南記海鮮飯店

營業中

休息中

22-03-2023我地一行8人去屯門三聖村「南記海鮮飯店」朋友早啲去附近街市買定海鮮，拎黎南記安排點煮，到5點半左右等齊人，就叫侍應可以安排上菜，等到6點15分，都未有菜上，就問其中一位四眼叔叔，點解仲未上，我地一共追左2次，2次四眼叔叔都話：「肚餓啊？點解唔叫隻燒鵝食啊？」我地懷疑因為我地冇叫到南記入邊既餸同埋燒鵝，就專登遲遲唔上菜，因為我地5點半叫上菜，佢地鋪頭既客人連一半都冇，係都要拖到最後先幫我地上菜，去到7點，我朋友忍唔住再問四眼叔叔，我地等左成個幾鐘，湯都未見到有得飲喎，跟著15分鐘之後啲海鮮就好快咁上哂！第一道菜-「脆皮芝士焗龍蝦」不愧係招牌菜，真係好好食！個芝士醬唔會好濃味而搶左龍蝦既鮮味龍蝦焗得岩岩好，唔會過火，真心好食第2道菜-「椒鹽瀨尿蝦」我地懷疑南記用我地既新鮮瀨尿蝦，換左去比人地，因為我地買海鮮個度係識人，逐隻新鮮識跳既簡黎買，但黎到8隻入邊有2隻係梅架啲肉，同佢地職員反映，就話係我地啲蝦黎，我地拎黎唔關佢地事！第3道菜-「西芹炒花尾躉腩」依道菜煮得好好，肉冇過火，但味道偏淡第4道菜-「炆花尾躉骨腩」依個炆得好好食！好夠味但唔會過咸，不過一定要親熱食，凍左食

朋友爸爸係海鮮檔熟客 所以冇咩野質素同呃秤concern 不過見依間都好多人買 應該都係穩陣 揀太多款仲提我地已經夠食😂拎去海鮮加工 用大鑊炒夠曬鑊氣 同行有人唔食海鮮 嗌左燒鵝燒腩仔咕嚕肉都好食😚大推椒鹽瀨尿蝦 鹽焗奄仔蟹 豉椒蟶子皇煎米底 夠曬新鮮同惹味😋仲有象拔蚌二食 我真係孤陋寡聞 唔知原來內臟都可以食象拔蚌刺身夠鮮 爽口筋道 海水味濃拎走曬唔食得既位 例如個膽 淨返既就拎黎整海鮮肉碎粥 勁勁勁好食 又鮮又甜 其他部位有唔同質感 開心大發現左🥹

一家人去吃海鮮，最喜歡前往三聖自己揀料，再到南記加工，看中其加工費算合理，廚藝也不錯，不會浪費食材和金錢。南記位於冬菇亭內，但餐廳有冷氣供應，座位都算闊落。但用餐時間只有90分鐘，有時會吃得有點趕，不是能坐下來慢聊之選。芝士焗海蝦芝士舖滿整個蝦面，剛焗好出爐熱騰騰，鹹香味十足，吃下去非常焦脆惹味。鼓椒炒蟶子蟶子炒得剛剛好，保有蟶子原來的爽嫩鮮甜，再配上惹味鼓椒汁，令人食指大動。清蒸海斑海斑用清蒸方法最能保持原汁原味，只用蒸魚鼓油、蔥和芫茜已能輕易帶出其鮮味，也中和其他較濃味的烹調方法。燒鵝（例牌）燒鵝的外皮燒得香脆，但因為不是燒鵝肶，所以肉質頗結實，配着梅子醬一起吃也不錯。

