南記冰室 (已結業)

中午嗌咗個洋蔥豬扒火腿飯，食食吓見到有隻曱甴仔喺啲汁到，細細隻有觸鬚極噁心🤢🤮朋友叫的肉餅飯，肉餅亦有發臭情況，已經叫親朋戚友不要再光顧。食物新鮮及環境衛生情況惡劣👎，極需改善！！！

今日去咗九龍城，又遇正食飯時間，就走入去食啦！午餐有四寶飯，就叫黎試下！一黎比個湯，西洋菜湯，ok既講講個四寶飯先燒肉：皮肉分離，肉又冇味，皮仲要un 到咬唔到燒鵝：冇汁都唔緊要啦，但我只有骨，好似冇肉咁叉燒：基本蜜汁味都冇咸蛋：入面好多泡泡，冇咩蛋白咁飯：唯一係最正常，暖既又有汁啡：一般正常野唔知係咪因為咁，午市都可以輕鬆入坐我只食四寶飯，所以只講呢個，其他野食我就唔知啦！價錢$62我諗我自己冇下次！

依間嘅下午茶超抵食，廿幾三十蚊已經有一個餐。地址喺正九龍城廣場隔離，方便泊車。本人覺得炸雞比沙律同西多士都好正，值得一試。下午茶由兩點半到六點。嗌兩個餐，當食過早嘅晚餐都仲得😆 晚市佢哋有小炒小菜套餐，呢期好似仲有做埋羊腩煲。下次去試試。

平安夜既晚上唔想去尖沙咀銅鑼灣咁多人，揀左黎九龍城食火鍋～之前經過呢度見幾多特色湯底，價錢又幾經濟，趁節日黎試下！湯底由$38既酸菜湯底起我地就揀左牛雜湯鍋$78牛膀、牛肺、牛肚、牛腸等齊哂湯料好豐富呢個湯真係好好味🥓牛肉款款$68 一碟點左牛花腰、牛肩胛肉、封門柳、牛舌好新鮮牛味濃，分量都唔少🥢即炸紫菜響鈴咁脆緊係即食先～附上糖醋汁，入口酥脆千層即化浸湯食豆香更出🥢魚腐吸盡湯汁，香滑鬆軟必點重點係好抵食，勝價比高不過要食海鮮要先打去預訂

朋友生日🎂约食飯，話食啲特別嘢！就選了這間南記冰室。冰室食飯🤔？？原來係有很多小炒及川辣餸菜😋！還有特別的椰子雞火煱套餐！佢地用椰青水椰皇肉加蒸餾水做湯底。用的是海南直送的文昌雞，比平時吃的雞有雞味但較有實肉。加竹笙，牛肉，牛丸吸晒啲椰子香甜味！真係好正👍！！熱情果鮑魚也很特別(原來是用百香果但買唔到) 。辣炒大腸也很正！本來吃到好飽，朋友介紹碌鵝給我們試下。原本以為食唔落，點知真係好好食😍！全部食清！😋🤭我們話下次要試下其它小菜！👍👍👍

📍南記冰室 (九龍城)九龍城福老村道89號地下下午茶時段咁啱經過九龍城，本來諗住去對面嗰間雜貨店買嘢，但又見到呢間冰室嘅下午茶好似都幾抵，$28有碟雞扒蛋包飯，仲要包飲品…..結果忍唔住，就走咗入去試吓。本身都冇抱任何期望，但上檯嗰陣，我又覺得幾有驚喜，起碼唔會覺得係頹飯，就咁望落去都覺得好豐富，雞扒炸過，夠香口，個蛋都OK，加上本身個醬汁都唔錯，另外我幾鍾意嗰雜菜沙律伴碟，配咗胡麻醬，所以特別開胃。我問咗店員，原來下午茶每日都有做，咁又真係唔錯喎☺️

