南華會桌球部餐廳

營業中

休息中

同朋友間唔中都去南華會DOK下波LOOK下保齡球，DOK波總會訂個私人房，貪佢夠私隱，同時可以嗌下野食。桌球部既餐廳主要有港式炒粉麵飯同埋炸煎小食，係好7,80年代既感覺。💖XO醬豬扒撈丁💖配埋麻油同味精粉俾你落啲麵度，豬扒份量足，調味唔錯，香脆可口，麵質乾身，雖然味精重，但偶然食一次都唔錯。❤️小食拼盤❤️咩都有😆蝦餅，雞翼，春卷，魚蛋，薯條，咖哩角，全部都係炸，好熱氣，但一班人開心share係絕對要嗌架。

想同fd吹下水又坐耐啲又唔想咁嘈咁文青呢度絕對係不二之選💁🏻‍♀️Chill得黎食物又不錯喔～最開心係有得任食花生🥜隨便掉落地都唔會有人罰錢🤣🤣🤣D野食每樣都好大碟 食到要拎住個肚走TIM呀HAHAHA

上星期五放工去南華會打羽毛球，早到左，冇嘢做於是去左4/F 個餐廳打算飲杯嘢，點知都有類似港式茶餐廳既常餐，即管試下🤣份量都唔算少，火腿、煎蛋、牛油多士、一個豬扒面加杯凍奶茶。我自己啱啱好，又唔頂胃，豬扒都好大塊，而且同我剪細幾件，都好細心。另外，自問對奶茶都有d要求，呢杯奶茶有驚喜，好濃茶味，同好滑，絕對唔比其他茶記差，今次嗌左凍奶茶，下次會試下熱奶茶。個餐廳都好乾淨，本身以為桌球餐廳好大煙味。

只供會員的茶餐廳, 必須你或你朋友係南華會會員。而小妹一星期會去2-3次做運動, 所以運動前都會食一食。但我並吾係覺得好食而食, 只係貪方便啫，因其食物質素真係一般, 好似當日我食嘅五香肉丁炒烏冬, 先講跟餐的雜菜例湯, 雖然多料, 有椰菜, 紅蘿蔔, 白蘿蔔...... 但味道淡, 蘿蔔亦煲得吾淋, 只可以講係非常一般。幸好, 那五香肉丁炒烏冬還算不錯, 即叫即炒, 不過太油, 成個碟都係油, 搞到我食到尾嗰陣, 都放棄吾食, 因為好似油浸麵噉, 好在肉丁份量都不小, 味道也香濃, 但烏冬質素則一般, 偏硬, 是$10有3包那種.......... 總括而言, 貪快貪方便的選擇。

今日加入南華體育會。順便上去四樓餐廳。點咗個蒸肉餅飯。個餐有凍飲同羅宋湯。埋單只需$52。間餐廰只供會員入場。點菜時一定要出示會員証。個蒸肉餅唔錯，肉質鮮嫩，個飯好熟，混入個肉餅好好食。個肉餅加送個咸蛋黃。杯凍飲好飲。唔係好多冰塊。個湯好酸。個湯無牛肉。啱哂我唔食牛肉既人。值得推介。

早2日上大球場, 早早到左銅鑼灣, 又唔想上大球場d tuck-shop同人逼, 於是朋友就帶左我上南華會4樓o既桌球部餐廳食野.上到去都滿滿地人, 不過個度d員工手腳好快,唔駛2分鐘就俾到位我地.望一望menu, 原來都幾多野食,上至炒粉麵飯, 下至公仔麵烏冬, 連小食都有, 價錢都ok合理~叫左個是日推介---什扒飯+腿蛋麵,什扒飯十分足料, 醃得都幾好味,最梗要係無千年雪藏味!!!!見到佢有個新出品---芝士卷當然忍唔住叫左個來試下,金黃色+香脆的外殼,一咬落去, 香濃o既芝士即刻流出黎~~~~嘩, 正!!!立即encore多碟!!!!見到仲有幾個新推介d相都ok好味, 不過真係太飽, 下次吧~埋單一個set+一個麵+一個小食都係$60幾蚊,嘩, 呢個價錢係銅鑼灣食到真係抵到爛~

五月初八‧晴 很久沒來南華會打波了，幾年不來，原來這裡也舊了不少。趁空檔時鼠了上來吃下午茶，這裡說明要會員才可以幫襯，還說要出示會員證才可以落單的。不過似乎在人客不多的時候，是不會執行得這樣嚴謹，始終有生意是不會不做的。 要了個熱狗餐，烘熱了的麵包，炸熱了的香腸，重手下的沙律醬，味道雖然好不到那裡，也不會太差。凍咖啡是淡淡的，不過在這裡，也不會期望太多。 最好的就是這裡的空調夠強勁，大熱天時也令人非常受落。加上有兩部電視，一部在播體育世界，另一部就播賽馬直擊，大家對號入座，各式其式。 埋單24蚊，單是涼快的環境已值回票價。