一年前, 一年後再次幫襯, 比多次機會佢, 睇下會唔會有進步!!??平日晚上8時多來到, 餐廳無咩人, 好多座位任君選擇, 記得上次食過麻麻地的海南雞飯同港式炒貴习後勁失望, 今次試下是日晚餐的海鮮喇沙($75), 包柚子蜜一杯, 尚有其他80幾蚊的晚餐可供選擇, 但最奇怪的係只有海鮮喇沙的晚報餐係唔送餐湯同麵包, 我唔係貪心, 只不過唔知點解咁小家同寒酸????????講番個海鮮喇沙, 色水像咖哩湯底咁黃, 心裡已涼了一截, 看來係黃薑粉下多了吧!!?? 佢有濃濃的椰香, 似係新加坡椰味重的派系, 但食落去則無咩味道, 香茅味同辣味亦不足, 仲要唔知點解有好多椰絲, 配上雪藏魚, 蝦等海鮮, 在香港食的喇沙沒有螄蚶亦不奇怪, 因為始終保持新鮮螄蚶係要好多工夫, 但連平宜的配料豆腐卜都無, 就真係唔知佢地想點?? 完全係水準以下的食品 !! 下次咪搞我啦!!埋單連加一$82.5, 價錢唔平, 只少以咁的價錢會食到好d的喇沙, 不過服務尚算幾好, 見佢地晚市做緊推廣, 食滿$150可以加$1送紅燒bb鴒, 食滿$200送紅豆冰, 而且可以同時享用, 但係

母親節再來南亞，今次應可試下海南雞飯可能係因為母親節，我問個侍應拿個餐牌都話無，得番指定1人、4人同6人set，4人set完全唔吸引，我們4人叫左3個set包括咖哩牛腩、炒貴刁、海南雞飯同叫多份4色串燒。咖哩牛腩同炒貴刁唔多講，之前寫過，今次寫下海南雞飯同串燒呢到o既海南雞飯水準唔錯，今日真係好雞搵到有雞味o既海南雞了，有點喜出望外，拌雞的有蒜頭辣椒醬同蔥油，蒜頭辣椒醬唔多夠辣偏酸，老豆話少左四季桔，呢碟醬點都唔會好.....順帶一提，南亞由以前開業至今都係無"黑醬油"，黑醬油係新加坡至有(蔡瀾先生都有講過)，阿蘇介紹果隻黑醬油都係新加坡野，南亞係海南人開，海南同星馬食物雖算同宗，但當中係有差異的，有時唔一定改變先係好，所以子弟建議如果單係為黑醬油而叫海南雞飯的食家請先了解入左邊到食野以免失望海南雞飯O既另一靈魂 -- 油飯，呢到O既油飯同以前都係咁與眾不同，正宗油飯做法講究，一定要用糯米同粘米溝，比例要適當，煲飯之前一定要炒，除左雞油仲要落蒜頭先夠香，臨煲好仲要加芫茜焗一陣先完成，當中技巧我估依家都無乜人完全掌握，老師父果套做法係好費時費功夫，今日就算識都未必有食店願意做，雖然老豆話

失望的招牌菜-海南雞飯今日中午路過此地，看見他們的招牌菜是海南雞飯-一樣是我好喜歡的食品，便用了$65(仲要加一)試一試。結果失望而回。雞沒有味，賣相又不好看，飯又硬。如果要食海南雞飯，不要到這裡。埋單想不給貼士，但我都未取完D錢，個待應便馬上走人，好以有貼士是應該，結果用使了$73食了個不好食的Lunch。

