南山軒 (已結業)

呢到係位於元朗既隱秘室內大排擋，每次都係揸私家車去，舖頭門口就係停車場，所以好方便！入面又有冷氣，環境都幾舒服，好適合一家大細去。而野食係超高水準，其中呢碟墨魚餅基本上係枱枱都會叫，因為真係好彈牙好好味，大人小朋友都爭住黎食。而且呢到仲有好多其他大排擋食唔到既菜式，我屋企人今個月已經幫襯左三次，因為真係好岩口味。仲有之前好興的奶茶冰，成條冰都係奶茶黎，就算啲冰溶左，都可以飲到奶茶味，唔會變淡。呢到真係一個幾好的食飯地方，價錢仲要唔貴，不過晚飯時間去最好book定位，因為都幾多人。

星期日同老公High Tea，揸車去元朗南山軒飮特色奶茶，食邪惡既流心吉列豬扒。南山軒近元朗站再行15分鐘先去邊，地方靠遍辟，如果揸車就方便d，店外有露天免費泊車～餐廳入面環境令人好relax，可以喺室內坐或露天坐（方便食煙人仕)，我同老公揀室外人坐，坐底大家order左2份一樣既下午茶，南山茶冰(特色奶茶）同流心豬扒配沙律，等左10分鐘就有得食，流心豬扒即炸，外脆內軟，賣相吸引～杯南山茶冰，茶味香濃，支茶冰好似支奶茶雪條，簡直一杯奶茶、雙重享受

來南山軒食晚飯小菜試過唔錯，難得下午茶時間過開來，試吓佢啲茶餐得唔得先！佢d下午茶同一般茶餐廳差唔多，有炒粉麵飯、雞脾薯條之類。試咗呢個肉絲炒麵，都唔錯啊！幾足料，又即叫即炒，非常夠鑊氣！一上桌，熱到要攤一陣先食到呀😂 30幾蚊一份鑊氣茶餐，非常唔錯！

呢間名叫南山軒私房菜，夜晚係食小菜嘅🍺，小菜價錢實惠，份量大碟足料，最吸引嘅地方係免費泊車🚗🚘！ 個人推介 ： 椒鹽鮮魷（$88）、冰梅骨（$73）、咕嚕肉（$73）、小炒皇（$88）、鐵板薑葱魚卜

黎到元朗，OPENRICE吓有乜特色野食。記得之前黎過南山軒，今次再黎，佢座落O係村屋入面，附近有老人院。價錢都好合理。生炒牛肉飯餐$36，巨大碟，即炒，都幾大鑊氣，味道唔錯。炸雞脾配半件西多士餐$33，西多味道唔錯; 炸雞脾多肉，惜太咸太燶。西多入面有花生醬，但太多油。南山茶冰，一般奶茶味，但連冰棒都用奶茶做，有心思，幾有特色。環境幾悠閒，就係好多啲烏蠅。有免費停車場，唔少人駕車黎，亦有唔少人騎單車黎。遠離鬧市，身心舒暢!

今年初七係好日子下午約厦門朋友食完little break ，而且晚飯又係慶祝best friend 生日。生日話事選了地點係元朗，食就我負責⋯⋯我就選了一間係元朗鉄路站Exit J行去約五分鐘到的南山軒私房菜（聽聞都唔錯所以想試下）。無book位情況下四人連一小朋友推BB車去到都好彩有一張四人枱桔了，坐下叫餸食先～大致上南山軒晚市都係大排擋食物為主，所以我點了炒蜆，炸墨魚餅，黃金蝦，蒸鱔，霸王鷄，炒豆苗，炸墨魚咀同蠔仔粥。食物做得好好味熱辣辣送到。係黃金蝦有幾隻唔新鮮～整體相當滿意服務又好

今晚約咗朋友食團年，一行九人，有大有細。朋友介紹呢間南山軒，啲餸嘅份量都算足，要讚嘅係上菜快霸王雞好入味同好滑，孜然豬仔骨好嘢味同埋蛋肉卷胡椒湯底唔錯，但炸大腸我就覺得唔夠脆，炒菜心比較油。餐廳都幾舒服，岩一家大細，唔會話坐得好迫，價錢都唔係話好貴，小菜都係68至98，最緊要有免費泊車

