南洋家

營業中

休息中

中央圖書館旁邊有一間外賣東南亞菜餐廳，工作關係成日經過，見到$100任揀三盒外賣咁抵，就約埋朋友一齊去揀嚟開party喇～喺個櫃度已經可以見到實物，睇住嚟揀，我哋四個人就揀咗成9盒，埋單$300～揀完之後同店員講，店員就會行入去拎俾我地～話咁快就幫我地袋好一大袋，可以返去開餐喇，好有效率！泰式香葉肉碎大大份肉碎，入面充滿香葉，加熱之後調味好香，配有3片生菜可以當生菜包，又可以煮個白飯送飯食～泰式無骨鳳爪泰國菜必食冷盤，夏天食夠晒爽，墊底配菜夠晒多，好似食沙律咁正～印尼式香辣鹹魷魚細細隻魷魚，但飽含晒香、辣、鹹味道，好惹味呀～印尼巴東牛肉巴東牛肉要做得好都唔容易，但呢度既巴東牛肉件件都好大件，而且好腍好滑，唔會好似乾晒既柴皮咁，正！越南鮮蝦米子卷、豬頸肉米子卷見到兩款米子卷大大件，忍唔住叫晒兩款來試，米子卷外皮好薄，入面塞滿晒清新配料，加埋個醬汁，喺咁熱天氣下食完都覺得好消暑呀～海南雞海南雞雞肉好嫩滑，又大大件，朋友話個醬好好味～新鮮砂鍋手撕雞怕骨既朋友唔駛擔心，呢度仲有手撕雞揀，一樣係好嫩滑又唔乾身既雞肉，啖啖肉，正！芒果糯米飯最後當然要食個甜品為呢餐劃上完美句號啦！除咗蛋糕類之外，仲

今晚去左帶小朋友去中央圖書館睇書，走時經過呢間南洋家，見價錢都好吸引，回家食又吾洗煮，所以就買左d回家。（圖是我自己影的）佢一碟碟餸，一百元有三盒，都好多選擇，魚，肉，咖哩乜都有，揀左幾款，分別係海南雞，咖哩牛腩，鹵水牛，泰式鳳爪，燒黃立䱽，勁正啊，一碟碟乾淨衞生。海南雞水準高，大碟又有雞味，肉質嫩滑，不錯。咖哩牛腩都好惹味，咖哩很入味，辣辣地，牛腩又好淋，送飯一流。鹵水牛，好耐冇食了，同樣鹵水很入味，牛𦟌啖啖肉好味。泰式鳳爪，呢個估吾到很正宗，份量都多，味道都幾辣，凍食送啤酒，好爽。燒黃立䱽，大大條，性價比高，燒到外皮香脆，肉鮮，一百元三盒好抵食。除左餸，仲有甜品小食，價錢仲平，揀左兩盒千層糕，同班蘭蛋糕，每盒先25元，千層糕用料足，很香，班蘭蛋糕鬆軟，班蘭味濃，好食。另外竟然有鹵水豬小腸食，吾係成日食到，都好爽口美味，整體覺得好食性價比又高，又方便，買完上車岩岩好。

「南洋家」位置中央圖書館附近，帶小朋友係圖書館📚放完電，唔想番去再搞一餐煮餸，見到「南洋家」$100可以有3款餸菜包，而且選擇十分多，咖哩、海南雞、即係滷水系列都有唔少選擇，返到屋企就咁煮飯已經可以食啦🤭🤭除咗餸菜之外，仲有唔少印尼糕點、糖水同港式小食腸粉燒賣等😆😆🐟印式燒黃立䱽原條黃立䱽都有手掌咁大🖐🏻魚肉滑嫩，䱽魚亦夠新鮮完全唔會腥，加上加入辣椒嘅秘製甜醬油，甜辣度適中，可以一試🐮印尼巴東牛肉牛肉切成一口size ，用上印尼巴東醬煮成，醬汁惹味得嚟又唔辣🐔海南雞一盒應該有1/4隻雞，份量嚟講CP值完勝，雞髀🍗、雞翼、雞胸肉都有齊，啖啖肉好滋味🐔新鮮砂薑手撕雞手撕雞用咗麻油同新鮮砂薑烹製而成，無骨手撕雞連埋少少帶點油脂嘅雞皮一齊食更滋味😋😋🐷滷水豬耳滷水汁夠入味，豬耳大大條有5條，相當抵食🐮香濃咖喱牛腩紅咖喱牛腩炆得夠稔，紅咖喱唔算辣但夠惹味送飯一流🍌🥥千層糕/黃金糕/香蕉糕/椰糖木薯糕班蘭千層糕就成日見啦，哩到仲有黑芝麻同芒果味添😆黃金糕嘅魚翅紋好靚，食落椰奶味仲好濃添🤗店長仲推薦我地試下香蕉🍌糕同木薯糕添，每一件都用蕉葉包住，前者有香蕉着酸甜味，後者煙煙韌韌椰香滿滿，全部都好好食

