南記粉麵 (淘大商場1期)

營業中

休息中

冬天又到，又係打邊邊嘅季節，如果以一人火鍋嚟講其實都有好多選擇，例如：各大快餐店，但係你估唔到香港仔南記粉麵都有一人火鍋啦～三種湯底、三種粉麵、三種主食（牛、雞、魚），我就叫咗牛乳湯、蕃茄湯、魚、雞。湯底有芝士蟹柳、春卷、粟米、魚腐、魚蛋、腐皮、蘿蔔、南瓜、金菇、娃娃菜。一人火鍋其實來來去去都係嗰啲嘢，但係南記今次整咗牛乳湯底，香得來又唔會酥，仲有去過魚片，烚落唔會散，無骨唔會韌，係類似酸菜魚嗰隻魚肉～魚肉牛肉都係$78 ，雞肉就$72，另外佢仲有其他火鍋配料多數都係$9一份，佢係跟豆漿或者汽水。

好開心九龍灣有一間南記，之前要去到灣仔返工嘅時候先有得食，而家屋企樓下有一間非常之幸福，最鍾意食佢嘅招牌河，佢嘅河粉又好食，唔係夾唔起嘅河粉，辣醬油好食，加少少落個湯度已經好有風味，招牌春卷又好好食，唔知點解食黎食去都唔會厭，另外佢嘅牛丸都出色，好彈牙，同埋最近佢話魚蛋缺貨，變咗魚片，魚片my favourite 😂😂加埋杯凍檸茶不得了：） 另外都有試過佢嘅辣豬肉，我個試咗一次但係好食，食到有啲急凍味，解凍得唔好嘅臭豬味，之後就冇再食過啦

每次叫外賣都想食米線🍜😂，但成日食都有啲誇張同會悶，唯有輪住食，今次終於輪返食米線啦🤣，仲要係食好好味嘅春卷😋😋。🫧雙拼小窩米線 (貢丸、春卷，酸少辣)試了貢丸，肉質好實淨，夠彈牙，好味好有口感。🫧雙拼小窩米線 (冬菇、春卷，酸少辣)+牛筋冬菇入味，唔韌，腍有咬口，牛筋份量都多。🫧雙拼小窩米線 (魚片、春卷，蕃茄湯底)魚片較韌，已經薄切，蕃茄湯味濃。🗯️🗯️🗯️招牌春卷依然有口感同好味道😇，保持水準。

中午時間，同細佬在淘大商場買嘢，行咗一陣，覺肚餓，經過見到呢間食店，便入咗去食。係自助形式，出去點餐，冇人serve你，就連要杯水都要自己到櫃面沖。超麻煩。冇計。我事前有問過收銀員，果個“牛魔王”酸辣湯米線會唔會好辣，佢答我唔會，我就order咗呢個餐。包杯餐飲，我點咗熱奶茶。細佬就叫咗個自選米線，兩樣餸“墨魚丸，魚皮餃”，蕃茄湯底。呢個餐冇餐飲，佢oder咗杯涷奶茶，要額外加多成十幾蚊。當時店舖內都唔係好多客人，但呢兩碗米線要煮咗差唔多十分鐘先俾到我哋。事前我有叫店員果碗“牛魔王”米線走牙菜，蔥等。但結果俾我時係冇走到牙菜，蔥。算喇，我之後又趕時間，有其他嘢做，唔知又等幾耐先同我再換過。我唯有章就吓食呢碗米線，望落一大碗牙菜已經唔開心，仲要多過d米線，唔係太想食。先飲啖湯，咁辣嘅。收銀員又話個酸辣湯底唔會好辣嘅？牛丸，肥牛，“鞋”。好鞋食🤮。牛腩好硬，咬唔開，又係難食🥵。之後都冇再食落去，淨飲杯奶茶算，奶茶味道正常，唔太好飲。細佬就話佢碗蕃茄米線個湯好酸，都係食咗幾啖冇再食。🤢係呢到都冇咩點食個嘢，唔飽。之後我哋出去搵其他嘢食填肚。差唔多成六十幾蚊個餐，超貴。米線分量又少，湯底又差。

今日番工LUNCH TIME悶悶地想食車仔麵就同同事叫外賣「南記」南記車仔麵一向湯底做得好出息雙拼車仔麵今次叫左麻酸辣牛筋係my favourite 勁淋，勁入味因為我叫左佢分湯所以麵底係同牛筋一齊擺另外一個餸係魚皮餃魚皮唔會過厚.唔會覺得過粉總體非常好食.湯底微微酸.又唔會話太辣

好耐無食南記超掛住小窩米線酸辣湯底的味道假日原來不下午茶不過都照食招牌河粉2條春卷、2粒牛丸、2粒魚蛋春卷酸辣小窩米線完全係我最愛的系列一碗4條春卷米線都幾大碗

本來係譚仔三哥派既我，一直對南記一直無乜興趣，但係今日同事話想試，咁就一直黎試下啦點知神奇既事就發生左啦，原來南記既辣豬肉酸辣沙米線係咁好食架，我仲加左多炸春卷做餸首先辣豬肉非常之入味，而酸辣湯底真係好夾，唔會太鹹，而且我見廚房既師傅係逐碗再煮一下，雖然咁樣出餐既時間會耐D，但相對地湯底就會入味好多另外春卷係呢度既人氣配料,好好味至餘，口味都好扎實雖然南記依家已經開多左分店，但希望再開多D開埋去北區啦，附近都有得食就好