尋日釣咗4條鱲魚，攞去三聖南記，叫佢加工做刺身。簡直離曬譜，一嚟到竟然係冇起魚皮，我都未試過食刺身唔起皮。食落口係完全咬唔到，好似食橡膠咁。跟住同返個侍應講，個侍應話，我都冇辦法，今日嗰個係幫廚，叫我哋自己去諗點樣整返條魚。你話係咪黐乜線。後尾我哋將啲魚生用返嚟炒球。但係難食到不得了。無味…魚頭，魚骨攞咗去做椒鹽。已經叫佢落重味啲，但係竟然一啲椒鹽味都冇，淡到不得了。我哋仲買咗成千蚊海鮮佢俾佢整。整咗個豉椒炒花甲。竟然係冇豉椒嘅。啲花甲好似出咗水先至炒，完全冇味同埋好韌，啲肉甩曬出嚟，好似翻炒過咁。跟住仲有個蝴蝶蚌，油鹽水煮，係一啲鮮味都冇曬，又係出咗水先至再用油鹽水再煮，又係硬到阿媽都唔認得。跟住叫咗隻燒鵝，佢話係馳名嘅燒鵝，竟然係冇味嘅，好似完全冇醃過一樣。叫咗碟蒜蓉炒白菜，又係冇味嘅，蒜蓉都唔多粒，冇落鹽一樣。仲有芝麻班，攞去俾佢蒸。條芝麻斑蒸到超難食，嗰啲魚豉油好似啲湯咁，又嚡又過曬火。叫佢過大廚嚟試下啲嘢食。試完仲要坐係我哋後面唔出聲，跟住就係聽到佢在打電話買波，完全冇入返去個廚房度唔知做乜。到最後仲要收足我哋加工錢，完全冇惗過自己整錯嘢。好後悔攞咗去呢間嘢度整，食到一肚氣。

我們今日訂了枱六點食飯，六點叫了叫了龍蝦伊麵和蒸魚，燒鵝和菜，一個羹。等到七點十五分龍蝦伊麵先到，蒸魚要等到七點40分先來，食了一肚氣，我都算喇，差不多八點隔離枱剛剛來，感覺係熟客因為佢地叫了好多海鮮，海鮮好快就上，點解人地唔駛等，而我地就要等一小時四十分鐘條魚先嚟。我有問佢，佢話剛才有100個外賣廚房要做咗外賣先。如果我八點來就唔駛等。你信唔信呀？我做錯咩，我點知道食早場係你地繁忙時間，要等咁耐先食完一餐飯？隔離枱係咪熟客有特別優待我唔知，佢答我，咁你而家想點呀？咁你食咗條魚未呀？食咗咪得囉！員工態度惡劣！我地唔係成日食呢間但都幫襯過十幾次，今次好失望，呢間南記我永遠唔會去！

又到冬至，老闆請我哋去屯門三聖食海鮮😍，一班人搭咗45分鐘的士，才到達目的地。老闆同幾個同事揀海鮮，我哋一班人入咗南記坐低。朋友都有介紹過呢間海鮮食肆，但實在太遠，始終的唔起心肝入嚟食返餐，今日終可一試。食肆位處屋邨嘅冬菇亭🍄，座位空間比較逼，店內衛生實在麻麻🥲。第一碟上枱的是招牌燒鵝，燒得外皮香脆，內裏肉質嫩滑多汁，燒鵝調得入味，非常好食😋。另一道招牌菜，脆皮芝士焗龍蝦，龍蝦有一隻手掌大🖐，肉質結實，龍蝦味道偏淡。面層嘅芝士🧀焗到金黃色，但係食唔到芝士味反而有好香嘅蛋味🤔。椒鹽瀨尿蝦，瀨尿蝦🦐同蒜粒🧄都炒得非常乾身香口，瀨尿蝦肉質鮮甜。原條象拔蚌刺生(兩食)，既可生食，亦可在上湯裏微微灼熟才食，象拔蚌肉質爽脆，味道非常鮮甜，好食到停唔到口😍。阿拉斯加長腳蟹🦀，啖啖肉，肉質豐厚，味道鮮甜，每一啖都非常有滿足感😍。上湯麵包蟹伊麵，熱辣辣嘅麵包蟹🦀特別好食，蘸上上湯齊食更好食😋。清蒸鮑魚，鮑魚都幾大隻，肉質細嫩鮮味🥰。蒸青衣，魚味一般，肉質鬆散😶。胡椒蜆肉湯，蜆比較細小，有淡淡嘅胡椒味🤗。總括而言，整體食物味道唔錯，我覺得主要係食材本身新鮮，其實烹調技巧上，沒特別提升食材嘅味道，咁遠入到嚟

