南大門

營業中

休息中

今次專登入南大門食海鮮，去到坐9號枱有位英姐話今晚我負責招呼你哋。因為自己拎咗兩支酒。一支係香檳，另一支係紅酒。英姐好快就準備好decanter。招呼非常好。一行四人，食咗加拿大象拔蚌刺身、阿拉斯加長腳蟹(兩食蟹身蟹蓋芝士焗伊麵底、蟹腳清蒸)、椒鹽瀨尿蝦、豉椒炒蟶子，再加個椒鹽鮮魷。飲飽食醉回味無窮。啲海鮮全部都做得好好，絕對冇投訴。現場環境舒適，海景也相當靚，值得一再光臨的餐廳。整個用餐體驗也相當好。

為慶祝結婚週年，一於去食餐勁嘅😋喺openrice見南大門有幾高評價，就決定黎試一試.之前去美和揀海鮮，老闆娘張太為我哋推介今日又靚又抵食嘅海鮮.揀定海鮮就可以入坐，一邊飲啤酒食花生，一邊期待著美味海鮮上枱.1. 象拔蚌刺身 - 加拿大的，非常鮮甜.2. 豉椒炒蟶子皇2隻+煎米粉底+$50 - 同出面啲煎米粉不同，呢度比較似炸米通😅3. 鹽焗奄仔蟹2隻 - 大約1斤半，好味又多膏.4. 菲律賓龍蝦 - 用上湯焗再加炒飯底 +$50 - 兩斤幾，非常大隻😱買海鮮用咗$1750，因為自己太貪心，最後當然食唔曬. 唯有打包聽日做晚餐😋😋😋

第一次黎鯉魚門食海鮮聽朋友介紹話南大門烹調得好食所以就預約黎食係附近既海鮮檔美和叫了幾款海鮮，奄仔蟹、龍蝦、瀨尿蝦、蟶子、貴妃蚌煮法如圖😆真係好好食啊蟶子好厚肉炒米粉底又夠脆龍蝦炒飯底第一次食 覺得好食過用伊麵底椒鹽瀨尿蝦同蒜蓉粉絲蒸貴妃蚌都係水準之作油鹽焗奄仔蟹都唔錯估唔到食完仲有糖水同水果送同出面既唔同係南瓜西米露、木瓜、芒果🥭加工都係$150款真係好滿足仲有店員既服務都好好而且今晚都多人食真係冇介紹錯啊

因為要幫公司客人book餐廳，所以打電話去問菜單，聽電話個男人都已惡劣的態度 唔好老脾好態度問佢「想幾月幾日食晚飯,幾多位,想拎菜單」佢問我預幾錢 我講左5-600佢話做唔到要至少800 ok fine無問題之後佢問我想坐兩張枱定三張枱我答咗佢坐鬆啲三張枱佢就再答我講其實兩張枱都坐得落咁ok la 2張枱吧佢就再講可間房，我唔清楚間房會唔會價錢會貴左..當然要問清楚，問佢「有房同冇房有咩分別？」佢答我「有房同冇房嘅分別🙄」之後佢叫我留資料 都明呢個都正常但寫菜單果日又無返我都已講無問題 第二日比我都得但我講話想睇左菜單先留房之後佢其差既態度回覆：「要留房先 無菜單寫到比你 唔係咁樣做 唔係即時寫到菜單比你 」打電話問佢拎菜單 都可以咁差態度既時候，點解仲要比錢買難受？個個北上消費是有原因

每次黎鯉魚門都直接揀南大門琵琶蝦上湯煎米粉底： 每次必點，每次都無失望，米粉底煎得脆，上湯煮法最好蟶子扇貝火候控制得剛剛好蝴蝶蚌簡簡單單白灼加辣椒豉油食倒食材本身鮮味，超級甜

在南大門海鮮餐廳享用了難忘的海鮮大餐，真是一次味蕾的盛宴！貼心服務，多謝英姐貼身照顧！首先，菲律賓龍蝦的鮮嫩肉質讓我驚艷，搭配特製薑炒飯，香氣撲鼻，口感滑順，令人難以忘懷。接下來是聖子，這道菜的口感非常獨特，外脆內嫩，搭配清新的豉椒汁，讓人感受到海洋的清新。野生星班的肉質更是鮮美，經過簡單的清蒸，保留了魚的原汁原味。油泡奄仔更是讓我愛不釋口，讓人一試成主顧。整體來說，這家餐廳不僅食材新鮮，服務也非常周到，讓我期待下次再來品嚐。強烈推薦給所有海鮮愛好者，這裡絕對值得一試！

重陽節長週末假期沒有外遊，留港消費。昨天傍晚和太太到鯉魚門散步，欣賞日落海景。跟著一如以往到美和選購海鮮並在南大門加工，南大門安排我們二人坐在靠近窗邊位置，可以一邊近距離欣賞無敵海景一邊品嘗美味的海鮮。南大門清潔優雅的環境，色香味形俱佳的海鮮烹調，員工細心親切的服務及明碼實價合理的收費，多年來不論只是自己和太太二人到訪鯉魚門，一班好友聚餐或招待由遠方到香港的朋友，南大門從來沒有令我們失望，亦是我們首選用膳的地點之一。我和太太昨晚都享受了一餐開心滿足美味的晚飯。

第十次黎南大門食晚飯今次坐9號枱英姐真係好貼心介紹海鮮點樣加工最好，同埋最平晚食法一定係係出面買海鮮入黎，鯉魚門啲海鮮比較貴，但質素一定好👍🏻個人覺得，豉椒炒蟶子再加米底 屈哂機蒜蓉粉絲蒸貴妃蚌，火候控制得啱啱好元貝都好鮮甜酥炸桶蠔😋最愛茄汁炒大蝦我覺得豉油王更加好味椒鹽鮑魚😋要煮到啲鮑魚啱啱好真係好講師傅功力最後壓軸出場，黃皮老虎值得下次再黎