叫左碗酸辣湯底 春卷+辣豬肉今次湯底明顯淡左好多 冇辣味 連辣豬肉都冇辣味 碗湯得少少酸味 覺得失望豬肉肉質有點鞋口 唔入味 不過個春卷依然好食 果然係招牌 依家南記有得自助水吧加水 唔洗加錢叫野飲

今次真係食好茜香港仔南記粉麵而加推出以芫荽為主題▶️芫茜蓉湯底米線套餐🍀🍀除了有濃郁的芫荽蓉湯底米線外，清湯入面加入了大量芫荽打碎熬製，咬落啖啖芫茜粒，口裡就只有芫荽味，成碗野感覺似飲緊芫荽皮蛋湯好米線💚正😚😚另炸豬扒同豆卜都係即叫即炸，夠脆口仲有足料芫荽豬肉丸一試難忘😽😽更配合全港首創的「芫茜可口可樂」💚💚💚，估5到出奇地夾有陣陣青草味好fresh 😆😆成個餐草綠色芫荽味一個字正

今日外賣咗個清湯春卷河粉加韭菜咁韭菜放湯內,春卷河粉另一個碗日到家韭菜黃哂,不過外賣預咗但個湯咸到死,食完條脷乸住兼喉嚨乾涸堅咸重味精,河粉少又稔呢間分店出品堅唔掂

今日工作關係所以晏咗食lunch,咁啱又見到有張coupon喺度,所以又係去咗食南記今次食過招牌可加春捲兩條再送生菜加埋,加埋佢哋嘅特製動豆漿,真係幫打工仔慳唔少嘅錢！

食南記 我係會揀 酸辣湯底招牌辣豬肉春卷米線每次食 個酸辣湯都會比我K.O.但因為有coupon 酸辣湯係$49為咗平$5 我揀咗麻酸辣😆都係新嘗試 湯底不俗wor 佢辣嘅程度比酸辣 辣一點所以我無K.O.個湯眼見三塊腩肉 心底裡小咗出聲原來唔係 遮住咗啫 都有成5-6塊😆春卷我嫌佢硬身咗少少可以再煮耐d米線一夾起 㓜身就知道啱我何車<硬身>唔係發漲 冧身個款個底原來好多酸菜好夠酸 搞到好開胃P.S. 張coupon只能用到31/10

最近知道南記粉麵出左新嘅味道麻酸辣味，所以特登搵一日黎試食。因為係九龍灣附近工作，所以收工嘅時侯就去左附近淘大花園嘅南記米線，一入到去既時侯已經過左5點半，所以已經無下午茶食。不過唔緊要仲有套餐既牛魔王米線set亦都好好味，再加配一杯豆漿。而牛魔王套餐米線有牛腩、肥牛、牛丸，仲有凍飲贈送，可以選豆漿或其他飲品，而今次南記米線主角當然就係新作品，麻酸辣湯底，簡直就係麻辣同酸辣既合體，非常有層次感，食完番尋味，可以成為以後南記食米線嘅必叫之選。

平時冇咁早起身，所以好少食到早餐😂。今日見到 #南記粉麵 過咗11點仲有早餐食，咁就要試下啦。新早餐系列 #太陽湯麵 ，每碗麵都有一隻 #太陽蛋 🍳，可以選配炸豬扒﹑五香肉丁﹑午餐肉﹑火腿和仿鮑片等，真係好豐富。我揀咗 #五香肉丁太陽麵 🍜，有五香肉丁﹑厚切餐肉﹑春卷﹑太陽蛋及飲品，呢個組合都幾合襯。有2塊唔會太鹹嘅午餐肉，仲有流心太陽蛋，春卷彈牙，個麵軟硬適中，配埋惹味五香肉丁，整體味道唔錯，份量足夠我當埋午餐添😆。最後飲返杯香滑熱奶茶，咁就醒神晒！

同朋友行街經過，佢話聽聞南記都ok就諗住去試下。起初見到門口有自助點餐機，都覺得好方便，我們就排隊點完餐入去，點知入去先發現裏面勁多人但冇位，以為自己去做food court。佢冇人帶位，冇派飛，又冇安排人排隊，完全係入去要企喺人地張檯隔離等位。心諗，你間野咁細玩food court mode，叫人自己搶位？我哋等咗十分鐘唔對路，完全冇人走，諗住問下可唔可以退飛，佢就話係我哋自己冇睇清楚就落單，冇得退。我哋話，你哋爆咗又唔同啲客人講，等啲客人喺外面落咗單先入黎搶位，好唔負責任，又唔安排人排隊。佢當然死都唔退，我哋唯有死等詳情見照片，勁多人唔知冇位落咗單先入去等位，裡面就好逼啦，仲有服務員話佢哋擋路……而且期間我哋未又位，但佢又上咗餐，唔通要我哋企喺度食？？？最後食嗰個咩牛魔王套餐，麻辣湯底完全唔麻唔辣得個鹹字，仲有種食緊五香肉丁嘅feel從服務態度到嘢食都唔得，我不如去真food court，有更多選擇同空間，入餐廳就係唔想畀人睇住食，結果我哋食嗰陣隔離都一直有人等位……