難得入到嚟屯門三聖村，梗係搵海鮮食，先幫襯海鮮檔買咗啲又靚又新鮮嘅海產再行過去冬菇亭大排檔《南記海鮮》，諗住盡情歡樂海鮮餐。幾年前同同事嚟食過佢嘅燒鵝，今日真係麻麻，皮唔香又唔脆，啲肉仲有啲韌當年服務員殷勤招待，令我們今日賓至如歸，可惜今日再次降臨，真係有啲失望，先係張枱唔夠坐，店員話要搵公關，冇指示唔可以改坐嗰邊嗰張大枱喎，其實成個場得我哋，望住嗰張大枱直到我哋走都冇人坐......然後係廚房佬出嚟問我哋啲海鮮點煮，相信佢同海鮮檔唔friend，海鮮檔都知道我哋點煮先介紹海鮮，唔緊要，我逐樣話畀佢聽點樣煮，不過廚房佬有啲勞氣，點解有幾袋魚，1. 好彩我記得我老細話要龍躉切片西蘭花炒球，最後嚟咗西芹......2. 炆龍躉腩係ok嘅，不過粉漿厚咗少少，食到最後有啲膩......3. 海鮮檔好人，送咗啲魚頭花甲做海鮮湯，不過豆腐都冇一塊，冬瓜都冇一粒，個湯渣其實好正......呢度嘅煮法工前都唔平㗎......12人食飯三個揸車同事，大家都冇得飲酒，唔緊要，叫完可樂忌廉，啤酒姐姐游說唔到我哋飲佢隻啤酒，都唔緊要，我老細畀面叫咗支香港人鍾意飲嘅啤酒，不過各位司機大佬都好遵守規則，大家都唔夠

今次朋友生日🫶🏻，所以我哋特登入去屯門呢一間餐廳食晚飯，試吓佢啲海鮮，我哋搭西鐵再轉輕鐵，落車之後行10分鐘左右就會到餐廳，位置同輕鐵站都近，所以都唔算難搵。我哋今晚叫咗八款菜：蒜香雞🍗呢一個蒜香雞香噴噴，雞肉外皮香脆肉質都幾嫩滑，加上有炸蒜嘅香味，真係好惹味。中式牛柳🐮、椒鹽鲜魷🦑都係基本野，黃金蝦🦐🍤，而黃金蝦除咗有啲鹹香之外，仲夾咗少少奶香味，我估係有加少少芝士落去一齊煮。蒜茸粉絲蒸蟶子🍲，蟶子都幾大隻，加上蔥蒜豉油💦嘅配搭，都幾唔錯，但係有部份嘅粉絲可能浸得唔夠耐，所以食落比較硬身。豉椒花甲加米粉底🥘，呢一個豉椒花甲米粉底，個米粉底係我第一次食，都幾特別喎，個米粉因為煎過，所以都香香脆脆，配埋豉椒花甲啲汁一齊食，👍🏻。辣酒煮花螺🐚🌶️呢一個辣酒煮花螺係我推介嘅一道菜，辣酒嘅酒香，食入口時仍有少少酒香，未揮發走晒🥃，加埋辣椒一齊煮呢一個花螺，真係好夾呀，花螺完全吸收晒醬汁嘅味道，🌶️🌶️食得辣嘅朋友，記得叫呢一個試吓啦。芝士開邊脆龍蝦🦞呢一個芝士開邊焗龍蝦，一上枱大家都話嘩一聲，因為件件龍蝦size都大，加埋芝士一齊焗🧀，都真係幾夾，龍蝦肉質都彈牙，唔錯唔錯。💁🏻‍♀️最後食大排檔風味，

朋友介紹，第一次南記！買海鮮加工..食物質素好一般，龍蝦刺身切到大一大件..芝士伊麵無芝士味，燒鵝都好麻麻都算..服務態度極惡劣！食飯期間，丫姐已系我地旁邊拖地。埋單態度都好唔耐煩，一半職員都好吾得。貼錢買難受，一定無下次。服務一星都比多

