南園餐廳

營業中

休息中

之前有朋友係附近的學校度做,,,去搵佢的時候,,佢帶我去食呢間係街市樓上的食肆。起初感覺佢好似唔多乾淨,,亦對佢冇咩期望。之後我地一坐底,d伙計好快手咁招呼我地,,又同我地吹下水...幾nice!!我叫左個「肉丁炒飯」!!好有鑊氣,,雖然睇落油好似多左d,,,但真係幾驚訝!!好食!!!即叫即炒,,,少少辣,,,好大碟飯,,,好多肉丁,,,!!!事關我食過出面有地方炒得總係有d鹹!!!今次真係幾滿意!!!!最後埋單20蚊有找0口0如果係個頭返工返學真係要去食下。(我個日都見到全場中學生^^)

前幾日去完樂園，結果極之失望，但就勾起我一d回憶，一個格局同樂園差不多既地方，同樣係市政街市熟食中心，觀塘的南園。中學時期係附近讀書，果陣十五蚊一個餐，算係幾抵食所以都經常黎，雖然呢度附近我都經常黎但就好似好耐無再係度食過野，諗返起對上一次已經係一九九六年，闊別十一年再黎食過，上到去個格局依然無變，價錢方面，以前食開既快餐都只係加o左三蚊，十八蚊就有飯有湯仲有飯品，轉凍飲都係加一蚊姐，真係好鬼平。坐低無耐已經諗起以前最鍾意食茄汁豬扒飯，就叫返個，首先黎個羅宋湯，無乜特別，唔夠兩分鐘飯同野飲都到，豬扒飯都係無乜特別，但d飯質素比想像中好，仲有火腿同春卷。仲有樣野本來我已經唔記得，就係d伙記十一年前已經可以一次拎六碟飯仲可以高速行黎行去左串右插，估唔倒十一年後既今日佢地依然做倒。講到好似無乜野咁，事實雖然係，但如果同上次樂園比，呢度真係每一樣野都勝過佢，仲要好明顯果隻。

原本行上黎搵早餐食, 醒起有場未交費, 就順路上樓交埋, 又順路係熟食中心睇下有咩野食, 其實大致上都估到, 不過除左港式茶餐外, 就只有盅飯點心, 我緊係揀食茶餐, 因為只有呢檔係有冷氣供應。 基本早餐有煎雙蛋方包, 火腿通, 奶茶當然無走雞, 雙蛋唔細隻又煎得幾香口, 通粉份量唔少, 粉質係一咬即斷, 不過個人較愛有煙韌o既口感, 而奶茶就夠熨口, 唔濃唔太鞋, 不過不失。