西蘭花鮮魷是炒得不錯的小菜。西蘭花炒得翠綠鮮嫩，不太林身，有嚼口。鮮魷好重鮮味，帶有少少咸香，入口爽好彈配白飯一流京都骨也不錯，入口都有肉，肉鮮又入味，醬汁剛好包住肉汁，好味

味道係好既，但轉手之後服務員係唔講野既，由落單到送餐，黑口黑面，係一邊玩電話，衰過大排檔呀叔，如果區內人黎食ok..專登入黎就唔好喇，轉手之後真係低級哂，如果唔介意服務差，可以試下

上星期在藍地大街吃腸粉，老闆娘推介這家私房菜 說裝潢不錯然後食物也不錯，所以第二天我就去了。位置上也算很近西鐵站，但確實有點難找，看上去就像一個玻璃屋，但裡面也就是個大排檔。 來的人也好多，有些看得出來是踏單車友。冷氣極度不足，有時熱都可以忍一下 ，不過有超多烏蠅！！！烏蠅！！！瘋狂圍繞我杯凍檸茶，而且還停在飲管。整體而言就是睇你快還是烏蠅快。炸墨魚餅$78聽說是招牌 ，真的很不錯！炸粉不會太厚，墨魚餅也很彈牙。以8件來說這個質素交足貨。叉燒炒烏冬$48不會很油 雖然又燒比較少。整體是好吃。流心芝士豬扒$55 配沙律、飲品炸粉不會厚，肉也不會老，裡面還扒火腿呢。最最最可惜是芝士不流，而且芝士味沒有很濃…就像吃了一個沒有流心的心太軟。專程來這邊，有點點失望，而且經歷了一場跟烏蠅瘋狂搏鬥的下午。

元朗西鐵站J出口行幾分鐘就到,不過條路真係好無人好黑｡行行下會見倒一間食私房菜的打冷舖,美極海蝦真係整得幾出色, 難得真有美極味, 有上蛋黃汁炸, 蝦殼都脆｡海味雜菜煲同其他舖都唔同, 湯底似野葛菜湯, 不過我都係like雞湯多d｡係比其他打冷店平少少, 仲要大碟d

招呼友善，食物新鮮，即煮，熱。可能小廚有走地鷄系列，下午茶的咸魚鷄粒炒飯的鷄也新鮮🐔。南山冰茶，特色，不過甜有苶味。流心芝士豬扒🐖，港式味道，西式賣相，有特色。

有住家飯的感覺，服務態度好好，幫換碟，送糖水，食完好飽肚，d飯暖笠笠軟中帶彈，唔硬，好味，個肚仔暖晒，老公好滿意，小朋友有電視睇，環境舒服寛敞，餸菜有水凖，會再來試其他餸菜

住係元朗咁耐，竟然一直唔知有間咁正嘅餐廳係度，所以，今個星期六必試！兩個人每人點一個午餐，一個流心西多士，一個流心豬排，另加一客炸墨魚餅。飲品方面，梗係試試佢哋嘅冰奶茶，同埋紅豆冰。3樣差不多同一時間上，（全部炸嘢😅)首先睇下點流心法先，一切落豬排入面有芝士同火腿，食入口都夾，不過我唔太鍾意佢用美極醃過....另一個流心西多，同樣地一切開入面有芝士同火腿，食一口好香，因為有芝士，有牛油味，食多幾口就滯咗，（可能我細食），我連糖醬都冇落，最後試埋墨魚餅，呢個好好味，因為d墨魚夠「臭」，😂😂，好有墨魚味，炸皮好薄，好脆！至於兩杯凍飲同樣出色，冰奶茶幾特別，而且好濃，紅豆冰都一樣，好多花奶，冇溝稀，不過d豆硬咗d！

專登搭左一個鐘頭車黎試新野，落車後再行了十分鐘，見到好多村屋，留意下就可以見到個招牌。 門口有免費車位，好適合駕車人士。唔駛等位，即刻入坐。 環境好舒適，好relax。坐位上有大的米色太陽傘，好悠閒既感覺。經典牛肉漢堡，好多料，都好好味流心芝士豬扒配沙律，嘩，一切開芝士流晒出黎，好吸引，仲熱辣辣南山茶冰，呢度先有，普通奶茶味，但加埋個賣相，絕對加晒分呢度的確係個好去處，但離我太遠，唔方便，下次經過元朗再黎吧