印式燒黃立鱠：印式燒黃立鱠是一道印度風味的燒魚菜式。魚肉鮮嫩多汁及濃郁香料。非常滋味花雕豬手粒：花雕豬手粒用花雕酒進行調味和燉煮，豬手肉質軟嫩多汁，陣陣花雕酒的香氣。花雕雞中翼及雞：雞肉質嫩滑。幽幽的酒香浸住嫩滑的雞肉! 經過花雕酒醃製後，非常入味! 新鮮砂礓手撕雞：每一啖也是肉, 無骨的! 搭配特製的砂礓醬進行調味，豐富的口感~孜然粉厚切燒牛舌：燒牛舌厚切, 牛舌肉質鮮嫩爽口，並帶有孜然的香辣味道。非常惹味越南鮮蝦米子卷：越南鮮蝦米子卷是一道以鮮蝦和蔬菜為主要成分的卷物菜式。加醬料作調味, 很清新感覺泰式無骨鳳爪：泰式無骨鳳爪用泰式香料和調味料進行烹調，帶有酸酸辣辣味道。好好的開胃菜!滷水牛展:牛展切到好厚, 吸收濃郁的滷水汁，肉質鮮嫩, 咬下去亦有彈性! 搭配米飯，更美味。

無過嚟一排，原來南洋家又多咗出品，一百蚊三盒餸仲多咗選擇添，包裝亦都進步咗，店長姐姐仍然好友善！呢餐三百蚊有找，算幾抵食！印象中，之前係有串燒，依家轉咗滷水，仲有我鍾意但好少食嘅滷水生腸丶雞腎，港式街頭小食都有之前已經試過佢哋嘅班蘭雞，嫩滑重雞味，相信佢哋整嘅雞都唔會差，所以買咗兩盒海南雞，果然無失望，都做到肉嫩重雞味，配埋黑醬油更惹味滷水牛展呢盒有三塊，比較平時食到嘅算厚切，滷得夠味，好味！花雕豬手粒入味！估唔到算淋香濃咖喱牛腩BB辣，食到有少少椰香味，啱哂送飯芒果班蘭飯 都係$100三盒，自己加熱先食，班蘭飯比普通糯米飯香，芒果夠甜，正！班蘭蛋糕 之前未試過，蛋糕有大細件可以揀，我揀咗大件$25，班蘭味香，仲好軟熟班蘭千層糕 & 三色千層糕 一盒三件$25，三色分別係芒果丶黑芝麻丶班蘭，記得佢哋有出過薑汁味，都好好味！

