南山谷韓國居食屋 (已結業)

環境幾寬敞....仲有點浪費空間.....服務.... 不過不失....加水幾快.....至於食物.....除左石頭飯同炸人參係叫唔錯....其他....都不太好...我覺得價錢同食物質素...份量有點不乎囉~~~之前有人話似foodcourt既野食.....係囉...就係咁囉.......

上週三係呢到食飯同朋友仔慶祝生日, 之前仲以為呢間係日本餐廳添入到去裝修都好靚, 但服務就參差d, 因為我地三個人坐張四人檯，一坐低就有個女侍應埋來話另一邊多左個人, 要羅走張椅, 我個friend話要來放袋, 但個侍應無理到, 羅走左張椅, 根住我個friend就同另一個侍應講, 結果都係羅走張椅個條侍應黑面地羅返張椅返來。講返d野食，真係幾好食, 雖然預左好多野有用泡菜, 但係佢辣得來, 個味道又ok, 真係幾好味呢!

It was the very first time I visited 南山谷in Shatin and I absolutely loved it.Excellent Food...... Delicious....... Comfortable Seats and Nice Decor.....Outstanding Service...... Freddy who served us last night..... 'Thx'I will definitely come visit again......Connie x

生日o個日黎左呢度食，之所以會黎呢度食，都係因為大長今…同埋睇左呢求的食評，就決定黎試下～。呢隻的筷子係銀造的。叫左都幾多野食～３個人。菜名就唔太記得了。前菜好好味~~~~真係好想要多幾碟~~~不過有人話要錢!!??餃子鍋- d 湯幾好味, 餃子就一般啦, 但就比一般的好味。軟殼蟹野菜卷- d軟殼蟹好好味~~~好脆~~不過要趁熱食!海鮮石頭鍋飯- 好味, 雖然呢個唔辣。但d材料好有益。海鮮煎餅- 好味, 不過更想食辣的o個款。仲有一個...係有d辣的牛肉, 根住用d菜包住黎食的~~都幾ok。今次叫的野多數都唔辣, 因為另外兩位唔食得辣, 所以.......我覺得辣o個d一定會好好味~~~~另外, 我有叫左杯野飲, 係黃加白o個杯(菠蘿、杧果), 幾好飲~~~$28都成日有人加茶~~~~服務幾好~~~(我中途唔小心掉左筷子...有人即刻幫我拾返同換俾我~~)

我來過食2 次.最抵食,和好食是海鮮石頭飯.海鮮煎餅和媽蛋巻都唔錯.有個雞件都唔錯,又幾多,但waiter 話有少少辣,但我覺得好辣.今次d waiter 好好人, 又告訴我地d 飲品半價又大杯, 味道都唔錯,幾speical 約$15 一杯.食完有個waiter 仲問我地要唔要甜品,又問我地覺得d 野點? 幾好.我見到隔離叫左個鍋,但都幾少.

靜係聽個名叫''居食屋''但係食韓國菜既就知佢有幾''正宗''啦呢間野係韓版和民,個人黎講價錢唔算平,服務野食都ok,但係size就真係好細囉!完全同menu入面果d差好遠差dd都接受,不過佢依家咁就有欺騙成分啦!!

六十幾蚊其實唔係好多飯,不過都算ok,其實d料同d飯o係citysuper 個foodcourt都係咁既質素,佢就勝在真係超熱,係熱到好似食緊stonegrill咁,前菜係泡菜,之前有食家又講得o岩係酸左d,不過都唔錯既

最近沙田新城市廣場開了好多新食店，　之前食過印尼餐廳１９６８，　最近又試過南山谷韓國菜，　味道ok,價錢同和民差不多，　食物款式雖然唔係太多，　但有特色，　我兩公婆和個女一齊去食，　叫了個韓國蛋卷，　傳統石頭窩飯，　炒菜及其他食物．　值得一提是石頭窩飯幾好食及份量好大，　大食o既朋友可試試．　不過唔好o既地方，　就是等位太耐，　要成個鐘，　唔知係咪最近沙田新城市廣場開了太多新食店，　所以咁多人．　記住最好６：１５前到達．