路過見到有花牌🤔店員話因為有新菜式見到佢新嘅全日餐好似都幾抵食就入去試吓食咗酸菜魚同口水雞兩樣都好味 嫩滑又唔太辣 👍🏻幾十蚊 有埋白飯同野飲 會再嚟試其他野如果食呢個餐當晚餐，咁咪好抵🤭差啲唔記得講，杯奶茶都幾好飲

真係肚餓到無野食我都寧願反屋企煮面，入去見到對面德昌爆晒棚，佢就拍烏蠅我都覺得伏伏地，我真係第一次打食評係唔想害到其他人，海南雞飯不知所謂，茄牛飯我個女都唔肯食，難食到不能形容。。。。。。。。。。。。。。。。。。。。。。。。。。。。。。

去開九龍城，同朋友唔知食咩好，求其去附近醫下肚，入左去間南記冰室涼瓜牛肉飯 $47不過不失喇鴨髀湯飯 $47湯飯岩曬夏天食，好清涼菠蘿肉排飯酸酸甜甜甜甜酸酸，幾好食，加上肉都唔算少麵餐

今次去咗食朋友介紹嘅南記冰室♥好耐冇食咖喱飯，睇完餐牌就決定叫咖喱雞扒飯♥一上枱聞到好香嘅咖喱香味，咖喱汁非常香濃！食到淡淡椰香同香料味，不過我個人認為有點辣。雞扒煎過好香脆，但一啲都唔乾身肉質Keep到好嫩。估唔到喺度食到甘香濃既咖哩飯。 

今日去咗南記食早餐非常之抵食，$29蚊有粥有炒麵同埋有杯嘢飲, 之前去過好多茶餐廳都要三十幾蚊，今日心想試試這一間冰室看看他的質素，是否真的物超所值，粥绵绵地、好香甜，麵炒得很香脆 ，帶有豉油香味，最好食就係又香又農的奶茶，给我一個飽肚滿足的早餐！

今天走過九龍城， 見到有南記冰室，便走進去，試試它的午餐，裏面有很多東西食，有車仔麵、有焗飯！我一眼就看準了這個海南雞飯，因為我十分喜歡食海南雞！這個海南雞飯非常之大碟， 大約有1/4隻雞！ 皮薄脂肪少， 而且啖啖肉， 平日我甚少食皮，都把這個皮吃下來！ 這碟雞又有海南雞香味，飯有椰香，配起它送的薑蓉，簡直天衣無縫，將雞的味道昇華！雖然海南雞飯很大碟， 但價錢也不算貴，只是65元， 我一個人都吃不下， 下一次我會找埋其他朋友，一起吃 ，一齊開心share 這個不一樣的海南雞飯！

同太太去九龍城行街都順便吃嘢，今次下午茶嘆，見呢度靜靜地可以坐得舒服，無乜人又可以睇吓電視，下午茶選擇唔多，叫左兩個餐，西多士和麵餐，加埋兩杯餐飲都係72蚊都算ok啦，味道就過得去，志在俾對腳休息下

在九龍城區發現這門冰室晚市叫了幾味小菜，食完才發覺小菜味道不錯，所以相片是食完之後，份量夠大份，蝦蒸到啱啱好，魚又夠新鮮，價錢公道，門口有車錶位可泊車，行開可以一試。

扎肉喇沙湯麵－顏色似咖哩,麵底竟然系意粉.....雖然唔會諗住佢系正宗 但係用意粉會唔會太過分....蓮藕粟米湯－湯好似水咁 , 完全無味,同埋比得一塊蓮藕,粟米都無比我。然而佢比對面個個人碗湯好豐富，有粟米同蓮藕兩三塊，會唔會過分左d？另外我仲飲左杯凍菜蜜,呢杯野唔可以叫系菜蜜,因為完全無個隻味(唔知點講菜蜜個味系點),得個甜字,飲飲下仲要飲到條韭菜....證明佢地d野根本系無洗過我屋企人就食左個快餐鮮牛肉意粉－最難食系佢,牛肉全部都係根,完全咬唔開,意粉太淋,湯底無味火腿煎蛋－好多油,超唔健康兩個字：難食