南山谷韓國居食屋 (已結業)

24號適逢小弟與太太興祝相識6週年,突登上黎睇完食評先去試下...7點幾到達都唔駛等位,坐低後好快就有侍應俾兩杯茶同兩小碟前菜,既是前菜,細碟亦無妨,泡菜亦夠辣點了五樣野1)炆牛肋骨2)人參雞湯3)酸辣雞翼4)燒牛舌5)溫泉蛋雞肉石頭飯侍應主動話燒牛舌同石頭飯同我稍後黎,可能佢覺得我地兩個人叫得都算多,一次過隊哂黎一來無位擺二來可能會攤凍,所以我無異議就話ok先來炆牛肋骨,雖然碗仔細細,但入面都起碼有7-8舊肉,汁唔多,但勝在很入味,太太都大讚,我覺得亦不錯,汁有點似鎮江醋之後係人參雞湯,有半隻雞仔,湯味不太有人參味,我覺得似飲普通雞湯多o的,但甚至連雞味亦不夠,呢個有點失望酸辣雞翼有六件重點在醬汁,不過我覺得又好似一般,但都幾辣,可惜雞肉有點"鞋",呢味普通食完傾左陣傾等左陣都未見有其餘兩味上,就吹下侍應,之後再等多一兩個字先到,呢度令我有少少覺得好似被忽視左咁,個侍應o既安排好似無左咁...不過慶幸另一個跟單另侍應態度親切又有笑容,都無咁嬲可以中和下燒牛舌都唔錯,算幾大兜,可能我地都食得有少少飽飽地o既感覺啦,不過我唔建議大家叫牛舌又叫牛肋骨,因為o的味道都幾似最後係石頭飯,個窩都

本人於7月20日晚上8時左右與友人到尖沙咀南山谷晚膳，二人被安排入座客房，同房大約有6檯，全為兩位，剛巧所有客人都點了石頭飯，而我與友人是房中最早落單的。當晚二人一共點了3個菜，當中兩個菜很快便上檯，唯獨石頭飯遲遲未來。其間侍應錯誤地向鄰座的客人共上了三次石頭飯，每次我們均向侍應表示二人點的飯未到，本人一直等了40分鐘，最後只好向經理要求取消order並結賬，經理亦欣然接受。正當我倆準備結賬離開之制，侍應放下石頭飯不發一言離開，此時經理行過表示食物已弄好，示意不可退回，並轉身離開，隨即更有侍應拿著收據問是否要結賬。本人有感該食店完全不尊重客人的感受及要求，有被迫吃下該石頭飯之感，而且全程沒有人向我倆道歉，另本人極之不滿。

星期六行過新城市廣場, 周圍都好FULL, 行上幾層, 搵到南山谷, 見唔駛等位, 咪試下.食set lunch, $45-70 左右.我們兩人叫了一個韓式石頭飯餐, 一個燒豬肉餐.有前菜, 飲品和一粒雪米糍做甜品要加一味道唔錯, 唔算好貴.

前菜: 泡菜夠辣，脆玉瓜都ok石頭飯味道普通，但飯焦香脆可口。是否值得食? 會有更好的選擇。(加一)相片http://photos.yahoo.com/eatgdfd

早兩日行完街尹嘢食，見餐牌的價錢不算貴(相片看不出份量及比正宗平)點知第一碟己失望，刺身拼盆份量太少，只不過有幾款汁。生牛肉卷牛肉有点像筋。石頭鈑飯太濕、冇味。價錢應算中上，味道比正宗有一定距離(香港正宗韓國菜館，不嬲都是用平價食材，但味道有層次，不容易抄襲)我覺得不當它是韓國菜館，當它是行完街尹地方坐吓、傾吓計、食吓小食，都o.k.啦

忍唔到看人家的食評走去試試原來和大家所說部分一樣石頭飯夠熱(唔熱又點食呢?)燒牛片和燒牛利唔錯(一定唔錯,跟本無得錯)其它就不太像樣魚生唔得(唔生鮮)韓食唔得(又假又唔正中)特色食品又少(其實係無)menu四頁完(連大圖)泡菜就最大問題去其它韓食店最少也四五種泡菜上這裏只得兩種(差到連味都唔夠)問你死味當晚試了不小都東結果一句到尾石頭飯夠熱燒牛片和燒牛利唔錯其它最好不要想太多就是啦

同老公食晚飯,因為我地經常性去沙田,所以好多野都食都暈哂,唯獨呢間未試過,今次就試下.6:30pm去到,只有4-5台客,大把位.不過韓服帶位亞姐就唔多掂,一舊雲咁,面冇表情....個樣似趕客多d~叫左個魚生船,魚生好新鮮,有三文魚,吞拿魚,劍魚腩,牡丹蝦,帶子...份量夠哂兩個人,牡丹蝦好鮮甜,平時o係香港食魚生,我一定唔會食蝦頭,不過今次我見佢\咁新鮮,我就食左,真係好鮮甜~而且有幾種汁比我地點.隻隻都好得意.仲有叫左雞肉石頭窩飯同韓式雞亦.2樣都唔錯,雞亦有5隻,仲叫左杯鮮果汁,都係好鮮.2個人食真係夠哂飽.總結: 除面無表情既帶位亞姐之外,食物好好~會再幫襯既~

噚晚9點幾响度食飯,因為見度話食滿250元有戲票送就入去試吓,食物都幾好,服務都唔錯,加茶都幾快,烤牛肋骨幾香口,唔止有戲票送,仲有保齡球贈劵送,抵!!