昨晚我們到此鯉魚門南大門海鮮酒家吃飯，食物沒有問題，主要問題是侍應的服務：她在我正在咬著食物（椒鹽瀨尿蝦）進食時替我換新碟，沒有問過我便把我的舊碟連一些未吃完的椒鹽瀨尿蝦很快取走及扔掉在收集盤內，我即時叫她拿回來但已經來不及，更差的是她連一句道歉的說話都沒有，好像我的食物被拿掉是我的錯似的而不是她的錯！後來更沒有問過我便把我的兩對筷子都取走使我沒有筷子用。我沒有發脾氣，只是覺得很委屈。我在這𥚃只想說出我的感受，及覺得這樣的服務使我覺得很失望，我不是第一次在這間酒家吃晚飯，但這次的負面經驗令我很不開心，令我不想再去幫襯這間食肆。

海鮮加工最驚被「搵笨」，呢間算係明碼實價，按人頭收費😉海鮮烹調方法自己決定，唔識嘅話員工都會比啲意見，水準都唔錯😜仲可以對住海景食飯(靠窗位置人頭費貴$20)，坐得舒服，唔會好似街市樓上咁嘈雜又唔企理🤓想食得精明啲仲可以自己買埋海鮮，當日就去咗大成街街市買，聽聞係海鮮集中地價錢又合理，都係一個唔錯嘅活動😂

今次自己帶海鮮去加工,廚師煮理得好好👍🏻👍🏻味道適中好好味,慶祝同學仔生日,坐21號房間,夠寬敞坐得舒服,靚海景主任”東東”招呼周到員工態度又好好值得一讚

以往通常嚟食lunch, 日頭嚟可以欣賞海邊美景。今晚嚟食dinner, 早嚟到可以欣賞完黃昏美景先開餐。水準一如以往咁好水準，上湯龍蝦伊麵底，伊麵吸左啲龍蝦汁好好味！第一次食嘅薑葱蠔煲仔上，蠔做到外脆內軟，個煲未到已聞到啲香味漂過嚟，下次可以encore！豉椒炒聖子，炒得啱啱好, 脆甜！油鹽焗奄仔，咸香味滲入蟹度，好滋味！員工好細心，特別係娟姐熱情招待，仲可以安排啲餸差不多食完先上下一道，所以可以熱辣辣咁食👍🏼👍🏼👍🏼

After having had so many disappointing meals at the ever so touristy restaurants in Sai Kung and Sam Shing Estate, this has been our family and friends go-to for a proper seafood fix. Being a seafood fanatic myself, I agree with some of the previous commentaries that this is arguably one of the best seafood restaurants in Hong Kong in terms of execution (加工）This time we ordered botan shrimp, lobster, mantis shrimps and mud crabs for sharing.The botan shrimp body were sashimied and the shrimp hea

暫時係，我認為加工最好的⭐️⭐️⭐️⭐️⭐️職員服務又好，地方乾淨，仲要每食完一道餸就幫手換過隻碟😉服務好好「英姐」蒜蓉粉絲蒸北寄貝👍🏻溫度岩岩咬落去彈牙，又夠熱，海鮮既甜味出哂黎陳皮南非鮑魚⭐️⭐️⭐️⭐️⭐️師傅功力好勁個鮑魚要好食個火要控制得好好，完全係爆星，又唔實，個咬感屈哂機呢個元貝都好掂，鮮甜豉椒炒蟶子⭐️⭐️⭐️⭐️⭐️上湯琵琶蝦煎米底真係屈哂機，黎親都要必叫😋反而蠔，今次買大左個size ，下次買番台灣蠔食岩好啲，細細隻🤣不過都係好掂蒸燕子班😋海魚真係屈哂機，食落都唔同啲，又滑又嫩油焗膏蟹😋都係頂瓜瓜👍🏻👍🏻

之前黎食已經係疫情前既事可能都會見到我之前既食評有擔心佢會唔會執左，好彩無事，就即刻安排阿媽生日過黎食！ 我地成家人都鍾意食海鮮嘅， 老友就介紹我地去鯉魚門南大門度，話包我地滿意，果然有驚喜！。入去我地book到18號房，係啊英姐負責招呼我地， 侍應服務幾nice。 最震驚仍然係個海景！好耐無係咁既環境下食飯，望住靚景嘆海鮮，兩老都非常滿意👍。 我地跟以前嘅食法點左幾道餸，魚蝦蟹扇貝，仲送左個幾鮮甜嘅魚湯。 其中有幾道係好好味，要點評一下：1️⃣油焗奄仔蟹蟹非常之多膏， 好耐未試過食咁多膏嘅奄仔。 佢地火候控制得非常好， 入口油香加蟹膏嘅鮮甜係口入面爆炸出黎， 成家人都食到lam lam脷😋2️⃣蒜蓉粉絲蒸扇貝入口爽嫩彈牙，層次豐富，扇貝肉鮮甜細嫩，粉絲混合湯汁和蒜蓉，口感爽滑勁道很過癮👍3️⃣椒鹽瀨尿蝦瀨尿蝦大得好誇張，bb手臂咁大。蝦殼焦脆鹹香，一啖咬落去，蝦肉鮮甜彈牙，調味嘅炸蒜都係非常無敵，好味到停唔到口。成餐我地全家人都好滿意， 最後大家飲飽食醉，下次一定會再黎