今日帶Mina去中央圖書館借完書，見到附近有間泰式及東南亞菜的外賣店～南洋家，咁岩今日星期日，姐姐放假🏖️無人煮飯，我就順便買d返屋企做今晚嘅晚餐😆價格非常實惠，所有嘅餸菜同甜品，任配任搭$100有三盒，岩晒我呢類無飯煮婦或小資一族🥰👍 ✨今次選咗以下食品✨🌟泰式無骨滷水豬手豬手肉質嫩滑，滷汁入味，去骨設計方便食用🌟泰式無骨鳳爪鮮嫩多汁的鳳爪，入口即化，醬汁的酸甜鹹調得岩岩好，酸酸甜甜好開胃 ，無骨設計，方便食用。🌟泰式燒豬頸肉豬頸燒得外表焦脆，肉質爽滑不乾澀，配醬汁的一齊食，非常開胃。🌟越南鮮蝦米子卷皮薄餡足，蝦肉鮮甜，晶瑩剔透的米子皮，包著鮮蝦生菜、蘿蔔、青瓜絲等配料，口感清新、層次豐富。 🌟新鮮砂鍋手撕雞手撕雞雞肉鮮嫩多汁，用上獨特的砂鍋烹調，令雞肉更加入味🌟滷水牛展牛展滷得夠腍好入味，同時保留左牛展的原汁原味，嚼勁十足，值得一試🌟海南雞雞肉整得嫩滑鮮味、雞味香濃，回味無窮🌟芒果糯米飯糯米飯煙煙韌韌有咬感，配上爽甜的芒果，甜而不膩，凍食更加滋味🌟斑斕千層糕千層糕層次分明，口感煙靭，軟糯綿密，椰奶香味濃郁，唔會太甜，Mina姐食到唔停口😋

餐廳位於銅鑼灣 只有外賣自取 菜式有印尼菜及泰國菜 價錢優惠 $100可自選三款菜🤪今次簡左6款菜式同幾款小食甜品-▫️泰式燒豬頸肉豬頸肉好大片 共有5片 食落爽口 味道帶少許炭燒感🥰▪️花雕醉雞醉雞充滿花雕酒香 雞件入味 肉質嫩滑！▫️海南雞海南雞肥瘦適中 肉質嫩滑 配上既醬汁甜甜地 幾夾▪️燒鯖魚鯖魚有2條 燒得香口 無咩骨 吾會腥🤤▫️泰式無骨鳳爪 鳳爪酸酸辣辣好開胃 食落爽口 無骨好方便！▪️新鮮砂礓手撕雞手撕雞內有海量芫荽 家人說很香口 充滿砂礓味 雞肉又嫩▫️斑斕椰汁糕 & 雜錦椰汁糕 ($25, $25)雜錦有芒果、斑斕及芝麻口味 一打開勁香斑斕味 建議蒸一蒸會更煙靭軟熟 食落椰汁味出 略甜左點 如果少甜啲就更好👍🏻▪️黃金糕 ($25)帶焦糖般既甜味 食落質地有彈性 煙靭又軟熟 幾香口▫️泰國蝦片 ($35)蝦片簡左辣味 幾重胡椒香 蝦片夠脆！呢個價錢咁大包抵食

今日紅日🗓️小朋友都放假，要帶佢哋出去表演🎻 諗起老公今日冇飯食🍚🤭琴日銅鑼灣做野🚶🏻‍♀️經過見到有間東南亞嘅外賣店， 啲嘢食好吸引😋全部都係老公鍾意食嘅嘢🌯🥘🍤🍘 買下🤭買下🤭買咗咁多返嚟💁🏻‍♀️😄 而家好抵🙆🏻‍♀️ 100蚊任揀三盒，揀揀下揀咗9盒😋😋😋🔸越南鮮蝦米紙卷🔸花雕雞中翼 🔸孜然粉厚切燒牛舌🔸泰式無骨鹵水鳳爪🔸泰式燒豬頸肉🔸泰式無骨鹵水豬手🔸香濃咖哩牛腩🔸鹵水豬大腸🔸印尼式香辣鹹魷魚🔸新加坡班蘭雪芳蛋糕南洋家📍銅鑼灣摩頓臺13-33號灣景樓地下6號舖#東南亞餸菜 #甜點 #糖水 #印尼特色千層 #印尼黃金蛋糕 #印尼鳳梨酥

