南記海鮮飯店

營業中

休息中

屯門三聖出名食海鮮，朋友遠道而來就揀左間有風味的大排檔，我們首先去海鮮街買海鮮，樣樣都大隻好吸引。去到大排檔職員會幫我們寫菜， 以及點算海鮮，也會提議如何整法。我們點了「蒜蓉粉絲蒸蟶子」「上湯龍蝦伊面底」「鼓召炒蜆」「蒜蓉粉絲蒸扇貝」「薑蔥鮑魚煲」「椒鹽賴尿蝦」，每樣都煮得唔錯我們另叫了好出名的「燒鵝」例牌，嘩 堅好味，香口，肉質易入口。 再加了上湯豆苗，也十分好味。*溫馨提示：先提醒每食完一味菜才起另一碟，今次一次過上哂菜，絕對食唔切，又怕凍

燒鵝非常好味，這幾年都少吃到的味道。皮脆肥美，肉又夠厚身，食落成口油香，非常好味，難怪咁出名。其他菜都好味，不過不失，但份量就比想像中少，整體性價比一般，可能是旅遊區做旅客生意關係。

慶祝中秋佳節專程和家人來依到食海鮮，經理細心點算海鮮 我地買左勁多。餐廳有好多種烹煮方法比我地選擇。最好食係炒聖子，跟住係芝士焗龍蝦。睇得出稱傅好用心發揮食材鮮味

讚：燒鵝堅得，多年都保持水準，焗龍蝦既乾身版相當好味，肉爽口，芝士香，正，上菜非常有效率，十分鐘唔夠就上齊啲野食彈：服務都無變，咁多年黎都係西面，想換個位都好似拿佢命咁，扇貝蒸得過火左啲，有啲黏牙，同埋有樣野真係估唔到，冷氣太勁！冬菇亭咁勁冷氣真係意想不到後記：三聖條壩真心舒服😌

雖然我就真係有啲怕食海鮮嘅，但屋企人佢地真係好鍾意食，所以今次去三蟶邨，又食返一樣嘅嘢 - 鐵膽：蟹 / 蟶子 / 炆魚 / 蜆 / 魚湯。今次嚟呢間左啲特別，叫咗隻燒鵝，幾好食，啖咪肉，又整得幾好，不過有啲油膩。啲料喺啲海鮮檔到買完攞嚟餐廳加工嘅，今次有啲新意，唔食奄仔蟹，改做薑蔥炒，好食好多，啲肉鮮甜大舊唔在話下，個蔥都整得好入味。其他海鮮都加工得ok，絕對係色香味區全，除咗個炆魚兩味，大家都麻麻地食煎炸嗰味，蟶子有啲乾但還可以，蜆又無乜沙。仲有就係啲staff 好helpful, 頻頻嚟換碟加茶，幾好。

完全浪費海鮮，賴尿蝦唔夠味，蒸扇貝差唔多係乾身，粉絲無味又硬，而且唔熱，砵酒焗蠔只係煎蠔完全無汁無配料，炒蟶子超辣，炒出黎只係一堆肉，其他海鮮都係無味，完全無用心去煮。只有燒鵝可以，就算其他小菜炒飯都唔入流，生少骨過酸又鹹，通菜牛肉D牛肉唔新鮮，炒飯完全無味，整體所有野都唔夠熱，不值一試，唔明點解可以做到生意。食飯其間不斷清台收碟，砵酒焗蠔漏單，提左兩次先黎，已經超過一個鐘，黎到都唔想食，就算啤酒都唔夠凍。

貼錢買難受.D阿姐態度惡劣問極唔答.等極都冇野到.隔左廿分鐘先話呢樣無果樣無外來海鮮又未排到幫你煮.成半粒鐘得一碟涼瓜牛肉上個枱.仲要好油好咸之後D海鮮等左差唔多45分鐘先上已經唔想食

已經又有些年沒有寫食評了，是不是土地問題讓我們的社會充斥著些劣食？因為倉促，我很後悔沒有看之前的食評便因為此餐館在下午四時還營業便選定了在此用膳。海鮮是自己買的，烹調是餐館負責的，有圖有真相：吃海鮮的關鍵是蒸煮的熟度，當中以蒸魚最為重要，一條好的魚在餐館裡賣價過千，亦是海鮮餐館主要的收入來源。好吃的魚除了魚種外，能烹調出恰到的蒸煮熟度就是決定一家海鮮餐館好壞的先決條件。紅瓜子肉滑，乃一優良之魚種，斤多重的紅瓜子能蒸成像雞肉一樣的質感我是聞所未聞。此店屬下下等。象拔蚌沙囊未除，蒸煮過熟，粉絲未蒸發透。蝦的蝦線未除，底部的粉絲有同樣未熟透的情況。以上所述全是有圖見証，普遍問題在於「求其」，和廚師欠基本蒸煮能力，簡單如粉絲再泡發一會熱水也未能做到。承上食評所述，如果您希望浪費買來的好海鮮的話，不妨一試。