難得星期5有假期，同父母一齊o黎呢到算新開的南亞食野南亞對我來說是一家很特別很有意義的餐廳，因為南亞係一家同鄉所開的餐廳，亦是袓父家父工作過的地方，孩童時父親工作辛勞，餐廳工作很晚才回家，因工作地關係，父親經常在假日帶我們到南亞或帶美食回家，兒時大部分對父親的記憶充斥南亞美食，雞飯、咖哩、牛利燴意粉.....等等數之不盡的美食都嘗試到，可能因此令我咁為食南亞休業，當中的典故實在不便多談，難得今天的南亞1964，係家父"同事"後人所開，挾舊"南亞"之名，希望不會令我們失望點了下午茶laksa，咖哩牛腩同炒貴刁3樣先上laksa，碟頭幾細，料唔多，但laksa湯富有濃香椰味亦好滑輪到重要菜式，咖哩夠濃味，父親食到以前的味道，牛腩又炆得夠淋，伴飯至佳之選！呢到o既炒貴刁，據說是阿so推介是全港最好味，食得出呢到與別不同之處佢都叫利害，我諗依家都無乜人知道or食過正宗炒貴刁，無法啦，週街都有得食炒貴刁，到到都求其將河粉义燒火腿蛋絲蔥加d黃薑粉or咖哩粉炒埋一碟就叫炒貴刁，食下食下，就好似蔡澖先生咁講，"啱自己食就係正宗啦".........呢碟炒貴刁，我敢肯定係用過真功夫先做到o既炒粉，好食！

琴晚同女友來試下呢間店係唔係傳說中o廿好食,我地就叫o左馬來大餐,海南雞飯,克戟,佢仲送埋紅豆冰,佢d分量都幾多,兩個人食一個餐都夠啦,好啦!講下d野食先,首先,馬來o架喱點會o廿酸,真係有d離譜,亞參,參乜同o架喱雞飯都係酸o既,why?尤其係亞參,真係太酸啦!佢d串燒唔錯,好香花生同沙爹味,係馬來大餐裡面最好食o既一道菜.海南雞飯真係幾好食,尤其係雞油d飯,好香,d雞都幾有雞味同幾滑,唔錯!佢唯一o既缺點就係冇黑鼓油,不過算啦!佢個克戟真係好好食,雖然我地兩個食到好飽,但一食第一啖就好似唔色停o廿,佢好大個,我地都只係食剩少少,一定要試!個紅豆冰都可以試,不過真係好大杯,一定要兩個人先可以食得曬,都唔錯!佢d價錢都算貴,真係食個名,d o架喱真係正宗咩,我真係唔覺,好多茶餐廳d o架喱都好食同正宗過佢,不過d野真係好大碟就真,希望味道方面可以改改啦!

看到亞蘇的廣告說南亞的炒貴习可能係香港最好的炒貴习, 所以昨天就去試試看, 但一試之下, 真的大失所望, 以下是我所吃的東西.1. 海南雞飯好老實, 啲海南雞真係又凍又硬. 加上食星馬海南雞飯竟然冇黑豉油, 都唔知係我唔識嘢定係佢地根本唔係南亞食品.2. 炒貴习炒貴习都OK, 但只係不過不失, 唔可以話好好食.3. HotCake可以話在三種食品中係最好食, 不過要成$55一個HotCake, 如果唔好食就真係死得.

點了個（焗椰汁雞飯）份量大，吃唔哂，雞好（鞋），椰汁好好味，精華所在，食多幾碗 都得。（焗茄汁牛利飯） 份量大，又係吃唔哂，牛利好，番茄都多，汁就杰了些。 收得咁貴，果然俾足份量，侍應有禮，但對貴餐廳的食物不太了解。 環境不嘈，坐得舒服。

係呀，我又扮孝順女同媽媽吃飯，十月一日吃個午餐；本來想去飲茶，但鴻星多人到嘔。所以我們就來了新開張 (我地未試過就算新架啦！) 的南亞來吃。本來沒打算試的，以為是中染那間普通野；但聽聞是cwb那間的分店，就不可不試了。因為cwb那間南亞，吃過一次他們的串燒，一試難忘。是日不吃串燒，吃了海南雞飯和GadogadoGadogado - 我們之前都未吃過，是一個暖的沙律，有椰菜洋蔥和甘荀絲，加埋鮮蝦，酸酸甜甜，幾開胃 -- 鮮蝦真係鮮的，不是用雪藏蝦，抵讚。海南雞飯就一般啦 -- 不過按現在香港的餘下的餐廳計，又算係咁；雞都算滑，幾好味，似我在KP街頭吃的；但沒有濃豉油就差d了。飯，有雞油香，但不夠；也許主因是用的米差，吸不了雞油的香味所致。南亞在cwb都要等位，但在荃灣，lunch hour都只有三份一 -- 我沒有"菜式對菜式"的仔細比較，不曉得有否分別，但觀其製作用心程度，我想不會差太遠；畢竟南亞在cwb，算一間價錢合理的餐廳；但在荃灣，就算不便宜了；香港人嗜星馬菜者不算多，試問有誰會肯花一個"不便宜"的價錢，去吃一些還未算上佳的星馬菜呢？南亞雖然菜式是花心機做的，但想繼續在荃灣生存，