有晚路經新城市,見倒有間韓國菜,近期韓國菜大熱就走入去試下, 選擇一般,服務都O.K.後來有個女侍應拿住隻碟每檯問,到我將檯先知係生八爪魚,仲系郁緊果隻,不過老婆話驚無試到,188元一隻貴左少少,食物都O.K.!人參雞唔錯,個笑臉係比個Waitress好落力介紹!

早兩日响度食Dinner,炆牛肋骨好好味,雖然個牛肋骨好少汁,炒粉絲O.K.侍應話飲品買一送一,味道唔錯,石頭飯有飯焦,侍應都好快加茶

尋日新城市買完七點幾到啦, 搵地方食, 我同男朋友都係唔好排隊人, 咁就諗住去依間, 我最初以為無咩人係因為佢偏離主要堆食市, 原來唔係...首先, 門口位小姐已經好似著拖鞋咁帶位嫁喇, 街邊檔咩...唉!!跟住坐到埋位, 叫食啦..揭呀揭呀....得幾版咋...仲要相大過主人婆, 有相係好, 但係無食咪一鬼樣死...我地總共嗌4樣:1.魚生沙律- 魚唔新鮮, 腥到無輪, 唔好以為咩魚呀, 三文魚同吞拿魚咁咋, 有一隻雪藏蝦, 仲有雪水咇出嫁, 陰公....2.大蜆面醬湯-完全食唔出同日本面豉湯有咩分別, 八隻蜆有兩隻死嫁...佢地死咪由得佢囉, 仲咪俾條屍我...我又唔係認屍....3.海鮮燒餅-佢令到我知道咩叫面粉, 同埋面粉係咩味, 因為我食唔到有其他味4.烤牛舌-正常少少啦...不過問經理有無生菜包, 佢話要另外俾錢, 心諗碟都係五十零蚊, 碟菜至少收我四十蚊, 計落無so, 所以無嗌wor..之前食尖沙咀間無嫁, 唔知點解依間咁唔長進, 學唔到人地少少(除menu內款式, 因為依個係公司問題)...總之無下次啦.....

本身食物環境價錢都不錯,由其價錢比較其他韓國餐廳抵食,但服務唔多好,由其戴眼鏡的男經理,希望貴餐廳會有所妀善啦......@_@ @_@

上次與友人食過尖沙咀店大家覺得麻麻地唔知點解友人依然訂這裡食飯xx沙律-有三文魚,吞拿魚,味道一般炒牛舌-ok酒煮蜆-蜆較為瘦,酒味亦略淡霜降牛肉陶板燒-生食物上(木台)才煮,但竟然係第一round最遲來的菜味道唔錯韓式煎棒餃子-餡料有煎蛋,粉絲等,幾特別,但味道麻麻韓式麵醬雞翼-雞翼好嫩,麵醬略淡炸軟殼蟹卷-一般正宗石頭鍋-食到飯焦,但味道一般南山谷給本人的感覺食物每樣差一點無一種食物令人有印象

2人叫了4款食物:1. 炆牛肋骨($68):好好味, 必食推介2. 溫泉蛋雞肉石頭飯:好味, 有飯焦, 飯很乾身, 正3. 炸蝦卷k4. 焗清酒煮蜆($48):蜆很細, 份量亦很小, 唔扺食共吃了$300, 不是太飽, 價錢略貴, 但食物質素好

與幾個朋友去沙田小子處竹戰，大戰之前當然要醫飽個肚先。主人家話去新城市既南山谷，我亦冇異議。尖沙咀的哪家南山谷就經常去，但沙田的還是第一次。感覺和尖沙咀的差不多，都係得個幾款套餐選擇，於是大家就要了四個餐share食，分別是豚肉飯、牛肉飯、炒粉絲和石頭飯。order完之後一邊等，一邊傾吓幾日復活節假有咩節目，認真高興。不久，幾個飯都來到，豚肉和牛肉都幾甜，亦夠淋，食到好重既味精味。粉絲就略嫌佢冇咩味，不過口感還可。最後來的石頭飯，一睇就知佢夠晒熱，望落好足料，賣相唔錯。咁多個餐我最鐘意係石頭飯，因為料又夠足，肉絲、紅蘿蔔絲、冬菇絲都有，仲有太陽蛋，非常好送飯。最緊要既係飯又熱又香，加上小小辣，感覺好正。正餐之後有甜品和飲品，又係芒果雪芭，口感好清新。飲品四個都係要凍啡，大家都覺得夠濃，算ok。總體感覺呢間同尖沙咀既一間都係差唔多，算叫中規中矩。