銅鑼灣摩頓台南洋家，只做外賣，提供多元化東南亞和新推出既港式美食。海南雞：海南雞肉質鮮嫩、雞味甚濃。泰式燒豬頸肉：豬頸肉肉質爽口，帶微微焦香既味道。印式燒黃立鎗(唔辣)：燒得非常香口，魚肉保持滑溜，配泰式香辣醬簡直係完美配搭。泰式滷水牛展：牛展炆得好軟腍，滷水好入味。新鮮砂薑手撕雞：大量芫茜、青瓜、麻油，加上啖啖雞肉，更能吃出雞既鮮味和香味。越南鮮蝦米子卷：以米紙包住生菜絲、青瓜絲、大蝦，咬落去有彈牙既蝦肉，又有煙靭既米紙，口感非常豐富。芒果糯米飯：糯米飯煙韌黏口，配上香甜既芒果和濃郁既椰漿，滋味在心頭。班蘭千層糕：班蘭綠悠悠既顏色，一層一層，軟糯好味。總結，小店位置便利，價錢合理，番到屋企，翻熱食更加美味。

今日同朋友去完銅鑼灣嘅生日派對過嚟幫襯呢間外賣，上次都幫襯過呢間，所以覺得唔錯依次再黎。呢次叫咗芒果斑斕飯，冰鎮花雕豬手，冰鎮花雕糖心蛋，滷水牛腱、滷水豬手同埋海南雞，呢間嘅芒果斑斕飯第一次食，芒果完全唔酸好甜無根熟度啱啱好，斑斕飯軟硬適中味道啱啱好，至於花雕冰鎮豬手，好有花雕味，入口彈牙，另外個花雕糖心蛋蛋裏面全部都係花雕酒嘅味道，一啖咬落去花雕酒爆曬出嚟，加埋蛋黃嘅味道實在難以形容，呢種感覺從未體驗過。滷水牛腱同埋豬手好入味，口感都唔錯。依間嘢最好食就係海南雞，肉質口感都唔錯，入口唔肥膩，十分健康，再加上佢個醬料簡直天衣無縫，同埋份量夠多大件又抵食。大推。#南洋家

與閨蜜在銅鑼灣相聚，雞啄唔斷傾到忘形。到了晚飯時間，正煩惱緊回家煮什麼？忽然發現轉角有間小店，勁多街坊在此排隊買外賣，想不到有意外的驚喜。店鋪門口掛着大大包泰國蝦片，感覺非常正宗。原來他們提供多元化的東南亞特色餸菜包（甜品糖水及餸菜包），而且任揀任配搭，二盒$70，三盒$100，非常經濟實惠。泰式無骨滷水豬手 $45 （爆推🌟🌟🌟🌟🌟) 豬手有六至七件，滷水味非常香濃。一口下去啖啖肉，不但入味，而且非常惹味，必推👍🏻。海南雞$48 （爆推🌟🌟🌟🌟🌟) 份量好多，仲要係雞髀肉，性價比真的很高。雞肉嫩滑，配埋濃濃的海南雞豉油，送飯一流。花雕雞中翼 $40店家很細心，以塑膠器皿裝着花雕酒，入邊有四隻大大隻雞中翼，醃得非常入味😋。除了主菜，當然要試試他們的甜品。椰汁西米糕$40 椰汁味濃，甜味適中，一口一件，口感軟糯，超正。斑斕千層糕$25 （爆推🌟🌟🌟🌟🌟) 見到不少街坊爭住買，我們也買埋一份。我選了三色款式，朋友就選了單色系列，甜度適中，煙煙韌韌，非常好食。雪芳蛋糕 $25 （爆推🌟🌟🌟🌟🌟) 尺寸大件，口感鬆軟，帶點濕潤，不會太乾。斑蘭味重，非常香口，作為早餐或者下午茶，一流。雪耳