星期六行開愉景新正傷腦筋搵食時，望到間裝修唔差既餐廳咪走入去試吓囉！星期六都有下午茶餐幾好，但價錢就一般啦，約廿幾至三十幾。我哋叫咗個瑞士雞翼薯角(跟茶或咖啡$2X)，同埋香茅豬扒湯檬(跟茶或咖啡$3x)，加一服務費全單$6X，計埋環境及service，可以接受既！個豬扒唔乾，金黃色好靚，又唔會太鹹不過就油咗少少，啲檬粉唔會淋到爛晒，味淡淡哋，唔晒落任何調味料，無乜味精食完唔會好口喝！瑞士雞翼個waiter話即叫即浸所以要等耐少少，嚟到個樣好靚，隻雞翼脹卜卜，好滑好入味，啲薯角唔似炸過似焗，但係就好淡味，要落鹽或落茄汁！唔好諗住跟餐奶茶會差，茶味十足，就算啲冰溶晒都依然茶味十足呀！

14/8/2008提前一天吃生日飯，來了新開的南亞餐廳…… (其實也不太新，只是未有試過……)媽媽要了魚柳餐，她說魚柳很普通，我吃了一口，也不覺得特別出色。以這個價錢來說，魚柳餐偏貴。我要了豬扒加炸蠔餐，炸蠔只有一隻，味道不錯。而豬扒味道中規中矩，不算出色。餐跟意粉，味道一般，有點兒太淋的感覺。以這樣的價錢，應該有更好的選擇。

行開愉景新城, 見到開左間亞蘇推介的南亞1964 分店(總店在銅鑼灣), 於是一行3人就入去搵位坐低試下, 星期六下午2點幾唔係好多人, 大概有三份一滿, 環境一般, 似一間高級茶餐廳啦 , 但就唔係茶餐廳價錢, d set lunch一般$70-100, 都唔平喎!! 唔掛得咁少人我地見 set lunch唔啱食, 就散叫左海南雞飯($65), 炒貴习($55), 豬肉串燒($60), 克戟($55), 同2杯紅豆冰($25x2)海南雞有雞味而且幾滑, 但得雞翼同d背脊位(因雞比要加$5), 無咩肉食, 好似比人呃咁, 油飯都幾香, 有少量香茅味道, 有水準, 可惜無d好的雞肉配呢碗香飯 ,湯就係普通例湯, 可以不理炒貴习食落真係好失望, 佢只不過係一碟普通的茶餐廳港式炒貴刁, 原全無東南亞風味, 無用黑豉油炒, 唔夠辣, 不值一提豬肉串燒有半打, 燒得比較乾, 同埋d沙嗲醬唔知點解有d酸味, 怪怪的竟然克戟有d水準, 係即叫即整, 等左大約15分鐘後熱辣辣送到, 克戟都幾厚身, 份量十足, 而且上面鋪左一大pat牛油, 加上糖漿, 都幾鬆軟味香, 但多食會膩呢度的紅豆冰係用碗上的(

今晚專登黎試下....以前既蕉葉好旺場, 今天是星期六, 地方大, 客只有幾張枱, 顯得額外冷清!二人餐一定吃不完, 於是獨立叫了海南雞飯 $65, (骴 + $5), 再叫多個加露加露 (Gadogado), $60! 雞骴唔太滑, 肉唔多, 底下有酸蘿蔔同青瓜, 醬係甜辣 + 薑蓉, 湯係菜乾湯, 油飯無乜雞油味! Gadogado 有點古怪, 熱辣辣上...芽菜, 紅蘿蔔..都有幾多, 熟蛋兩隻, 蝦片腍既, 我當它是一碟炒菜多過前菜! 最出名既甜品, pancake, 太大件, 吃不下了, 但如果要甜品, 我會選擇火焰雪山!

最初以為是在中染新城的南亞搬過來，或是其分店，但看真一點兩間餐廳的商標是不同的。試了炒貴刁，克戟、菠蘿冰和火焰雪山，皆不俗，尤其以克戟最有特色，記得要用义拮些小孔，讓牛油滲入其中，味道更佳。