第一次到南記食海鮮，一食難忘。先講服務同環境，環境就真係麻麻，坐得迫，叫人要等好耐，而且無人換碟，有唔見order, 要催促兩三次。呢d 可能係冬菇亭文化。。。食物係自己買海鮮，所以品質同飯店無關，至於加工海鮮，咁就可以詳細講下，味道係好正，有粉絲元貝，脆皮焗龍蝦，鹽焗蟹，瀨尿蝦，海蝦，炒聖子。炒聖子加左米粉底，好惹味，不過偏咸海蝦。。。白灼，鮮甜，因為d 海鮮本身夠靚瀨尿蝦係椒鹽整，幾ok, 蝦肉好甜，不太咸，食到海鮮本身的鮮甜鹽焗蟹，第一次食，味道好正，介紹大家未試過一定要試，人生必食一次脆皮芝士焗龍蝦，個芝士皮做得好正，一定要試，個龍蝦肉反而麻麻無預期咁鮮甜，可能個脆皮芝士搶左鏡，不過真心覺得呢個做法值得一試

「南記」位於三聖村，大排檔風格嘅餐廳，呢度大部份食店嘅模式係食客先到海鮮街揀海鮮，再交由附近餐廳加工享用第一次到來是友人推薦這家店，晚上好旺場，比較嘈吵，不過走大排檔路線也沒有計較太多，那天第一次食馳名三聖的芝士脆焗龍蝦，一試難忘，燒鵝也不錯之後食過好幾次，店員的態度也不是很好直至最近，六點後又禁堂食，所以我們倆口子四點幾就來到吃晚餐，入座後我隨便攞起放在枱上的餐牌，那是一些炒粉麵套餐，四五十蚊就有交易，正想睇吓有冇啱食，但店員一手搶了，説現在的時間沒有這些套餐那我們沒理會就繼續點其他，等上菜期間也有些客人陸續入座，但有其他客人點粉麵套餐又點到，所以我真係黑人問號南記的食物做得不錯，小炒有風味，夠鑊氣，新鮮嘅海鮮來料加工即制，肯定唔會差不過服務質素真系小妹真係冇試過俾差評，因為都知道經營食店一d都唔容易，但今次真係不吐不快要知道三聖不是只有一家做來料加工的飯店，人均三四百起跳，又不是特別便宜，貼錢買難受，南記，不了

Christmas break and a eight of our friends decided we haven't seen each other in a group setting in two years!  And thus, we trekked out to Tuen Mun for seafood.There are many seafood reastaurants in this area of Tuen Mun but we chose 南記海鮮飯店 (English name: Nam Kee Restaurant) as a few of my friends who lived in this area have been there several times before. We picked our seafood from one of the many fresh seafood stands nearby and the restaurant cooked it for us in the way the seafood seller re

第一次寫食評，間餐廳真係好唔掂服務態度極惡劣，侍應講野冇禮貌，又會黑口黑面，趕客咁款環境狹窄，坐得唔舒服食物質素好普通其實一間餐廳對啲客咁西，啲野再好食都唔會有第二次，更何況啲野稱唔上好食😓🤢

三個老友諗住食羊, 點知星期一唔開, 轉呔三聖食海鮮。附近海鮮檔買咗兩隻龍蝦, 三隻賴尿蝦, 三隻聖子, 三隻貴妃蚌, 盛惠1300百幾! 攞去南記加工, 招牌芝士脆焗龍蝦👍🏻椒鹽賴尿蝦👌🏻豉椒炒蟶子👍🏻蒜蓉粉絲蒸貴妃蚌👌🏻再叫例牌燒鵝👍🏻苦瓜炒蛋👌🏻上湯浸白菜仔👌🏻！飽到嘔！大滿足！最後再打包兩份例牌燒鵝攞走。😁埋單又係1300百幾☑️

可以的話！1分都不會比！遠道而來幫襯！極之失望！不會再來！「啫啫雞煲」竟然得5小件雞，雞煲中有豬潤，豬潤竟比雞還要多！同店員理論，竟反駁說：我們一開始沒有點算有幾舊雞？又說不予置評有幾件雞！試問大家在食雞煲前會數算有幾件雞才開動食嗎？！最後成件事不了了之，個店員就龜縮在後面….幸好今日沒有買海鮮來加工！希望店舖能改善用料不足的問題及發生問題後，處於漠視及不理會的態度！另外，環境衛生有待改善，食了一個多鐘時間，烏蠅係咁飛。