一行12人去南記，因未齊人，就叫碟炒飯比小朋友食先，點知大半個鐘至炒到出黎，燒鵝都要等半個鐘！燒鵝係好食嘅我地自己帶海鮮去加工，叫油泡象拔蚌、西芹炒貴妃蚌，點知兩碟一齊黎，兩碟都係西芹炒，只係象拔蚌加咗XO醬！🙄蒜蓉粉絲蒸扇貝，蒸到過晒籠，啲肉實到呢⋯⋯😪豉椒炒聖子、蒸魚，一般😶薑蔥焗鮑魚，黎到聞到一陣胡椒味，原來佢加咗黑胡椒粒（係粒，唔係粉！）去焗，蓋晒鮑魚嘅鮮味！😡鹽焗海螺，除咗鹽之外，仲加咗一大堆芫茜、黑胡椒粒（係！又係黑胡椒粒）、仲有孜然粉！孜然粉唔係人人接受到，可唔可以問下個客先呀？？😡😡唔會再幫襯！！！😡😡😡

想食海鮮慶祝生日，屯門三聖村的海鮮出名新鮮又唔貴， 我地就揀咗買海鮮去南記食飯。由於我地一早已訂枱, 所以當日我地去到唔使等位，我地預訂了半隻燒鵝， 一到步燒鵝即上碟，熱熱的燒鵝入口， 比起出面其他的店鋪真係好味, 但我覺得比起佢隔離的X記就差少少鵝的香味!   (食得太快, 忘記影相)我地六個人,  我地買咗琵琶蝦、大扇貝、奄仔蟹、花螺、瀨尿蝦、花竹蝦俾南記加工, 真係炒得好好味, 尤其係芝士焗琵琶蝦，一啲都唔溜，好入味! 推介! 

2月14情人節，我一早book 定呢間南記海鮮，因為食西餐又貴又多人，真係一啲都唔抵食。我就喜歡食中餐！我地7點去到，裡面已經坐滿客人，好彩有預約，真有些想像唔到，記住出去食飯記得要book 枱！先去附近海鮮檔買咗啲靚海鮮，包括有肉蟹、龍蝦、拉尿蝦……加多個南記嘅海鮮雜菜煲。哩嗰海鮮雜菜煲價錢同出邊差不多，但用嘅配料真係好新鮮嘅海鮮，超抵食！芝士焗龍蝦十分好食，芝士滲透入龍蝦肉！入味又剛剛好，唔會太熟但可保留海鮮嘅鮮味！鹽焗肉蟹有啲同鹽焗雞差不多，肉蟹嘅鮮味加上鹽焗嘅效果，清清地，好味！避風塘炒拉尿蝦真係好入味！哩度加工費用一啲都唔貴抵食！

從來都未去過三聖村食海鮮，朋友提議下，一行10人去左食，我地先係附近既海鮮市場揀左想食既海鮮，揀完就係呢間加工。我地揀左蟹🦀，龍蝦🦞，扇貝，蟶子王，象拔蚌，蝴蝶蚌，鮑魚同瀨尿蝦。薑蔥炒蟹🦀 8分。算多膏，入味芝士脆焗龍蝦🦞6分。一心想食芝士龍蝦伊麵，唔係我想食既煮法，有D失望，因為係朋友order 蒜蓉蒸扇貝 6分。扇貝殼好大，但肉細左D豉椒炒蟶子王配米粉底 7分。夠鑊氣，入味象拔蚌剌身 8分。夠鮮味，再切薄身小小更好👍🏻籠仔蒸蝴蝶蚌 7分。鮮甜，原汁原味。椒鹽瀨尿蝦 8分。肉厚，蒜香足 胡椒鮑魚 7分。味道濃郁，唔韌，惹味燒鵝 9分。熱辣辣好香皮好脆埋單每人$690 ，價錢唔算抵食

首先，你要黎呢間餐廳，你必須做到搭檯、多人、吵既準備！但係如果你只是要求一兩個人快快翠翠食餐便飯，有物廉價美的，這！絕對是你的不二之選👍！餐廳都開業很久了，位於屯門的三聖村，晚上自海鮮🦞前來加工也是個另外之選，哈哈😄👆星洲炒米會吃的人才會，因材而選擇適當的餐廳，一碗熱烘烘，重口味，需要鍋氣的炒米粉，你大多不可能🙅選擇到那種十分乾淨沒有油煙的地方，必須要來這種快炒的餐廳🍴，才能吃到最正宗的港式午餐，每一條米粉都沾上濃濃的咖哩醬，中間帶了一點點的辣味，無論顏色，口感，香味，都必須要這種餐廳才能吃的到的！餐廳裡面有大量不同的快炒、午餐選擇，什麼雪菜肉絲燜米、揚州炒飯、豆腐火腩飯、魚香茄子飯等等都挺多人吃的！

過年同親戚們黎左三聖村食海鮮因為好遠好多人 所以選擇左揸車入黎村口有停車場所以都好方便呢度出名食海鮮 無諗過燒鵝都好好食 肥瘦適中 個皮燒得夠脆夠香 肉亦都好滑 個人黎講覺得好食過深井多間有名的燒鵝 （深井好多間d 鵝的太肥 而且好油）海鮮方面 好新鮮 加工方面都好有水準 整體黎講味道好好 每一味海鮮都做得好出色 無幫每一道餸影相真可惜我地叫左 1.5 隻燒鵝 炒蟶子 炒蜆 蝦 瀨尿蝦 石斑魚 扇貝 海鮮炒飯 鹽焗蟹 炒菜每人大概$500 都算好抵食

叫左個楜椒鮑魚煲，芝士焗龍蝦，砵酒焗生豪，燒腩仔，福建炒。燒腩仔5分鐘上枱，徵熱，脆皮但太肥。福建炒飯10分鐘上枱，夠味，香口。龍蝦40分鍾上枱，芝士脆皮，味一流。生豪，鮑魚90分鍾上台，等得太耐，一肚氣。食唔出味！