今日同朋友去中央圖書館睇書，到食飯嘅時候，諗住行返去銅鑼灣食飯，當由中央圖書館行過馬路時，發現有一間食店專食東南亞菜，有印尼、馬來西亞、泰國多款唔同菜式，價錢唔貴喎，這間食店叫南洋家，位於銅鑼灣摩頓臺13-33號灣景樓地下6號舖，中央圖書館對面，這間店舖嘅餸菜好抵食，主要係特色嘅印尼食品，而且款式好多，所以好吸引我來食。食店門口個食物櫃好吸引，擺滿種種東南亞食物，仲有甜品同飲品，真係樣樣都想食，還有大大包好吸引嘅蝦片，價錢又唔貴，即刻買返屋企食先。餐牌非常多選擇，尤其是主要嘅東南亞特色餸菜為主，是任揀任配搭，餸菜及甜品糖水，二盒餸菜就$70，三盒餸菜就$100，而餸菜都有30樣餸菜可選，肉類有魚、豬、牛、雞、魷魚、蝦等，味道亦有辣有唔辣，而甜品亦好多款式，有千層糕、黃金糕、雪芳蛋糕、西米糕、糯米糍、西米糍，而味道有香芒、雜錦、斑斕、紅豆、椰汁，真係好豐富，亦令我揀咗好耐，我原本想選鮮蝦柚子沙律、青瓜拍海蜇、鹽焗雞腎，可惜已俾人買晒，呢度啲餸菜都真係好賣。最後我就選咗滷水豬大腸、泰式燒豬頸肉、越南鮮蝦米子卷，我朋友就揀咗香濃咖喱牛腩、泰式香葉肉碎、滷水牛展，我哋原本都諗住一人叫三樣餸菜，

今日同朋友去咗銅鑼灣嘅南洋家食東南亞菜，佢哋嘅價錢好抵食，而且啲嘢食都幾好味。✨ 斑斕雪芳蛋榚呢個斑斕雪芳蛋榚係我哋必食嘅甜品，蛋榚口感鬆軟，仲有陣斑斕嘅香味。雪芳夠晒滑，而且唔會太甜。✨ 三色榚榚嘅口感煙韌，而且唔會太甜。✨ 爆辣雞絲印尼炒飯呢個爆辣雞絲印尼炒飯真係好惹味。炒飯粒粒分明，而且好有鑊氣。雞絲份量十足，而且好入味。✨ 印式燒黃立䱽呢個印式燒黃立䱽外皮酥脆，肉質鮮嫩，而且好有香料味。✨ 泰式燒豬頸肉呢個泰式燒豬頸肉肉質好腍，而且好入味。✨ 泰式無骨滷水豬手呢個泰式無骨滷水豬手好入味，而且啲筋好彈牙。✨ 芒果糯米飯呢個芒果糯米飯嘅芒果好甜，而且糯米飯好軟糯。📍 銅鑼灣摩頓臺13-33號灣景樓地下6號舖

放工之後成日都好攰，唔想煮飯。呢個時候我經常都會選擇會嚟呢度買啲餸返屋企，然後返屋企煲個飯或者煮個麵，就可以食到一餐好豐富嘅美食。呢間舖頭嘅餸菜超級抵食， $100就有三盒，主要係賣啲特色嘅印尼嘢食，而且款式好多，所以好吸引到我經常回顧。比較特別嘅印尼嘢食，包括巴東牛肉同埋咖喱魚好食。花雕雞翼都係我嘅最愛之一，食剩嘅花雕汁仲可以用嚟醃多幾隻蛋食。其他雞類食物仲有口水雞同埋海南雞，牛肉方面亦有牛腱同埋牛腩等等。選擇非常豐富！甜品方面最鍾意佢哋呢度有賣每日新鮮即製嘅黃金糕，要知道喺香港有得買黃金糕食，但多數只限於新年，所以每一次我想食黃金糕就會嚟呢度買。

主打外賣東南亞風味美食還有椰十榚及斑蘭蛋糕，幾十種不同款式鹹點、甜點、小吃，自設工場香港製造保證衛生，翻熱即可食用方便快捷！除了平時午餐晚餐，也是開PARTY 的一個大好選擇～ $100 三盒任揀～ 海南雞賣相不錯，份量亦不少，雞胸有質感，不會太鞋～配上秘製靈魂醬一起吃，十分不錯。泰式豬頸肉每次必點，爽口彈牙、香口又惹味，厚厚一片，再配上自家製泰式酸辣蘸汁，一盒絕對吃不夠的泰式滷水豬大腸滷水豬大腸，好入味，不會太咸，味道啱啱好～