4個人叫左1. 凍豆腐(推介) --> my favour!!! 超勁好食2. 刺身沙律--> 太少刺身, 唔夠沙律汁, 和民的刺身沙律好食好多百部3. 炒粉絲--> 唔好食, 無味, 千萬唔好叫!4. 牛肉粉絲鍋--> ok 普普通通, 可能會覺得淡5. 辣豬肉石頭飯--> 勁好食, 夠哂野味又夠熱6. 韓式炸豬肉--> 又係好野味, 個汁好正tim7. 軟殼蟹菜卷--> 好fresh, 幾好味, 再多點沙律醬更好8. 韓式pizza --> 垃圾!!!!!!!!!!! 極難食!!!!!!叫左幾特飲都似藥水, 失望~因為有我最鍾意的凍豆腐,所以我都會再去^o^

早個星期同男友黎開飯. 6:30pm walk-in 即刻有檯.叫了: 辛辣八爪魚撈冷面- 普通;香梨生牛肉- 等..等左成大半個鐘先到. 已經過晒頭盤時段先上. 等左咁耐, 以為好野啦. 點知冇TST 分店做得咁仔細. 香梨絲切得過粗. "一岩一忽" 粗枝大葉之作. 泡菜豚肉飯. 最好味係呢樣. 惹味豚肉+泡菜份量十足. Menu 明顯比TST 分店少; 侍應態度幾好. 加茶都算勤快~

女朋友之前番工o係尖咀食lunch食過南山谷，佢話都ok，見新城市新開南山谷，我又未食過，所以去試下。呢篇野我o係自己個blog copy出黎, 真係忍唔住呢間野先要o係度話比大家知..26/6(sun) 7:15pm去左"南山谷"拿飛，行左半過鐘番來，再等左一陣，門口"光額"男waiter問到我地去吸煙區介唔介意，介意就要再等....好...我等...叫極都未到，再叫又係吸煙區。唔好叫"南山谷"，不如叫"煲煙谷"啦。等到火都起!!!佢叫第二d number 一次我就問佢到我未一次，我覺得佢係忍唔住我係咁煩佢，佢終於拆左一張4人檯比我地...p佢個k...都唔想做生意咁。坐低之後一陣，茶都冇一杯，order 過唔同人2次之後先有杯茶飲。點過菜後不久就上檯，我叫個哥哥仔link兩個碗來，又係冇左回事。今次見到個西裝友係附近，我又出絕招，大聲地:「部長，唔該比2個碗來」今次唔駛廿秒個2碗就來了我地叫左4樣野，埋單有6樣野... 梗係叫"部長"改過啦，改完都係錯，要再改。今次改arm了，另一個waiter來比番張credit card，不過連多謝都冇一聲韓式pizza --> 超唔好

佢開張第二日去食, 環境好舒服。一睇個lunch menu 就覺得佢似和民。伙計雖然後生, 但招呼同介紹食物都好熟識, 最近要係有禮貌。四個人叫四個餐share:-1.石頭鍋飯2.炒粉絲3.魚生定食4.酸甜骨加五蚊有涷柚子茶前菜有泡菜同現菜, D野食味道好好, 但一定唔係正宗韓國茶, 同埋柚子茶好好飲。埋單都係$55一個人, 真係唔算貴。埋單個陣, 伙計仲問我地D野好唔好, 可能係新開張, 仲有張$50 cupon 送添。但mention 一句, 男經理的態度就麻麻喇, 唔曉笑架。

Lunchtime 試過, 唔駛等位, 格局同和民差唔多, lunchmenu 選擇唔夠dinner 多款, 服務可以, 不過出菜時間都幾耐, 價錢跟和民差唔多, 午市免收加一以石頭飯而言, 本人覺得和民好味d添喎, 泡菜唔辣反而酸, 唔正宗!食物質素應該花多點心思!